Speaker A
الاختفاء الغامض ده من أكتر الحاجات اللي بتوجع أهل وأصحاب الضحايا، وده لأنهم مش عارفين مصيرهم. وأصعب لحظة بتمر على الضحايا لما بيعرفوا إن فاضل دقاق بل ثواني ومش هيكونوا عايشين في الدنيا دي. أهلاً وسهلاً بكم في فيديو جديد. الفيديو ده
تحقيق في اختفاء 3 فتيات في كلاريموند بأستراليا وكشف قاتل متسلسل عبر سنوات من البحث والتحقيقات.
Key Takeaways
- اختفاء الفتيات كان مرتبطاً بقاتل متسلسل نشط في منطقة كلاريموند.
- التحقيقات استغرقت سنوات طويلة مع استخدام وسائل حديثة مثل اختبار الحمض النووي.
- الضحايا كن طالبات جامعيات يعشن حياة طبيعية قبل الاختفاء.
- الشرطة واجهت تحديات كبيرة بسبب نقص الأدلة المباشرة في البداية.
- التعاون المجتمعي والإعلامي كان له دور في تسليط الضوء على القضية.
What the video covers
- تبدأ القصة باختفاء سارة سبيرز في يناير 1996 بعد حضورها حفلة في بيرث.
- سارة كانت طالبة جامعية تعيش مع أختها أماندا في جنوب بيرث.
- بعد اختفاء سارة، تم الإبلاغ عن اختفاء جين ريمر في نفس المنطقة بعد خمسة أشهر.
- الشرطة بدأت تحقيقات موسعة ونشرت ملصقات للبحث عن الفتيات المفقودات.
- شهود لاحظوا سيارة غريبة بالقرب من مكان اختفاء سارة في وقت متأخر من الليل.
- تم ربط حالات الاختفاء الثلاثة بوجود قاتل متسلسل في منطقة كلاريموند.
- التحقيقات استمرت لسنوات حتى تم التعرف على الجاني عبر تطابق الحمض النووي.
- القاتل برادلي إدواردز اعترف بالاعتداءات والقتل لكنه أنكر علاقته بجريمة كلاريوند.
- تم استعراض تفاصيل حياة الضحايا وظروف اختفائهن لتوضيح القضية.
- الفيديو يقدم سرداً تفصيلياً للقضية مع تعاون قناة قصص أمين.
Chapters
- 00:00مقدمة وأهمية قضية الاختفاء الغامض
- 02:43تفاصيل اختفاء سارة سبيرز في يناير 1996
- 05:14الأحداث في ليلة اختفاء سارة واستخدام التاكسي
- 07:31شهادات الشهود وتحقيقات الشرطة الأولية
- 10:03اختفاء جين ريمر وربط الحالتين
- 12:31تفاصيل حياة جين ريمر وعائلتها
- 15:02تطورات التحقيقات واكتشاف الأدلة
- 22:30القاتل المتسلسل برادلي إدواردز والاعترافات
Full Transcript — Download SRT & Markdown
Speaker A
بالتعاون مع صديقنا العزيز صاحب قناة قصص أمين. أكيد أغلبكم عارفه هو. النهارده منزل قضية قوية جداً عن اختفاء أطفال بومنت في أستراليا. ياريت تخلصوا الفيديو ده وتروحوا على طول تشوفوه. عايزاكم كده ترفعوا راسي وأشوف جيش ياسو هناك. ودلوقتي
Speaker A
عشان نعرف تفاصيل قضيتنا، يلا نبدأ على بركة الله. [موسيقى] بدأت قصتنا سنة 1996 في كلاريوند، ودي منطقة بتقع في مدينة بيرث غرب أستراليا. وبتدور أحداث قصتنا النهارده عن ثلاث بنات. هنتكلم الأول عن سارة سبيرس، ودي بنت عمرها 18 سنة. اتولدت سارة في سبتمبر
Speaker A
سنة 1977 لوالديها دون وكارول سبيرز، وكان لسارة أخت واحدة بس أكبر منها اسمها أماندا. كل اللي أقدر أقوله إن العيلة كانت سعيدة جداً. سارة عاشت طفولة عادية، راحت مدرسة داخلية كويسة قوي في بيرث، وكانت بنت ذكية جداً. سارة وأماندا بقى ما كانوا
Speaker A
أخوات بس دول كانوا أفضل أصدقاء لبعض. تقدروا تقولوا كده إن عمرهم ما اتخانقوا ولا اختلفوا مع بعض. كمان سارة بتتوصّف إنها لطيفة، وكانت عيلتها هي كل حاجة بالنسبة لها. كانت حنونة جداً عليهم. كمان راحت سارة مع أختها أماندا نفس المدرسة
Speaker A
الثانوي. وبعد ما اتخرجوا منها، أخدت سارة وأماندا شقة لوحدهم في جنوب بيرث عشان يروحوا للجامعة. ووقتها اشتغلت سارة سكرتيرة في شركة استشارات هندسية، وأختها أماندا برضه اشتغلت في وظيفة بدوام جزئي. هم حبوا هما الاثنين إنهم يتحملوا مسؤولية مصاريفهم إلى جانب الدراسة. أبو أم
Speaker A
سارة بقى كانوا عايشين في وسط مدينة بيرث في منطقة اسمها ساوث بارك، أما سارة وأختها أماندا كانوا عايشين بعيد شوية عنهم في جنوب بيرث في شقة لوحدهم زي ما قلنا، وكانوا بيروحوا زيارة لأهلهم في العطلات الرسمية وعطلات نهاية الأسبوع.
Speaker A
وتحديداً على منتصف شهر يناير سنة 1996، سافر دون وكارول لجنوب بيرث عشان يشوفوا بناتهم سارة وأماندا في شقتهم. وهم قاعدين مع بعض خططوا سوا لعيد ميلاد أماندا، وكان عيد ميلادها قريب جداً. المهم خلاص قعدوا مع بناتهم وزاروهم وقرروا إنهم يرجعوا لبيتهم.
Speaker A
وكان المفروض إنهم مستنيين سارة وأماندا إنهم ييجوا لبيت العيلة نهاية الأسبوع الجاي، بس اللي هم ما يعرفوهش ولا حد يعرفه إن في حاجة قريب هتحصل هتغير مجرى الأحداث. على يوم 26 يناير سنة 1996، كان ده يوم عطلة رسمي في أستراليا واسمه
Speaker A
يوم أستراليا. اليوم ده تحديداً بيخرج فيه كل الناس وبيحتفلوا، وعشان كده خططت سارة إنها تقابل صاحباتها ويروحوا الاحتفال ده. وبالفعل كان في حفل موسيقي اليوم ده على المساء في كينج بارك في بيرث، ودي حديقة كبيرة قوي وبتعتبر واحدة من أكبر الحدائق
Speaker A
في العالم، ومساحتها حوالي 400 هكتار. المهم كانت خطة سارة وصاحباتها إنهم يروحوا هناك ويحضروا الحفلة دي، وبعدها هيخرجوا يتمشوا وبعد كده هيروحوا يشربوا حاجة في أي كازينو. وفعلاً سارة وأختها أماندا حضروا الحفلة في حديقة كينج بارك، وبعدها أماندا وصلت سارة وأصحابها
Speaker A
بعربيتها لفندق اسمه أوشن بيتش، واللي كان تحته بار. وبعد ما أماندا وصلتهم هناك، مشيت وراحت لوحدها من أصحابها واللي بيتها ما كانش بعيد قوي عن الفندق. سارة وصاحباتها بقى فضلوا في الفندق ده لغاية الساعة 12 عند منتصف الليل. بعد ما
Speaker A
عدت الساعة 12 بعد منتصف الليل بشوية، البنات اللي هم سارة وصاحباتها خرجوا الوقت ده من الفندق وجت لهم أماندا أو عدت عليهم أمانداني بالعربية، والمرّة دي أخدتهم على نادي ليلي اسمه كلاب بيفيو وسط كلاريموند. ووقتها أماندا قالت لأختها سارة
Speaker A
وأصحابها لو ما كانش عندكم مانع بعد ما تخلصوا وقفوا عربية أجرة أو تاكسي ويرجعوا على البيت. وده لأن أماندا كانت طالبة جامعية وكانت بتشتغل في نفس الوقت، وكانت تعبانة ومرهقة وما كانتش عايزة تسهر أكتر من كده. كانت كمان عايزة ترجع للبيت عشان
Speaker A
تنام وترتاح. سارة بقى ساعتها ردت على أختها أماندا وقالت لها طبعاً إحنا هنعمل كده، وودعت أختها أماندا وراحت مع أصحابها للنادي الليلي. بعد كم ساعة حوالي الساعة 2 بعد منتصف الليل، سارة حاست إنها تعبانة شوية وحرارتها مرتفعة، فحبّت إنها تروح بس
Speaker A
أصحابها قرروا إنهم يفضلوا في النادي الليلي ده ويكملوا سهرتهم. المهم خرجت سارة من النادي الليلي ده لوحدها ومشيت في شارع حوالي 500 متر. فضلت ماشية لآخر الشارع ووقفت قدام كشك تليفون زاوية الشارع ده اسمه شارع استرلينج السريع. المهم إن سارة
Speaker A
استخدمت التليفون من الكشك ده واتصلت بشركة سيارات أجرة وسألت عن تاكسي عشان يوديها مكان تاني اسمه موسمان بارك، وهناك عايشة واحدة من أصحابها. بيقال إن سارة قررت إنها تروح عند صديقتها دي لأنها أقرب للمكان اللي هي فيه من شقتها اللي في جنوب
Speaker A
بيرث، ولأن كمان تكلفة التاكسي لجنوب بيرث أغلى. المهم إن سارة فعلاً حجزت التاكسي وعدت على الناحية التانية من الطريق ووقفت عشان تستنى التاكسي ده. في الواقع إن المكان اللي هي كانت واقفة بتنتظر فيه ده كان قرب تقاطع إشارة مرور. العربية التاكسي
Speaker A
اللي سارة طلبتها وصلت على المكان اللي هي كانت واقفة فيه، والغريب إن سارة ما كانتش موجودة أبداً. المهم على الساعة 9:00 صباحاً ثاني يوم، أماندا صحيت من النوم ما لقتش أختها سارة أبداً في أي مكان. الأول دخلت على غرفتها عشان تتأكد هي جات امبارح
Speaker A
وموجودة ولا لا، ولكن ما لقتهاش وسريرها كان واضح إنها ما نامتش عليه أصلاً. اليوم اللي سارة راحت فيه الحفلة كان يوم السبت، أختها أماندا بقى ما حطتش في بالها، قالت يمكن هي باتت عند صاحبتها ولا حاجة. ولكن بعد يومين تحديداً يوم الاثنين، أماندا سألت
Speaker A
عن سارة في شغلها وقالوا لها إن سارة ما جتش أصلاً، وده كان غريب جداً. أماندا بقى لما قلقت اتصلت بوالدتها كارول وسألتها عن سارة، وبرضه كارول ما تعرفش أي حاجة عنها. هم الاثنين لما قلقوا أو زاد قلقهم اتصلوا بكل أصحابها عشان يسألوهم لو حد
Speaker A
شافها أو يعرف عنها حاجة، وكل أصحابها قالوا إن آخر مرة شافوها لما خرجت من النادي الليلي لما كانوا سوا، وبعد كده ما عرفوش عنها أي حاجة. كارول اتفزعت جداً وقررت إنها تتصل بوالدها، واللي كان شغله على بعد ثلاث ساعات. لما والدها دون عرف إن
Speaker A
سارة مفقودة، ساب كل حاجة في إيده ورجع على طول للبيت. وبعد ما رجع راحوا سوا وبلغوا الشرطة. وفكرة إن سارة راحت لأي مكان من غير ما تقول لحد دي كانت مستحيلة حتى بالنسبة للشرطة، واللي أكدوا إن أكيد في
Speaker A
حاجة وحشة حصلت لها، لأن سارة كانت بنت متربية كويس، بتحب أهلها وكمان كانت بنت مسؤولة. مش إحنا قلنا إن مكان انتظار أو وقوف سارة وهي بتستنى التاكسي كان عند تقاطع إشارة مرور؟ الشرطة بقى مع التحقيق ومع سؤالهم عرفوا من شهود كانوا وقتها
Speaker A
سايقين عربية وهم ثلاث رجال، وقالوا إن لما الإشارة جت على اللون الأحمر وقفوا بالعربية، ولما جت الإشارة على اللون الأخضر وقتها بس لاحظوا سارة وهي واقفة لوحدها في الظلمة. حتى إن واحد فيهم سال باقي أصحابهم وقال لهم هل هتعتقدوا إنها
Speaker A
هتكون بخير في الآخر؟ هي شابة ولوحدها في الظلمة في وقت متأخر. لكن قبل ما الإشارة تتحول للأخضر بثواني لاحظ واحد منهم إن كانت في عربية بتتجه ناحية سارة. وبعد ما مشوا مسافة من بعد التقاطع لاحظوا إن العربية دي مش ماشية وراهم، واستغربوا قوي
Speaker A
لدرجة إن واحد فيهم قال ما تيجوا نرجع نشوفها هي بخير ولا لا؟ بس في الآخر قالوا يمكن إحنا تفكيرنا غريب أو تفكيرنا خدفنا لبعيد، ويمكن تكون العربية دي حد من قرايبها أو حد يعرفها. أخدوا بعضهم ومشوا من غير ما ياخدوا بالهم من نوع ولا موديل
Speaker A
العربية دي. بس الشرطة وقتها كانوا متأكدين إن سواق العربية اللي هم قالوا عليها هو ده اللي عمل في سارة حاجة. هنا بعد أقل من يومين تم الإبلاغ إن سارة مفقودة وتم تسليم قضيتها لفريق الجرائم لأنهم كانوا عارفين إن الوضع خطير جداً. أول نقطة قرروا
Speaker A
المحققين إنهم يبدأوا بيها هي الإعلام، وعشان كده نشروا آلاف الملصقات لصور سارة وكمان مواصفات الملابس اللي هي كانت لابساها يوم اختفائها، وحطوا الملصقات دي في واجهات المحلات ووزعوها على الناس. ووقتها كل الناس خرجوا يدوروا عليها، أصحابها وأهلها والمتطوعين، وسألوا كل
Speaker A
الناس في الشوارع لو حد شافها، والكل كان بيحاول إنه يلاقيها. كمان الشرطة اتلقوا مئات النصائح من الناس في محاولة العثور عليها، وللأسف ما فيش أي حاجة كانت مفيدة. ده كمان أهلها استلموا مكالمات مزعجة من ناس بتهزر أو ناس بتتسلى، وكمان من عرافين
Speaker A
أو دجالين اللي قال إنها ماتت واللي قال إنه يعرف مكان الجثة وكلام من ده كتير. تعب أعصاب أهلها. وعلى الرغم كل ده في الآخر الشرطة ما قدرتش إنها تحل القضية ولا يعرفوا مكان اختفاء سارة. المهم بعد خمس شهور من اختفاء سارة، تحديداً
Speaker A
في يونيو سنة 1996، اتلقيت الشرطة بلاغ بيفيد باختفاء شابة ثانية في نفس المنطقة، في منطقة كلاريموند. وكانت البنت دي هي جين ريمر اللي عمرها 23 سنة. جين كانت عايشة في منطقة اسمها حديقة شنتون غرب أستراليا، والمنطقة دي قريبة قوي
Speaker A
من كلاريوند على بعد أقل من 10 دقائق بالعربية. نتعرف الأول على البنت الثانية المفقودة دي اللي هي جين لويز ريمر. اتولدت جين سنة 1973 لوالديها تريفور وجيني. جين كانت واحدة من ضمن ثلاث أولاد للزوجين، وعندها أخوات أكبر منها وهم لين وآدم.
Speaker A
اتوصفت جين إنها هادية في صغرها، ولما كبرت بقى عندها ثقة أكبر في نفسها، وكان حلمها إنها تشتغل في أي مهنة تخص الأطفال. والغريب إنها راحت نفس مدرسة سارة اللي هي الضحية الأولى مع اختلاف يعني فارق السن. كانت جين كمان إنسانة جميلة جداً، وفي
Speaker A
النهاية بسبب حبها إنها تشتغل مع الأطفال حصلت على وظيفة كعامل رعاية أطفال، وكمان بقى ليها شقة خاصة بيها. بس يومياً كانت...
Speaker A
فاكرين ان ده نفس الفندق اللي كانت فيه ساره مع اصحابها المهم اكلوا وشربوا وبعدها مشيوا وبعد كده راحوا لفندق ثاني اسمه كونتيننتال في كلاريمونت وده علشان يكملوا السهره بتاعتهم وعلى الساعه 11 ون:30 مساء غدرت جين الفندق مع صاحباتها
Speaker A
وراحوا ناحيه نادي كلوب باي فيو وبرده لو فاكرين ان ده نفس النادي الليلي فيه ساره اخر مره كمان جين راحت هناك هي وصاحبتها بس وقتها ما حدش دخل علشان المكان كان زحمه جدا وكان في ناس كتير واقفين في صف
Speaker A
طويل مستنيين يدخلوا فجين واصحابها زهقوا وقرروا انهم يرجعوا على البيت لما خرجوا او مشيوا من النادي ده قرروا انهم يمشوا شويه في الشارع علشان يوقفوا تاكسي بس لاخر لحظه جين قالت لهم لا انا عايزه افضل بره اطول فتره ممكنه وانتم لو عايزين
Speaker A
تروحوا روحوا لوحدكم هم اصحابها ما كانوش عايزين يسيبوها ولما وقفوا تاكسي ركبوا وقالوا لها تعالي معانا احنا هنروح نكمل سهرتنا في بيت اي حد فينا بس جين وقتها رفضت وقالت لهم انها عايزه تفضل بره لما جه ثاني يوم اللي هو يوم 9 يونيو عيله
Speaker A
جين كانوا مقررين انهم يتغدوا مع بعض وده لانهم متعودين انهم بيتجمعوا كل يوم حد بس جين وقتها ما جتش علشان كده اهلها قلقوا جدا وقرروا انهم يروحوا على شقتها علشان يشوفوا هي بخير ولا لا ولما فعلا راحوا على هناك ما لقوهاش ابدا والواضح انها ما
Speaker A
كانتش بايته في البيت اليوم اللي قبله وعلشان كده تريفور وجيني ابوين جين قرروا انهم يبلغوا عن اختفاء بنتهم اول ما الشرطه اتلقوا البلاغ عرفوا ان اختفاء جين ليه علاقه باختفاء ساره لان الحالتين كانوا متشابهين جدا يعني هم الاثنين سنهم
Speaker A
كان قريب من بعض والاثنين اختفوا بعد ما قضوا ليله بره مع اصحابهم والاثنين اختفوا في نفس المكان اللي هو كلاريموند وتم التحقيق في قضيه جين من وحده مكافحه الجرايم الكبرى واسمها ماكرو وكمان عملوا نفس التحقيقات مع اصحابها وعيلتها وبرده
Speaker A
وزعوا منشورات بصورتها والايام عدت وبقت اسابيع بدون اي خيط واحد يدل عليها ولكن بعد اقل من شهرين من اختفاء جين تم العثور على حاجه مفزعه جدا وتحديدا يوم 3 اغسطس من نفس السنه 1996 كان في عيله سايقين عربيه على طول طريق في منطقه ويلارد في
Speaker A
بيرس واللي بتبعد حوالي 30 دقيقه بالعربيه عن كلاريموند في نهايه الطريق قرروا العيله انهم يقفوا جنب الغابه علشان يقطفوا الزهور المهم وقفوا ومشوا في منطقه كلها شجر وفجاه شافت تامي اللي هي الزوجه في العيله دي حاجه على الارض بين العشب
Speaker A
وطلع ده جسد لشابه بدون ملابس وقتها تامي اتصدمت جدا وقالت لزوجها روح انت بلغ الشرطه هو قال لها ليه؟ قالت له انها عايزه تفضل تحرس الجثه وقالت له روح انت والولاد بلغ وتعالوا وبصراحه الموقف ده انا استغربته جدا لانه مخاطره كبيره جدا
Speaker A
مش اي حد هيبقى عنده الشجاعه دي المهم الشرطه جت علشان يعاينوا مسرح الجريمه ولقوا ان الجثه دي متحلله بشده لدرجه انهم ما قدروش انهم يتعرفوا عليها في الاول وكان لازم انهم يستخدموا سجلات طب الاسنان وحددوا في الاخر هويه الضحيه وطلعت هي جين
Speaker A
ريمار المهم لما بعتوا الجسد للطب الشرعي قالوا انها اتقتلت بس مرضوش يقولوا ازاي وقرروا انهم يحسبوا وقت وفاتها عن طريق الحشرات اللي على الجسد ولقوا انها كانت مرميه في المكان ده من حوالي 52 يوم يعني تقريبا من اليوم اللي هي اختفت فيه وعلشان كده للاسف
Speaker A
ما عرفوش سبب وفاتها ورفضوا انهم يدلوا باي معلومات ثانيه لانهم كانوا شايفين ان ده مش من مصلحه التحقيق لان في ناس مجانين بيحبوا انهم ينسبوا اي جريمه مشهوره علشان الشهره وبس ولكن بعد سنين قالوا سبب الوفاه واللي هنعرفه مع بعض مش احنا قلنا
Speaker A
ان الجثه كانت متحلله صح لكنهم لقوا اصابه او لقوا جرح عميق في الرقبه واللي بيتراوح عمقه من 10 ل 17 سم والجرح ده كان غير منتظم الشكل ورجحوا ان ممكن يكون باداه حاده زي سكينه مثلا وكان عندها كمان جروح
Speaker A
دفاعيه وكانت مصابه في ايدها الشمال وبرده زي ما تكون بسكينه والواضح ان جين خاضت صراع عنيف جدا مع مهاجمها ومش معروف اذا كانت هي اتعرضت لاعتداء ولا لا بسبب تحلل الجسد بس الواضح كده من الهجوم ومن الطريقه اللي لقوا عليها جين ان هو ده
Speaker A
فعلا الغرض من القتل وتقريبا كده كان سبب الوفاه هي الطعنه اللي لقوها في رقبتها الطب الشرعي فحص كل حاجه في مسرح الجريمه في محاوله العثور على حمض نووي او اي حاجه تدلهم برده على البنت المفقوده الاولى ساره لكن في الاخر ما لقوش اي حاجه وقدروا
Speaker A
انهم يجمعوا كميه قليله جدا من الحمض النووي ولكن اختبار الحمض النووي ما كانش متطور قوي الوقت ده واستمر التحقيق بدون اي خيوط واضحه يمشوا عليها والكل كان مشتبه بيه وقتها لدرجه انهم طلبوا من تريفور ابو جين عينه من الحمض النووي كمان
Speaker A
اخذوا عينات حمض نووي من كل سواقين الاجره في المدينه ووقتها فقد حوالي 78 منهم الرخصه في الفحص ده لان لقوا ان ال 78 دول عليهم مخالفات او احكام جنائيه بسيطه والكل بقى خايف وبيشكوا في بعض والبعض قال ان يمكن اللي عمل كده حد محل ثقه لجين
Speaker A
يعني حد هي عارفاه كويس قوي او انه سواق اجره لانهم فكروا ان حد البنات ركبوا معاه بارادتهم [موسيقى] والاسابيع عدت وبقت ايام والايام بقت شهور بدون اي معلومه واحده بس عن قاتل جين لغايه ما عدى حوالي تسع شهور من اختفاء
Speaker A
وماتقتل جين تحديدا يوم 14 مارس 1997 في الوقت ده اختفت الضحيه الثالثه وهي كيرا جلينون اللي عمرها 27 سنه طب نتعرف على كيرا كيرا اتولدت لابويها دينيس واونا جلينون اللي من اصل ايرلندي واتولدت في زامبيا في شرق افريقيا وقت ما كانت عايشه
Speaker A
العيله هناك الوقت ده ولما بقى عمر كيرا خمس سنين بس انتقلوا لاستراليا اتوصفت كيرا انها قليله المشاكل وكانت بتلعب باليه وكانت بنت ذكيه جدا علشان كده درست القانون في جامعه غرب استراليا كمان اتعلمت اللغه اليابانيه وبقت تتكلمها بطلاقه واشتغلت لمده سنه كمحاميه في مكتب
Speaker A
محاماه في بيرس لغايه ما بقى عمرها 26 سنه وبعد سنه من الشغل قررت انها تسافر كذا دوله في اوروبا ورجعت قبل اختفائها باسبوع او اثنين بس علشان تحضر حفل زفاف اختها لانها كانت هتكون وصيفه الشرف وحفل الزفاف كان ميعاده هيكون بعد اسبوع من وقت
Speaker A
اختفائها وعلشان كده رجعت لشغلها في نفس الشركه او في نفس مكتب المحاماه اللي هي كانت شغاله فيه قبل كده وتحديدا يوم 14 مارس 1997 قررت قرت كيرا انها تخرج مع اثنين من زمايلها بعد الشغل علشان يشربوا بعض المشروبات وكانت الساعه حوالي 11 مساء
Speaker A
وفعلا راحوا مع بعض لفندق اسمه كونتيننتال في كلاريموند ومع ان اصلا كيرا ما طولتش بره ده اخدت مشروب واحد بس على السريع وبعد ربع ساعه تقريبا الساعه 11 وربع ودعت صديقاتها وسابت النادي الليلي وقالت ليهم انها هتاخد تاكسي وهترجع على البيت كيرا
Speaker A
خرجت من النادي وفضلت ماشيه على طول طريق استرلينج السريع وده تقريبا نفس مسار الضحيه الاولى والثانيه المهم جه ثاني يوم والده كيرا بتبص في غرفتها عرفت انها ما رجعتش للبيت ولا راحت لمصفف الشعر بتاعها ولا راحت التجمع الاحتفالي اللي كانت
Speaker A
عاملاه اختها بمناسبه جوازها فمامتها قلقت جدا واتصلت باصحابها اللي هي كانت سهرانه معاهم بره الليله دي اصحاب كيرا قالوا لها انهم ما سمعوش عنها حاجه ولا شافوها من وقت ما خرجت من النادي علشان كده قرروا اهلها انهم يبلغوا الشرطه اول ما الشرطه
Speaker A
اتلقوا البلاغ جال لهم حاله من الفزع لان دي البنت الثالثه اللي تختفي في نفس المكان في اقل من سنه لما الشرطه حققه عرفوا ان كان في اثنين رجال واقفين في محطه باص في تقاطع شارع استرلينج اللي اختفت منه ساره الضحيه
Speaker A
الاولى الاثنين رجال دول قالوا انهم شافوا كيرا وهي ماشيه لوحدها فواحد فيهم فضل ينده عليها ويقول لها انت مجنونه علشان تمشي في وقت زي ده لوحدك وعرض عليها انها تيجي تركب معاهم بس كيرا ما اهتمتش ومشيت بعد دقاق واحد من الرجال دول قال انه بص
Speaker A
ناحيه كيرا لقاها واقفه جنب عربيه لونها فاتح وده كل اللي هم قالوه لانهم ما قدروش انهم يحددوا لونها لان الوقت كان متاخر وظلمه جدا المهم انها كانت موطيه على شباك السواق بتتكلم معاه فما حطوش في بالهم ووقفوا يتكلموا مع بعض هم التهوا مع بعض
Speaker A
شويه في الكلام وفجاه وقفوا يبصوا ناحيه كيرا ما لقوهاش ولا لقيوا العربيه هنا الشرطه خافوا جدا من وجود قاتل متسلسل طليق في كلاريمونت وخافوا انه يتصيد البنات اللي بيحاولوا انهم يرجعوا لبيوتهم بعد ليله من السهر وخافوا لا يكون محتمل
Speaker A
انه يكون هيستهدف بنت جديده المره الجايه عشان كده الشرطه ووسائل الاعلام حذروا البنات والشابات انهم يخلوا بالهم قوي وطلبوا منهم انهم يفضلوا في مجموعات مع اصحابهم ولو فعلا الظروف اكبرت اي بنت انها تكون لوحدها او تمشي لوحدها فلازم
Speaker A
تمشي في شوارع حيويه وفيها انوار ووقتها دينيس والد كيرا كان صديق لرئيس الوزراء وعلشان كده عملوا مكافاه قيمتها 250,000 دولار على اللي يدلب معلومات عن المجرم والقضيه وقتها كانت ضخمه جدا ومعروفه في كل استراليا ووزعوا صور لكيرا في كل مكان
Speaker A
وفي خلال اسبوع الشرطه اتلقوا حوالي 35000 مكالمه من اشخاص بيدلوا بنصائح في محاوله حل القضيه ولكن في الاخر ما فيش اي حاجه كانت مفيده وتحديدا يوم 3 ابريل كان في عامل اسمه جيسون عمره 24 سنه كان ماشي جنب
Speaker A
مسار رملي في اجلنتون ودي منطقه ريفيه في شمال بيرس واللي بتبعد حوالي 35 ميل من بيرس نفسها العامل ده وهو ماشي شاف جثه بنت مرميه على الارض فاتفزع جدا وبلغ الشرطه الشرطه راحوا فعلا لمسرح الجريمه وطلعت هي كيرا
Speaker A
في الاول شرطه رفضوا انهم يدلبوا اي معلومات عن سبب الوفاه علشان خافوا لدا يتعارض مع التحقيق زي ما حصل مع موت جين ولكن بعد سنين قالوا على التفاصيل كان سبب وفاه كيرا نتيجه لاصابتها في الرقبه لانها كانت بتعاني من جرح كبير من الصدغ للجانب
Speaker A
الايمن من الرقبه وكان ده باداه حاده برضو اتعرضت لكسر في الجمجمه وتلف في ضوافر اثنين من صوابعها وكان في قطع في دراعها اليمين والواضح انها كانت جروح دفاعيه زي ما حصل مع جين كمان ما كانش واضح اذا كانت كيرا اتعرضت
Speaker A
لاعتداء ولا لا بسبب تحلل الجسد بعد ظهور جثه كيرا الشرطه كانوا واثقين ان اللي عمل فيها كده هو نفسه اللي عمل كده في جين ريمر وهو نفسه المسؤول عن اختفاء ساره وان القاتل منظم ومخطط بشكل دقيق وانه خارج
Speaker A
وهو قاصد ان يخطف اي شابه في الوقت ده بقى كان اهل كيرا جمعوا حوالي 600000 دولار من اصحابهم ومعارفهم والشركات وبعتوا جابوا خبراء دوليين كمان دفعوا مقابل ان يجيبوا جهاز كشف الكذب لان استراليا ما كانوش بيستخدموه الفتره دي في الوقت ده بقى كان
Speaker A
ماسك القضيه محقق اسمه بول فاجرسون واللي عمل مقابله وقتها مع قاتل متسلسل استرالي كان في السجن وقتها واسمه ديفيد بيرني انا كنت اتكلمت عن ديفيد قبل كده لو حابين ان انتم تشوفوا القضيه دي هتشوفوها في الايفو او هتشوفوها في صندوق الوصف المهم ان
Speaker A
المقابله دي ما فادتش باي حاجه وبعد فتره بسيطه اتشال المحقق بول واستبدلوه بمحقق ثاني اسمه كيب هورن على ابريل سنه 1998 يعني بعد سنه من مقتل كيرا ظهر للشرطه اول مشتبه بيه وكان اسمه لانس ويليامز وعمره 41 سنه اللي حصل ان
Speaker A
بعد الحوادث دي المحققين تخفوا في لبس ناس عاديه وتم رصد الراجل ده اللي اسمه لانس وكان بيلف حوالين منطقه كلاريونت كذا مره كل ليله في وقت متاخر وكانت عربيته هونداي سيدان بيضا يعني عربيه فاتحه فالمحققين شافوا ان ده غريب قوي لانس وقتها كان شكله
Speaker A
بيدور على ضحيه جديده وطلع لانس ما عندوش اصحاب وعنده خمس اخوات ومش مندمج معاهم وكان عنده اكتئاب وحاول الانتحار قبل كده مرتين كمان لانس كان شغال في واحد من البنوك من سن 17 لسن 27 سنه وكان بيعاني من ادمان الكحول وكان عنده ثلاث ايدانات
Speaker A
بالقياده تحت تاثير الكحول وفي المره الثالثه اتسحبت رخصته لمده 10 سنين لغايه سنه 1944 بعدها توفى صديقه الوحيد وزي ما تقولوا كده كان مصدوم او كان عنده اكتئاب وكان وقتها بيعمل تصرفات غريبه ودخل مستشفى للامراض النفسيه ولما خرج عاش فتره مع
Speaker A
اهله وبعدها عاش لوحده في ضاحيه كده جنب كلاريموند فالشرطه فكروا ان اللينس مر بيه ده هو ده اللي دفعه لارتكاب الجرايم في كلاريوند وعشان كده قرروا انهم يراقبوهم مراقبه شديده جدا انتم متخيلين ان كان حوالي 50 ظابط بيراقبوه المهم لقوا ان كل
Speaker A
يوم خميس وجمعه وسبت هو بيعمل نفس الحاجه كان بيلف بالعربيه بتاعته حوالين منطقه كلاريمونت حوالي 30 مره وبعدها بيرجع بيته وبعد شهرين المحققين قرروا انهم يوقفوا لانس ويستجوبوه ولما وقفوه تبول على نفسه فالواضح كده انه كان مرتبك او كان خايف من
Speaker A
حاجه وقتها اخدوه لمركز الشرطه علشان يسالوه كم سؤال وكان متعاون جدا وجاوب على كل الاسئله وما سالهمش اي سؤال وقال ان كان بيلف في الوقت ده علشان يحمي البنات مش يخطفهم بس المحققين ما صدقوهوش لما قالوا له تعالى نعمل اختبار كشف الكذب هو
Speaker A
وافق على طول وفشل فيه بس عايزه اقول لكم ان ما كانش وقتها يعني اختبار كشف الكذب دقيق قوي لانهم جربوه وقتها على حوالي 50 شخص وادى نتائج نتائج لسته منهم غلط فالشرطه لقوا ان مش اختبار كشف الكذب هو
Speaker A
الفيصل في القضيه وفي نفس الوقت هم ما كانش عندهم اي دليل ملموس ضد لانس فقرروا انهم يفتشوا بيته وبيت اهله والعربيه ولما عملوا كده ما لقوش اي حاجه ففكروا انهم يرجعوا يراقبوه ثاني ولقوا انظار ثلاث نساء من بائعات الهواء فقرروا انهم يركبوا
Speaker A
كاميرات في شغله وفي بيته علشان يشوفوا هو بيعمل ايه بس في الاخر ما عرفوش يعني يشوفوا عليه اي حاجه غريبه او يثبتوا عليه اي حاجه تربطه بالقضيه واخيرا في نوفمبر سنه 1999 وقفوا المراقبه على لورنس وما بقاش شخص
Speaker A
مشتبه بيه وبعد ام سنه في سنه 2004 يعني بعد ثمان سنين من اختفاء اول بنت تم تعيين محققين جدد في القضيه ومحققين جنائيين جداد وجابوا خبراء من بريطانيا علشان يكونوا جزء من فريق التحقيق وراجعوا كل الادله من الاول وكل حاجه بشكل دقيق جدا
Speaker A
على امل انهم يلاقوا اي دليل فات المحققين اللي قبل كده لان كمان تقنيه الدي ان ايه في التسعينات ما كانتش احسن حاجه والسنه دي افرجوا عن جزء من المعلومات وقالوا ان كل ضحيه اتاخد منها وقت اختفائها حاجه مميزه يعني ساره سبيرز اتاخد منها سلسله
Speaker A
وجين اتاخد منها شنطتها وفي حاله كيرا اتاخد منها بروش على شكل قوقعه على سبتمبر سنه 2005 اتولد فرقه الجريمه الخاصه التحقيق ولقوا مشتبه ب جديد واسمه انسوني كلير الشخص ده تمت ادانته قبل كده في جريمه اعتداء في اي 6س في انجلترا ووقت
Speaker A
الجرايم هو كان عايش في كلايموند سنه 1999 فاضطروا انهم ياخدوا منه الحمض النووي ويقارنوه بالليكان في مسرحين الجريمه ده كمان سافروا له مخصوص على بريطانيا ولكن في الاخر ما طلعش ليه اي ايد في الجريمه المهم فضلوا يحققوا اربع سنين ولما جت سنه
Speaker A
2008 يعني كان عد حوالي 10 سنين افرجوا وقتها عن لقطات مراقبه سي سي تي في لجين ريمر ليله اختفائها لو فاكرين اننا قلنا ان وقتها رفضوا انهم يطلعوا اي معلومات بخصوص القضيه في كاميرات المراقبه بقى ظهرت جين وهي بتتكلم مع راجل قرب منها
Speaker A
وبعدها هي بعدت عن الكاميرا ويرجعوا ثاني بعد 28 ثانيه واختفت هي والراجل ده عن الكاميرات ده طبعا وقتها الجوده كانت سيئه جدا لان دي مجرد كاميرا في التسعينات المهم في الاخر بعتوا ادله ماديه للمعمل علشان تتحلل ومنها قصاصات من اضافر كيرا
Speaker A
جلينون اللي كانوا محتفظين بيها من 10 سنين وقت ارتكاب الجريمه لان انا قلت ان وقتها لقوا اثنين من اظافرها كانوا متدمرين فعلى اعتبار يعني ان كيرا خد المهاجم فبكده الحمض النووي ليه تحت ضوافرها وفعلا لما حللوهم لقوا ملف تعريف
Speaker A
لحمض نووي ذكوري طبعا هم ما عرفوش ياخدوا دليل مادي في حاله ساره لانهم م لقوش الجسد لغايه النهارده وفي حاله جين هي كانت متحلله جدا وما قدروش انهم يتجمعوا اي حمض نووي غير بنسبه بسيطه جدا واللي ما كانش هيوصلهم
Speaker A
لاي حاجه ففي حاله العثور على حمض نووي تحت ضوافر كيرا كان ده اكتشاف عظيم جدا للشرطه المثير بقى انهم لقوا ان نفس الحمض النووي ده كان مرتبط بقضيه اعتداء ماتحلتش سنه 1995 يعني قبل سنتين من مقتل واختفاء ثلاث
Speaker A
ضحايا كلاريموند قضيه الاعتداء دي كانت ضحيتها شابه عمرها 17 سنه كانت في طريقها للبيت لوحدها في منطقه كلاريموند ووقتها قرب منها المهاجم وحط على راسها غطا محرك سياره وربطها وكممها بعدها اكبرها على ركوب عربيته واخدها لمنطقه مقابر اسمها
Speaker A
كراكاتا في بيرس في استراليا واللي كانت قريبه قوي من كلايموند حوالي ثلاث دقائق بالعربيه ولما وصلوا لهناك هي والمهاجم تم الاعتداء عليها مرارا وتكرارا بس لحسن حظها قدرت انها تعيش لان وقتها المهاجم مارضاش ان يقتلها وهرب ووقتها هي
Speaker A
راحت وبلغت الشرطه على الاساس ده الشرطه جمعت الحمض النووي للمعتدده وفي الوقت ده قرنوا الحمض النووي ده اللي مشتبه بيهم مختلفين ولكن ما كانش متطابق مع اي حد وفضلت القضيه بدون حل سنين وسنه 2008 لما عملوا اختبار الحمض النووي
Speaker A
لجرايم كلاريمونت ظهر في تطابق المهم المحققين شافوا انهم لو فحصوا كل الحالات اللي ما تمش حلها هيقدروا انهم يوصلوا لحاجه وده اخد منهم سنين وسنين واخيرا سنه 2016 لقوا تطابق لنفس الحمض النووي لهجوم حصل سنه 1988 غرب استراليا
Speaker A
واللي كان على بعد حوالي 25 ميل من كلاريوند في الوقت ده كان في بنت عمرها 18 سنه كانت نايمه في بيتها على سريرها وده لما اقتحم عليها البيت راجل وصحيت لقيته كاتم نفسها بايده بس قدرت انها تتغلب عليه
Speaker A
ولما جت تصرخ وتندهح على باباها اللي كان نايم في الغرفه اللي جنبها الراجل ده هرب بسرعه بس ساب دليل وراه وهو تيشيرت بس هو مش معروف ان التيشيرت ده هو كان لابسه ولا جايبه معاه علشان يكمن بيه البنت المهم ان
Speaker A
الشرطه احتفظت بالتيشيرت ده كدليل لغايه ما تم اكتشاف ان ليه علاقه بالجرايم الثانيه. المحققين بقى قرروا انهم يمشوا في نفس الاتجاه ويشوفوا جرايم اقتحام ثانيه مشابهه غرب استراليا. ولقوا ان في يوم سنه 1988 راجل لبس توب نسائي وحاول اقتحام بيت من
Speaker A
البيوت بس في الاخر هو قدر ان يهرب. ولما فحصوا باب جرار الشخص ده او المقتحم ده فتحه لما جه يهرب لقوا ان عليه اربع بصمات لما دخلوا البصمات دي بقى في قاعده البيانات لقوا ان ليها تطابق مع شخص اسمه
Speaker A
برادلي روبرت ادوارد وعمره 48 سنه 2016 المحققين بقى لقوا ان بصماته كانت في قاعده البيانات بسبب جريمه هو ارتكبها سنه 1990 ووقتها هو كان شغال كفني في شركه اسمها تليسترا تيليكوم في مدينه هولندا غرب استراليا. الوقت ده برادلي كان عمره 21
Speaker A
سنه ووقتها الشركه بعتت برادلي علشان يصلح خطوط التليفونات في مستشفى اسمها هليود في مدينه هولندا. واثناء شغله هناك هاجم سيده عمرها 40 سنه اسمها ويندي ديفس. ويندي كانت شغاله في مستشفى هوليود في اليوم ده اللي راح فيه برادلي علشان يشتغل فيه في
Speaker A
المستشفى. ويندي كانت في مكتبها بتشتغل وعلى فتره ما بعد الظهر دخل لها برادلي وسالها هل يقدر يعني يستخدم الحمام اللي في مكتبها ولا لا وهي وافقت وكانت لطيفه جدا ولما كانت مشغوله في الشغل بتاعها شاورت له على مكان الحمام فبرادلي دخل
Speaker A
وبعد فتره قصيره ويندي لحظه تحركات غريبه في الحمام وفجاه لقت اللي بيهاجمها من ورا وحط قطعه قماش على فمها وسحبها بعيد عن مكتبها وكان ده هو نفس الشخص برادلي ادواردز المهم ان جرها ناحيه الحمام وهي كانت مرعوبه جدا وفكرت ان وقتها انه
Speaker A
هيقتلها ولكن هي قتلت بكل قوتها وقدرت انها تضربه برجليها وحررت نفسها وبرادلي ما حاولش ان يهجم عليها ثاني وفي ساعتها اعتذر ليها وقال لها كذا مره انا اسف فهي وقتها كلمت الامن واللي اتصلوا بالشرطه واللجوم فورا اخدوا برادلي
Speaker A
الشرطه او المحققين لقوا في جيب برادلي اربطه كابلات وقطعه قماش اللي هو حطها على فم ويندي واعتقدوا كده انه حط الحاجات دي في جيبه علشان يربطها بيها قبل ما يعتدي عليها petrified on the kicked out with my legs
Speaker A
وكان في الاخر عقاب برادلي مش السجن للاسف هو اتحط تحت المراقبه لمده سنتين بس الشيء المضحك بقى في الموضوع ان ما فقدش حتى وظيفته ولا حتى طردوه ده كمان اترقى المحققين بقى لما شافوا خلفيته وماضيه لقوا ان عنده عنف ضد النساء وقالوا ان
Speaker A
ممكن يكون هو ده القاتل اللي هم بيدوروا عليه من سنين علشان كده قرروا انهم يراقبوه في محاوله لاخذ منه عينه ينه الحمض النووي وفي يوم دخلوا وراء السينما ووقتها هو كان بيشرب ازازه سبرايت ولما خرج راماها بره فالمحققين جريوا اخدوها
Speaker A
وبتحليل الحمض النووي اللي عليها طلع مطابق للحمض النووي اللي تحت ضوافر كيرا ولنفس المجرم في قضيه الاعتداء في مقبره كراكاتا الغير محلوله سنه 1995 وكمان قضيه الهجوم على بيت البنت اللي عمرها 18 سنه 1988 وطلع هو القاتل اللي هم طردوه لعقدين من
Speaker A
الزمن. دلوقتي خلونا نعرف خلفيه برادلي. اتولد برادلي روبرت ادوارد في 7 ديسمبر 1968 ونشا غرب استراليا. واليديه بروس وكاي ادواردز وكان عنده اخ واحد بس اصغر منه.
Speaker A
هو ما فيش اي معلومات على طفولته ولا على نشئاته كانت وحشه ولا كويسه. بس الاكيد ان بدايه ارتكابه للجرايم هو كان مراهق.
Speaker A
الاول بدا يخرج بالليل ويسرق ويتجسس على النساء وسنه 1988 لما كان عمره 19 سنه هنا بدا اول هجماته واقتحامه لبيوت الستات كل الناس اللي حوالين برادلي قالوا ان كان راجل عادي ولطيف ولما كبر في السن اشتغل في اداره
Speaker A
نادي رياضي واخد جواز في شغله وكان جزء من فريق كره القدم في النادي ده علشان كده كان بعيد كل البعد عن كل الشبهات برغم ان كان في حوالي 18000 مشتبه بيهم من بدايه التحقيق في القضيه وما كانش برادلي واحد
Speaker A
منهم وده غريب لانه اتمسك متلبس في المستشفى لما هاجم على ويندي ويمكن السبب انه ما اعتداش عليها وعلشان كده ماتحطش في قايمه المعتدين كمان بيقال ان برادلي كان متزوج وعنده طفلين في الاخر تم القبض على برادلي في ديسمبر سنه 2016 واستجوبوه ولكن
Speaker A
طبعا برادلي نفى وقال لهم انتوا اكيد بتستجوبوا الراجل الغلط حتى لما واجهوه بادله الطب الشرعي وبرغم ان برادلي نفى بس هم حولوا القضيه للمحكمه بس قبلها هم حاولوا انهم يبنوا قضيه قويه عن طريق الادله ولحسن الحظ انهم ما لقوش في مسرح الجريمه الحمض النووي بس
Speaker A
لا المحققين الجنائيين قدروا انهم يجمعوا الياف بوليستر لونها ازرق في شعر جين وكيرا طب برده ده ايه علاقته ببرادلي لو فاكرين اننا قلنا ان برادلي كان بيشتغل زمان في شركه تيليستر تيليكوم وايامها كل العمال كان لبسهم موحد باللون لون الازرق
Speaker A
وطبعا اخدوا ايامها الالياف دي وجمعوها واحتفظوا بيها كدليل ولما قارنوها بالملابس بتاعه برادلي ايامها لقوها متطابقه كمان اثبتوا ان برادلي كان عنده عربيه ستيشن كومودور لونها ابيض ولو فاكرين ان بعض الشهود اكدوا ان العربيه اللي اتشافت يوم اختفاء ساره وكيرا كان
Speaker A
لونها فاتح ده غير الحمض النووي للبنات للاقوهم في العربيه دي بعد سنين بيقال ان البنات وقتها فكروا ان عربيه برادلي عربيه اجره لانها كانت شبه التاكسي علشان كده ركبوا معاها عن طيب خاطر دلوقتي فاضل الادله الجنائيه وفعلا هم لقوا ادله
Speaker A
جنائيه بتربطوا بجريمه كيرا وجين اللي هي الحمض النووي والالياف الزرقاء اللي كانت في شعرهم انما ما قدروش يربطوه باختفاء ساره لانهم ما لقوش اصلا الجسد فبالتالي وقتها ما تمش اتهامه بقتلها تم اتهامه بس بقتل جين وكيرا بس اخيرا في 2018 تم اتهام
Speaker A
بالقتل العمد لساره سبيرز وجين وكيرا والاعتداء كمان على البنت في مقبره كراكاتا وباقي الهجمات وصطوا في غرب استراليا في الثمانينات علشان تكون عدد الجرايم في الاخر ثمان جرايم وفي الاخر برادلي اعترف بكل هجمات الاعتداء ونفى ان ليه اي علاقه بجرايم اتل كلاريوند وعلشان
Speaker A
كده قرروا في الاخر ان هيتم محاكمته من غير هيئه محلفين وهيتولى قاضي واحد بس محاكمته وفعلا في نوفمبر سنه 2019 بدات محاكمه برادلي برئاسه القاضي ستيفن هول وكانت المحاكمه دي طويله جدا واخدت شهور وشهور وشهد فيها شهود كتير جدا من ضمنهم ويندي
Speaker A
ضحيه مستشفى هوليود كمان الى جانب ادله الحمض النووي والدفاع بتاع برادلي شكك في الدليل ده وقالوا ان الادله جمعوها بعد سنين ووارد تكون اتلوثت في المختبر وبعد المداولات والتاجيل المحكمه اصدرت الحكم في سبتمبر 2020 بان برادلي ادواردز مذنب
Speaker A
بقتل جين ريمر وكيرا جلينون وللاسف مش مذنب بقتل ساره سبيرز وطبعا ده لان ما فيش اي دليل جنائي يربطه باختفاء او قتل ساره وبرغم ان اهلها كانوا واثقين ان ليه علاقه باختفاء ساره بس كانت حالتهم وحشه جدا لانهم ما كانوش قادرين يعني ياخدوها
Speaker A
ويدفنوها ويكرموها وللان الشرطه بتدور دور على رفاه ساره في الاخر اتحكم على برادلي ب 40 سنه سجن مع امكانيه الافراج المشروط جدير بالذكر ان لما تمت ادانته كان عمره 52 سنه يعني من المرجح ان يموت اصلا جوه السجن
Speaker A
انا كده وصلت لنهايه الفيديو انا عارفه ان الفيديو ممكن يكون طويل شويه وداسم النهارده بس القصه مشوقه شويه فلو عجبتكم ما تنسوش ان انتم تعملوا اعملوا شير ولايك وسبسكرايب وما تنسوش ان انتم تروحوا على قناه قصص امين تتفرجوا على الفيديو اللي
Speaker A
هو منزله النهارده وتعملوا سبسكرايب وكومنت واشوفكم على خير في فيديو جديد في امان [موسيقى]
Topics:اختفاء فتياتكلاريموندبيرثقاتل متسلسلسارة سبيرزجين ريمرتحقيقات الشرطةجرائم أسترالياقصص ياسوقصص أمين
