Speaker A
فيلمنا بيبدأ مع إيما، شابة طموحة بتحب النجوم والسما والأبراج، وبتعشق تربية الحيوانات، لدرجة إنها بتقضي وقت طويل مع الحيوانات اللي محتاجة حد يتبناها. لكنها ما بتقدرش تربي حيوان واحد، حتى بسبب إن لوك حبيبها عنده حساسية منهم. وبتبقى شغالة على تطبيق جديد على الموبايل خاص بالنجوم، وبمجرد ما بتخلصه بتبقى مبسوطة جداً، وبتوريه للوك حبيبها عشان تاخد رأيه فيه. ولوك بيعجب بيه جداً، لدرجة إنه بيسرقه منها، وبيمسح من على جهازها تماماً، وبيهرب وبيسافر. وبعد ما بتفوق من صدمتها، بتلاقي إن لوك قدم البرنامج بتاعها باسمه، وبقى هو اللي مشهور، وهي ما حدش يعرف عنها حاجة، مع إنها صاحبة الفكرة والتصميم. وبتقرر إنها تعمل الحاجة اللي كانت بتتمناها دايماً، وهي إنها تتبنى الكلب والقطة اللي كانت بتهتم بيهم، وتسافر بيهم على مدينة جديدة، وبتفضل تدور على مكان يقبل دخول الحيوانات الأليفة، لحد ما بتقابل واحد اسمه كارل بالصدفة في جنينة، وبيقول لها إنه يقدر يساعدها ويجيب لها شقة تقعد فيها مع حيواناتها. وبتتنقل فوراً للشقة بتاعتها مع كلبها وقطتها، وبيتفرجوا هم التلاتة على مسلسل إيما المفضل، واللي بطله اسمه دياجو. وبتكون محبة حيواناتها جداً، ودايماً بتقول عنه إنه مميز بالشعر الأبيض اللي في راسه. وبتروح تاني يوم شغلها، وبتسيب حيواناتها لأن ما بيبقاش عندها وقت توديهم لحد يهتم بيهم وقت شغلها. وبتقابل نينا زميلتها، اللي مهتمة هي كمان بالأبراج والنجوم، ومؤمنة أكتر بالسحر. وبتقولها نينا إنها تخلي بالها النهارده، لأن القمر هيقرب من الأرض، وده معناه إن في أقدار كتير هتتغير، ولازم تبقى في بيتها قبل الساعة 9 و35 دقيقة، عشان ما يحصلها حاجة من الطاقة اللي هتنتشر في الأرض ساعتها. وإيما مش مصدقة كلام نينا، وبتقول لها إنها مش مؤمنة أصلاً بموضوع الطاقة والكلام ده. وإيما بتعرف من نينا إن عندها معاد بالليل، فبتخليها تلبس هدومها لأنهم أشيك. وبعد ما بتخلص شغل، بتكون إيما في طريق رجوع البيت، وبيجي واحد يخبطها وهي سايقة العجلة بتاعتها، لأنها ماشية بالراحة، وبيكون السبب في إنه بيوقعها على الأرض. فالكلب بتاعها بيجري ورا الشخص عشان يعضه، لكن إيما بتنادي لكلبها عشان ما يبعدش عنها، وبتطمن على حالها إنها كويسة. وبعد ما توصل حيواناتها البيت، بتروح على مكان المقابلة، لكنها بتبقى متبهدلة جداً، وبتقرر إنها تمشي وترجع بيتها من تاني، وبتقول لحيواناتها إنها مالهاش غيرهم، وعمرها ما هتسيبهم أبداً. وبيكون كارل موجود في شقتها عشان يصلح لها السقف، وبيقول لها إنه هيصلح باب الشقة، وبعدها هيمشي. وأول ما تيجي الساعة 9:05 دقيقة بالظبط، بيظهر شعاع قوي جاي من القمر، وبيكون السبب في إن حيوانات إيما بتخرج من البيت، لأن كارل بيكون سايب باب الشقة مفتوح، وبيقفوا في الشارع لوحدهم. وفجأة هم الاثنين بيتحولوا لبشر، وبيفضلوا ماشيين في الشارع من غير لبس، وما بيبقوش فاهمين اللي حصل. وبيقدر القط إنه يطلب من شاب إنه ياخد جاكيت من واحدة ست قاعدة قدامه، وبيفضل الكلب كمان يدور على بيت إيما عشان يرجع لها تاني. وبيتقابل الاتنين من تاني قدام عربية أكل، وبيكون الكلب جعان جداً، لدرجة إنه بياكل البواقي اللي قدامه، لأنه مش عارف يتعامل زي البشر. وبيقدر إنه يلف كيس على جسمه، لأن ما فيش هدوم يلبسها. وبيجي له القط ويقول له إنه لازم يقلد البشر اللي حواليه، لأنهم اتحولوا زيهم خلاص. وقبل ما يتصرف، يشوف اللي حواليه بيتصرفوا ازاي، ويعمل زيهم. والأهم بالنسبة لهم دلوقتي إنهم يدوروا على إيما، وبيبقى القط مقرر إنه يلاقي إيما الأول عشان تختار، وهو يعيش معاها، لأنهم بعد ما بقوا بشر، أكيد إيما مش هتهتم بيهم هم الاثنين، وهتختار واحد بس فيهم. وبيقولوا الاتنين إنهم لازم يلاقوا طريقة يجيبوا بيها فلوس زي الأشخاص اللي قدامهم دول، عشان يجيبوا أكل. وبيكون القط واثق في نفسه جداً، لأنه فاكر إن عنده مهارات بشر، وقادر يتعامل معاهم أكتر من الكلب. وساعتها بيفترقوا الاتنين، وبتبقى إيما عرفت إن حيواناتها خرجوا من البيت، فبتروح هي وكارل عشان يدوروا عليهم. وبتفضل تعيط لأنها مش عارفة هتعمل إيه لو فقدتهم هم كمان. وبتجري على الجنينة على أمل تلاقيهم، لأنها دايماً كانت بتوديهم هناك. وبيفضل الكلب يجري طول الليل وهو مش عارف يروح فين، لحد ما بيلاقي هدوم معروضة قدامه للبيع، فبيسرق عشان يتدفى بيها. وبعدها بيقابل واحد واقع على الأرض وبيتوجع جامد، فبيحاول الكلب إنه ينادي أي حد، أو حتى ينبح، لكن المكان بيكون فاضي، فبيشيلوا الكلب ويروح بيه على أقرب مستشفى. وبيكون القط ساعتها قدام مكان بيدخله شباب كتير، فبيدخل وراهم، وبيقرأ إنه في مقابلة خاصة بالأزياء، وإن الشركة اللي هو فيها عايزة موديل لتقديم هدوم رجالي. فبيقدم القط نفسه معاهم، وبسبب طريقة مشيته وتصرفاته، بيعجب بيه كل الحكام، وبيقرروا إنه يشتغل معاهم فوراً. وأما بيسألوا عن اسمه، بيقول لهم إن اسمه دياجو، على اسم البطل المفضل لما في المسلسل المكسيكي. وبيكون ساعتها الشخص اللي اتحول من كلب، شال الراجل المصاب، وبيجري بيه على المستشفى، وبيطلع على مطلع قوي بدون ما يتعب، لحد ما بيوصل للمستشفى، وبيدخل المصاب الطوارئ. وبيبقى وراه أربعة أشخاص عايزينه يدربهم عشان يقدروا يجروا بسرعة وقوة، وتحملهم يتحسن زيه كده. وبيسألوه عن اسمه، فبيقول لهم إن اسمه سام، وبيتفق معاهم إنه هياخد منهم فلوس أول حصة تدريب مقدمة، وهيتقابلوا في الجنينة عند الشروق. وأول ما بياخد منهم الفلوس، بيروح على أول مطعم يقابله عشان ياكل فيه زي ما يحب. وأول ما بيذوق الريد بول، بيعجب بيه جداً، بسبب كمية السكر اللي هو أول مرة يذوقها في حياته، وبيفضل يشرب فيه ويأكل السكر اللي قدامه، وده بيديله كمية طاقة كبيرة، وبيفضل يجري في كل حتة، لحد ما بيلاقي إعلان إيما اللي معلقاه إن حيواناتها مفقودة. وبيخليه معاه، وبيشوف قدامه اتنين بيلعبوا بالطبق الطاير، فما بيقدرش يمنع نفسه، بيجري على الطبق، وبيمسك ببقه، وبيكمل جري بيه، وبيفضل ماشي لحد ما بيجي عليه الليل. وبيقابل فتاة ليل بتعرض عليه إنه يجي معاها بيتها، ولأنه بيكون عايز يرتاح، بيروح معاها وهو مش فاهم هي عايزة إيه. وبتكون إيما في نفس الوقت خلصت نشر منشورات الحيوانات بتاعتها، وبيوريها كارل البيت المتنقل بتاعه، وبيتفقوا إنهم هيتقابلوا تاني يوم بعد شغلها عشان يكملوا بحث عن الحيوانات سوا. وبتروح إيما شغلها، وبتبقى شغالة في شركة خاصة بالبرامج، وبتكون إيما بتصمم تطبيق جديد غير اللي حبيبها سرقه منها، وما فيش قدامها غير وقت ضيق جداً عشان تلحق تعرضه، فبتضغط أكتر، وبتبقى عارفة إنها لازم تخلصه بأسرع وقت. وبعد ما بتخلص شغلها، بتلاقي إن دياجو جه عندها قدام بيتها، لأنه شاف إعلانها اللي بتقول فيه إن حيواناتها مفقودة، وبيقول لها إنه عارف مكان أوضتها الجميل، فبتحب فوراً. وأثناء طريقهم، بيدخل يشتري لها ميه، ويجيب لنفسه لبن، وبعدين بيروح بيها على الجنينة. وبيكون سام هو كمان هناك، بيدرب الشباب على التحمل والجري، وبياخد باله من إيما، فب
