Speaker A
أوكي، اللي عمره ما سافر لوحده تحت سن 20 سنة يرفع إيده.
Ask about this video. Answers come from its transcript only — with the timestamp, so you can check them.
Generated from the transcript and can be wrong — check the timestamp.
Full Transcript — Download SRT & Markdown
Speaker A
أغلبيتنا كلنا يعني أغلبية الناس الموجودة ما سافرتش وهي أقل من سن 20 سنة.
Speaker A
ليه؟
Speaker A
للأسف عشان عاداتنا وتقاليدنا خلتنا إنه فكرة إن أنت تسافر لوحدك ديت وأنت صغير حاجة مستحيلة.
Speaker A
وبالذات بقى لو أنت بنت، لو أنت بنت وقررت إن أنت تسافري لوحدك وأنت صغيرة، أكيد أهلك هيقولوا لك لأ.
Speaker A
هيقولوا لك سافري لوحدك.
Speaker A
سافري لما تيجي تتجوزي، لو أنت ولد هيبقى عندك الحرية شوية بس هيرجعوا يقولوا لأ.
Speaker A
الفكرة دي مش مقبولة.
Speaker A
إحنا دلوقتي المفروض كـ New Generation وكـ أهالي نخلي أولادنا يسافروا وهم صغيرين عشان بجد السفر بيعلم حاجات كتيرة.
Speaker A
أنتم عمركم ما كنتوا تتخيلوها.
Speaker A
حتى لو أهلك متفتحين نوعاً ما مش هيرضوا إن أنت تسافر.
Speaker A
عشان خاطر إن هم خايفين عليك، ممكن يحصل لك حاجة.
Speaker A
ممكن تتخطف أو وات إيفر.
Speaker A
أو أي ريزون هيقولوا لك لأ وخلاص.
Speaker A
أنا برضه واجهت المشكلة ديت وأنا صغيرة.
Speaker A
وكانوا أهلي رافضين تماماً إن أنا أسافر.
Speaker A
هاو إيفر أنا كنت دايماً شايفة إنه لأ، أنا محتاجة أسافر ومحتاجة أعتمد على نفسي.
Speaker A
ومحتاجة أقف على رجلي.
Speaker A
حصل لي ظرف في حياتي خلاني اللي هو أحس إنه
Speaker A
إن أنا لأ، فقدت شخص يعني عزيز قوي عليا.
Speaker A
خلاني اللي هو لأ أنا لازم أعتمد على نفسي ولازم
Speaker A
أشوف العالم وألف الدنيا وأتعلم أنا قد إيه.
Speaker A
مش عشان أنا بنت أبقى أنا ضعيفة.
Speaker A
بالعكس أنا ممكن أبقى قوية وأبقى من الآخر كده أبقى زي 100 راجل.
Speaker A
في أي سيتويشن هتحط فيها هعرف أتصرف.
Speaker A
فأهلي في الآخر وثقوا فيا وخلوني إن أنا أسافر.
Speaker A
وطبعاً أول ما سافرت يعني وأنا داخلة مطار أول بلد أروحها قررت إن أنا أروح الهند.
Speaker A
وطبعاً كنت خايفة جداً.
Speaker A
بس خليت إن أنا يعني الخوف ده ما يخلينيش إن أنا يمنعني إن أنا أتعلم أي حاجة.
Speaker A
فمثلاً في الموقف اللي حصل لي وأنا في الهند قررت إن أنا قعدت الأول مع عائلة هندية.
Speaker A
كانوا هم اللي مستضيفيني واتعلمت منهم الكالتشر بتاعتهم.
Speaker A
ويعني مخي اتفتح معاهم.
Speaker A
وبقيت أتقبل طريقة الأكل، طريقة الفهم.
Speaker A
اتعلمت حاجات منهم كتيرة جداً.
Speaker A
بعد كده قررت إن أنا هقابل ناس تانية ما أعرفهمش.
Speaker A
وإن أنا هسافر معاهم.
Speaker A
فأنا في طريقي تهت حوالي 10 ساعات.
Speaker A
مش عارفة أنا رايحة فين ولا جاية منين.
Speaker A
كل اللي أنا عارفاه هوصل لمدينة اسمها زيركبور.
Speaker A
إيه زيركبور دي؟
Speaker A
حتى يعني معيش ولا ورقة ولا قلم ولا موبايل.
Speaker A
ولا عارفة أكلم أي حد.
Speaker A
فضلت نازلة من باص أقول للناس زيركبور بالهند يعني هي بالهندي اسمها زيركبور.
Speaker A
فضلت أقول لهم ده ياخدني ينزلني من باص.
Speaker A
أروح لباص تاني.
Speaker A
فضلت كده لمدة 10 ساعات.
Speaker A
بعد كده في الآخر كنت بالليل ولوحدي وتعبانة جداً.
Speaker A
لقيت ست شايفة قد إيه أنا تعبانة، لقيتها في الآخر بتتكلم إنجلش.
Speaker A
فقلت لها بليز هيلب مي.
Speaker A
فأخذتني من إيدي وركبت معاها توك توك.
Speaker A
كنا في التوك توك ده 10 هنود.
Speaker A
فطبعاً الحمولة في التوك توك دي كانت كتيرة جداً.
Speaker A
فبالصدفة البوليس وقفنا.
Speaker A
وخلانا ننزل واضطريت أمشي معاها.
Speaker A
والست دي اطمنت عليا لغاية ما وصلت لآخر يعني لغاية ما وصلت للبيت اللي أنا هقابل فيه الناس.
Speaker A
فموقف زي ده أنا عمري ما كنت هتعرض ليه وأنا في مصر.
Speaker A
لو أنا عايشة مع أهلي ولا عمري أهلي كانوا هيأكسبت حاجة زي دي.
Speaker A
في موقف تاني كنت في إندونيسيا.
Speaker A
قررت إن أنا هروح جبل وهسوق موتوسيكل.
Speaker A
وأنا ما بعرفش أسوق موتوسيكلات أصلاً.
Speaker A
بس اتعلمت هناك.
Speaker A
قررت إن أنا هروح أزور فولكانو وفجأة حصل مطر كتير قوي.
Speaker A
فتزحلقت بالموتوسيكل.
Speaker A
وساعتها رجلي اتحرقت.
Speaker A
وما كنتش عارفة أعمل إيه وطبعاً خايفة أكلم مامتي أو أكلم حد من أهلي.
Speaker A
هيقول لي ارجعي مصر حالاً يعني.
Speaker A
فبالصدفة لقيت بيت قدامي خبطت عليهم.
Speaker A
قلت لهم
Speaker A
عالجوني.
Speaker A
دخلت وعالجوني وعملوا معايا يعني شالوني بجد من الأرض شيل.
Speaker A
فحاجة زي دي خلتني اللي هو لأ في ناس كويسة.
Speaker A
مهما لو أي موقف شفته وحش وأنت مسافر.
Speaker A
في ناس هتساعدك إن أنت يعني
Speaker A
وات إيفر الموقف الوحش اللي أنت فيه هتطلعك منه في الآخر.
Speaker A
حاجة كمان اتعلمتها وحاجة مهمة جداً كل الناس بتسأل عليها.
Speaker A
إزاي هتسافر العالم وأنت ما معكش فلوس؟
Speaker A
أول حاجة في السفر هتتعلم إزاي تبقى Cost Efficient.
Speaker A
إزاي؟
Speaker A
مش لازم أروح أقعد في Five Stars Hotels.
Speaker A
خالص.
Speaker A
أنت ممكن تروح تقعد في Hostels.
Speaker A
في الـ Hostels دي كمان بتتعرف على كمية ناس ما لهمش أول من آخر.
Speaker A
فبتخليه إنه يبقى عندك يبقى You Can Break The Ice.
Speaker A
مع الناس.
Speaker A
هتخش هتعرف نفسك هتتكلم.
Speaker A
هتتعرف على ناس من Culture مختلفة.
Speaker A
فحاجة زي دي برضه هتخليك شخصية Flexible إن أنت تعرف تتعامل مع أي بني آدم وإن أنت
Speaker A
يعني تتعرف يعني تتعلم حاجات منهم كمان.
Speaker A
وتعرفهم عن الـ Culture بتاعتك إن أنت كمصري لأ You Still Can Travel.
Speaker A
You Can Still
Speaker A
تتكلم عن بلدك وإنه لأ الأفكار اللي أنتم واخدينها عن مصر دي كلها مش صح.
Speaker A
إحنا برضه Still مجتمع بيفهم ومثقف.
Speaker A
ومش عشوائي زي ما هم بيقولوا.
Speaker A
حاجة زي ديت برضه.
Speaker A
إن أنت لما تيجي تسافر مش لازم
Speaker A
تسافر اللي هو أنا هسافر بطيارة لو أنت.
Speaker A
لأ مش لازم تسافر بطيارة.
Speaker A
بالعكس ممكن تسافر بـ Buses.
Speaker A
أنا قررت ساعات كتيرة عشان لما بروح بلد بحب أقعد فيها وقت كتير قوي عشان ألفها كلها من أولها لآخرها.
Speaker A
بيبقى صعب إن أنا أسافر مثلاً من بلد من شمالها لجنوبها.
Speaker A
فللأسف بضطر آخد مثلاً أتوبيس 24 ساعة بنام فيه.
Speaker A
أديني كده وفرت تمن أوتيل ووفرت حاجات تانية.
Speaker A
بإن أنا يعني في الباص عادي ونايمة.
Speaker A
فحاجات زي ديت كلها.
Speaker A
المفروض كـ إحنا كمجتمع مصري ما تمنعناش إن إحنا ما تخليناش نسافر.
Speaker A
بالعكس السفر سهل برضه نوعاً ما.
Speaker A
وفكرة إن أنت لازم تبقى ما بتشتغلش أو ما بتعملش أي حاجة عشان تسافر العالم.
Speaker A
ده فكرة خطأ تماماً.
Speaker A
أنا دلوقتي مثلاً بشتغل محامية بس بشتغل أكتر من 12 و13 ساعة في اليوم.
Speaker A
بس Still I Can Manage My Time إن أنا أسافر.
Speaker A
باخد أجازتي السنوية كلها مرة واحدة وأسافر فيها بلد أكتشفها من أول من شمالها لجنوبها.
Speaker A
غير بقى كمان.
Speaker A
إحنا لازم كمجتمع مصري نعلم أولادنا ونعلم.
Speaker A
يعني نعلم نفسنا إن إحنا هنسافر آه عشان أنا.
Speaker A
هسافر To Learn.
Speaker A
I Travel To Grow.
Speaker A
كل ما تتقابل ناس أنت ده هيأثر في شخصيتك وهيخليك شخصية More Independent.
Speaker A
Whether Financially أو Emotionally.
Speaker A
فأنا ورسالتي ليكوا إن أنتم سافروا لوحدكوا.
Speaker A
سافروا العالم.
Speaker A
الموضوع أسهل من أنتم متخيلين.
Speaker A
ووافقوا إن أولادكوا يسافروا لأنه ده بجد هيغير في شخصيتهم.
Speaker A
وهيغير في كل حاجة في تفكيرهم.
Speaker A
وهيخليهم شخصيات معتمدة على نفسهم هيخليهم Caliber إن هم يشتغلوا في أي وظيفة.
Speaker A
وإن هم يعني.
Speaker A
يتعاملوا مع أي حد Even لو مع مديرهم مع أي شخصية بيشوفوها.
Speaker A
مش Flexible أي شخصية بيخلي الواحد Flexible في شخصيته إن هو يتعامل.
Speaker A
فـ Travel, Travel To Grow.
Speaker A
Thank You.
