Speaker A
السلام عليكم ورحمه الله، وهذه الحلقة هي إعادة لواحد الحلقة كنت درتها يمكن عامين دابا.
فيديو يشرح كيفية تقديم عرض مشروع نهاية الدراسة (سوتونوس) بنجاح مع نصائح عملية لتحضير الباوربوينت والتعامل مع لجنة التقييم.
Key Takeaways
- تحضير عرض الباوربوينت يجب أن يكون بسيط وواضح مع استخدام ألوان وخطوط محددة.
- التركيز على الإشكالية في بداية العرض لتحديد هدف المشروع بوضوح.
- التعامل مع لجنة التقييم بثقة وعدم الخوف منهم.
- تقديم العرض بشكل مختصر ومنظم مع تجنب الإطالة في الشكر في البداية.
- التحضير الجيد للعرض وحفظه في أكثر من مكان لتفادي المشاكل التقنية.
Summary
- شرح مفهوم السوتونوس كعرض مشروع نهاية الدراسة أو بروجي دو فان ديتود.
- أهمية تحضير عرض الباوربوينت بشكل بسيط، واضح، قصير، إبداعي وتفاعلي.
- توضيح شكل الباوربوينت من صفحة الغلاف، الإشكالية، المنهجية، النتائج والحلول.
- كيفية تقديم العرض بثقة واحترافية أمام لجنة التقييم.
- نصائح للتعامل مع لجنة التقييم وعدم الخوف منهم.
- أهمية التركيز على الإشكالية وربط كل محتوى العرض بها.
- تقديم مثال عملي لإشكالية مشروع تطبيق إدارة المخزون.
- التأكيد على ضرورة تحضير العرض بشكل جيد وحفظه في عدة أماكن لتجنب المشاكل التقنية.
- نصائح حول بداية العرض وكيفية شكر اللجنة بشكل مختصر.
- توضيح أن الأساتذة ليسوا خصوماً بل داعمين للطالب.
Full Transcript — Download SRT & Markdown
Speaker A
ولكن الكاليتي كانت فاشلة، المهم بالإضافة لهذه الحلقة اللي غادي ندير اليوم، كنظن أنه مزيان تمشيو تشوفوا الحلقة اللي كنت درت على لي زيكسبوزي.
Speaker A
والحلقة الأخرى ديال كيفاش تصايب إكسبوزي والعرض من A حتى لـ Z، وهذه الحلقة غادي تكون خاصة غير بالسوتونوس يعني العرض ديال مشروع نهاية الدراسة، لو بروجي دو فان ديتود بالفرنسية.
Speaker A
بالنسبة للناس اللي ما عارفينهاش غادي نشرح لكم ببساطة، هذه السوتونوس هي أنه مثلا قبل ما تشد الدبلوم ديالك باك بلوس 2 ولا باك بلوس 3 ولا باك بلوس 5.
Speaker A
كتكون خدمتي على شي بروجي ولا دوزتي شي سطاج في شركة، نظريا كتكون عاونتي بشي حاجة ولا طورتي شي حاجة وكانت عندك واحد القيمة مضافة، فالوغ أجوتي بالفرنسية.
Speaker A
ومع الأسف كاين اللي كيكون كيقرأ مزيان، تكون حراف، ديما جاي هو الأول، ولكن كيجي حتى للسوتونوس وكيخربقها، وكاين اللي كيدير سطاج واعر ولكن نهار السوتونوس ما كيعرفش يبريزونطي مزيان، وكاين اللي كيدير بروجي عادي في شركة عادية، ولكن كيعرف كيفاش يهضر عليه وكيصدق مسوتني مزيان وخارج ناشط هذاك النهار.
Speaker A
كيفما كيقول المثل المغربي زوقت بيع.
Speaker A
هذه الحلقة مقسمة لأربعة ديال الفقرات.
Speaker A
كيفاش توجد الباوربوينت ولا ذاك السيبورت اللي غادي تبريزونطي به.
Speaker A
كيفاش تبريزونطي، تقدم العرض.
Speaker A
كيفاش تجاوب على الأسئلة اللي غادي يسولوك.
Speaker A
وفي الأخير غادي تكون واحد النصائح عامة.
Speaker A
وركزوا معايا مزيان في هذه الحلقة.
Speaker A
ونبدأو على بركة الله.
Speaker A
ملاحظة غادي نديرها في الأول وغادي نركز عليها في الأخير.
Speaker A
هو أن ذوك اللجنة ديال التقييم ولا لي مومبغ ديال الجوري اللي تيكونوا أون فاس ليك وانت كبريزونطي عليهم، راه ماشي من الماسونية ولا متآمرين عليك باش يسقطوك ولا باغيين يديروا لك الشوهة قدام صحابك اللي غيجيو يحضروا لك مثلا.
Speaker A
هذه الهضرة اللي كيروج ليها.
Speaker A
خصه العصا، الأساتذة الفاضلين راه بالعكس كيشرفهم أنك مشيتي لواحد الشركة ودرتي فيها سطاج ومثلتي المؤسسة ديالك أحسن تمثيل.
Speaker A
وطبقتي ذاك الشيء اللي قراوك.
Speaker A
خصوصا إلا كنت كتقرأ مزيان عندهم.
Speaker A
وكاينة ديك الهضرة عاوتاني ديال الأستاذ الفلان فلاني إلا جاء عندك كحلتيها في السوتونوس والأستاذة الفلان فلانية راه مسمومة كتغير من البنات الزوينات.
Speaker A
المهم هذه الهضرة ديال الكيلو راه موجودة.
Speaker A
ترجلوا معنا الشباب.
Speaker A
هذه الأساتذة دابا بالله عليكم واش ما عندهم ما يدار؟
Speaker A
قال أنا ما عندي ما يدار غنجي نمرض ذاك الطالب نمرضه في حياته.
Speaker A
هو ما عنده دراري، هو ما عنده مشاغل، ما عنده مشاكل، يجي يحضي غير أنتيا.
Speaker A
تعطيها شوية.
Speaker A
إني واي، الباوربوينت ولا السيبورت ديال ليكسبوزي ولا السوتونوس.
Speaker A
كيتميز بخمسة ديال الخصائص أساسية.
Speaker A
أولا خصو يكون بسيط.
Speaker A
يعني تستعمل فيه جوج ولا ثلاثة ديال الألوان ماكسيموم.
Speaker A
وتحافظ على نفس الخط ونفس الحجم ديال الكتابة.
Speaker A
ثانيا يكون واضح.
Speaker A
يعني يكون فيه تصاور، دي غرافيك، مبيانات، دي طابلو.
Speaker A
ما تكونش فيه غير الكتابة الكتابة الكتابة.
Speaker A
وثالثا يكون قصير.
Speaker A
يعني كحد أقصى 20 سلايد.
Speaker A
ما بين 15 و 20 سلايد كحد أقصى.
Speaker A
رابعا خاصو يكون بواحد الطريقة إبداعية.
Speaker A
ما يكونش كوبي كولي من الرابور.
Speaker A
يعني تشد ذاك السومير تجيبه كما هو وتزيد تحطه لهم تما بلي شابيتغ ديالو بالعناوين ديالو.
Speaker A
خصو تكون بحال هكا.
Speaker A
من الأحسن تلقى شي طريقة اللي تقسم بها ذوك الشابيتغات باش توصل الميساج في أسرع وقت.
Speaker A
ما كيعنيش غاتجيب شي حاجة خارج الرابور ولكن غير ما تعاودش الرابور.
Speaker A
حيت الرابور كيقرأ هو عنده.
Speaker A
خامسا خصو يكون تفاعلي.
Speaker A
ولكن بهذيك الخاصية الأولى ديال بسيط.
Speaker A
يعني بسيط وتفاعلي.
Speaker A
يكون العناوين كتبدل، شي حاجة كتبدل لها اللون.
Speaker A
شي حاجة كتحرك، المهم ما يكونش ثاني ناشف وفيه غير الكتابة.
Speaker A
وهذاك الشيء كيأتيري لاطونسيون ديال الأساتذة وكيبقاو متبعين معاك.
Speaker A
واضح؟
Speaker A
واضح أسيدي.
Speaker A
من بعد ما عرفنا الخصائص خاصنا نعرفوا الشكل ديال هذا السيبورت.
Speaker A
كاين الباج دو غارد ولا ديك الصفحة الأولى.
Speaker A
عادة كيعطيوها لكم المدرسة باش ما تبقاوش ديروا قوس قزح.
Speaker A
كتكون سطوندار.
Speaker A
مزيان تسولوا على الشاف فيليغ ولا لونكادغون إلا كانت عندكم.
Speaker A
سينو كدير وحدة سامبل.
Speaker A
اللوغو ديال المؤسسة مع ديال الجامعة.
Speaker A
السمية ديالو مثلا جامعة الحسن الأول، كلية خريبكة للفنون الخارقة إلى آخره.
Speaker A
والوسط كدير العنوان ديال البروجي ولا لانتيتولي.
Speaker A
من التحت كدير اللجنة ولونكادغون وبالجنب كدير سميتك أنت ولا الكروب اللي خدمتوا عليه والتاريخ بطبيعة الحال.
Speaker A
ودائما شحال ما كانت سامبل شحال ما مزيان.
Speaker A
ثانيا الإشكالية أو لا لا بروبليماتيك.
Speaker A
ومزيان تكون شي حاجة معبرة، شي تصويرة، شي مبيان.
Speaker A
شي فيديو تكون فيه 15 ثانية مثلا.
Speaker A
أهم من هذا الشيء هو أن اللجنة في الإشكالية خاصهم يعرفوا علاش غادي تخدم.
Speaker A
المحتوى ديال العرض ديالك.
Speaker A
والأسئلة اللي غادي تجاوب عليها.
Speaker A
وما تحكروش هذه الإشكالية وخا سلايد واحد وغتكون فيها غير 30 ثانية.
Speaker A
راه كيتمحور عليها كل شيء.
Speaker A
حيت كتكون داير بروجي واعر وخدمة واعرة ولكن ما عبرتيش عليها في الإشكالية.
Speaker A
فاش غاتسالي بريزونطاسيون غيقول لك شنو علاقة هذا الشيء بالبروبليماتيك.
Speaker A
يعني غادي يقدر يحرق لك كل شيء.
Speaker A
نعطيكم مثال.
Speaker A
عندك بروجي ديال صايب أبليكاسيون دو جيستيون دو ستوك باش الناس ديال الشركة يعرفوا شحال بقى لهم ديال السلعة.
Speaker A
باش الجوري ديالك يقتنع بالبروجي.
Speaker A
خاصك تقول لي أودي راه الشركات ديال الماكلة كيعانيو من التلف ديال المواد الأولية بسبب أنهم ما كيخدموش بالوسائل التقنية الحديثة.
Speaker A
ما كيتبعوش لادات ديكسبيرسيون ومازال خدامين غير بالوراق وذاك الشيء كيتخلط وكيترون.
Speaker A
وما كيعطيوش معلومات دقيقة على الستوك.
Speaker A
هذه هي الكونتكستياليزاسيون ديال البروجي.
Speaker A
يعني كتعطي السياق.
Speaker A
عاد كدوز للأسئلة اللي غاتجاوب عليها.
Speaker A
مثلا كيف يمكننا رصد هذه المشاكل؟
Speaker A
يعني غادي دير واحد الدياكنوستيك.
Speaker A
وإلى أي مدى تتسبب بخسائر للشركة؟
Speaker A
أحسن ما.
Speaker A
شنو هو لامباكت ديال هذا الموفيز جيستيون دو ستوك؟
Speaker A
ثم كيفاش يمكن لنا نتبعوا التطور ديال هذا الستوك هذا؟
Speaker A
يعني لاسوليسيون اللي غتختارها.
Speaker A
وشنو هما التحديات اللي غادي يواجهوك؟
Speaker A
يعني هذه التساؤلات بربعة كيبينوا لي أنا كجوري أنك راه فوالا غاتخدم على واحد الإشكالية ديال جيستيون دو ستوك وراك تبعتي واحد المراحل وغاتعرف دير دياكنوستيك.
Speaker A
من بعد غادي تشوف لامباكت، من بعد غادي تعطي لاسوليسيون، من بعد غادي تشوف كيفاش تحافظ على لاسوليسيون.
Speaker A
يعني ملي بريزونطيتي لي أنا الإشكالية بهذا الشكل في 30 ثانية، عرفت أن هذيك 10 لي سلايد اللي بقاو لك من بعد أشنو هو غادي يكون فيهم وغانبقى متبع معاك.
Speaker A
ماشي نيشان تدخل وبدا تقول لي غاتصايب واحد لابليكاسيون شنو كدير شنو كدير شنو كدير.
Speaker A
غنقول لك أنا وعلاش مصدع راسك مع هذه لابليكاسيون أصلا؟
Speaker A
شكون اللي قال لك صايبها؟
Speaker A
الناس كانوا خدامين، علاش غاتزيد تخسر الوقت وتخسر الفلوس؟
Speaker A
ما عرفتش واش واضحة.
Speaker A
ثالثا هو لو بلان اللي كدوز ليه مباشرة من بعد الإشكالية.
Speaker A
كتقول لهم يعني.
Speaker A
ها هي الإشكالية وها كيفاش غادي نخدم عليها.
Speaker A
بالأساس تيكون بداية التعريف بالشركة ولا بالبلاص اللي أنت خدام فيها ولا فين درتي البروجي.
Speaker A
المنهجية اللي استعملتي لاميتودولوجي.
Speaker A
بالنسبة للناس اللي دايرين الهندسة ولا التسيير عندكم بزاف دلي ميتودولوجي دو غيزوليسيون دو بروبليم بحال.
Speaker A
دايمايسيب، بحال بي دي سي أ، بحال السوات، بحال البينش مارك وإلى آخره.
Speaker A
وهذا الشيء راكم قريتوه وموجود في الأنترنت.
Speaker A
من بعد المنهجية كتعطي ليزوتي اللي خدمتي بهم.
Speaker A
ومن وراها كتعطي النتائج اللي توصلتي ليها.
Speaker A
والحلول اللي اقترحت.
Speaker A
وكدير خلاصة على هذا الشيء كامل.
Speaker A
دابا ندوزو لكيفاش غادي دوز هذه السوتونوس.
Speaker A
ذاك السيبورت الباوربوينت اللي صايبتي خاصك تكون دايرو في كلي وي إس بي ومصيفطو لراسك في الميل.
Speaker A
وعاطي لشي صاحبك مثلا.
Speaker A
باش إلا ما خدمش لك البيسي تلقى باش ديباني وما تزيدش تترس أكثر.
Speaker A
ها أنت أسطاليتي، ها أنت أفيشيتي ديك الباج دو غارد.
Speaker A
ملي توقف قدام الجوري حاول تطلع النفس مزيان وتشوف ليه.
Speaker A
وتقول بسم الله توكلت على الله، ربي اشرح لي صدري ويسر لي أمري واحلل عقدة من لساني يفقهوا قولي.
Speaker A
ومن الأحسن كاع تكون موضي وتطلق ديك الابتسامة.
Speaker A
وكل شيء غادي يدوز مزيان.
Speaker A
أول حاجة كطرى هو أن الرئيس ديال اللجنة يعني البريزيدون ديال الجوري.
Speaker A
كيبدا هو الأولاني.
Speaker A
غادي يقول لك مثلا بونجور أ توت إي أ توس، أوجوغدوي مسيو محمد ولد أمينة فا نو بريزونطي لو فوي دو سون بروجي دو فان ديتود انتيتولي لا جيستيون دي ستوك أو سان دي زونطخوبريز أغرو أليومونتيغ.
Speaker A
أ فو لا باغول.
Speaker A
ولا يقدر يقول لك جو فوزون بغي.
Speaker A
وهنايا ما تخاف ما تدهش.
Speaker A
أصلا اللي عنده تجربة وكيدير لي زيكسبوزي بزاف ما غادي يحس بوالو.
Speaker A
وحتى اللي موجد مزيان ما كيحس بوالو كيفما شرحت في هذا الفيديو.
Speaker A
أهم حاجة في هذه اللحظة هي ديك لابخيز دو كونتاكت الأولى.
Speaker A
خاصها تكون بصوت طالع شوية وبكل ثقة في النفس.
Speaker A
غاتقول ميرسي مسيو لو بريزيدون، ميرسي مادام لا بريزيدونت.
Speaker A
ميرسي مدام إي مسيو لي مومبغ دو جوري.
Speaker A
من بعد ما الغوميرسيومون تساليت، كتونشيني.
Speaker A
إيفيكتيفمون مون بروجي دو فان ديتود سانتيتول لا جيستيون دو ستوك ماشا.
Speaker A
وهذه اللقطة غير كتعاود فيها البروجي باش كتونكاجا في السوتونوس.
Speaker A
وكتاخذ واحد الثقة من النفس.
Speaker A
وكاين اللي في هذه اللقطة كيبغي يبقى يدير ذاك الغوميرسيومون طويل.
Speaker A
يبقى يشكر في الأساتذة، في ماما، في بابا.
Speaker A
في كاع اللي عاونوه.
Speaker A
في نظري أنا غير كتضيع الوقت في هذه البدية هذه.
Speaker A
كتقدر تلعتم في ذاك الشكر اللي غالبا كيكون غير محفوظ.
Speaker A
كنظن من الأحسن تخليه حتى للآخر وغادي نوريكم كيفاش.
Speaker A
في الأول غير غوميرسيومون خفيف وصافي وكتبدا البروجي ديالك.
Speaker A
حيت دير راسك في بلاصة الأساتذة، كل شيء كيبقى يدير ذاك الغوميرسيومون النهار كامل.
Speaker A
ميرسي ميرسي ميرسي راه كيطيبوا مساكن.
Speaker A
كنظن أنه دقيقة ما تفوتهاش في هذا التقديم الأولاني ودوز دغيا لذاك الشيء اللي مهم.
Speaker A
مباشرة كدوز كتطرح لهم الإشكالية كيفما قلت.
Speaker A
واللي فريمون خاص تشد بها الانتباه ديال الجوري، إما بشي رقم صادم، إما بشي إحصائية، إما بشي تصويرة.
Speaker A
شي حاجة كارثية لا يستر، شي أزمة، المهم شي حاجة اللي كتأتيري لاطونسيون.
Speaker A
وماشي ضروري تبقى دير الكتابة بزاف وأنت تقرأها لهم.
Speaker A
مور الإشكالية كتقول لهم بوغ طخيتي سو سوجي جو في بخوسيدي كوم سوي.
Speaker A
يعني غادي نتبع هذه المراحل.
Speaker A
ولا كتقول لهم بوغ طخيتي سو سوجي أون فا كومونسي باغ أون انطخوديكسيون.
Speaker A
أون بخيزونطاسيون دو كذا، المهم كتقول.
Speaker A
كتبدا ديك الساعة البلان ديالك كتافيشي وحدة مورا وحدة.
Speaker A
وهذه البارتية كاملة ديال الإشكالية وديال البريزونطاسيون ديال البلان خاصك دير فيها خمسة دقائق.
Speaker A
إلا فتي خمسة دقائق راك تيموغ زعما من الأحسن ما تطولش لهم في هذه البارتية هذه.
Speaker A
وواحد الخطأ كيديروه الطلبة هو أنهم كيدوزوا نص ساعة غير في البريزونطاسيون ديال لونطخوبريز اللي دوزوا فيها السطاج.
Speaker A
ثقوا بيا راه ما عندهاش أهمية أنك تبقى تقول لهم شكون هو لو سي بي شنو كيدير.
Speaker A
ولا شنو هي كوزيمار ولا شنو هي هولسيم، بحال هذه الشركات اللي أغلبية كيدوزوا فيهم الطلبة راه معروفة.
Speaker A
راه باينين كتصايب طوموبيلات ولا كتصايب كابلاج.
Speaker A
ولا هذاك يعني أغلبية السطاجات كدوزوهم في هذه الشركات اللي معروفة.
Speaker A
صافي بلا ما تبقى تحمق راسك معاها.
Speaker A
بين لهم غير فين درتي ديبارطومون ولا درتي فيهم سطاج بعجالة من غير إلا كانت شي شركة فريمون اللي ما معروفاش كاع.
Speaker A
وكدير شي حاجة اللي خارقة.
Speaker A
وشنو ما كانت هذه الشركة كدير تقديم بسيط إلا هو احتاج شي حاجة من بعد.
Speaker A
راه غيقول لك في لي كيستيون من بعد.
Speaker A
في الآخر ديال ليكسبوزي.
Speaker A
أشنو كدير هذه الشركة فين كاينة شنو كتصايب.
Speaker A
أما أنتيا ما تبقاش تحمقهم وتقول لهم بالتفاصيل شنو كدير هذه الشركة.
Speaker A
في الرأي ديالي.
Speaker A
لدرجة أنه كاين شي مرات اللي الجوري كيقولوا لنا نقزوا لابارتي ديال بريزونطاسيون دو لونطخوبريز.
Speaker A
هو كيقولها لك نيشان، كيقول لك إلا كانت عندك شي سلايد فيه بريزونطاسيون دو لونطخوبريز ما دوزهاش، دوز نيشان للبروبليماتيك ودوز نيشان لذاك الشيء الآخر.
Speaker A
وصافي من بعد لانتخوديكسيون كدوز كيفما قلت الفقرات كاملين اللي كاينين في البلان وحدة مورا وحدة.
Speaker A
وكيفما قلت لي سلايد يكون فيهم أرقام، مبيانات، دي شيما.
Speaker A
ماشي يكون فيهم غير الكتابة الكتابة وتبقى تقراها أنتيا من تما.
Speaker A
وفاش كتوصل لابارتي ديال الحلول المقترحة ولا لي سوليسيون.
Speaker A
ديما خاصك تجوستيفي يعني تقول لهم علاش اختاريتي هذا الحل وماشي هذا الحل.
Speaker A
ديما ديك عندك في بالك ديك الغيفليكس ديال علل الجواب.
Speaker A
مثلا في ليكزومبل اللي عطيت في الأول ديال هذا البروجي ديال جيستيون دو ستوك.
Speaker A
كتقول لهم راه باغ مي لي سوليسيون كاين لاشا ديال ان لوجيسيال ولا نعيطوا على شي شركة بريستاتوغ هي اللي دير لنا جيستيون دو ستوك عندنا.
Speaker A
ولا نصايبو اون أبليكاسيون أون انترن.
Speaker A
يعني ديك ثلاثة لي سوليسيون.
Speaker A
كتقول لهم السوليسيون اللي اختارينا هي حنا اللي نديفلوبيو لابليكاسيون.
Speaker A
وكتعطي لي زافونتاج ديال علاش تكون أنت اللي ديفلوبيتيها باش تقدر تأدابطيها إلى آخره.
Speaker A
يعني فيلوزوفي ديغيغ هو أنه ديما تجوستيفي لا غيبونس ديالك.
Speaker A
من بعد فاش كدوز لابارتي ديال النتائج ولا القيمة المضافة.
Speaker A
خاصها تكون ملموسة ومحسوبة.
Speaker A
يعني أشنو ربحنا حنا من هذا الصداع كامل؟
Speaker A
اللي كيقرأ في المجال الاقتصادي والصناعي راه دائما لافالوغ أجوتي كتكون أون تيرم دارجون ولا أون تيرم دو طون.
Speaker A
راه ديما الوقت والفلوس راه.
Speaker A
البيزنيس راه كيدور كامل على الفلوس.
Speaker A
ماشي غنمشي ندوز شهرين ولا ست شهور في السطاج ونصايب واحد الحاجة ونضيع لها الوقت وهي أصلا ما تربحنا حتى ريال.
Speaker A
اللهم بلا ما نديروها.
Speaker A
يعني هذه هي لا لوجيك ديال البيزنيس.
Speaker A
بالنسبة للمجالات ديال الغوشيرش إي ديفلوبمون اللي كتكون مثلا في البيولوجي ولا الشيمي ولا الجيولوجي ولا الفيزيك.
Speaker A
دائما لافالوغ أجوتي خاصها تكون ملموسة ومجربة.
Speaker A
وهذا الشيء إلا عندكم شي زهر راه لونكادغون ديالك وأنت كتخدم السطاج.
Speaker A
ديما كينسستيلك على هذه القضية ديال يكونوا عندك دي شيفر وشي حاجة اللي طونجيب.
Speaker A
وراه تقدروا تكونوا شفتوا في لي بريزونطاسيون ولا لي سوتونوس اللي كتحضروا لهم.
Speaker A
وكنتمنى الواحد يبقى يحضر لي سوتونوس إلا كان كيتفرج في هذا الفيديو باقي ما عندوش هذا العام.
Speaker A
يمشي يشوف ذاك الشيء كيفاش كيدوز.
Speaker A
باش يشوف الأسئلة اللي غيتسولوا نهار هو غيدير البروجي غايجاوب عليها قبل ما يمشي حتى لنهار السوتونوس عاد يبدا حاصل معاهم تما.
Speaker A
وختاما كتعطي واحد التلخيص اللي كيتسمى كونكلوزيون.
Speaker A
ومزيان تزيد معها لي بيغسبيكتيف.
Speaker A
ما عرفتش كيفاش نشرحها بالعربية.
Speaker A
هي كتعني الحوايج اللي ممكن يخدم عليها واحد آخر في البروجي ديالك.
Speaker A
ولا أنتيا نيت إلا كملتي السطاج أشنو ممكن كيتسناك تقدر تخدم عليه.
Speaker A
ولا الحوايج اللي تقدر تطورها من بعد.
Speaker A
ولا كتطرح إشكاليات أخرى.
Speaker A
يعني ديما ان بروجي كيكون موراه دي بروبليماتيك اللي كيقدر يخدم عليهم واحد آخر من بعد.
Speaker A
ولا تقدر تعطيهم المشاكل اللي واجهتك، الحوايج اللي كانوا صعاب.
Speaker A
ولا ممكن تعاود على السطاج كيفاش داز وشنو لافالوغ ديال ذاك السطاج عليك أنتيا.
Speaker A
وتقدر دير هذا الشيء كامل في الكونكلوزيون.
Speaker A
المهم هو تحافظ على الوقت.
Speaker A
15 دقيقة راها كافية شافية إلا كان الواحد موجد مزيان وما مشاش كيدير غير الفري ستايل.
Speaker A
آخر حاجة هي أنك تكون باقي ما وصلتيش لي سوليسيون.
Speaker A
وتكون كونسوميتي ديك 15 دقيقة والجوري يقول لك صافي سالينا ولا راك كملتي الوقت ويخليك الوسط.
Speaker A
فريمون هذه هي سيتواسيون خايبة يعني أنت خدم مزيان تريني مزيان باش دير ذاك الشيء 15 20 مينوت ماكسيموم.
Speaker A
وفي الأخير ممكن ديك الساعة تبدا تشكر مع راساتك إلا ساليتي الوقت.
Speaker A
صافي المهم بالنسبة لهم راك ساليتي.
Speaker A
تقدر تبقى تشكر حتى تعيا ديك الساعة.
Speaker A
مثلا ما بريزونطاسيون توشا سا فان أفون دو كلوتوري جو تييان أ غوميرسي أونكوغ أون فوا مون أونكادغون لي مومبغ دي جوري.
Speaker A
جو غوميرسي ما فامي مي زامي كي سون بخيزون أوجوغدوي أ مو سيبورتي.
Speaker A
جو غوميرسي حمزة اللي كيدير لنا الفيديوهات وكيعاونا.
Speaker A
في القراية ديالنا.
Speaker A
وعلى سلامتك ساليتي البريزونطاسيون ووجد راسك للعصا مع الأسئلة.
Speaker A
لا غير كنضحك.
Speaker A
الأسئلة يا سيدي ويا لالة كينقسموا لجوج ديال الأنواع.
Speaker A
دي كيستيون إي دي غومارك.
Speaker A
أسئلة مباشرة وملاحظات وكل واحدين كيفاش خصنا نجاوبوا عليها.
Speaker A
بالنسبة للأسئلة المباشرة حتى هما كينقسموا لثلاثة ديال الأنواع.
Speaker A
عقلوا مزيان.
Speaker A
كاين دي كيستيون دو كومبخيونسون يعني الأسئلة لاختبار الفهم.
Speaker A
الأستاذ كيبغي يعرفك واش حافظ ولا فاهم.
Speaker A
يعني يقدر يعطيك شي سؤال عبيط جدا.
Speaker A
شنو ذاك لوتي اللي خدمتي به ولا علاش درتي هذه ولا علاش كنديروا هذه وخاصك تجاوب.
Speaker A
حيت خاصك تكون عارف نورمالمون.
Speaker A
ومن حق أي جوري يسولك أي سؤال.
Speaker A
ماشي حيت هما ما مزيانينش وبغاو يديروا فيك الرويدة.
Speaker A
راه أنت اللي خاصك تكون عارف تجاوب.
Speaker A
عارف الجواب.
Speaker A
راه خصنا نشوفوا الأمور بهذه الطريقة.
Speaker A
ماشي تبقى ديما تلصقها في الآخر.
Speaker A
ولا هو سولني واحد السؤال وبغى يمرضني.
Speaker A
ما بغاش يمرضك هو من حقه يسولك.
Speaker A
حيت أنت درتي واحد البروجي وجاي تبريزونطيه.
Speaker A
يعني خاصك تكون عارف أش كتقول.
Speaker A
وكاين أسئلة اللي داخلة في التخصص ديالك اللي كيكون قرأها لك.
Speaker A
خاصك تكون عارفها بديهيا.
Speaker A
وكنعاود نأكد أي حرف مكتوب في السوتونوس خاصك تكون فاهمه.
Speaker A
وسينو ما تكتبوش.
Speaker A
وثالث نوع من الأسئلة هو أسئلة تعليلية يعني كيستيون دو جوستيفيكاسيون.
Speaker A
بحال علاش خدمتي بهذه وما خدمتيش بهذه.
Speaker A
علاش خديتي هذه لاديسيزيون وما خديتيش هذه لاديسيزيون.
Speaker A
المهم كيبان لي إلا ضوقتي شغلك مزيان راه ما كاين مناش تخاف.
Speaker A
ثم كيفما قلت كاينة لي غومارك.
Speaker A
هذو ملاحظات ماشي أسئلة.
Speaker A
اللي أنت ما مطلوبش منك بالأساس تجاوب عليها ولا تبقى تراد مع الأستاذ.
Speaker A
وكنعاود نأكد ماشي حيت هو شرير راه بغى يبقى يكريتيكي فيك ولا بغى يبقى يكلاشي فيك.
Speaker A
بالعكس حيت هو بروف وكيفهم أحسن منك وكتلقى 20 عام هو كيدير لي سوتونوس.
Speaker A
يعني ما غاتجيش أنتيا من وراء الشمس وتبغي توريه شنو يدير.
Speaker A
ما عدا في بعض الحالات.
Speaker A
أنا ما كنعممش.
Speaker A
اللي كتقدر تكون أنتيا شي حاجة اللي فاهمها وهو يقدر يكون ما استوعبهاش مزيان.
Speaker A
وسولك ولا ما تفاهمتيش شوية وكتلقى أنت متأكد أن عندك الصح.
Speaker A
ولكن خاصك تعرف تجيري هذه السيتواسيون.
Speaker A
حيت ميم سي هو ما يتفهمش معاك ويقول لك لا هذه راه ماشي بحال هكا وأنت كيبان لك راسك عندك الصح.
Speaker A
الخطأ كيرجع لك أنت اللي ما عرفتيش توصل المعلومة.
Speaker A
ماشي راه هو اللي ما فهمش.
Speaker A
حيت الشخص الآخر كيتلقى ذوك المعلومات من عندك أنتيا.
Speaker A
علاش أنت غاتقول أنت اللي ما كتفهمش؟
Speaker A
غنقول أنا اللي ما كنوصلاش.
Speaker A
كل واحد يكون قافز ويكون مركز وعينه ميزانه.
Speaker A
بان لك شي سؤال مباشر خاصك تجاوب عليه حاول تجاوب ذاك الشيء اللي عارف.
Speaker A
بان لك شي غومارك قول ليه ميرسي مسيو، شكرا على الملاحظة ديالك.
Speaker A
ما رديتش لها البال غانأخذها بعين الاعتبار مرة أخرى.
Speaker A
وهذه لي غومارك كينقسموا لجوج أنواع إما دي غومارك دو كونطونو ولا دي غومارك دو فوم.
Speaker A
يعني ديال الشكل إما ديال السيبورت ولا ديال الرابور اللي كيقرأ فيه ولا ديال المحتوى ديال ذاك الشيء اللي قدمتي لهم.
Speaker A
حيت في الغالب تيكونوا بزاف الأساتذة اللي كيديروا التقييم ديال المشروع ديالك.
Speaker A
وكاين اللي كيشوف لافوم ديال الرابور ديالك واش مكتوب مزيان واش ذاك الشيء مالينيي واش ذاك الشيء واضح واش احترمت لي شابيتغ كيفما خاص.
Speaker A
إلى آخره.
Speaker A
في لاميتودولوجي اللي خدمتي بها يقدر يقول لك هذه راه كتكون من بعد هذه ولا هذه راه ما كدارش بهذه الطريقة.
Speaker A
وكيفما قلت خاصك تقول ميرسي زعما هذه لي غومارك كناخذهم بعين الاعتبار في مرات أخرى.
Speaker A
خلاصة خاصك دير في راسك أنك أنت مازال طالب.
Speaker A
والأستاذ نسبيا عنده تجربة كبيرة وغالبا تيكون عنده الصح.
Speaker A
وخاصك تستافد منه.
Speaker A
وبعض المرات ماشي دائما الأستاذ كتكون الطريقة ديال الكريتيك ديالو قاصحة شوية.
Speaker A
كيفما كنقولوا كيكون خضر.
Speaker A
ولا بعض المرات وخا الأستاذ يكون ظريف كيلعب ذاك الدور ديال أنه كيبغي يستفز.
Speaker A
حيت ديك السوتونوس راه بحال واحد المسرحية.
Speaker A
كيكون لونكادغون كيعاونك أنتيا باش باش إلا شي وقيتة فقدتي الثقة ولا شي وقيتة دختي.
Speaker A
هو كيحاول يكوفري عليك.
Speaker A
وتيكون البريزيدون ديال ديال الجوري هو اللي كيبقى يوزع لابارول أونطغ زعما لي بيغسون.
Speaker A
وتيكون واحد الواحد كيحاول ديما فهمتي يعطيك واحد الدقات باش أنتيا يشوفك واش واش شاد في راسك.
Speaker A
واش غاتزعزع واش غادي تمشي وتجي واش مخلوع.
Speaker A
المهم هذا الشيء داخل في إطار أنك كتكون وكتعلم تدافع على على البروجي ديالك.
Speaker A
يعني غير توقع أنه كاين اللي غادي يزير معاك شوية.
Speaker A
كاين اللي غادي يشكرك يقول لك هذا الشيء عندك مزيان.
Speaker A
وكاين لونكادغون ديالك إلا حصلتي راه كيحاول يعاونك واحد شوية.
Speaker A
غير حيدوا من بالكم هذيك القضية ديال الأساتذة ما مزيانينش وذاك التحرك الخام.
Speaker A
وختاما اللي جميل في هذه السوتونوس هو أنها بحال المراية اللي كتشوف فيها النيفو اللي وصلتي ليه من ناحية الشخصية ديالك.
Speaker A
من ناحية المستوى العلمي شحال عمرتي راسك خلال هذه السنوات ديال القراية.
Speaker A
كتعرف راسك واش عندك القدرة على الإقناع.
Speaker A
واش عندك القدرة على التكلم مع الناس مع الجماهير بحال هكا.
Speaker A
واش كتقدر تتحمل الضغط تجيري الستريس.
Speaker A
بها كتعرف بزاف د الكلاكيع كيكون عندك في شخصيتك اللي كتقدر تتعامل معاهم وتحلهم من بعد.
Speaker A
وسوتونوس ما هي إلا بداية لبزاف ديال التحديات تابعينك من بعد.
Speaker A
سواء في البحث عن عمل ولا في الخدمة براسها.
Speaker A
وفي تحمل المسؤولية وأعباء ديال الحياة بشكل عام.
Speaker A
وهذا الشيء اللي كاين الإخوان والأخوات.
Speaker A
الناس اللي عندهم سوتونوس هذا العام حاولوا تشوفوا الفيديو بزاف المرات.
Speaker A
وحاولوا تشوفوا هذه الفيديوهات اللي كنت درت.
Speaker A
على لي زيكسبوزي أون جينيرال.
Speaker A
واللي طاح في هذا الفيديو غير بالصدفة وما عندوش سوتونوس يحاول يبارطاجيه مع الناس اللي اللي غادي يسوتني بروجيات ديالهم.
Speaker A
واللي يقدر يبقى يحضر لي سوتونوس راه شي حاجة اللي مزيانة.
Speaker A
يعني شحال ما شفتي لي سوتونوس إلا كنت أنت كتقرأ في الدوزيام أني.
Speaker A
وطروازيام أني غاتكون سوتونوس، كنت كتقرأ في الكاطريام أني وسوتونوس في السانكيام أني.
Speaker A
سير حضر شوف الناس كيفاش كيدوزوا إلى آخره.
Speaker A
يعني شحال ما شفتي الحاجة بعينيك كتختصر عليك بزاف ديال الحوايج.
Speaker A
وترجلوا معنا الإخوان والأخوات راه حنا معولين عليكم.
Speaker A
والسلام عليكم ورحمه الله تعالى وبركاته.
Topics:سوتونوسمشروع نهاية الدراسةعرض تقديميباوربوينتنصائح التقديملجنة التقييمإشكالية المشروعإدارة المخزونتقديم عرضمشروع تخرج
