യുദ്ധം അമേരിക്കയ്ക്ക് തിരിച്ചടിയാകും | Surgical Strike … — Transcript

നമസ്കാരം സർജിക്കൽ സ്ട്രൈക്കിലേക്ക് എല്ലാ പ്രേക്ഷകർക്കും സ്വാഗതം.

പ്രിയപ്പെട്ട പ്രേക്ഷകരെ ഇറാനും ഇസ്രായേലും തമ്മിലുള്ള യുദ്ധം ഇന്നിപ്പോൾ അഞ്ചു ദിവസം പിന്നിട്ടിരിക്കുകയാണ്.

ഒരു യുദ്ധം ആരംഭിച്ചു കഴിഞ്ഞാൽ രണ്ടു പ്രധാന ചോദ്യങ്ങളാണ് ഉയർന്നു വരിക. ഒന്നാമത്തെ ചോദ്യം എന്ന് പറയുന്നത് ഈ യുദ്ധം എത്രനാൾ നീണ്ടുനിൽക്കും എന്നുള്ളതാണ്.

രണ്ടാമത്തെ ചോദ്യം എന്ന് പറയുന്നത് ഈ യുദ്ധത്തിൽ ആര് വിജയിച്ചു വരും എന്നുള്ളതാണ്. ഒരു യുദ്ധം ആരംഭിക്കാൻ എളുപ്പമാണ്, പക്ഷേ അത് അവസാനിപ്പിക്കാൻ അത്ര എളുപ്പമല്ല എന്ന് പറഞ്ഞത് ഇന്ത്യയുടെ മുൻ പ്രധാനമന്ത്രിയായിട്ടുള്ള അടൽ ബിഹാരി വാജ്പേയ് ആയിരുന്നു.

1999-ൽ കാർഗിൽ യുദ്ധം നടക്കുന്ന സമയത്ത് അദ്ദേഹം പറഞ്ഞ ഒരു കാര്യമുണ്ട്, ഒരു യുദ്ധം ആരംഭിക്കാൻ ഏത് രാഷ്ട്രത്തിനും കഴിയും.

പക്ഷേ ആ യുദ്ധം എവിടെ അവസാനിപ്പിക്കണം, എങ്ങനെ അവസാനിപ്പിക്കണം, എപ്പോൾ അവസാനിപ്പിക്കണം എന്ന് പറയുന്നത് ഒരു വലിയ ആശങ്കയാണ്, വലിയ ആശയക്കുഴപ്പമാണ് എന്നാണ് അന്ന് വാജ്പേയ് പറഞ്ഞത്.

ഇന്നിപ്പോൾ ലോകത്ത് മറ്റൊരു യുദ്ധം കൂടി നടന്നുകൊണ്ടിരിക്കുന്നുണ്ടല്ലോ, നാല് വർഷം പഴക്കമുണ്ടായ യുദ്ധത്തിന് ആ യുദ്ധം നടക്കുന്നത് റഷ്യയും യുക്രൈനും തമ്മിലാണ് കേട്ടോ.

ഇപ്പോൾ അത് സംബന്ധിച്ച വാർത്തയൊന്നും ആരും ശ്രദ്ധിക്കാറു തന്നെയല്ല. കഴിഞ്ഞ ദിവസം അമേരിക്കൻ പ്രസിഡന്റ് ആയിട്ടുള്ള ഡൊണാൾഡ് ട്രംപ് പറഞ്ഞത് ഇപ്പോൾ നടക്കുന്ന ഈ ഇസ്രായേൽ ഇറാൻ യുദ്ധം ഉണ്ടല്ലോ, അത് നാലാഴ്ച കൊണ്ട് സമാപിക്കും എന്നാണ്.

എന്ത് അടിസ്ഥാനത്തിലാണ് ട്രംപ് ആ കണക്ക് പറഞ്ഞത് എന്ന് നമുക്കറിയില്ല.

പക്ഷേ ഈ യുദ്ധം എത്രനാൾ നീണ്ടുനിൽക്കും എന്നുള്ളത് ലോകത്തിന്റെ വലിയ ആശങ്കയായി മാറിയിട്ടുണ്ട്.

അതിന്റെ കാര്യം എന്ന് പറയുന്നത് ഇപ്പോൾ നടക്കുന്ന യുദ്ധം എന്ന് പറയുന്നത് ഇറാനും ഇസ്രായേലും തമ്മിലുള്ള രണ്ട് രാഷ്ട്രങ്ങൾക്കിടയിലുള്ള യുദ്ധം മാത്രമല്ല, അതൊരു പ്രാദേശിക യുദ്ധമായി മാറിക്കഴിഞ്ഞിരിക്കുന്നു എന്നുള്ളതാണ്.

അതുകൊണ്ട് തന്നെയാണ് ലോകം അതൊരു വലിയ ആശങ്കയായി കാണുന്നത്.

പ്രിയപ്പെട്ട പ്രേക്ഷകർക്ക് അറിയുന്നതുപോലെ ഇസ്രായേലാണ് ഇറാനെ ആദ്യമായി ആക്രമിക്കുന്നത്.

ഇറാൻ ഇസ്രായേലിനെ തിരിച്ചടിക്കുക മാത്രമല്ല ചെയ്തത്, മറിച്ച് ഗൾഫ് രാജ്യങ്ങളെ കൂടി ഇറാൻ ലക്ഷ്യം വെച്ചു എന്നുള്ളതാണ്.

ഗൾഫ് രാജ്യങ്ങളെ ആക്രമിക്കുക എന്നുള്ളതായിരുന്നില്ല ഇറാന്റെ ലക്ഷ്യം.

മറിച്ച് ആ രാജ്യങ്ങളിലെ അമേരിക്കയുടെ സൈനിക താവളങ്ങളെ അറ്റാക്ക് ചെയ്യുക എന്നുള്ളതായിരുന്നു ഇറാന്റെ ലക്ഷ്യം.

നമുക്കറിയാമല്ലോ ബഹ്റൈനിൽ അതുപോലെതന്നെ ഒമാനിൽ, ഖത്തറിൽ, സൗദി അറേബ്യയിൽ, കുവൈറ്റിലൊക്കെ അമേരിക്കയുടെ സൈനിക താവളങ്ങൾ ആക്രമിക്കപ്പെട്ടു.

ഇറാന്റെ വിദേശകാര്യമന്ത്രി ഈ ഗൾഫ് രാജ്യങ്ങളിലെ ഓരോ വിദേശകാര്യമന്ത്രിമാരെയും ടെലിഫോണിൽ വിളിച്ചു, എന്നിട്ട് പറഞ്ഞു ഞങ്ങൾ ആക്രമിക്കുന്നത് നിങ്ങളെ അല്ല, മറിച്ച് നിങ്ങളുടെ രാജ്യത്ത് നിലകൊള്ളുന്ന അമേരിക്കയുടെ സൈനിക താവളങ്ങളെയാണ് എന്ന്.

പക്ഷേ ഗൾഫ് രാജ്യങ്ങളിൽ ഇതൊരു വലിയ ആശങ്കയായി മാറിയിരിക്കുകയാണ്. അവിടെ വിമാനത്താവളങ്ങളെല്ലാം അടച്ചിട്ടിരിക്കുകയാണ്.

അവിടെ വ്യോമഗതാഗതം എല്ലാം നിലച്ചിരിക്കുകയാണ്.

മാത്രമല്ല ജനജീവിതം സ്തംഭിച്ചിരിക്കുകയാണ്. ഈ കാര്യത്തിൽ അമേരിക്കക്ക് വലിയ വീഴ്ച വന്നിട്ടുണ്ട് എന്നാണ് ഗൾഫ് രാജ്യങ്ങളുടെ അഭിപ്രായം എന്ന് പറയുന്നത്.

സ്വന്തം സൈനിക താവളങ്ങളെ സംരക്ഷിക്കാനുള്ള ഒരു മുൻകരുതലും അമേരിക്ക എടുത്തിരുന്നില്ല.

അതുകൊണ്ടാണ് ഇറാനെ കൃത്യമായി അവിടേക്ക് അറ്റാക്ക് ചെയ്യാൻ കഴിഞ്ഞിട്ടുള്ളത്. ആ മിസൈലുകളെ ഇന്റർസെപ്റ്റ് ചെയ്യാനുള്ള ടെക്നോളജിയൊക്കെ ഇസ്രായേലിന് ട്രാൻസ്ഫർ ചെയ്തിരിക്കുകയാണ് അമേരിക്ക.

ആ അർത്ഥത്തിൽ അമേരിക്ക കാണിക്കേണ്ട മുൻകരുതൽ കാണിച്ചിട്ടില്ല എന്നൊരു അഭിപ്രായം വളരെ ശക്തമാണ് ഗൾഫ് രാജ്യങ്ങൾക്കിടയിൽ.

എന്ന് മാത്രവുമല്ല ഗൾഫിനെ സംബന്ധിച്ച് ഒരു വലിയ പ്രശ്നം എന്ന് പറയുന്നത്.

അവർ അമേരിക്കയോട് വലിയ ആശ്രയത്വം സ്ഥാപിച്ചിട്ടുള്ള രാജ്യങ്ങളാണ്. നോക്കൂ അവരുടെ സാമ്പത്തിക പിൻബലം എന്ന് പറയുന്നത് അമേരിക്കയാണ്.

അതുകൊണ്ടാണ് സ്വന്തം ടെറിട്ടറി ഈ പറയുന്ന അമേരിക്കയുടെ സൈനിക താവളങ്ങൾ ഒക്കെ നിർമ്മിക്കാൻ വേണ്ടി അവർ അനുവദിച്ചു നൽകിയത്.

പക്ഷേ ഇപ്പോൾ അത് അവർക്കൊരു വലിയ തലവേദനയായിരിക്കുകയാണ്.

അവർക്കൊരു വലിയ തിരിച്ചടിയായിരിക്കുകയാണ്.

അതുകൊണ്ട് ഗൾഫ് രാജ്യങ്ങൾ വലിയ സമ്മർദ്ദമാണ് അമേരിക്കക്ക് മുകളിൽ ചെലുത്തിക്കൊണ്ടിരിക്കുന്നത്. ഇന്നിപ്പോൾ വന്നുകൊണ്ടിരിക്കുന്ന വാർത്ത എന്താണ്?

നോക്കൂ അമേരിക്കൻ എംബസികൾ ഓരോന്നോരോന്നായി പൂട്ടി കൊണ്ടിരിക്കുകയാണ്.

അപ്പോൾ ഈ പറയുന്ന ഗൾഫ് രാജ്യങ്ങളിൽ നിന്നുള്ള സമ്മർദ്ദം ശക്തമാകുമ്പോൾ.

എത്രനാൾ അമേരിക്കക്ക് ഇത്തരത്തിലുള്ള ഒരു യുദ്ധവുമായി മുന്നോട്ടു പോകാൻ കഴിയുമെന്നൊരു ചോദ്യമുണ്ട്.

ഇത് ലോകത്തിന്റെ തന്നെ വലിയ ആശങ്കയാണ്.

ആ അർത്ഥത്തിൽ അമേരിക്ക കടുത്ത സമ്മർദ്ദത്തിൽ ആയിരിക്കുകയാണ്.

അതുകൊണ്ടുതന്നെ ഈ യുദ്ധത്തിന് അധികം അധികനാൾ നീണ്ടുപോകാൻ കഴിയില്ല എന്നാണ്.

യുദ്ധം നിരീക്ഷിച്ചു കൊണ്ടിരിക്കുന്ന എല്ലാ വിദഗ്ധരും വിലയിരുത്തിക്കൊണ്ടിരിക്കുന്നത്.

അങ്ങനെയാണെങ്കിൽ അടുത്ത ചോദ്യത്തിലേക്കാണ് നമ്മൾ പ്രവേശിക്കുന്നത്.

ഈ യുദ്ധത്തിൽ ആരാണ് വിജയിച്ചു വരാൻ പോകുന്നത്?

നോക്കൂ ഇറാനെ അറ്റാക്ക് ചെയ്യുമ്പോൾ ഇസ്രായേലും അമേരിക്കയും പറഞ്ഞത് ഇതൊരു പ്രീ എംപ്റ്റഡ് വാർ ആണ് എന്നാണ്.

അതായത് ഒരു മുൻകൂർ പ്രതിരോധം തീർക്കുകയാണ് ഞങ്ങൾ ചെയ്യുന്നത് എന്നാണ്.

അതായത് ഇറാൻ ഇസ്രായേലിനെ ആക്രമിക്കാനായിട്ട് ഒരു പദ്ധതി ഇട്ടിരിക്കുന്നു.

ആ പദ്ധതി മനസ്സിലാക്കുന്ന ഇസ്രായേൽ മുൻകൂട്ടി ഇറാനെ ആക്രമിക്കുന്നു.

ഇതൊരു മിലിറ്ററി തന്ത്രമാണ് കേട്ടോ.

ഒഫൻസ് ഈസ് ദി ബെസ്റ്റ് ഡിഫൻസ് എന്നാണ് പറയുക.

നമ്മളെ ആക്രമിക്കാൻ ഒരു ശത്രു തയ്യാറായി നിന്നു കഴിഞ്ഞാൽ എത്രയും പെട്ടെന്ന് ആ ശത്രുവിനെ അങ്ങോട്ട് ആക്രമിക്കുക.

അതൊരു മിലിറ്ററി തന്ത്രമാണ്. അതാണ് ഞങ്ങൾ നടപ്പാക്കിയിരിക്കുന്നത് എന്നാണ് പറഞ്ഞത്.

അങ്ങനെ ആദ്യത്തെ 12 മണിക്കൂറിനുള്ളിൽ ഇറാനിൽ 900 എയർ സ്ട്രൈക്കുകളാണ് വ്യോമാക്രമണങ്ങളാണ് അമേരിക്ക നടത്തിയത് കേട്ടോ.

ആദ്യത്തെ മണിക്കൂറിൽ തന്നെ ഇറാനു കനത്ത നഷ്ടമാണ് ഉണ്ടായത്.

ആ രാജ്യത്തിന്റെ പരമോന്നത നേതാവിനെയാണ് ആ രാഷ്ട്രത്തിന് നഷ്ടപ്പെട്ടത്.

ഖമനേയി കൊല്ലപ്പെട്ടു.

ഖമനേയി മാത്രമല്ല അദ്ദേഹത്തിന്റെ ഭാര്യ കൊല്ലപ്പെട്ടു, അദ്ദേഹത്തിന്റെ മകനും മരുമകളും കൊച്ചുമകളും കൊല്ലപ്പെട്ടു.

ആ കുടുംബം തന്നെ വൈപ്പ് ഔട്ട് ആയി.

പക്ഷേ ഒരു പ്രശ്നമുണ്ട് കേട്ടോ.

അതായിരുന്നു ഈ യുദ്ധത്തിൽ അമേരിക്കക്ക് പറ്റിയ ഏറ്റവും വലിയ പാളിച്ച.

അതുപോലെതന്നെ ഇസ്രായേലിന് പറ്റിയ ഏറ്റവും വലിയ പാളിച്ച എന്ന് പറയുന്നത് ആരാണ് ഈ ഖമനേയി എന്ന് പറയുന്നയാൾ?

അദ്ദേഹം ഷിയാ വിഭാഗത്തിന്റെ ആത്മീയ നേതാവാണ്.

പോപ്പ് എങ്ങനെയാണോ ക്രിസ്തീയ സമുദായത്തിന് ഏറ്റവും പ്രധാനപ്പെട്ട നേതാവായിരിക്കുന്നത് അതുപോലെതന്നെ മുസ്ലിങ്ങളുടെ ആത്മീയ നേതാവാണ് ഖമനേയി.

ഈ പറയുന്ന ഇറാനിൽ ശരിക്കും പറഞ്ഞാൽ ഷിയയും സുന്നി വിഭാഗങ്ങളും തമ്മിൽ അങ്ങോട്ടുമിങ്ങോട്ടും ഏറ്റുമുട്ടിക്കൊണ്ടിരിക്കുകയാണ്.

ആ ഏറ്റുമുട്ടലാണ് ഇറാനിലെ ആഭ്യന്തര സംഘർഷത്തിന്റെ ഏറ്റവും പ്രധാനപ്പെട്ട കാരണം എന്ന് പറയുന്നത്.

പക്ഷേ ഖമനേയി കൊല്ലപ്പെട്ടപ്പോൾ നമ്മൾ കണ്ടത് ഇറാൻ ഒറ്റക്കെട്ടാകുന്നതാണ്.

എല്ലാ ആഭ്യന്തര വിയോജിപ്പുകളും അവർ മറന്നു കൂട്ടായിട്ടാണ് ആളുകൾ തെരുവിലേക്ക് വന്നു പൊട്ടിക്കരഞ്ഞത്.

അങ്ങനെ ഒരു ദേശീയ വികാരമാണ് ഖമനേയിയുടെ കൊലപാതകത്തോടുകൂടി ഉണ്ടായിരിക്കുന്നത്.

ഇപ്പോൾ സംഭവിച്ചിരിക്കുന്നത് ഇറാന്റെ പതാകക്ക് താഴെ അവിടുത്തെ എല്ലാ ജനങ്ങളും ഒറ്റക്കെട്ടായി നിന്നിരിക്കുന്നു എന്ന് മാത്രവുമല്ല.

ഇറാൻ ഈ യുദ്ധത്തിൽ വെച്ചിരിക്കുന്ന ലക്ഷ്യം തന്നെ മാറിയിരിക്കുകയാണ്.

എന്താണ് ഇപ്പോൾ ഇറാന്റെ ലക്ഷ്യം എന്ന് പറയുന്നത്?

അതിജീവനം മാത്രമല്ല കേട്ടോ ഇറാന്റെ ലക്ഷ്യം എന്ന് പറയുന്നത്.

മധ്യേഷ്യയിൽ നിന്ന് തന്നെ അമേരിക്കയെ വൈപ്പ് ഔട്ട് ചെയ്യുക എന്നുള്ളതാണ് ഇറാന്റെ ലക്ഷ്യം.

ആ ലക്ഷ്യത്തിന്റെ അടിസ്ഥാനത്തിലാണ് ഗൾഫ് രാജ്യങ്ങളിലെ ഈ അമേരിക്കയുടെ സൈനിക താവളങ്ങളെ ഇറാൻ ആക്രമിച്ചത്.

മറ്റൊരു ഗുരുതരമായ നീക്കം കൂടി ഇറാൻ നടത്തിയിട്ടുണ്ട്.

എന്തായിരുന്നു അത്?

ഹോർമൂസ് കടലെടുക്ക് അടച്ചിരിക്കുകയാണ് ഇറാൻ.

ഈ ഹോർമൂസ് കടലെടുക്ക് എന്ന് പറയുന്നത് പേർഷ്യൻ ഉൾക്കടലിലെ ഒരു കപ്പൽ പാതയാണ്, ഒരു കപ്പൽ ചാലാണ്.

അവിടെ ആധിപത്യം എന്ന് പറയുന്നത് ഇറാനാണ്.

ലോകത്തിലെ ഏറ്റവും പ്രധാനപ്പെട്ട എണ്ണക്കപ്പലുകൾ സഞ്ചരിക്കുന്നത് ഈ കപ്പൽ ചാലിലൂടെയാണ്.

അവിടെ ഇറാന്റെ യുദ്ധക്കപ്പലുകൾ ഇപ്പോൾ നങ്കൂരമിട്ടിരിക്കുകയാണ്.

അവർ മാത്രമല്ല കേട്ടോ ഹിസ്ബുള്ളയുടെ ഭീകരവാദികളും അവിടെത്തന്നെയാണ് നങ്കൂരമിട്ടിരിക്കുന്നത്.

ഈ ഹിസ്ബുള്ളയെ ചെറുതായി കാണണ്ട.

അവർ അവകാശപ്പെടുന്നു ഏതാണ്ട് 30000-ത്തോളം ബാലിസ്റ്റിക് മിസൈലുകൾ അവരുടെ കയ്യിലുണ്ട് എന്നാണ്.

അപ്പോൾ ഇറാനും അതുപോലെതന്നെ ഹിസ്ബുള്ള തീവ്രവാദികളും ചേർന്നുകൊണ്ട് ഈ പറയുന്ന ഹോർമൂസ് കടലെടുക്ക് പിടിച്ചെടുത്തിരിക്കുകയാണ്.

അതിലൂടെ ഇപ്പോൾ എണ്ണക്കപ്പലുകൾ യാത്ര ചെയ്യുന്നില്ല.

ആരെങ്കിലും ആ ചാലിലൂടെ യാത്ര ചെയ്താൽ അവരെ ഇല്ലാതാക്കും എന്നാണ് ഇറാൻ പറഞ്ഞിരിക്കുന്നത്.

എന്താണ് സംഭവിച്ചിരിക്കുന്നത്?

ലോകത്ത് ഇതാ ഒരു ഇന്ധന പ്രതിസന്ധി രൂക്ഷമാകാൻ പോവുകയാണ്.

ഈ യുദ്ധം തുടങ്ങുന്നതിനു മുമ്പ് എണ്ണയുടെ വില ബാരലിന് 74 ഡോളർ ആയിരുന്നുവെങ്കിൽ ഇപ്പോൾ അത് 84 ഡോളറാണ്.

കഴിഞ്ഞ രണ്ടുമൂന്നു ദിവസം കൊണ്ട് 8% വിലവർദ്ധനയാണ് എണ്ണക്ക് അന്താരാഷ്ട്ര കമ്പോളത്തിൽ ഉണ്ടായിരിക്കുന്നത്.

അതായത് 10 ഡോളറിന്റെ വ്യത്യാസം വരുന്നു എന്ന് പറഞ്ഞാൽ ഇന്ത്യൻ മണിയിലേക്ക് ട്രാൻസ്ലേറ്റ് ചെയ്താൽ 800 രൂപയുടെ വ്യത്യാസമാണ് വന്നിരിക്കുന്നത്.

അതൊരു ചെറിയ വിലപ്രതിസന്ധി അല്ല, ഒരു ചെറിയ വിലക്കയറ്റമല്ല.

നോക്കൂ പല ആഗോള രാജ്യങ്ങളിലും ഇന്ധന പ്രതിസന്ധി ഉണ്ടാക്കാൻ പോവുകയാണ് ഈ യുദ്ധം എന്ന് പറയുന്നത്.

ഇന്ത്യയെ സംബന്ധിച്ചിടത്തോളം 40-45 ദിവസത്തെ ഇന്ധനം മാത്രമാണ് നമ്മുടെ കയ്യിൽ ബാക്കിയുള്ളത്.

ഈ യുദ്ധം നീളുകയാണെങ്കിൽ ഓരോ രാജ്യവും പ്രതിസന്ധിയിലാകും.

അതുകൊണ്ട് ലോകരാഷ്ട്രങ്ങൾ തന്നെ ഈ യുദ്ധത്തിനെതിരായിരിക്കുകയാണ്.

ആ അർത്ഥത്തിൽ അമേരിക്ക ഇപ്പോൾ കടുത്ത സമ്മർദ്ദത്തിലാണ്.

ആ കടുത്ത സമ്മർദ്ദമാണ് അനുഭവിച്ചുകൊണ്ടിരിക്കുന്നത്.

ഒരു ചർച്ചക്കും ഇനി ഞങ്ങൾ തയ്യാറല്ല എന്നാണ് ഇറാൻ പ്രഖ്യാപിച്ചിരിക്കുന്നത്.

ആ അർത്ഥത്തിൽ ഇറാൻ ഇപ്പോഴത്തെ യുദ്ധത്തെ ഒരു വലിയ റീജിയണൽ വാറായി മാറ്റിയിരിക്കുന്നു.

എന്ന് മാത്രവുമല്ല എല്ലാ ലോകരാജ്യങ്ങളെയും സമ്മർദ്ദത്തിലാക്കിയിരിക്കുന്നു.

ആ അർത്ഥത്തിൽ കടുത്ത സമ്മർദ്ദത്തിൽ പെട്ടിരിക്കുന്നത് ഇപ്പോൾ ഇസ്രായേൽ അല്ല, മറിച്ച് അമേരിക്കയാണ്.

അതുകൊണ്ട് ഈ യുദ്ധത്തിൽ അമേരിക്ക അടിപതറുമോ എന്നുള്ളതാണ് അടുത്ത ചോദ്യം എന്ന് പറയുന്നത്.

പ്രിയപ്പെട്ട പ്രേക്ഷകരെ നോക്കൂ ഇറാനോടൊപ്പം നിശബ്ദ പങ്കാളിയായ ഒരു രാഷ്ട്രം കൂടി നിലയെടുത്തിട്ടുണ്ട്.

ആ പങ്കാളി രാഷ്ട്രത്തിന്റെ പേര് ചൈന എന്നാണ്.

ചൈന വളരെ സൂക്ഷ്മമായിട്ടാണ് കാര്യങ്ങൾ നിരീക്ഷിച്ചു കൊണ്ടിരിക്കുന്നത്.

ഇറാന്റെ പരമാധികാരത്തെ സംരക്ഷിക്കാൻ എന്തും ചെയ്യും എന്ന് ചൈന പ്രഖ്യാപിച്ചിട്ടുണ്ട്.

എങ്കിൽ കൂടിയും നമുക്കറിയുന്നതുപോലെ ഇന്ത്യയും പാകിസ്ഥാനുമായുള്ള യുദ്ധത്തിൽ ഓപ്പൺ ആയിട്ടാണ് ചൈന പാകിസ്ഥാനെ സപ്പോർട്ട് ചെയ്തത്.

അത്തരത്തിൽ ഓപ്പൺ ആയിട്ടുള്ള ഒരു സപ്പോർട്ട് ഇതുവരെ ചൈന ഇറാൻ പ്രഖ്യാപിച്ചിട്ടില്ല.

എങ്കിൽ കൂടിയും വളരെ പ്രധാനപ്പെട്ട ചില സാങ്കേതിക വിദ്യകൾ ഇറാനു ചൈന കൈമാറ്റം ചെയ്തിട്ടുണ്ട് എന്നാണ് റിപ്പോർട്ടുകൾ പറയുന്നത്.

നോക്കൂ ചൈന എന്ന് പറയുന്ന രാജ്യത്ത് ഗൂഗിൾ പ്രവർത്തനക്ഷമമല്ല.

ഗൂഗിളിനെ ബ്ലോക്ക് ചെയ്തിട്ടുള്ള രാജ്യമാണ് ചൈന.

എന്തുകൊണ്ടാണ്?

ഗൂഗിൾ സമാഹരിക്കുന്ന എല്ലാ ഇൻഫർമേഷനും നേരെ പോകുന്നത് അമേരിക്കയുടെ സൈനിക ആസ്ഥാനമായ പെന്റഗണിലേക്കാണ് എന്ന് ചൈനക്കറിയാം.

അതുകൊണ്ടുതന്നെ ചൈന മുൻകൂട്ടി ഗൂഗിളിനെ ബ്ലോക്ക് ചെയ്യുകയാണ് ചെയ്തത്.

പകരം അവർ ബെയ്ദു എന്ന് പറയുന്ന ഒരു പുതിയ ഇന്റർനെറ്റ് സർവീസ് ഡെവലപ്പ് ചെയ്തെടുക്കുകയാണ് ചെയ്തത്.

അതിൽ ബെയ്ദു 3 എന്ന് പറയുന്നത് വളരെ സുപ്രധാനമായ ഒരു മിലിറ്ററി സാങ്കേതിക വിദ്യയാണ്. ആ സാങ്കേതിക വിദ്യ ചൈന ഇറാനു കൈമാറ്റം ചെയ്തിട്ടുണ്ട് എന്നാണ് ബെയ്ദു 3-ന്റെ ഏറ്റവും പ്രധാനപ്പെട്ട പ്രത്യേകത.

മറ്റൊരു വലിയ പ്രത്യേകത കൂടിയുണ്ട് കേട്ടോ.

നോക്കൂ ഈ ശത്രുരാജ്യത്തെ ലക്ഷ്യമാക്കി പോകുന്ന വിമാനങ്ങളുടെ സന്ദേശങ്ങളെ ഇന്റർസെപ്റ്റ് ചെയ്യാനും ബെയ്ദു 3-ന് കഴിയും.

ഞാൻ ഒരു സംഭവം പറഞ്ഞു തരാം.

കഴിഞ്ഞ ദിവസമാണല്ലോ കുവൈറ്റ് ഈ പറയുന്ന അമേരിക്കയുടെ മൂന്ന് വിമാനങ്ങളെ വെടിവെച്ച് വീഴ്ത്തിയത്.

മൂന്ന് ഫൈറ്റർ ജെറ്റുകളെ ആണല്ലോ വെടിവെച്ച് വീഴ്ത്തിയത്.

ഏറ്റവും ഇംപോർട്ടന്റ് ആയിട്ടുള്ള F-15 വിമാനങ്ങളാണ് അമേരിക്കക്ക് നഷ്ടമായത്.

കുവൈറ്റ് എന്ന് പറയുന്നത് അമേരിക്കയുടെ സഖ്യരാഷ്ട്രമാണല്ലോ.

എന്തിനാണ് അമേരിക്കയുടെ ഈ ഫൈറ്റർ ജെറ്റുകളെ കുവൈറ്റ് വെടിവെച്ച് വീഴ്ത്തിയത്?

കൈയബദ്ധം പറ്റിപ്പോയി എന്നാണ് പറയുന്നത്.

പക്ഷേ സംഭവിച്ചത് എന്താണ്?

നോക്കൂ അമേരിക്കയുടെ ഈ ഫൈറ്റർ ജെറ്റുകൾ ലക്ഷ്യം വെച്ചത് ഇറാനെയാണ്.

അങ്ങോട്ടേക്ക് യാത്ര ചെയ്യുമ്പോൾ പല രാജ്യങ്ങൾ കടന്നാണ് ഈ യുദ്ധവിമാനം പോവുക.

അത് പ്രധാനമായിട്ടും സൗഹൃദ രാജ്യങ്ങളുടെ മുകളിലൂടെ ആയിരിക്കും ഈ യുദ്ധവിമാനങ്ങൾ പോവുക.

അപ്പോൾ താഴത്തേക്ക് അവർ ഒരു മെസ്സേജ് കൊടുക്കും ഞങ്ങൾ നിങ്ങളുടെ മിത്രമാണ് എന്ന്.

പക്ഷേ കുവൈറ്റിലേക്ക് വന്ന മെസ്സേജ് എന്ന് പറയുന്നത് ഞങ്ങൾ നിങ്ങളുടെ ശത്രുവാണ് എന്നായിരുന്നു.

ആ അർത്ഥത്തിൽ ആ മെസ്സേജിനെ ഇന്റർസെപ്റ്റ് ചെയ്തുകൊണ്ട് മറ്റൊന്നാക്കി മാറ്റിയത് ഈ ബെയ്ദു 3 എന്ന് പറയുന്ന ഈ പുതിയ സാറ്റലൈറ്റ് ട്രാൻസ്ലേഷൻ സിസ്റ്റമാണ്.

ആ സിസ്റ്റം ഉപയോഗിച്ചുകൊണ്ടാണ് ഇറാൻ ഫൈറ്റ് ചെയ്തുകൊണ്ടിരിക്കുന്നത്.

ആ അർത്ഥത്തിലൊക്കെ വളരെ അഡ്വാൻറ്റേജിയസ് ആയ പൊസിഷനിലേക്ക് ഇറാൻ മാറി കഴിഞ്ഞിട്ടുണ്ട്.

അതുകൊണ്ടാണ് അവർ പറയുന്നത് ഒരു ചർച്ചക്കും ഇനി ആവശ്യമില്ല.

നിങ്ങൾ റെഡ് ലൈൻ ക്രോസ് ചെയ്തു കഴിഞ്ഞിരിക്കുകയാണ്.

ഇനി വരുന്നതെല്ലാം നിങ്ങൾ അനുഭവിച്ചുകൊള്ളണം എന്നാണ് ഇറാൻ പറഞ്ഞുകൊണ്ടിരിക്കുന്നത്.

നോക്കൂ ഇസ്രായേൽ ഒരു വലിയ ബാധ്യതയായി മാറിയിരിക്കുകയാണ് അമേരിക്കയെ സംബന്ധിച്ചിടത്തോളം.

ഇസ്രായേലിന്റെ ഈ കൊട്ടിഘോഷിക്കപ്പെട്ട സൈനിക ശക്തിയൊക്കെ പൊള്ളയാണ് എന്നിപ്പോൾ മനസ്സിലായി കഴിഞ്ഞിരിക്കുകയാണ്.

അവരിപ്പോൾ അമേരിക്കയെ മുന്നിൽ നിർത്തി ഏതാണ്ട് ഒരു ഒളി യുദ്ധം നടത്തുകയാണ് ഇസ്രായേൽ ചെയ്തുകൊണ്ടിരിക്കുന്നത്.

ആ അർത്ഥത്തിൽ ഇസ്രായേൽ അമേരിക്കയെ സംബന്ധിച്ച് വലിയ ബാധ്യതയായിരിക്കുന്നു.

അത് മാത്രവുമല്ല ഗൾഫ് രാജ്യങ്ങൾ വലിയ സമ്മർദ്ദത്തിലാക്കിയിരിക്കുകയാണ് അമേരിക്കൻ ഭരണകൂടത്തെ.

അതുപോലെതന്നെ ഇന്ധന പ്രതിസന്ധി എന്ന് പറയുന്നത് ലോകരാഷ്ട്രങ്ങളെയും ആകാംഷയിലാക്കിയിട്ടുണ്ട്.

അവരും അമേരിക്കൻ ഭരണകൂടത്തെ സമ്മർദ്ദത്തിലാക്കിയിരിക്കുകയാണ്.

ഇനി ഏറ്റവും വലിയ പ്രതിസന്ധി എന്ന് പറയുന്നത് അമേരിക്കൻ ഭരണകൂടം സ്വന്തം രാജ്യത്തുനിന്ന് നേരിടുന്ന പ്രതിസന്ധിയാണ്.

അമേരിക്കക്കാർക്കറിയില്ല എന്തിനാണ് ഈ അമേരിക്ക ഇറാനെ ഇപ്പോൾ ആക്രമിച്ചുകൊണ്ടിരിക്കുന്നത്?

എന്തിനാണ് അമേരിക്ക ഇസ്രായേലിനെ പിന്തുണച്ച് ഈ യുദ്ധത്തിൽ ഏർപ്പെട്ടിരിക്കുന്നത് എന്ന് അമേരിക്കൻ ജനതക്കും അറിയില്ല, സെനറ്റിനും അറിയില്ല.

ആ അർത്ഥത്തിൽ വലിയ പ്രതിസന്ധിയും സമ്മർദ്ദവുമാണ് അമേരിക്കൻ ഭരണകൂടം അനുഭവിച്ചുകൊണ്ടിരിക്കുന്നത്.

അതുകൊണ്ടുതന്നെ ഈ യുദ്ധം അധികനാൾ നീട്ടിക്കൊണ്ടുപോകാൻ അമേരിക്കക്ക് കഴിയില്ല.

ഈ യുദ്ധത്തിൽ നിന്ന് വളരെ പെട്ടെന്ന് തന്നെ അവർക്ക് പിൻവാങ്ങേണ്ടി വരും.

ഒരു കാര്യം ഉറപ്പാണ്.

ഈ യുദ്ധത്തിൽ ആര് വിജയിക്കും എന്ന് പ്രവചിക്കാൻ നമുക്ക് കഴിയില്ല. പക്ഷേ ഈ യുദ്ധത്തിൽ നിശ്ചയമായും ഇറാൻ തോൽക്കില്ല എന്ന് തന്നെയാണ് സർജിക്കൽ സ്ട്രൈക്കിന്റെ നിരീക്ഷണം.

ആ നിരീക്ഷണം പറഞ്ഞുകൊണ്ട് ഈ എപ്പിസോഡ് സമാപിക്കുകയാണ്.

താങ്ക്യൂ, താങ്ക്യൂ ഫോർ വാച്ചിങ്.