ترمب: الحرب ستنتهي قريبا، اسرائيل: كلا لن تنته، ولبنان … — Transcript

يعطيكم العافية، حنعمل هذا الفيديو لواحد يشوف وين صارت الحرب الأمريكية الإسرائيلية على إيران ووين صارت الحرب الإسرائيلية على لبنان واللي عم تستهدف بشكل أساسي حزب الله ولكن هي آخذة بتوسع يوم بعد يوم بصورة واضحة.

بداية النقطة الأساسية هي الفصل بين هالمسارين، ومشان هيك رح بلش بالحديث عن الحرب الأمريكية الإسرائيلية على إيران اللي اتصالها بما يحصل في لبنان بصورة واضحة، ولكن ربما تقديري إنه مش بالضرورة انتهاء الحرب الأولى يعني انتهاء الحرب الثانية.

بداية تقديري الشخصي إنه المعطى الأساسي اللي بيحدد انتهاء الحرب على إيران هو القرار الأمريكي أكثر منه القرار الإسرائيلي، علماً إنه تداخل العملية العسكرية، تداخل يعني تزاوج بين العمليات العسكرية الأمريكية والإسرائيلية.

من المفترض كان يوحي إنه في خطة مشتركة لكيفية خوض الحرب، شو الأهداف المحددة ومتى تنتهي هذه الحرب، ولكن التخبط في هذه الأهداف ربما أتى من المفاجأة بردة الفعل على العدوان.

انطلاق العدوان الأولي في الأيام اليومين الأولين ومدى تأثيره على بنية النظام الإيراني، انكتب كثير في الإعلام الغربي والأمريكي تحديداً عن عدم فهم ترامب لتركيبة النظام الإيراني وتركيبة علاقته بمجتمعه والتعقيد الاجتماعي أيضاً في إيران.

ما أدى به إنه يتخيل إنه إيران ممكن أن تكون فنزويلا ثانية، وهذا طبعاً ما في واحد يقول إلا تعبير عن جهل بتركيبة النظام كما كتب في تلك المقالات، وكان رأيي من الأساس إنه الاستراتيجية الإيرانية تقوم على إطالة أمد الحرب، ومن هون رأيي كان إنه هذه الحرب إذا محطوط هدفها بإسقاط النظام كما أتى التعبير الأساسي الأولي عنه عند انطلاق الحرب، سقوط النظام هو بالأمر الصعب خصوصاً من دون حملة برية اللي هي كانت مستبعدة استبعاد لحد هلا لا تزال استبعاد كبير، فإذا هذه الحرب ستطول.

ولكن بعدين صارت الأهداف الأمريكية وأيضاً حتى الإسرائيلية اليوم باليوم في حديث بإسرائيل من خلال مسؤولين حكوميين في الحكومة الإسرائيلية إنه يجب التقليل من أهمية إسقاط النظام، يجب التركيز على تدمير الصواريخ البالستية والقدرات العسكرية بشكل عام للنظام في إيران وإضعاف هذا النظام بصورة كبيرة ليصبح لا يشكل أي خطر على إسرائيل بالصورة الأولية وبالنسبة لترامب لترامب والولايات المتحدة الأمريكية على المنطقة والنفوذ الأمريكي في المنطقة.

إذا بداية انخفاض السقف من تغيير النظام يمكن أن يفتح مجال إن هذه الحرب تكون قصيرة، هلا شو صار حتى تحولت هذه الأهداف؟ هل من الأساس لم يكن إسقاط النظام هدف؟ هون ما حدا بيعرف لأنه عم نضرب بالغيب ولكن أنا أشك أنا أظن إنه كان في تخيل إنه بعد الصدمة الأولى.

قتل الخامنئي، قتل القيادات العسكرية الكبرى والضربات الأهداف الأولي وحجم الخسائر برأس ترامب ستأتي بالإيرانيين للتفاوض معه، بالنسبة لترامب لإسقاط النظام هو غير مهم، تغيير وجهة النظام السياسية المهم مثل ما صار فنزويلا، خلى النظام يعني بالنسبة للفنزويليين نظام الحكم المحلي ما تغير عليهم شيء يعني، ولكن صارت فنزويلا متعاونة مع الطلبات الأمريكية، كان في عنده تخيل إنه هذا هو ما سيحصل في إيران.

وهون برأيي أنا ليش عم قول في جهل بماهية إيران وطبيعة تركيبة النظام إنه هذا كان انتحار للنظام الإيراني ومستحيل إنه يصير هذا الأمر خصوصاً تحت الضربات، وانتخاب مجتبى خامنئي ابن علي خامنئي خلفاً له كمرشد أعلى بإيران هو رسالة من الحرس الثوري من المتطرفين في النظام إنه هذه هي وجهتنا وهو مقرب من هذه الأجواء، من هون بيصير شو العامل الأساسي اللي بيتحكم بمتى تنتهي هذه الحرب؟ هي قدرة الولايات المتحدة الأمريكية تحديداً والعالم بشكل عام بس الولايات المتحدة بشكل أساسي اللي هي قادرة تقول أنا يمكن بصيغة أنا انتصرت.

يعني في سيناريوهات اليوم أكسيوس حطت هيك احتمالات خمسة بديهية هي لخمس سيناريوهات لكيف ستنتهي هذه الحرب، الأول إنه نرجع لتفاوض على السلاح النووي وبالتالي وقف إطلاق النار وانتهاء الحرب، بتصور أنا هذا الأمر ما في واحد يستبعده نهائياً بس صعب.

ثاني النموذج فنزويلا اللي حكينا عنه هذا مستحيل أظن، الثالث هو قيام انتفاضة شعبية وتغيير وانهيار للنظام في الداخل، كمان صعب ولا يزال النظام عنده القدرات العسكرية في حال صار قدرات عسكرية محلية حتى في حال صار أي تزوير للواقع الشعبي لبعض فئات الشعب الإيراني بوجه النظام القائم إنه يفوت بصراع فالحد الأقصى ممكن أن تصل إليها حرب أهلية.

وبما إنه طبعاً محاولة تسليح الأكراد ليكونوا جزء من حالة رفضية بس بصورة عسكرية من الداخل تم رفضها منهم بتصور المخاطر اللي بتحملها هذا الأمر أيضاً صار صعب بالظروف الراهنة، أما الحل الرابع لانتهاء الحرب هو إنه يصير في قوات خاصة بتنفذ عمليات ومداهمات وكمائن داخلية وتستهدف بصورة أساسية القواعد أما المراكز اللي فيها شبهات إنه فيها مخزون نووي، بس هذا بيستدعي قوات على الأرض لأمريكا ولو ترامب بعده عم ما عم بيقول إنه ما بقدر ألغي هذا الاحتمال بس بستصعب هذا الأمر مع الضغط المحلي اللي عم يمارس عليه حتى من داخل مؤيديه بالولايات المتحدة الأمريكية اللي ما عندهم حماسة على هذه الحرب، أما الاحتمال الخامس إنه ترامب يعلن إنه انتصرنا ويسحب قواته من المنطقة.

العامل الأساسي هو تبعات إطالة أمد الحرب، إغلاق مضيق هرمز، استكمال ضربات في مناطق إنتاج النفط في الخليج من قبل إيران هي عوامل أساسية بدأت تأثيرها وفي كثير أسئلة حول كيف صار النفط صار برميل النفط قبل ما تبلش الحرب كان عند حوالي 70 دولار للبرميل، كيف ارتفع لما يتجاوز ال 120 دولار للبرميل وبنهار واحد رجع انخفض لصار حوالي 90 دولار للبرميل وسعر النفط وكل الأمور المرتبطة بهذا الأمر في الإنشورنس في سعر الإنشورنس على السفن اللي بتروح في بسبب المخاطر اللي بتحملها هذه السفن كلها ارتفعت ومع ارتفاع التجارة بشكل عام العالمية بفعل النفط وبفعل المخاطر.

وخصوصاً إنه نحن ككرة أرضية يعني بشكل عام غالب في في منطقة تضخمية بهذه السنتين الماضيتين من وقت ما انتهت كوفيد لليوم، تا واحد بس يركز على هالنقطة ويشوف شو أثر ولوين رايحة أسعار النفط، ترامب اعتبر بالبداية إنه حاول التخفيف من هذا الأمر إنه ارتفاع بأسعار النفط هذه كلفة طفيفة للولايات المتحدة الأمريكية وللعالم مقابل إسقاط النظام والتغير اللي معقول يصير، تغير سياسي سياسة النظام الإيراني وما يمكن أن تجنيه المنطقة والعالم من هذا التحول، ولكن تحت الضغط اللي وصل ارتفاع أسعار برميل النفط ل 120 دولار.

بيرجع بيقول إنه هذه الحرب ستنتهي قريباً والتصريحات اللي قالوا اليوم اللي من يومين أيضاً حكي شيء قريب عليهم، ولكن انخفاض سعر النفط منه مرتبط فقط أكيد هذا التصريح بيساعد إنه بيرجع في خصوصاً أيضاً الانهيارات اللي صارت بالبورصة، كله بيساعد التطمين إنه هذه القصة ما رح تستمر طويلاً بما يهدد الاقتصاد العالمي بمخاطر كبرى، ولكن الخسارة اليومية من جراء إقفال مضيق هرمز والضربات لمنشآت نفطية في المنطقة هي عن نحو 20 مليون برميل بالنهار عم نخسر من خلال هذه العوامل من جراء الحرب، حجم هذا الأمر هو يوازي تقريباً حجم الانخفاض اللي صار بطلب النفط هذيك المرة، هالمرة ما في عرض للنفط مشان هيك الأسعار عم تطلع، بس بوقتها أيام كوفيد بالبيك تبعها بذروة كورونا فايروس وصل انخفاض الطلب على البراميل بحوالي 20 مليون برميل.

وبالتالي الشوك على النظام الاقتصادي العالمي هو بهذا الحجم، ليش الأسعار ما طلعت أكثر من 120 وليش فقط لنهار بقيت على 120 وانخفضت؟ أساساً السفن اللي خرجت من مضيق هرمز لحديت 27 شباط الماضي أي الليلة التي تسبق الحرب التي سبقت الحرب، بدهم أكثر من شهر ليوصلوا للوجهة اللي عم يروحوا باتجاهها وبالتالي في بعد بالعالم مسارات لحاملات نفط عم تمشي على الخطوط التجارية، لدا وصولها مشان هيك وقت كنا عم نحكي عن 120 دولار البرميل هي لمستقبل سعر البرميل وللمخاوف اللي جاية مع هذا المستقبل، اللي هدأ من العملية هو إعلان مجموعة السبعة الجي 7 كبرى أكبر سبع اقتصادات بالعالم.

إنه رح تاخد قرار هي باتجاه إنه تاخد قرار لاستخدام المخزون الاستراتيجي من الوقود من المحروقات من خلال الوكالة وكالة الطاقة الدولية اللي هي تحريرها اللي هي في مخزون استراتيجي هذا بيتخلى كرزرف اللي هي حوالي 300 ل 400 مليون برميل، 300 ل 400 مليون برميل يغطون ما يوازي 20 يوم تقريباً لو كان المضيق هرمز بعده عم يشتغل و20 مليون برميل بالنهار زيرو، فالمهلة الزمنية قبل انفجار أسعار النفط حسب خبراء نفط هذا كله الحديث مش من عندي يعني أنا ماني خبير بهذه الأمور ولكن متابعتها كانت أساسية لواحد يحدد العوامل الضغط السياسية والاجتماعية في الدول المقررة وأساسها أمريكا هي هال 20 يوم.

وبالتالي تقديري أنا مع استقرار الرأي لحديت هلا على القليلة كما يبدو من التصريحات الأمريكية وحتى الإسرائيلية إنه إسقاط النظام في إيران أم تغيير وجهته بالصورة اللي مطلوبة أمريكياً غير ممكن حتى اليوم، المهلة هي بالحد الأقصى هذه ال 20 يوم لأنه آخر شيء وقت نوصل للأيام الأخيرة من استنفاذ الاحتياطي العالمي من فوت بشغلة من فوت بحالة البانيك اللي بتترافق معها ارتفاع بالأسعار، علماً إنه ارتفاع الأسعار سيكون سابق لذلك لأسباب كثيرة ما رح فوت فيها تقنية إنه أنواع النفط هي أنواع وفي أنواع للطائرات من اليوم بلش يرتفع أسعارها لأنه وصولها كان أصعب واحتياطاتها أقل واستنفذت احتياطاتها بكثير من البلدان و قصة ما رح فوت فيها تقنية.

وبالتالي التوقع هو إنه في هذه المهلة هي كريتيكال هي أساسية لتحديد الوجهة المستقبلية، ومن هون في مقال هيك ملفت كان على الفورن أفيرز اليوم مدري مبارح لروبرت كابلن بيحكي فيها عن نظرية قديمة من الثمانينات طلعت إنه الديمقراطيات تستطيع النجاح في الحروب الصغيرة المحدودة اللي عندها أهداف عسكرية وتقوم تنفذها وبتطلع والحروب الكبيرة جداً اللي بتستدعي تحشيد المجتمع كله سوا خلف هذه المهمة الحربية.

أما الحروب المتوسطة تسمى فهي مكمن فشل الديمقراطيات الأساسية اللي هي حروب ليست صغيرة بما يكفي لتكون عملية حربية وبتفل وليست كبيرة بما يكفي إنه المجتمع مجتمعك ببلدك كله يوقف وراء الحشد الحربي التحشيد العسكري المطلوب من المجتمع، وبالتالي وبنماذج كثيرة هذه الأمور عندما تمتد الحروب الشعوب بتصير إما تقف لأنه تكون حرب وجودية فالشعب كله سوا بيوقف خلف الحكومة والحكم القائم بغض النظر عن الأكلاف.

أما حرب ما بتهمني إلي بس إذا بتروح بتعملها مثل فنزويلا ب 48 ساعة ولا بجمعة ولا ب 10 أيام بتحملها، أما إنك تصير تكبدني تكاليف مرتفعة لحرب تطول وأنا غير معني بهذه الحرب ما تم حشدي وراها مش معتبرها وجودية ولا أساسية فهذه الكلفة تصبح أكبر من أهمية الحرب للمجتمعات وبالتالي بما إنه هذه الأنظمة ديمقراطية وبالتالي بيهتموا للمزاج الشعبي فيها بتبلش هذه الحروب تكون ثقيلة الحمل على هذا النوع من الدول، بتصور نحن عم نروح على هذا الاتجاه، الجو بالولايات المتحدة الأمريكية الجو بأوروبا الجو بالعالم بشكل عام ما بيعتبر هذه الحرب وجودية وبالتالي عم تاخدني على حرب ادفع فيها أكلاف وأسعار وأنا أصلاً بحالة تضخم وعندي مشاكل اقتصادية سابقة لهذه الحرب وأولويات أخرى محلية تعلو على هذه الحرب بالنسبة لهذه لهؤلاء المواطنين كرمال شو؟

بينما لما الإسرائيليين تم تحشيدهم إنه هذه الحرب وجودية لهم فمستعدين يتحملوا تكاليف حتى بالأرواح وبالاقتصاد وبغيره لأنه معتبرينها وكذلك الإيرانيين، وهذا الفرق بين قدرة إيران على الاستمرار بالحرب على الرغم من الخسائر الفادحة والكبيرة وأنا بتصور الوضع بإيران بعد انتهاء الحرب سيكون سيء لسنوات بعد الدمار الكبير والتكاليف الكبيرة على اقتصاد أصلاً وضعه كثير صعب يعني مستقبل هذا فسفتنا هون بحديث ثاني، فإذا التقدير الشخصي إنه بنتيجة كل هالعوامل اللي حكينا فيها عندنا مهلة أسبوعين لثلاث أسابيع لتحديد الموقف الأمريكي النهائي بتصور بشيء شكل من أشكال إنهاء هذا الصراع بالنسبة لأمريكا، هل ستستمر إسرائيل من بعدها؟ هل انسحاب الولايات المتحدة الأمريكية من الحرب يعني إنه إيران بالضرورة تتوقف عن عدوان اللي هي عم تمارسه على الدول بالخليج وغيره؟

لأنه هي بالبداية قالت إنه ضرب القواعد الأمريكية ولكن شفنا إنه القصف الإيراني توسع ليطال مطارات ومنشآت ونفط وغيره، ف هل أسبوعين ثلاثة يمكن أيام ما حدا بيعرف، تا تقدر الولايات المتحدة الأمريكية توقف مهمتها العسكرية اللي عم تقوم فيها هذا العدوان اللي عم تقوم فيه بإيران يستدعي إنه يكون في خطوط تفاوض ولو غير معلنة على إنه منوقف بس بدكم توقفوا لأنه إذا إيران بترجع بتكمل بتضل بتبعها لا يستطيع كيف بده يطلع ترامب إنه هو حقق أهدافه وانتهى من إيران، ف هل هذا الأمر سهل ولا مش سهل تنشوف الأيام الجاية شو بتجيب معها، من الجهة الإسرائيلية بعد في ضغط إنه هذه الحرب مع تقليل أهدافها ما بطل في إسقاط نظام عند وزراء بالحكومة الإسرائيلية اليوم.

ولكن عم يدفعوا بإنه هذه الحرب تطول لأنه عم نقول هذه الحرب وجودية بالنسبة لإسرائيلين وأكثر من قصة وجودية هذه الحرب هي وانس إن لايف تايم أوبورتيونيتي يعني هذه فرصة تأتي مرة في العمر، ما في لا نتنياهو ولا أي حكومة ثانية يتوقعوا إنه بالقريب العاجل بيقدروا يرجعوا يضربوا لهم شيء سبع ثمان تسع دول بهذه المنطقة مثل ما صار بثلاث سنين الماضية، هذه مرحلة تنتهي قريباً والمدة للإسرائيليين يرون فيها نافذة الفرصة تبعهم لاستكمال ما يقومون به بالمنطقة هو وصولاً إلى الانتخابات النصفية الأمريكية بنوفمبر اللي جاية اللي من المتوقع إنه ترامب يخسر فيها الحزب الجمهوري يخسر فيها الأكثريتين في مجلس الشيوخ ومجلس الكونغرس بما يصبح للديمقراطيين بما يتيح لهم من قدرات لتعطيل قراراتها الكبرى بكثير من الأمور وبالتالي بتصير الأولويات الأمريكية محلية وبيصير كثير من حتى النواب وأعضاء مجلس الشيوخ الجمهوريين بدهم يشوفوا كيف بدهم يحددوا الخسائر تمهيداً لانتخاباتهم القادمة من بعدها اللي فيها رئاسة وأيضاً جزء من المجلس المجلسين بعد سنتين من تلك الانتخابات.

فهذه هي المدة الزمنية، معك لسبتمبر نوفمبر أكتوبر بهذه المدة الزمنية اللي عم يحاول الإسرائيلي يدفع باتجاهها تينهي ما يمكن إنهاءه يضعف ما يمكن إضعافه يغير في واقع المنطقة ما يمكن تغييره لنوصل لواقع قد يكون مختلف بعد تلك الانتخابات، نوصل على الوضع اللبناني، قلت إنه الانتهاء إنه الحرب الانتخابات طارت الانتخابات كما كان متوقعاً منذ أشهر بسبب الحرب، ما كان متوقع بسبب الحرب بس كان القرار متخذ منذ أشهر.

الوضع بلبنان عم بقول أنا منفصل كما يقول حتى مسؤولين بإسرائيل مش إنه بس تحليل القصة، عن مسار الحرب يعني حتى لو انتهت الحرب بإيران هذا لا يعني إنه الحرب في لبنان ستنتهي، في حديث وفي تسريبات إنه بإيران وحدة من الشروط تبعهم للقبول بوقف إطلاق النار كنا عم نحكي بدها تفاوض لكيف يصير في وقف إطلاق النار حتى من الجهة الأمريكية إنه هذا لا يمكن أن يحصل إلا ما ندخل لبنان أيضاً في التفاوض، أنا بستصعب ما بعرف قديش موازين القوى تسمح لإيران مزعجين عندهم قدرة على التأثير على الضغط لا شك بس إنه يقدروا يحددوا شروط تتعلق بإسرائيل شو بتعمل بلبنان يعني بمنطقتها الجغرافية بستصعب.

هل تبقى إيران بإطلاق الصواريخ على إسرائيل في حال رفضت إسرائيل ربط المسارين وهي ترفض رفض المسارين وأعلنوا هذا الأمر؟ تنشوف كمان بستبعد بس مين بيعرف، المشكلة بلبنان أنا برأيي أكبر وأبعد من فقط العدوان القائم عليه واللي صاير بالمنطقة، المشكلة بلبنان إنه كل المسارات السياسية اللي عادة حتى ترافق الحروب تتوازى معها كلها غايبة، على الصعيد المحلي الحكومة ووجود وزراء من حزب الله بالحكومة على أساس يخلقوا مسار لكيف هن أوكي وافقنا على حصر السلاح تعالوا تنشوف كيف هذا كله منتهي، انقطعت شعرة معاوية بين الأطراف السياسيين في لبنان.

الخماسية الميكانيزم المفادين الأمريكيين الفرنسيين كل هالمسارات هذه أيضاً مقفلة ومنتهية، في الفرنسي بس فرنسي يعني لا يستدعى لا يتصل به من قبل كبار المسؤولين في لبنان إلا وقت يكون التليفون الأمريكي مسكر ومشان هيك شفنا اتصالات بمكرون في الأسبوع الماضي وقفنا إذا بيقدر يضغط على إسرائيل ما تضرب الضاحية بنفس الليلة 11 غارة على الضاحية تشوفوا التأثير الفرنسي وين، ف مع غياب الخماسية صار في وحكيتها امبارح على التلفزيون العربي حسب أكسيوس وساطة من رئيس الجمهورية طلب وساطة من رئيس الجمهورية كما قالت أكسيوس بالاتصال بتوم براك سفير الولايات المتحدة الأمريكية بتركيا اللي كان مبعوث للمنطقة ورجع أخرج من الملف اللبناني.

للتوسط و لإيصال مبادرة لبنانية رجع أعلنها رئيس الجمهورية قبل امبارح لتقوم على اعتبار حزب الله ورط لبنان بمحاولة استدراج توغل إسرائيلي ليرجع يعيد شرعية سلاح وهذا الكلام اللي قال رئيس الجمهورية وإنه هذا الأمر عم يحطنا عم يحط الدولة اللبنانية في لتكون محاصرة من جهة إنه ما بتقدر ترد على الإسرائيلي فبتعطي شرعية أكثر لسلاح ومن جهة ثانية إنه يبرر وجود هذا السلاح من خلال إعادة احتلال إسرائيل لجزء من الأراضي اللبنانية، ولكن مش هذا المهم مش هذه المبادرة اللي طرحها.

طرح المبادرة بيقول إنه بتوقف إسرائيل اعتداءاتها بتنسحب من لبنان وعلى الفور بيقوم الجيش وبتقوم الحكومة اللبنانية بتطبيق قرارها بحصر السلاح مما يوحي إنه بتطبيقها بالقوة، بالتوازي مع استعدادنا نبلش فوراً بمفاوضات مباشرة في قبرص على مستوى وزاري بين لبنان وإسرائيل لإنهاء الحرب لإنهاء الحرب و لسلام يعني ليصير في سلام بين الدولتين بعد إنهاء الحرب، الجواب الأمريكي كان بارد وإنه لا ثقة بالحكم في لبنان بعد ما أعطي فرصة في الأشهر الماضية وما عمل شيء جدي ورجع بين في وجود لحزب الله حتى بجنوب الليطاني.

وإنه عليكم تاخدوا القرارات الحاسمة لحصر السلاح نزع سلاح حزب الله وإلا العواقب وخيمة، الجواب الإسرائيلي ما كان بارد كان رافض نهائياً لا تفاوض ولا غيره، كمان نفس الحديث إنه لا ثقة في الحكم في لبنان، شو المطلوب من لبنان؟ شروط اللي عم بتيجي على لبنان خطيرة للغاية وأنا رأيي في مشروع إسرائيلي واضح لتحويل جزء من الصراع ليصير صراع داخلي لبناني، بتبقى هي بتقصف بتشيل بتحط وين عندها أهداف وقت اللي بدها بتحتل المناطق اللي بتلاقيها مناسبة.

ولكن إذا واحد بيشوف أولاً الشروط وبعدين مجموعة معطيات عم بتصير حوالينا وبالأشهر الماضية وصولاً لليوم بيقدر يفهم شو اللي عم جرب تعمله إسرائيل، الشروط أولاً إنه أنت أنتم بالحكومة قلتوا إنه الجناح العسكري لحزب الله والأمني بتعتبروه غير قانوني خارج عن سلطة الدولة وبالتالي محظور حظره، هذا ما بيكفي بدكم تعتبروا حزب الله كله منظمة إرهابية السياسة وغيره وحتى عملوا بالسياسة بيصير غير قانوني غير خارج النظام اللبناني، ما تفصلوا بين الجناح السياسي والعسكري، لا هذا كله هذا ما نخلص منه، ومن هون في واحد يفهم شيء من الضربات على القرض الحسن وبعض الأمور اللي أنا برأيي يمكن أن تتوسع تختص بأجهزة حزب الله بشكل عام.

سحب سلاح حزب الله بالكامل، بتسيطروا على المواقع تبعه، بتسيطروا على كل ما يمتلكه من بنى تحتية، وساعتها من فوت بمسار تفاوض مباشر منوصل على سلام في هذه المستويات هذا التدرج، شوفوا حدا فيكم تشوفوا حدا الاتصالات اللي عم بتيجي لكثير ناس مخاتير مثلا امبارح على بلدة رميش إنه أنتم خليكم أنتم مواطنين بالبلدة بس عليكم حمايتها من حزب الله وإلا أنتم بتتحملوا مسؤولية، نحط مسيحية بوش شيعة، اتصالات كثيرة عم بتيجي على هذا الشكل لناس محايدين محددين بيحكون الإسرائيليين بالمباشر مع تهديد وفصل طائفي في الفصل الطائفي بال بالقصف واضح.

و بالإضافة لعندكم مثلا أفيخاي أدرعي عامل فيديو عم يخبرنا قديش هو بحب فيروز والثقافة اللبنانية والفنية وإجا حزب الله إيراني نزع لكم إياها وأنتم كنتوا بتعرفوا حرص إسرائيل على إنه لبنان يزدهر تاريخي ومعلوم ومعروف، عم يحاول يضحك علينا أفيخاي أدرعي بس بتفهموا من خلال هالتصريحات والأفعال سوا النية الإسرائيلية هذا الشرخ يتعزز وهو أصلاً يعني من دون دف بيرقص يعني، و إلى جانب هذا الشيء الحملة على قائد الجيش اللي هي أنا برأيي جوهر الإشكال اللي معقول يفجر البلد عم يخلينا ب المخاطر الهائلة اللي نحن فيها بمستواها كعدوان خارجي على لبنان، اليوم اللي صار مع قائد الجيش تا واحد يستعيده بلش الضغط على قائد الجيش من وقت زيارات مورغن أورتيغوس إلى لبنان ويمكن عمل شي جلستين معهم مثل ما فهمت والجلستين كان في محاولة دائمة إنه تاخدوا على اعتبار إنه أنت بدك تتصرف بشيء طلب منه إنه حزب الله كتنظيم إرهابي على الجيش إنه ينقي نفسه تنقية وتطهير الجيش من حزب الله.

عم نحكي جوات الجيش يصير في عمليات يعني تنقية، و بالإضافة طبعاً للطلبات اللي صارت لاحقاً إنه يروح بالقوة الجيش ل يصطدم بحزب الله، جواب قائد الجيش كان أول شيء ب رفضه أول طلب على اعتبار إنه أنا باخد أوامر من الحكومة اللبنانية، ما في شيء ما بعوز أمريكاني يقول لي روح طهر الجيش تبعك، إذا الحكومة اللبنانية أخذت قرار بهذا الموضوع ننفذ أوامر الحكومة اللبنانية، وعندما طلب من الجيش خطة لحصر السلاح قدم الخطة من المراحل كلها سوا مراحل هول الأربعة مدري خمسة وكنا صرنا بالمرحلة الثانية واللي كان مشترط من بداية القرار إنه تنتقل أنا للمرحلة الثانية بدها انسحاب إسرائيل من المواقع تا أقدر أخلص المرحلة الأولى لأنه من دونها في مناطق أنا ماني قادر فوت عليها بالجنوب، و المرحلة الثانية أيضاً تستدعي دعم للجيش بالعتيد والعتاد اللي بيخليه يقوم بالمهام الملقاة عليه وهذا لم يحصل، وآخر اجتماع إنه أربعة لثمان أشهر بانتظار توفر ظروف على أساس في مؤتمر دعم للجيش وما صار.

رجع الإشكال الشهير اللي صار بآخر جلسة مش آخر جلسة الجلسة السابقة لمجلس مش الأسبق لمجلس وزراء عند الاصطدام بين رئيس الحكومة وقائد الجيش على اعتبار إنه نحن اعتبرنا الجناح العسكري والأمني لحزب الله غير قانوني وبالتالي بدك تروح تنفذ قبل هذا الموضوع كان طرح على قائد الجيش خبرنا شو الخيارات اللي قدامنا تا الجيش يتصرف في الواقع الذي نحن فيه، فطرح الخيار الأول إنه في احتلال في دخول لقوات غازية وبالتالي الاحتمال الأول الجيش يشتبك معها للدفاع عن الأراضي اللبنانية.

هون كان في مطلب من رئيس الجمهورية ومن الحكومة إنه لا ما تفوتوا الجيش بهالقصة يقضى على الجيش تماماً في ظل موازين القوى القائمة ووضع الجيش وغيره، وبالتالي رفض قائد الجيش ل فكرة إنه أنا أتصرف بإنه روح اصطدم بحزب الله على اعتبار إنه أنا هلا هي والحرب دايرة مكلف إنه اعتبره هو جناحه العسكري والأمني جناح غير قانوني عنده كثير مشاكل غير أول شيء المشاكل على وحدته وتماسك الجيش ما حدا بيعرف معروف يمكن أنا ما بعرف على كل حال بس يحكى إنه في حوالي 40% من الجيش اللبناني من الطائفة الشيعية اللي جزء منهم قد يكون متعاطف مع حزب الله وهذا الشيء بخوف إنه يصير في مشكل بتماسك الجيش.

ثانياً احتكاك الجيش مع حزب الله بغض النظر عن تماسكه سيؤدي حتماً إلى اصطدام أهلي محلي داخلي لن ينتهي ب بعملية عسكرية وخلصنا يعني بالحد الأدنى أخذنا على حرب أهلية، ثلاثة أنا ما فيي أحكي مع العسكريين كقائد جيش أنا وبلدي عم ينقصف وفي قوات غازية تدخل وتحتل مناطق في ومواقع فيه، روح بلش حرب مش عليهم لهوديك بلش حرب على ناس عم يقاتلوهم، ساعتها شو بتصير وظيفة الجيش؟ شو شو بتكون عقيدته كلها وتماسكه بغض النظر عن الطوائف؟ شو معناتها في جيش لبناني عم يقوم بإنه في واحد بفوت بيحتل هذا ما فيي أتعرض له بس بروح بتعرض لطرف عم يقاتله بغض النظر إذا هالطرف له حق ولا ما له حق بس بمنطق وجود جيش شغلته الدفاع عن البلد بوجه الأعداء والقوى الغازية وغيره أنا ما بقدر آخد هيك قرار هي والحرب دايرة وفي احتلال قائم بالبلد.

صار تتوسع الحملة على قائد الجيش وفيكم تشوفوا أنا برأيي في أصابع إسرائيلية وراها لسبب بسيط، مش عم بقول إنه اللي حكيوا على قائد الجيش هن عملاء لإسرائيل حيث يدرون أو لا يدرون أنا برأيي عم بصبوا بنفس الإشكال، لأنه لينزي غراهام إذا بتتذكروا وقت كان في زيارة أول زيارة ألغيت لقائد الجيش تحت الضغط الأمريكي وبعض الداخل لإلغاء زيارته إلى الولايات المتحدة الأمريكية مثل ما بتتذكروا، بعد ما إنه طلع على بيان للجيش قال في العدو الإسرائيلي على أساس الجيش المفروض يسميه صديق إسرائيل الجيش اللبناني اللي هو بأمره سياسية وبعده دستورنا واضح وقرارنا السياسي بالبلد الرسمي على القليلة واضح بشو هي إسرائيل بعد ما عملنا اتفاقية السلام لحد هلا.

بس ب بعد ما صار في اتصالات لإعادة ترتيب الزيارة بتتذكروا لينزي غراهام فات بال بالبنطلون هذا السبور وحاطط كاسكيت على رأسه وبقوم بيقول له أنت بتعتبره إرهابي لحزب الله؟ وقتها قال له بالسياق اللبناني لا ما بعتبره إرهابي ما بقدر أعتبره إرهابي، قطع اللقاء وأبدى استنكاره وبلش الحديث، هلا مين هو لينزي غراهام؟ هل لينزي غراهام يعبر عن الإدارة الأمريكية؟ من بعد زيارة القائد الجيش وهذه الواقعة اللي صارت رجع وصل رسائل للبنان إنه خي هذا لا يعبر عن الإدارة الأمريكية هذا عضو مجلس شيوخ بيعطي رأيه.

ولكن لينزي غراهام غير إنه مثل ما قلت كمان بفيديو سابق هو ثاني أكبر عضو مجلس شيوخ أما عضو كونغرس بشكل عام بالمجلسين تلقياً للدعم المالي من اللوبيات الإسرائيلية كان حوالي 1.8 مليون دولار عم نحكي هذه آخر انتخابات هذا الشيء الرسمي المعلن هلا في شيء براني الله أعلم، هذا الرسمي المعلن 1.8 مليون دولار اللي هو ثاني أكثر واحد بكل هول الأعضاء، هلا امبارح بتصور امبارح مش قبل لا امبارح الوول ستريت جورنال بتحكي إنه رح أقرأها بالانجليزي معلش إنه تو هيلب ميك كيس عم يحكوا عن لينزي غراهام تو هيلب ميك كيس أون إيران غراهام ترافل سيفيرال تايمز تو إسرائيل إن ريسنت ويكس تي يبني القضية ضد إيران غراهام سافر على إسرائيل مرات عدة بالأسابيع القليلة الماضية وعلى فكرة في كان تذمر من أعضاء في الكابينيت الأمريكي وزراء يعني من مدى حجم السفرات اللي عم يقوم فيها لدولة أجنبية عضو مجلس شيوخ يعني أوكي واحد بيعمل زيارة بس أنت على كل حال.

ليلتلقي وذ ممبرز أوف ذي كونتريز انتليجنس ايجنسي ليلتقي أعضاء بجهاز المخابرات بإسرائيل وقال لينزي غراهام بيخبروني شيء قصص هونيك ما بيخبروني إياها بأمريكا دولتنا ما بتخبرنا إياها يعني هو بالنسبة له، هي سبوك تو إسرائيلي برايم منستر تحدث مع رئيس وزراء الإسرائيلي نتنياهو كوتشينغ هم أون هاو تو لوبي ذي بريزيدنت فور أكشن ضد إيران يعني، ف عم يحاول تدريب نتنياهو لكيف بيقدر يمارس الضغوطات والاحتيالات كوتشينغ هم على تو لوبي الرئيس الأمريكي ليعمل حرب على إيران، هذا بيشتغل عند مين؟ يعني هذا بأي دولة طبيعية هذا عمل خيانة فعلياً إنك أنت تروح عند دولة أجنبية تمرن رئيسها كيف بيقدر يضغط على رئيسك إلك تيقوم بعمل ما، قول بلبنان كله بيصير بس إنه بالعالم عم نحكي.