لعبة Granny😨 || الجدة جراني الحقيقة المظلمة وراء اللعب… — Transcript

إلا ما كنتيش كتعرف لعبة جراني فهي لعبة رعب وهروب.

كدور احداث اللعبه حول لاعب كيتحبس في المنزل ديال الجده المرعبه.

واللي سميتها جراني والهدف الرئيسي من اللعبه هو الهروب من ذاك المنزل في غضون خمس ايام.

وفي هذه الخمس ايام كتكون الجده جراني كتقلب عليك في كل قنت في الدار باش تصفيها لك.

هذه الجده عندها القدره على سماع اي صوت حتى لو كان صغير بزاف.

فالا طيحت شي حاجه في اللعبه اولا جريتي بالجهد غاتجي على الفور تما باش تقلب عليك و لقاتك كتصفيها لك و كتعاود كلشي من الاول.

ولكن سواء لعبتي هذه اللعبه اولا ما لعبتيهاش ضروري ما تساءل على هذه الجده المرعبه اللي سميتها جراني.

واش هذه الجده عندها قصه في حياه واقعيه وتم استحاء هذه الشخصيه من شخصيه حقيقيه وشنو القصه ديال هذه الجده اللي ولات جده مسكونه ومرعبه.

في لعبه جراني.

شنو هما النظريات اللي كيدوروا على هذه اللعبه النظريات المرعبه هذا الشيء كله غنعاود لكم اليوم في هذه الحلقه.

فقبل ما نبداو الا بغيتوني نكمل في سلسله الجانب المظلم من الالعاب ما تنساوش تحطوا لايك وتشتركوا في القناه باش ان فوا نحط اي قصه تشوفوها انتما الاولين ويلا نبداو.

لعبه جراني هي لعبه رعب كدور احداثها في واحد الدار كبيره ومظلمه.

في هذه اللعبه كيتحكم اللاعب في الشخصيه المحبوسه وسط هذه الدار والهدف ديالو الاساسي هو يهرب منها بلا ما تشدو الجده المرعبه اللي كتسمى بجراني.

الجده كتكون كتسمع كل صوت في الدار سواء طاحت شي حاجه او تحركتي بطريقه غير حذره وكتجي مباشره كتقلب عليك باش تعاود تحبسك.

فاللعبه خاص اللاعب يجمع المفاتيح والادوات اللي غادي تعاونوا يفتح الاقفال اللي كاينه في البيت ويهرب من تما قبل ما تشدو الجده جراني وايضا قبل ما يسالي الوقت بحيث عندك غير خمس ايام فقط للهروب وكل مره كتشدك الجده كتنقص من هذه الايام يوم.

هذه اللعبه مشهوره بزاف في عالم الالعاب تقريبا مستحيل تلقى شي جيمر ما كيعرفهاش او عمرو لعبها.

يوتيوبرز كبار بزاف لعبوها ورجعوا ليها.

ما نقدروش نقولوا عليها لعبه خايبه حيت هي ممتعه وكون ما كانتش مميزه ما كانتش غاتشهر حتى لديك الدرجه وتولي من اشهر الالعاب.

ولكن اي حاجه عندها جانب مظلم اي حاجه في هذا العالم عندها سلبيات وايجابيات فقبل ما نطرقه للقصه المرعبه ديال هذه الجده اجي ونشوفوا بعض السلبيات ديال هذه اللعبه بالنسبه للاطفال.

هذا النوع ديال الالعاب كيتسبب لهم في مجموعه من الاضرار النفسيه والجسديه اولا اللعبه كتزرع الخوف في الطفل بسبب المشاهد المرعبه والموسيقى التوتريه اللي كتزيد من حاله الرعب هذا الشيء كيخلي الطفل.

يعيش في جو من القلق حتى من بعد ما يسالي اللاعب وكيبدا يشوف كوابيس او يخاف من البقاء في الظلام بوحده الرعب اللي كيعيشوه في هذه اللعبه كيتحول لتوتر نفسي اللي ممكن يخليه يبقى على اعصابه حتى في المواقف العاديه.

وهذا التوتر المستمر كياثر سلبا على الصحه النفسيه ديالو.

زياده على هذا الجانب الادمان على هذا النوع من الالعاب كيزيد المشاكل حيث ان الطفل كيولي مدمن باغي غير يلعب يلعب يلعب يلعب وما باغيش يوقف.

هذا السلوك كيتسبب في الانعزال ديالو اجتماعيا بحيث انه الطفل كيبدا يفضل البقاء بوحده واللاعب في البيت ديالو على انه يخرج ويلعب مع الاصدقاء.

وهذا الشيء كياثر على مهاراته الاجتماعيه وتواصله مع الناس.

فالا مشى حتى الطفل ولا مدمن على هذه اللعبه الدراسه والنشاطات اليوميه ديالو كيتاثروا بشكل كبير.

حيث ما كيبقاش مركز في القرايه ديالو ولا الانشطه اللي ممكن تكون مفيده ليه على المستوى الجسدي وحتى العقلي.

واكثر حاجه كنركز عليه انا المشاهد العنيفه في اللعبه كتقدر تاثر على الطريقه اللي كتصرف فيها الطفل في الحياه اليوميه ديالو كاينين اطفال اللي كيبداو يقلدوا السلوكات العدوانيه اللي كيشوفوها في اللعبه.

بحيث ان الجده كتبقى تجري على اللاعب وكتعامل معاه بعنف وهذا الشيء كيترسخ في الذهن ديال الطفل على ان هذا النوع ديال التصرفات هي تصرفات طبيعيه ما فيها حتى شي حاجه ماشي هي هذيك وكياثر على السلوك ديالو هو تجاه الاخرين.

فاللعبه ما كتفرقش ما بين العالم الحقيقي والعالم الافتراضي عند الطفل والطفل ممكن يولي كيتبنى هذه السلوكات العدوانيه بسبب التاثيرات المرعبه اللي كيتعرض لها خلال اللعبه.

الى جانب هذا الشيء كامل البقاء في جو مرعب بزاف في الوقت الطويل كيزيد من القلق والتوتر عند الانسان وهذه حاجه كتحول اللعبه من مجرد لعبه للتسليه لمصدر الضغط النفسي.

خصوصا الا كان الطفل حساس في المجمل لعبه جراني كتحمل مخاطر على الصحه النفسيه والاجتماعيه ديال الطفل الا ما كانش مراقب من طرف الوالدين وضروري يكون توازن بين اللاعب وبين الانشطه اللي كتنمي الشخصيه ديال الطفل وتعاونوا يعيش في بيئه صحيه ومريحه.

وكيما قلت هذا لا يعني ان كاع الالعاب عندها ضرر للاطفال كاينين العاب عاديه اللي بالعكس تقدر تكون مفيده اكثر.

اللاعب بالالعاب ديال الهاتف عنده بزاف ديال الايجابيات ايضا بحال تحسين التركيز والقدره على اتخاذ القرارات بسرعه وايضا كيساعدوا بزاف في تنميه المهارات العقليه بحال الذاكره والتخطيط وبزاف ديال الحوايج.

كاين بعض الالعاب اللي كيعلموك التواصل والتعاون مع الناس الاخرين كيكونوا العاب جماعيه كتلعبوها مع الاصدقاء او الناس من جميع انحاء العالم بالصوت او بشي حاجه اخرى.

ولكن خاص الواحد يكون متوازن وما يبالغش في الالعاب وفي اللاعب باش ما ياثرش على صحته النفسيه والبدنيه.

ودابا يلاه نمشوا ونطرقوا للفصل او الجزء الثاني من هذه الحلقه واللي هي القصه ديال الجده جراني.

ولكن قبل بغيت نهضر مع الناس اللي كيتابعوني وعندهم الباك او الجهوي هذا العام.

هذا العام عندك الباك او الجهوي وبغيتي شي استاذ تبع معاه وما دوخش راسك.

بروف مروان غيكون الاختيار الامثل بالنسبه للناس ديال الباك اداب وحتى علوم فخدم معكم الفلسفه.

غيفهمكم درس بدرس اما بالنسبه للسيزيام فاللغه العربيه والاجتماعيات يعني مواد الجهوي غيخدمهم معكم كاملين التلاخيص وكل شيء يعني الا بغيتوا دوزوا العام بكل اريحيه فتبعوا مع بروف مروان وان شاء الله تجيبوا احسن النقط.

ما تنساوش ديروا متابعه باش تعرفوا اكثر على دورات البروف مروان.

لعبه جراني كيدوروا عليها بزاف ديال النظريات بخصوص ديك الجده وبزاف ديال القصص ولكن غنعاود لكم اشهر القصص واللي الناس كيهضروا عليهم بزاف.

غنبد بااول قصه كيتقال انه الجده جراني كانت مجرد جده عاديه.

كانت كتعيش مع عائله ولدها اللي كانوا كيبغوها بزاف وكانت عزيزه عليهم حيت ما كانتش من النوع اللي فيها الغوات والصداع بالعكس كانت جده هادئه كتبغي الاحفاد ديالها وكتلعب معاهم كتعطيهم الفلوس وكل شيء.

حتى النهار اللي غيتبدل فيه كل شيء وهنا غتبنى هذه النظريه.

النظريه المرعبه على الجده جراني كتقول باللي الجده ماشي مجرد انسانه عاديه ولكن هي وحده من ضحايا تجربه علميه سريه مشات بشكل خاطئ.

القصه بدات من ملي الجده جراني غتخلي دار ولدها وعائلته حيت حست باللي ثقلت عليهم او ثقلت عليهم كما كنقولوا بالدارجه فقررت انها ترجع للكوخ قديم كانت عايشه فيه سنوات هذه.

وفي ذاك الوقت بالضبط كانوا كيديروا تجارب سريه على الناس في ديك المنطقه وكانوا كيوهمهم بالكذوب وكيقولوا لهم باللي ما غيطرا لكم حتى شي حاجه وغانعطيكم الملايين والملايين ديال الفلوس ولكن التجارب ما كانتش اي تجارب.

كانوا علماء خدامين مع الحكومه كيجربوا تجارب غريبه على الشيخوخه والحياه الابديه الفكره كانت هي انهم يحاولوا يلقوا طريقه باش يطولوا العمر ديال الناس ولكن في واحد النهار التجربه خرجت على السيطره الجده جراني كانت وحده من الضحايا اللي خضعت للتجربه بلا ما تعرف شنو غادي يوقع لها.

تعرضت الجده لسلسله ديال الحقن والادويه اللي كانوا كيدعوا العلماء باللي غادي تبطا الشيخوخه ديالها الجده حست في الاول بواحد النشاط كبير بحال اللي رجعت الى الشباب ديالها.

ولكن مع الوقت بدات كتحس بحاجات غريبه كتقع ليها الصوت ديالها ولا كيضعف وكيتحول مع الوقت ولات كتحس بالالم في الجسد ديالها بحال الا كيتفسخ من الداخل ولكن اكثر حاجه خلعها هي انها بدات كتحس بتشوش في الدماغ ديالها.

بحال الا كاين اصوات كتهضر معها في دماغها وما كتعرفهمش منين جايين مع مرور الوقت الجده بدات كتحول بشكل مرعب البشره ديالها ولات متجاعده بشكل كبير اكثر من الاول باضعاف وظهرها تقوس بشكل غير طبيعي والعينين ديالها رجعوا حمرين بحال الدم.

الناس في القريه بداو كيلاحظوا هذه التغيرات الغريبه عليها وشي وحدين منهم كانوا كيتجنبوا يقربوا من الكوخ ديالها حيت كانوا حاسين بواحد الرعب والخوف واحد من السكان ديال القريه واحد النهار قرب من الدار ديالها وسمع صوت صراخ مرعب جاي من الداخل قال باللي الصوت كان بحال شي شخص كيتعذب ولكن ما قدرش يعرف شنو السبب ولا يطلب باش يشوف.

الناس بدات كتقول باللي الجده ما بقاتش بشريه ولكن تحولت الكائن غريب نتيجه لديك التجربه اللي مشات بشكل خاطئ.

ولكن الشيء اللي زاد من الرعب هو ان الجده ولا عندها قدرات غريبه ف ولات كتسمع الاصوات الصغيره من بعيد بحال الحواس ديالها تضاعفوا لحد الان كاين اللي كيقول باللي هذه القدرات اللي عندها جاو من ذوك التجارب اللي كانوا كيديروا عليها العلماء.

وايضا الجسم ديالها تحول لوحش كيتغذى على الخوف ديال الناس اللي كييقربوا ليها العلماء في واحد الوقت حاولوا يتستروا على القضيه وسدوا المختبرات اللي كانوا كيديروا فيها التجارب ولكن الجده بقات حيه وعاشت بوحدها في ذاك الظلام ديال الكوخ الناس اللي كيدخلوا للدار ديال الجده اي الكوخ الكبير غالبا ما كيرجعوش وكاينه اشاعات كتقول باللي الجده كتحبسهم في شي مكان مظلم تحت الدار ديالها وكتحبسهم حتى كيموتوا بسبب الرعب والتوتر.

كل مره شي واحد كيحاول يقرب للدار ديالها كيحس برعشه بارده في الجسم ديالو وكيسمع انفاس كتجي من بعيد ولكن ما كيشوف حتى شي حاجه.

كتقول النظريه باللي الجده بقات حيه غير باش تنتقم من البشر على اللي داروا ليها فالخلاصه هذه النظريه كتخلي الجده جراني شخصيه اكثر من مجرد لعبه كتحولها لوحش كيتغذى على الخوف ديال الناس.

النظريه الثانيه كتقول جراني كانت طفله كتعيش في واحد الدوار صغير مع والديها ولكن حياتها ما كانتش بحال باقي الاطفال.

من صغرها كانت كتعيش واحد الطفوله مليئه بالحزن والوحده ما كانتش كتلقى راسها مع الاطفال الاخرين كانت كتفضل تبقى بوحدها تلعب وسط الغابه اللي كانت محيطه بديك الدوار او القريه اللي كانوا هما فيها.

والديها كانوا ناس عاديين وطيبين ولكن حتى هما كانوا كيلاحظوا باللي بنتهم عندها تصرفات غريبه خصوصا كيفاش كانت ديما كتحس براسها مرتاحه في الظلام وفي الاماكن اللي الناس العاديين كيخافوا منهم.

في واحد النهار وقعت حادثه غريبه غتبدل حياه جراني للابد كان واحد النهار خريفي وضبابي جراني خرجت كعادتها وسط الغابه وهي كتمشى لقات واحد الكهف صغير اللي ما عمرها ما شافته من قبل واخا كانت كدوز كل نهار من تما.

الغريزه ديالها دفعتها باش تقرب وتدخل ذاك الكهف بحال شي حاجه كانت كدفعها او بحال كتجرها لذاك الكهف الكهف كان مظلم وكبير بزاف من الداخل.

اي واحد في ديك اللحظه كان غيحس بالخوف والرهاب وغ يرجع ولكن جراني ما خافتش ودخلت.

في اعماق الكهف لقات واحد القفص قديم كان مغطي بالغبار والعناكب وفيه واحد الكائن غريب محبوس اللي كان بحال الانسان ولكن وجهه كان في شكل وما عرفتش مرعب اول ما شافته الكائن بدا كيبكي جراني ما تحركاتش وقفت كتشوف في ذاك الكائن اللي بدا كيطلب فيها باش تطلق سراحه بصوت اللي كان ضعيف وحزين الفضول ديالها دفعها باش تقرب للقفص وحاولت تحل الباب ديالو ولكن اول ما لمست القفص حست بشي حاجه غريبه كدور في الجسد ديالها.

الكائن اللي كان في القفص بمجرد ما حلت الباب تبخر في الهواء قدام عينيها.

ولكن هي تبدلات ما بقاتش نفس الطفله من هذه اللحظه جراني بدات كتلاحظ حاجات غريبه كيوقعوا ليها مع الوقت كل ما كبرت بداو الناس في الدوار كيحسوا بالخوف غير بمجرد ما يقربوا ليها حتى والديها بداو كيخافوا منها وما عرفوش كيفاش يتعاملوا معها حيت النظره ديالها كانت بارده جدا بحال شي حد ما عندوش احساس.

العزله اللي كانت كتعيشها في الغابه ولات اكثر قوه وحتى الاصوات اللي كانوا كيسمعوها الناس في الليل بداو كيتسجلوا مع اللحظات اللي كتظهر فيهم جراني في الدوار بمرور سنوات بدات الاحداث المرعبه كتزاد حيت كل ما كان كييقرب شي واحد من الغابه كان كيتفقد في ظروف غامضه الدوار كله بدا كيهرب منها ولكن جراني ما بقاتش عندها اي اهتمام بالبشر كانها كانت كتعيش حياه مختلفه تماما في العالم ديالها المظلم.

الناس اللي كانوا في الدواوير المجاوره بداو كيسمعوا قصص على الجده اللي كتعيش في الدار المهجوره وسط الغابه هذا الشيء من بعد ما دازوا سنين وسنين واللي كيتقال باللي ان اي واحد كيحاول يقرب من ديك الدار كيتلف وما كيرجعش الغموض بقى داير بالجده جراني ولكن الشيء اللي كيبقى مؤكد هو انها ما عمرها رجعت كما البشر العاديين من بعد ذاك النهار في الطفوله ديالها ومصير كل واحد يقرب منها او يقرب لذاك الغابه او لذاك القصر بالضبط هو الاختفاء التام بلا اي اثار.

كيدوروا على هذه اللعبه بزاف وبزاف ديال القصص والنظريات اللي كما قلت لكم مرعبه ولكن كلهم عندهم نفس الاتجاه ونفس المعنى.

هذه القصص ما ماخوذينش من شي روايه معينه بل هما مجرد قصص ربما من اختراع تخيلات اللاعبين باقين بزاف ديال القصص الاخرى ولكن غيكون الفيديو طويل بزاف ما عرفتش الصراحه انا ما كرهتش الفيديوهات يكون فيهم نص ساعه او لا ساعه ولكن هذه حاجه كتعلق بكم انتم كتبوا لي انتم واش باغين نطول في فيديوهات اكثر غنقرا التعاليق ديالكم كامله كتبوا لي ايضا واش تبغوني نكمل في سلسله الالعاب وكتبوا لي الالعاب اللي بغيتوا تشوفوهم في الفيديو الجاي كنبغيكم بزاف وبسلامه.