Speaker A
الغالبيه ديال التلاميذ في هذه الفتره المتبقيه للامتحان الوطني والجهوي كيعيشوا واحد المشكل اللي خالق لهم واحد الرعب وكيخلي الستريس ديالهم يبقى طالع بزاف وهذا المشكل هو انهم خايفين لانهم ما يسالوش البروغرام او انهم ما يسالوش المقرر.
نصائح مهمة للتلاميذ حول كيفية تحقيق 16/20 في الامتحان الوطني دون ضرورة إنهاء كامل البرنامج الدراسي.
Key Takeaways
- التركيز على الدروس الأساسية وليس إنهاء كامل البرنامج.
- الامتحان الوطني يغطي نقاط أساسية وليس كل المحتوى الدراسي.
- العمل على امتحانات سابقة يساعد في اكتساب مهارات التعامل مع الأسئلة.
- تحليل الأخطاء في الامتحانات السابقة ضروري لتحسين الأداء.
- الثقة بالنفس وعدم الاستسلام للخوف من عدم إكمال البرنامج.
Summary
- العديد من التلاميذ يعانون من توتر وخوف من عدم إنهاء البرنامج الدراسي قبل الامتحان.
- الامتحان الوطني لا يغطي كامل البرنامج بل يركز على نقاط أساسية ومهمة.
- يمكن تحقيق علامة 16/20 بالتركيز على الدروس الأساسية (الأساسية) والعمل على امتحانات سابقة.
- المنهجية أهم من مجرد حفظ الدروس، ويجب البدء بالأساسيات التي تظهر دائماً في الامتحان.
- مثال على ذلك في مادة الرياضيات والفيزياء حيث توجد نقاط محددة تظهر بشكل دائم في الامتحانات.
- التركيز على فهم الدروس الأساسية مثل القواعد الرياضية والقوانين الفيزيائية يساعد في توفير الوقت.
- في الكيمياء، يجب التركيز على المحاور الأساسية مثل الأسيدو-بازيك لأنها الأكثر ظهوراً في الامتحانات.
- العمل على تحليل الأخطاء في الامتحانات التجريبية السابقة لفهم نقاط الضعف وتحسين الأداء.
- الثقة بالنفس مهمة جداً ولا يجب ربط النجاح بإنهاء كامل البرنامج فقط.
- التعامل مع الامتحان يحتاج إلى منهجية واضحة تشمل مراجعة الأساسيات والعمل على امتحانات سابقة.
Full Transcript — Download SRT & Markdown
Speaker A
كاينين التلاميذ اللي ديجا بداو من شهر 9 وحاليا كيحسوا براسهم بانهم واخا بداو بكري مازال ما قادرين على انهم يكملوا وكاين ناس اللي بداو في شهر 10، كاين اللي بداو في شهر 12، كاين اللي بداو في شهر واحد، وكاينين الناس اللي يلاه باغيين يديماريو دابا المراجعه للامتحان الوطني والجهوي وفي نفس الوقيته حتى هما كيحسوا بانهم الا بداو ما غاديش يكملوا البروغرام.
Speaker A
الاشكاليه اللي كاينه عند هذا التلاميذ واللي كتخلي على انهم كيتستريساو كثر وكيتلفوا وكيدوخوا لدرجه انهم ما كيقدروا حتى ينوضوا يبريباريو هو انهم تيربطوا النقطه ديال 18 19 20 مثلا في بعض المواد في الامتحانات انه خصو يسالي البروغرام وهذا خطا كبير جدا.
Speaker A
فريمو مشكل كبير الا ما ساليتش البروغرام ماقدرش على انني نجيب 18 ولا نجيب 16.
Speaker A
الحاجه اللي خاصك تعرف هو انه في الامتحان الوطني ما عمرهم ما يسولوك في البروغرام كامل.
Speaker A
امبوسيبل سينو لي بروف مثلا غير ديال الفيزيك غادي تولي فيها واحد النهار كامل.
Speaker A
تولي فيها واحد 10 السوايع.
Speaker A
لا جينا نسولوك في البروغرام كامل.
Speaker A
الوغ كو لا كاينين واحد الحوايج اللي ايسونسييل في اي امتحان مشيتي غادي تلقاها وكاينين شي حوايج اللي ثانوي.
Speaker A
تقدر تلقاها تقدر ما تلقاهاش وفي حاله لقيتيها كتلقى النقط كيكونوا قلال عليها.
Speaker A
بالنسبه لي انا كاينه واحد 16 نقطه الا راجعتي ليسونسييل وخدمتي امتحانات في هذيك الحاجه ممكن انك تجيبها.
Speaker A
يعني 16 ماشي بالضروره خاصك تكون ساليتي البروغرام كامل باش انك تجيبها.
Speaker A
سورتو سورتو انك تركز على المنهجيه ماشي الدروس.
Speaker A
حيت التلاميذ ضايعين.
Speaker A
خاصني حتى نسالي الدروس عاد باش نبدا نخدم الامتحانات.
Speaker A
وهذا واحد الفخ اللي دائما كيخلي التلميذ انه ياجل لا باقي ما ساليتش خلي حتى السيمانه الجايه لا باقي ما ساليتش خلي حتى السيمانه الجايه.
Speaker A
حتى في الاخر كتبقى اكزاكتومون سيمانه الامتحان الوطني.
Speaker A
وبلاصه غير في هذيك السيمانه ما ينوض يبدا يخدم امتحانات قديمه ما يخدمش امتحانات كيقول لك لا انا خصني نسالي البروغرام.
Speaker A
دونك الله يرحم لك الوالدين ما تطيحش في هذا الفخ هذا.
Speaker A
ضربتي ليسونسييل تقدر تمشي تبدا تخدم فيهم امتحانات وطنيه.
Speaker A
وثيق بيا والله الا 16 ممكن فاسيلمون انك تجيبها الا ركزتي على الحوايج ليسونسييل وهنا غنعطيك واحد المثال باش تفهمني اكثر لا في الماط لا في الفيزيك.
Speaker A
الا شدينا الماط في الماط لي ليميت شي حاجه اللي ضروري.
Speaker A
ضروري غادي تلقاها.
Speaker A
ما يمكنش تمشي في شي امتحان وطني ما تلقاش لي ليميت.
Speaker A
اقل حاجه تلقى لي ليميت في لي سويت.
Speaker A
هذه اقل حاجه.
Speaker A
مي في لي فونكسيون كتقدر تلقى ثلاثه اربعه حتى لخمسه ديال لي ليميت.
Speaker A
وهاد لي ليميت راه كيكون عليهم واحد النقط اللي كثيره.
Speaker A
يعني يقدر يوصلوا حتى لجوج ديال النقط.
Speaker A
دونك انا في القرايه ديالي في المراجعه ديالي ما غنمشيش نراجع واحد الدرس اللي بوتيت يقدر ما يجيش كاع انه يتحط.
Speaker A
غنبد بالدروس اللي كاينه 100% ايسونسييل.
Speaker A
عاوتاني الا شدينا لي ليميت لقاو كاينين بزاف ديال الانواع كيفاش كنجاوبوا عليهم.
Speaker A
كاينه ابليكاسيون ديريكت ما كتحتاج حتى شي حاجه اخرى هي انك تعوض وتستعمل لي زوبياسيون سيغ لي ليميت.
Speaker A
كاين فورم انديتيميني اللي كاين بزاف ديال لي تيكنيك باش انك تحيدو.
Speaker A
كاين واحد لي تيكنيك اللي معروفين ان شونجمون فاريابل ديكومبوزيسيون فاكتوريزاسيون.
Speaker A
لي ليميت ايزوييل.
Speaker A
وهي غاده.
Speaker A
دونك انا نشد بعدا غير هاد لي ليميت ونركز فيهم مزيان الله يجعلني نضيع فيهم الوقت بزاف.
Speaker A
علاش؟
Speaker A
حيت غنلقاهم عاوتاني في لا كونتينيوتي.
Speaker A
غنعود عاوتاني نلقاهم في الديريفاسيون.
Speaker A
غنعود عاوتاني نلقاهم في ليتود دو فونكسيون.
Speaker A
دونك هذو واحد الحاجه اللي اساسيه ومهمه ما يمكنش انا نمشي كنقرا شي حوايج اخرى وكنضيع فيها الوقت وانا باقي ما ضابطش هذا الشيء اللي غنلقاه 100% في الامتحان.
Speaker A
دونك هذه غير واحد الحاجه.
Speaker A
مثلا الكالكول ديال الديريفي حتى هو 100% تلقاه في الامتحان.
Speaker A
ايتود دو سين 100% كاين في الامتحان.
Speaker A
دونك كاين بزاف ديال الحوايج اللي غادي نلقاهم خاصني نبدا بهم هما الاولين.
Speaker A
لي سويت كيتير ديال لي كونفيجونس ديالهم.
Speaker A
لو تيب ديالهم.
Speaker A
ديجا غير هذا الشيء اللي هضرت عليه دابا الا غير ضبطتيه راه تقدر توصل حتى لسته سبعه النقط.
Speaker A
هذو شي حوايج اللي ايسونسييل مفروغ منها كاينه في الامتحان الوطني.
Speaker A
عند جميع الشعب يعني كنهضر على سيونس مات سيونس فيزيك واس في تي اس تي او اس تي ام سيونس ايكو.
Speaker A
الا شدينا الماده ديال الفيزيك نفس الحاجه.
Speaker A
خذ معايا المحور ديال ليكتريسيتي.
Speaker A
لي ليكتريسيتي الار سي الار ال الار ال سي هذو ضروريين تكون كتعرفهم بثلاثه.
Speaker A
حيت على الاقل على الاقل غتلقى واحد فيهم في الامتحان الا ما لقيتيش جوج وغتكون عليهم واحد النقطه اللي طالعه بزاف.
Speaker A
اما الا شدينا مثلا المودلاسيون اللي زايده مثلا عند سيونس فيزيك حتى لقيناها.
Speaker A
ما تلقاش النقطه فيها واحد ونص حتى لجوج ديال النقط.
Speaker A
الوغ كو ليكتريسيتي كامله عليها ثلاثه ديال النقط.
Speaker A
انا ماشي تنقول لك ما تقراش المودلاسيون انا كنقول لك خصك تركز في المهم واللي كاين في الامتحان.
Speaker A
اللي هو الار سي الار ال الار ال سي.
Speaker A
المودلاسيون حتى نكون ضبطت هذا الشيء مزيان واصلا غتعاوني لا بريباراسيون ديال الدروس هذو.
Speaker A
انني نفهم المودلاسيون.
Speaker A
دونك الا شدينا عاوتاني الدرس ديال الار سي ولا الار ال والار ال سي غنلقاو باللي كاينين شي حوايج اللي كيتشابهوا فيها لا في الطريقه ديال كيفاش نلقاو ليزيكواسيون ديفيرونسييل لا في لي كوغ ديالهم.
Speaker A
لا في لا لو داتيفيتي دي طونسيون كيفاش كنخدموا بها لا كيفاش كنقلبوا مثلا على دي غوندوغ ولا دي فالوغ في الغيجيم بيرمانون وهي غاده.
Speaker A
دونك كنمشي عاوتاني كنسيبلي هذيك الحاجه وكنخدم فيها مزيان.
Speaker A
لو فيت ديال انك تضبط مزيان الدروس غادي تضمن لك على الاقل ثلاثه ديال النقط في الامتحان الوطني حتى لخمسه الا ما تحطتش مثلا المودلاسيون.
Speaker A
تحط غير الار سي مع الار ال سي ولا تحط الار ال مع الار ال سي.
Speaker A
كذلك عاوتاني الا مشينا للميكانيك.
Speaker A
الميكانيك لي لو دو نيوتن شوت ليبر شوت فيرتيكال بالنسبه لسيونس فيزيك والبروجيكتيل.
Speaker A
هذو راه شي حوايج اللي اساسيه ومهمه ماشي غتلقاهم في الامتحان ولكن راه مهمه باش تفهم داك الشيء الاخر اللي جاي.
Speaker A
سورتو الدرس الاول ديال لي لو دو نيوتن راه ما يمكنش لك تنقز وتبدا من من وراه.
Speaker A
تمشي لشوت ليبر ولا تمشي لشي درس اخر وانت ما فهمتش لي لو دو نيوتن.
Speaker A
راه هذوك هما لي باز.
Speaker A
هذوك هما الميكانيك كامله.
Speaker A
دونك حتى في الوقت ديالي نقدر نتعطل فيهم ماشي مشكل ولكن راه داك الشيء اللي غنفهموا فيهم راه غيعاوني فاش نربح الوقت في تمارين ولا في الدروس اللي جايه اخرى.
Speaker A
كذلك الا مشينا مثلا للشيمي.
Speaker A
الشيمي راه على الاقل عندنا واحد اربعه ديال المحاور.
Speaker A
كاين عندنا السويفي كاين عندنا لاسيدو بازيك عندنا لي بيل مع ليكتروليز بالنسبه لسيونس فيزيك.
Speaker A
وعندنا ليستيريفيكاسيون ليدروليز.
Speaker A
بالنسبه لي انا اللي باغي يبدا المراجعه ولا ليسونسييل في هذا الشيء راه هو لاسيدو بازيك.
Speaker A
لاسيدو بازيك وسورتو فيه اربعه ديال لي كا دونك الواحد خصو يضبط هذوك لي كا مزيان.
Speaker A
ابخي يقدر يقرا لي بيل يقدر يقرا ليكتروليز يقدر ليستيريفيكاسيون يقدر يقرا السويفي اللي بوتيت انه ما يلقاوش في الامتحان.
Speaker A
ولكن لاباز والاساس اللي خاصك تبدا به هو الاول و غتلقاه في الامتحان هو لاسيدو بازيك.
Speaker A
دونك انا حاولت نعطي غير امثله باش نليستري واحد شويه يعني باش نبين ونوضح الفكره اللي كنهضر عليها.
Speaker A
ديال انه فقط ماشي بالضروره تكون مسالي البروغرام فقط بليسونسييل ممكن انك تجيب حتى ل 16.
Speaker A
ولكن كيف قلت لك ماشي غير الدروس بوحدها وانما حتى الخدمه ديال الامتحانات.
Speaker A
حيت تقدر تكون ان كا اللي ما عمرك ما شفتيه في الدروس وفي الاخر غتلقاه في الامتحان وخصك تعلم كيفاش تولي تتعامل معاه في الامتحان.
Speaker A
عاد باش القراءه ديال المسائل كاين اللي عنده مشكله كاين اللي المسائل ما كيعرفش كيفاش يتعامل معاه.
Speaker A
كاين اللي ما كيربطش الاسئله.
Speaker A
وهذا الشيء غادي تكتسبه بالخدمه ديال الامتحانات الوطنيه.
Speaker A
حتى التمارين ما عندكش الوقت باش انك تقراهم.
Speaker A
اما بالنسبه للدروس راه قلت خاصك ليسونسييل ماشي تمشي تقراهم من الاول وتمشي تعمق فيهم وتضيع الوقت بزاف.
Speaker A
دونك هذا السبب الاول.
Speaker A
التلميذ كيربط النقطه ديال 16 17 18 خصو يسالي البروغرام.
Speaker A
انا بينت لك العكس تماما الا ركزتي على ليسونسييل وخدمتي الامتحانات بواحد المنهجيه اللي تعاونك.
Speaker A
ثاني حاجه هو التلميذ كيكون ما تايقش في راسه.
Speaker A
وهذا الشيء بناء على مجموعه ديال التجارب.
Speaker A
كيقدر مثلا شحال هذه كان كيوجد لواحد الفرض واحد المده طويله وبريبارا وجد وداك الشيء كامل وفي الاخر كيتحصل على واحد النقطه كارثيه.
Speaker A
فهذا الشيء شنو كيقول له؟ كيقول له بانه راه شوف شحال ديال الوقت بريباريتي في الاخر ما جبتيش مزيان.
Speaker A
الوغ كو دابا انت ما تساليش البروغرام فكيفاش انت غدير باش تجيب مزيان؟
Speaker A
فهنا النصيحه ديالي للتلاميذ هي حاول ما امكن تاناليزي ودير تحليل.
Speaker A
علاش ما جبتيش واحد النقطه مزيانه في هذاك الفرض ولا في ذاك الامتحان التجريبي اللي دوزتي؟
Speaker A
شنو الاسباب اللي خلات؟
Speaker A
واش شي قاعده ما ضابطهاش مزيان واش لا سيتواسيون اللي تحطيتي فيها في الامتحان ما عمرك ما شفتي بحالها واش دختي واش ستريسيتي واش ما عرفتيش كيفاش تجاري الوقت ديالك؟
Speaker A
كاينه مجموعه ديال الاسباب اللي خاصك ضروري تجلس مع راسك انت وانت اللي قادر تعرفها.
Speaker A
ولا الاستاذ ديالك الا كانت عنده لا كوبي ديالك يقدر يقول لك شنو هما الاخطاء اللي درتي وخصك تاناليزيها باش المره الجايه تفاداها وما تعاودش تطيح فيها.
Speaker A
حيت الا طحتي فيها دابا وما عالجتيهاش دابا غتعاود تطيح فيها في الامتحان 100%.
Speaker A
ولكن الا طحتي فيها دابا وعالجتيها كون اكيد انك في الامتحان غادي يدوز عندك مزيان بدون مشاكل.
Speaker A
واخر سبب بالنسبه لي هو لا موتيفاسيون.
Speaker A
يعني التلميذ الا كان كيحس براسه بانه ما بقى له والو يسالي البروغرام كيكون متحفز باش انه يخدم باش انه يافونسي باش انه يزيد شويه القدام.
Speaker A
في حين الا كان يلاه غيدير البروغرام ولا يلاه ضرب الربع ولا النص ديال البروغرام كيحس براسه باللي باقي بعيد بزاف.
Speaker A
وتيقول مع راسه باللي راه محال واش غادي يسالي.
Speaker A
في حين راه الا دار غير واحد شويه ديال البوش تموتيفي غير واحد شويه خدم غير واحد شويه راه يحس براسه بانه كيافونس.
Speaker A
المهم في الموتيفاسيون هو انك تحس براسك تتزيد القدام.
Speaker A
ماشي لا صافي راه ما بقى لي والو نسالي.
Speaker A
لا راه باقي بعيد انا باش نسالي.
Speaker A
راه كيف قلت لك ليسونسييل هو انك تبدا تخدم امتحانات بكري واحد شويه.
Speaker A
ما تسناش حتى تسالي البروغرام.
Speaker A
الا بقيتي كتسنى باش تسالي البروغرام راه ما عمرك ما تخدم امتحانات والنهار اللي غتمشي للامتحان غتلقى راسك ما عارفش كيفاش تجاوب عليه وتبقى تتفرج في هذيك الورقه.
Speaker A
حيت انت كنت كتقرا دروس ما كنتيش كتخدم امتحانات.
Speaker A
الدروس المراجعه ديالها مهمه وكتلعب واحد البورتاج كبير.
Speaker A
ولكن البورتاج الاكبر سورتو في التعامل مع الورقه راه هو طريقه الاشتغال على الامتحانات الوطنيه سورتو السابقه ديال الاعوام اللي فاتت.
Speaker A
دونك هذا الشيء اللي كان في الفيديو ديال اليوم.
Speaker A
نتمنى انك تكون استفدتي منها.
Speaker A
اذا كنت بغيتي شنو هو فريمون ليسونسييل والعصاره ديال الحوايج اللي خاصك تخدم عليهم واللي فيهم النقط بزاف و غتلقاهم 100% في الامتحان الوطني.
Speaker A
فما عليك الا تحضر معايا واحد الحصه مجانيه مباشره اللي غادي تكون نهار الاحد ان شاء الله مع الثمانيه ديال الليل واللي غادي نحاول ما امكن انني نديطاي فيها ونفصل فيها شنو هما الحوايج اللي خاصك تركز عليهم.
Speaker A
سواء كنت بديتي المراجعه قبل سواء انت يلاه ناوي تبدا المراجعه ديال الدروس والتحضير للامتحان الوطني.
Speaker A
عندنا فقط 500 مقعد.
Speaker A
حاول ما امكن وسارع باش انك تسجل وتحضر معنا في هذه الحصه المجانيه في واحد اللينك في الديسكريبشن.
Speaker A
غادي تكليكي عليه غتحط فقط الاسم ديالك الايميل ويوصلك واحد الايميل في البلاصه كيكونفيرمي لك بانك شديتي بلاصتك.
Speaker A
انك من ذوك ال 500 المحظوظين اللي غادي يحضروا معنا لهذه الحصه.
Speaker A
وغادي يكونوا بزاف ديال المفاجات.
Speaker A
تكون فريمون حصه عامره موتيفاسيون اللي من موراها جو سوي سيغ غتكون عارف علاش غادي تخدم وفي نفس الوقيته غتكون موتيفي باش تخدم وفي نفس الوقيته عاوتاني غتكون قادر على انك تجيب الباك بالنقطه اللي بغيتي ودير هذيك ليكول اللي كتحلم بها.
Speaker A
دونك ما تنساش انك تدخل تسجل قبل ما يعمروا البلايص حيت راه كيطيروا.
Speaker A
كانت اخر حصه مجانيه مباشره درناها الشهر اللي فات اكثر من 1000 واحد تقيدات ولكن فقط 500 اللي قدرت على انها تحضر معنا.
Speaker A
دونك زرب على بلاصتك قبل ما يزربوا عليك.
Speaker A
فوالا هذا الشيء اللي كاين وبغيت غير نقول للناس اللي باغيين يتسجلوا في اكاديميه النخبه وفي المعسكر.
Speaker A
اللي غيكون في الشهر الاخير اللي غنخدموا فيه على امتحانات وطنيه بالتصحيح ديالها كامله بلي زاستيس ديالها بالتفاصيل ديالها واي واحد عنده شي تساؤل على شي طريقه ديال الاجابه.
Speaker A
واللي بغى يشوف لا غيداكسيون ديالو واش مزيانه ولا لا يتسجل معنا في هذه الوقيته هذه.
Speaker A
في واحد الرابط الثاني غادي تكليكي عليه غادي يديك لواحد الصفحه اللي غتلقى فيها جميع التفاصيل او تقدر غير تصيفط لي ميساج في واحد النمره واتساب لتحت وتقول لي نخبه 2026.
Speaker A
وديك الساعه انا غادي نجاوبك بالتفاصيل ديال اشنو غادي يكون في المعسكر وكيفاش غيعاونوك باش انك تجيب الباك وبالنقطه اللي بغيتي.
Speaker A
هذا الشيء اللي كان في الفيديو ديال اليوم.
Speaker A
نتمنى انك تكون استفدتي منها.
Speaker A
تهلا في راسك.
Speaker A
نتشافوا في فيديو جديد ان شاء الله.
Topics:الامتحان الوطنيمراجعة دروستحقيق 16/20منهجية المراجعةالبرنامج الدراسيالتوتر والضغط النفسيامتحانات سابقةالدروس الأساسيةالفيزياءالكيمياء
