Speaker A
لو عملت اللي هقولك عليه في الفيديو ده، ما أظنش إنك هتحتاج تتفرج على أي فيديو للدوبامين رش تاني. أنا وفر عليك كلام كتير جدًا بعد ما اتفرجت على معظم فيديوهات الدوبامين وازاي نقلل الدوبامين وازاي تنظموا فعلاً خلال اليوم. أنا رسمت لكم جرافين، يعني أنا رسمته مرتين بس هنا زودت حاجة صغيرة. ده الجراف اللي أنا هشرحه دلوقتي. ده أول الجراف بس عشان هو بالعكس عندكم. بتعمل إيه أول ما بتصحى؟ معظمنا، بده يعمل إيه؟ معظمنا بيعمل إيه؟ أول ما بيصحى بيمسك التليفون. آه، أنت عقلك لسه صاحي، لسه مش فاكر اسمك، لسه الدنيا ضلمة، لسه الدنيا ضلمة. المفروض أنت نايم، المفروض عقلك فاهم إنك نايم. تقوم أنت عامل إيه؟ جايب شاشة في وشك بكل الإشاعات، بكل الحاجات اللي أنت بتبقى قاعد مستني المسدجات. تفضل بقى تدخل على كل الأبليكيشنز. تقوم عامل إيه؟ ضارب الدوبامين في السما. دي طبعًا كارثة. يعني أنت المفروض تتخض من اللي أنت بتعمله. الدوبامين يعمل إيه؟ يضرب في السما. فأنت كده أول ما بدأت يومك، أنت ببصت يومك. بعدين تحاول تنزل شوية، تحاول بقى إيه؟ تصحى تفوق، تغسل وشك مش عارف إيه، وبعدين تاكل. ليه يا ملك؟ حتة الدوبامين بتاع الأكل عالية كده عشان أنت مش بتاكل بس، أنت بتاكل وبتتفرج على حاجة. وأنت بتاكل أنت ممكن تكون بتعمل كده دلوقتي وأنت بتتفرج عليا. يعني حسبي الله ونعم الوكيل، ما تعملش كده في نفسك. أنا أصلاً مصطلح إن حد ياكل وهو بيتفرج على حاجة أو يتفرج وهو بياكل على حاجة، أنا كنت مستغربة جدًا. يعني أنا الموضوع ده ما عرفتهش غير من سنتين. كنت قاعدة عند صاحبتي، فالمفروض هنتغدى، فلقيتها بتقول هتفرج بقى على إيه وإحنا بناكل؟ أنتوا بتتفرجوا على حاجة وأنتم بتاكلوا؟ يعني تاكلي وأنت ساكتة. أنا كنت مستغربة جدًا. ليه الواحد ما يركزش في الأكل اللي هو بياكله ويبقى جريتفول أو يبقى ممتن للي هو بياكله ويركز في البروسيس، يعني يفضل يسبح ربنا كده في دماغه وهو بياكل؟ أنا كنت مستغربة جدًا بجد. اللي هو أنا أصدمت، اللي هو اتفرج على حاجة ليه وإحنا إحنا بناكل ما نتكلم؟ ما نتكلم والكلام مع حد ده دوبامين مفيد. يعني إنك تتكلم مع حد ده برده بيدي لدماغك دوبامين بس دوبامين صحي، دوبامين ما بيضربش في السما. حتى لو بيضرب في السما مش بيبقى مؤذي، بيبقى صحي، بيبقى فيه فوائد عشان أنت بتعرف اللي قدامك بتكلم بني آدم زيك. فأنت هنا بتعمل إيه؟ بتتفرج على حاجة وأنت بتاكل. الدوبامين برده لسه ضارب السب ف فايه؟ فلما تيجي تحاول تذاكر أو تعمل عليك أو تشتغل، الضوابير بيبقى تحت، ما بتبقاش قادر تمسك نفسك، بتحس إنك بتستنزف، بتحس إنك مش قادر تعمل حاجة، وتحس إن أنت أصلاً مش قادر تصلي. وغالبًا صاحب أول جف دون أ مش بيقع يصلي قوي. تقوم أنت عامل إيه بقى؟ عشان أنت مش عارف تعمل ده كله، تقوم ماسك التليفون تاني، تقعد كام ساعة ماسك التليفون. تتصدم، إيه ده؟ الساعة 12:00 اليوم طا مني، أنا ما عملتش حاجة. تحاول ترجع تاني للبوينت بتاع إن أنت تبقى شخص تخلص. خلص المذاكرة اللي عليك، ما تعرفش تقوم ماسك التليفون. تقوم ماسك نتفليكس، تتفرج على شوية إباحيات وحاجات زي القرف. تقوم الدوبامين عامل إيه؟ ضارب فوق في السما. إباحيات يعني ضارب معدي الجراف. تقوم أنت عامل بقى بعدها إيه؟ تنام. تنام يعني شت داون. شت داون على إيه؟ على دوبامين في السما. إنك تنيم عقلك على دوبامين عالي جدًا. تقوم أنت نايم مرة واحدة. غلط جدًا، غلط جدًا. أنت بتخيل الكت اللي أنت بتعملها أول ما تصحى وقبل ما تنام، اللي هو أنت شايف الجراف عامل إزاي؟ دوبامين في السما. أول ما صحيت عشان ماسكت التليفون، دوبامين في السما. قبل ما تنام، اهو هوب هوب نام. هو يعني عك ما لحقش يسمي ولا يسلم، يعني ما لحقش يعمل أي حاجة. عشان كده أنت بتحس إن الوقت بيضيع منك. عشان كده اليوم هوب هوب، اليوم اللي بعده هوب هوب. السايكل بتتعاد ثاني يوم. فتقعد تسأل هو إزاي اليوم بيعدي بسرعة كده وما لحقتش أعمل حاجة؟ أنا ما لحقتش أذاكر حاجة، أنا ما عملتش غير في نص محاضرة، أنا ما عملتش غير نص الشغل ولا ربع الشغل، ما عملتش حاجة النهارده ليه؟ عشان أقلق أصلاً ما لحقتش أعرف هو النهارده ده كان إيه؟ ده ما لحقتش تعرفه، ما لحقتش ترجعه للبوينت بتاع عيش البوينت اللي هو اللي هو نزله على الجراوند، نزله على الحياة. أهم وقت في يومك، الوقت اللي أنت بتستغله قبل ما تنام، وإنت بتستغله في إيه؟ في إباحيات، في سكر زائد. أنا ممكن أنت ما تكونش بتعمل كل الحاجات دي، بس بتاكل سكر كتير جدًا. ممكن تكون ما بتعملش حر إنك نايم طول اليوم برده، ده غلط. النوم الكتير ده غلط، الأكل السكري كتير ده غلط، الأكل كتير غلط. عشان كده الرسول صلى الله عليه وسلم قال لك صوموا تصحوا. لو أنت مشكلتك في الأكل، الدوبامين الزايد بيجي لك من الأكل، من السكر. تصوم. إزاي بقى تعدل الدوبامين بتاعك ويبقى زي الدوبامين اللي أنا هوريه لكم دلوقتي؟ ده الدوبامين بتاع الشخص الستابل، بتاع الشخص المتزن. يا دوبك صحي، قعد كم، يا دوبك صحي، ما مسكش التليفون، صلى، قعد كم ساعة يتعبد ربنا كده، قرا الورد بتاعه، قرا كتاب، كتب شوية. عشان كده الكتابة مهمة جدًا. ليه؟ الكتابة ممكن تغير حياتك. عشان أنت في الكتابة عقلك بيبقى إن ذا مومنت، بيبقى في الوقت، بيبقى فعلاً مستشعر الوقت. لكن أنت تفضل تستهلك وماسك التليفون، عقلك ما بيحسش بالوقت. فبالتالي نفس السايكل هتتعاد ثاني يوم. فبالتالي أنت بتحس إن الوقت ضاع منك عشان أنت ما عملتش أي حاجة فعلاً. لكن أنت لما بتيجي تكتب بتبقى فعلاً في الوقت. الشخص اللي بيبدأ يومه بدري بيحس إن اليوم طويل جدًا عشان هو استغله صح. عشان برده لو أنت ما تعرفش في هرمونات، اللي هو هرمونات الإبداع أو هرمونات الكرياتي، أنا مش عارفة، في هرمونات معينة بتتفرز وقت الفجر بس، وقت الفجر بس. الدوبامين بيبقى وقت الإفراز بتاع الهرمونات اللي بتخليك شخص نشيط، بتخليك شخص فعلاً. لو مسكت في حاجة تقدر تركز فيها وتكمل بقية يومك الصح. عشان كده إحنا بنصحى الفجر، نصلي. عشان كده يومنا بيبدأ الفجر. يومنا بيبدأ سبحان الله في الوقت اللي الهرمونات دي بتتفرز فيه عشان عقلك وجسمك يبقى قادر على الطاقة اللي أنت المفروض تستخدمها طول اليوم وفعلاً تستغلها صح. فأنت إزاي تستغل وقتك صح؟ تصحى، تتعبد، تخلي أول كم ساعة يعني نصيحة مني، خلي أول كم ساعة من يومك لربنا، وآخر كم ساعة. ودي مذكورة في القرآن، وهقول لكم دلوقتي. أول كم ساعة تعبد، قراءة الورد، الصلاة، بعدين تاكل من غير ما تتفرج على حاجة، من غير ما تتفرج على حاجة عشان يبقى الأكل بتاعك في الدوبامين بتاعك يبقى متزن، مش زي اللي فوق كده. شايفين الفرق ما بين ده وده؟ مش هتتفرج على حاجة وأنت بتاكل. بعدين هنا بعد ما تاكل وتروح الجيم، أيًا كان، تتحرك لازم تتحرك. هنا هتتحرك شوية، هتروح الجيم، ما هتعمل أي حاجة. بعدين هنا هتصلي، بعدين تطلع، ممكن تمسك التليفون، ممكن تذاكر، ممكن تركز على فكرة. برده المذاكرة ساعات بتدي دوبامين لو أنت فاهم. ده دوبامين صحي، ده كله دوبامين صحي، ده كله دوبامين بس مش صحي. هنا ده كله دوبامين صحي. ده الفرق ما بين ده وده. ممكن هنا تمسك التليفون شوية، تشوف مين اتصل بيك، أيًا كان، بعدين ترجع تاني تذاكر، بعدين تصلي. ممكن قبل ما تنام بقى تتفرج على بودكاست مفيدة أو تفك بقى على اللي أنت عايزه. يعني أنا ماليش دعوة. وهنا هتحس إن الوقت أطول من ده شوية. فهنا هتيجي تصلي، يقوم الدراميل نازل واحدة واحدة من غير ما تمسك التليفون. أنت بدأت من غير التليفون وهتنهي من غير التليفون. بدأت بربنا والمفروض تنهي بربنا. عشان كده ربنا بيقول لك: "ومن آناء الليل فسبح واطراف النهار لعلك ترضى". لعلك ترضى، لعلك ترضى، يعني فعلاً فعلاً. مثلاً ليه ربنا قال آناء الليل قبل أطراف النهار؟ عشان بالليل يعني الوقت اللي أنت بتعمله بالليل ده المين كور اللي هيتأسس عليه بكره اللي أنت بتعمله قبل ما تنام هو الحاجة اللي هتحدد ثاني يوم الصبح يومك دون هيبقى عامل إزاي. برده في يعني أنا مش متذكرة قوي كانت إيه العبارة بالظبط اللي قراتها في الكتاب، بس الكاتبة الكتاب اللي أنا بقراه كان كان في حاجة كده عدت عليا. الكاتبة قالت إن إحنا قبل ما ننام نحاول نخلي اللي إحنا هنعمله دون، اللي هو زي اللي هو الكريزة اللي تتحط على التورتة من فوق. نركز إن اللي إحنا بنعمله أول قبل ما ننام أو اللي إحنا هنقوله لنفسنا قبل ما ننام تبقى حاجات إيجابية، حاجات كلها طاقة، حاجات كلها إبداع، حاجات حب نفسك. يعني مثال بسيط جدًا، حاول مثلاً قبل ما تنام تنام نظيف. عشان كده الرسول كان فضل إنك قبل ما تنام تنام وأنت متوضي، وأنت نظيف، وأنت الطاقة بتاعتك متجددة. خلي فيه ورد قرآني ليك مقسّم على الصبح وبالليل. يعني حتى لو أنت مش عارف تخلي اليوم كله لربنا، خلي أوله وآخره لربنا عشان بقية اليوم يبقى فعلاً فيه بركة. هتلاقي أول جراف صاحبه شخص مش عارف يصلي، صاحبه حد أول ما بيقف على المصلى بيحس بكمية الثقل اللي هو واقف فيها، اللي هو أنا اليوم كله اليوم كان بيعدي بسرعة. الخمس دقايق دول مش هيعدوا بسرعة عشان أنت فعلاً المفروض تبقى مركز فيهم. المفروض قبل ما بتتوضى أنت بتتوضى ليه؟ عشان تجدد طاقتك يا جدعان. الميه بتجدد طاقة الجسم. أنت متخيل كل حاجة في الدين علم وراها كبير جدًا. فأنت كده لو ركزت يقول لك اعمل مديتيشن. أنت بتديتيت خمس مرات في اليوم يا ابني. أنت بتديتيت وبتجدد طاقتك قبل ما تماديتيت لربنا خمس مرات في اليوم. الحركات اللي أنت بتعملها في الصلاة دي يوجا؟ يقول لك اليوجا حرام؟ اليوجا مش حرام. أنا ماعرفش هم بيعملوا إيه في اليوجا، بس دي حركات للجسم. إيه اللي هيحرم؟ يعني إيه اللي هيخلي حركات الجسم حرام؟ أنت أصلاً وأنت بتصلي معظم الحركات اللي أنت بتعملها وأنت بتصلي حركات موجودة في اليوجا. طب أنت ليه يا ابني تعمل يوجا ومديتيشن وتفضل تدرس في الحاجات دين وأنت ربنا مديك صلاة، صلاة ما بينك وما بينه أنت يا ابني أحمد رب [ضحك] أحمد ربنا ع.
