Speaker A
مساء الخير، إزيكم عاملين إيه؟ النهارده هنعمل مع بعض تركيبة بروتين فرد الشعر زي اللي بنروح نعمله في الكوافير وبندفع عليه فلوس كتير. هنعمله في البيت وهنقدر إن إحنا نعمله بتكلفة مش هتكون عالية قوي، والنتيجة بتاعته حلوة جدا. النهارده هنعمل تركيبة بروتين فرد الشعر من قاعدة الكريم اللي كنا عملناها مع بعض قبل كده، اللي هي خاصة بالشعر والبشرة، وأحط لكم اللينك بتاعها في صندوق الوصف. طيب لو حد ما عندوش في بلده مكونات قاعدة الكريم اللي أنا عملتها دي وعايز يغيرها، هديكو أكتر من أوبشن. أول حاجة ممكن تستخدموا بي سي واكس الشمع ده، هو خاص بمنتجات الشعر تمام، هتستخدم منه 5 أو 6% ومعاه 3% لانت 16، وهتحس بوا باقي الإضافات اللي أنا هضيفها كلها هتشوفوا هتبقى عاملة كرام أو كام نسبة في الم، وبعد كده هتكملوا باقي الوزن لحد 100% بالماء المقطر. طيب في ناس دايما بتقول لي إحنا مش عارفين النسب المئوية مش بنعرف نحسبها، بصوا يا جماعة التركيبة اللي هي بتكون بالنسب المئوية اللي أنا بعملها تحديدا ممكن حد يعمل كميات أكبر، بس أنا بعمل تركيبة 100 جرام فبتبقى هي نسب مئوية وهي جرامات برضه يعني هتعتبر نسب مئوية تمام، ونفس النسب المئوية دي هي جرامات للتركيبة الـ 100 جرام دي. أسهل حاجة ممكن نعملها علشان ما نتلخبطش، أنتم بقى عايزين كمية أكبر اضربوا في 2 هتبقى 200 جرام، اضربوا في 3 هتبقى 300 جرام، عايزين نص كيلو اضربوا في 5. الأوبشن الثاني هيكون شمع بي تي إم إس أو بي تي إم إس، اللي هو إيتاي، حاجة من الاثنين دول لو موجود عندكم هناخد منه قد إيه؟ هناخد منه مثلا برضه من 5 لـ 6 جرام، وهناخد معايا لازم 3% من لانت 16، ممكن 3 أو 4% على حسب القوام اللي أنتم عايزينه، لأن 16 هيثقل لكم القوام، لكن شمع الاستحلاب الأساسي هو بي تي إم إس 50، وهتعمل نفس الحكاية بالظبط، هنجمع الشموع ونجمع باقي الإضافات بتاعتنا ونشوف هيبقى كام من وزن الـ 100% ويبقى هو ده وزن الماء المقطر. طيب إيه الأوبشن الثالث اللي ممكن نستخدمه؟ اللي هي قاعدة البلسم اللي هي ماء بلسم وماء وسوري ولانت 16 دي طبعا كلنا عارفينها ودي أبسط حاجة ممكن نعملها، وممكن تضيف معاها مثلا شمع عسل عشان يتقل لكم القوام. قاعدة الكريم بتاعتنا دي بقى هناخد منها 41% اللي هم برضه 41 جرام، ومعايا 2% أو 2 جرام من الجليسرين ده علشان هدوب فيه الألانتوين. الألانتوين هناخد منه نص في أو اللي هو نص جرام، هنحاول كده نفضل نذوبه في الجليسرين لحد كده ما نحس إنه ابتدى يذوب كده أو يندمج كويس مع الجليسرين. هضيف عليه 2% فقط، 2% مش أكثر من كده، أو اللي هم 2 جرام من الميه السخنة المغلية جدا علشان أساعد الألانتوين إنه يذوب تماما. أنا مش مهم عندي إنه يشف، لأن طبعا أنا بدوبه في سوائل قليلة جدا، بس أهم شيء إنكم تفضلوا تقلبوا كويس جدا لحد ما تتأكدوا إنه داب تماما مع الجليسرين والمية. معايا كمان 1% من فيتامين بي 5، هو طبعا بيكون لزق جدا فمحتاجه إن أنا أدوبه وقبل ما أضيفه على الكريم هدوبه مع الألانتوين والجليسرين، هفضل كده أقلب شوية، ممكن يعني يغلبكم شوية بس قلبه هتلاقوه هيدوب بسهولة ومش هيبقى ليه أي أثر. طبعا فيتامين بي 5 أو البانثينول، الفوايد بتاعته كثيرة جدا للشعر، وأهم حاجة إنه هيفيدنا في المنتج ده إنه هيساعد على تنعيم الشعر. هنسيب الخليط ده على جنب لحد ما نجهز باقي الإضافات بتاعتنا وبعد كده نرجع له تاني. معانا هنا 2% من مونو بروبولين جلايكول، وعليهم نص في من كوزميديا جوار. الكوزميديا جوار مهمة جدا في المنتج بتاعنا علشان هتساعد على استقرار المنتج وتساعده إنه ما يفصلش. هنوبه كويس جدا في المونو بروبولين ونتأكد إنه داب تماما، وبعد كده هنضيف على قاعدة الكريم بتاعتنا المونو بروبولين، هو طبعا مرطب ومذيب، يعني هو اللي هيساعد الكوزميديا جوار إنها تذوب تماما. ما ينفعش نضيفها مباشرة لأنها هتعمل تكتلات في الكريم. أي مكون هنضيف للكريم لازم يتقلب كويس جدا جدا جدا. أنا باكد أهو لحد لما تحسوه اندمج تماما مع الكريم، نبتدي نضيف المكون اللي بعده. هنبتدي بعد كده نضيف الخليط اللي دوبنا فيه الألانتوين والبانثينول. باكد تاني إن كل خطوة لازم نقلب الكريم كويس جدا جدا. هنبتدي بقى دلوقتي نضيف أهم مادة معانا في التركيبة، المادة اللي مسؤولة عن فرد الشعر هي جلايكوس أسيد أو حمض الجليكوليك تركيز 50%، والنوع بتاعه هاتوه النوع الإيطالي لأنه أفضل بكثير جدا من الصيني، وهيديك نتيجة ممتازة أحسن من الصيني بكثير جدا. وهنضيف منها 40% اللي هم 40 جرام. طيب إزاي الجلايكوس أسيد ده هيفرد الشعر؟ شعرنا أساسا بيكون متكون من كرياتين طبيعي، الكرياتين ده بيكون متكون عليه روابط هيدروجينية، وهي دي اللي بتسبب مظهر التجعد في الشعر. فلما بنحط على الشعر حمض الجليكوليك ونبتدي نعرضه لمصدر حرارة، بيبتدي الحمض ده يفك الروابط الهيدروجينية دي، ولما الروابط الهيدروجينية دي بتتكسر، ده بيساعد على فرد الشعر. يبقى أساسي علشان الحمض ده يشتغل ويفرد الشعر لازم نعرضه لمصدر حرارة، يعني لازم نكبس الشعر بالمكواة. وفي عامل كمان برده بيساعد جدا في فرد الشعر أو مهم جدا في بروتين فرد الشعر هو الـ pH، لازم إن إحنا نظبط pH بروتين فرد الشعر على اثنين، لأنه لو أعلى من كده مش هيديني نتيجة فرد كويسة. لازم بقى نقلب كويس جدا جدا بالهاند بلندر أو بمضرب البيض الكهربائي لمدة ما تقلش عن من سبعة لـ 10 دقائق، ولازم التقليب يكون بحاجة كهرباء مش مضرب يدوي. لازم المضرب يكون كهرباء أو هاند بلندر، يعني بتضربوا شوية وتفصله وترجعوا تضربوا تاني علشان الهاند بلندر يعني ما يتحرقش. المادة اللي هنضيف دلوقتي هي مادة مساعدة على الفرد، هنضيف حمض اللاكتيك أو اللاكتيك أسيد، هو إضافة حلوة جدا ومهمة جدا معانا في المنتج لأنه هيساعد على الفرد بجانب الحمض الأساسي طبعا بتاعنا اللي هو جلايكوسليك أسيد. هنا هنضيف بنسبة 5% اللي هم 5 جرام، ويا ريت يا جماعة تلتزموا بالنسب اللي أنا بقولها دي، ما حدش يزود أبدا عنها خصوصا في الأحماض المستخدمة، لأن أنا حاطه نسب يعني وبه، فما حدش يزود عنها نهائي. وزي ما أنتم شايفين كده أنا وزنت البيكر الأول وبعد كده ابتديت أزود عليه الـ 5 جرام علشان أضمن إن أنا وزنت 5 جرام بالظبط، لأن الميزان اللي أنتم شايفينه ده مش بيوزن مضبوط الكميات الصغيرة. لازم بقى نقلب كويس جدا جدا لحد ما يندمج تماما. هنضيف 2% بروتين قمح متحلل، طبعا بروتين القمح من الحاجات الحلوة جدا للشعر لأنه بيخترق الشعر بسهولة وبيغذي من العمق، فطبعا هيكون مفيد معانا جدا في التركيبة. هضيف كمان 2% من الكيراتين المتحلل اللي هو بروتين الكيراتين تمام، ده مالوش علاقة بالفرد. وللناس اللي مش عارفة، الكيراتين المتحلل هو بروتين زي بروتين القمح أو بروتين الحرير، بيساعد على تقوية الشعر وعلاج التساقط وبيساعد في تنعيم الشعر ويدي له لمعة حلوة. لكن الناس العادية بتفتكر إن مادة الكيراتين دي أو مادة البروتين اللي إحنا حاطينها هم المسؤولين عن فرد الشعر، لا خالص، هم مالهمش علاقة بفرد الشعر تماما، هم مسؤولين فقط عن المميزات اللي أنا قلتها اللي هي بيعملوها إلى جانب طبعا إنهم شيء يعني خاص كده بتسويق المنتج. لكن اللي مسؤول عن فرد الشعر هي الأحماض اللي إحنا حاطينها. هنضيف دلوقتي 1% من بولي كواتيرنيوم 7N، وده مسؤول عن تنعيم الشعر وفك التشابك كمان. هنضيف 1% من سيليكون 1000، وده الفايدة بتاعته إنه هيحافظ على الشعر من الحرارة لما نيجي نكبس الشعر بالمكواة. لازم بقى نقلب الكريم بتاعنا كويس جدا بمضرب البيض الكهربائي أو بالهاند بلندر، ما ينفعش نقلبه يدوي، لازم بأي حاجة تكون كهرباء عشان السرعة بتاعتها تبقى عالية ويتقلب كويس جدا. هتقلب حوالي من سبع لـ 10 دقائق مش أقل من كده، بس طبعا يعني كل 20 ثانية أو كل 30 ثانية بتفصل الجهاز اللي أنتم بتقلبوه بيه وبعد كده ترجعوا تشغلوا تاني علشان يعني ما يجرلوش حاجة. ده القوام النهائي بتاع بروتين فرد الشعر. أهم خطوة بقى لازم نقيس الـ pH ونظبط على اثنين، لأن ضبط الـ pH ده بيفرق كتير جدا في نتيجة الفرد، يعني الدرجة المناسبة هي اثنين مش أقل من كده ومش أعلى من كده. أنا هنا طلع معايا اثنين بالظبط، فده تمام جدا، بس يعني في منتجات بتبقى واحد ونص، يعني لو واحد ونص ماشي مجازا ماشي، بس فأنا لا أفضل، يعني أنا بفضل أحسن حاجة إن هو يكون اثنين. طيب لو حد طلع معاه أكتر من كده، بس يعني هو صعب قوي يطلع أكتر من ثلاثة، يعني هو لو طلع أكتر من ثلاثة يبقى في مشكلة في الخامات اللي أنتم مستخدمينها. يعني لو حد طلع معايا مثلا ثلاثة وعايز ينزله عند اثنين، استخدموا محلول سيترك أسيد، ما حدش يضيف لاكتيك أسيد ثاني. تمام، أنا باكد أهو على النقطة دي. استخدموا محلول يترك أسيد اللي هم 2% أو 1 جرام من ملح الليمون على 8 جرام من الماء المقطر، وبنضيف شوية بشوية صغيرين لحد ما نظبط على الـ pH اللي إحنا عايزينه اللي هو اثنين. طيب لو حد طلع معاه الـ pH منخفض يعني واحد مثلا وعايز يرفعه للاثنين، هنضيف حاجة بسيطة جدا جدا، يعني نقطة مثلا من تراي إيثانول أمين وبعد كده نقلب كويس جدا جدا ونقيس تاني. يا ريت نكون حريصين جدا وإحنا بنضيف الراي، لأن المواد القلوية هتكون مش كويسة للمنتج. ملحوظة بقى مهمة جدا، الكريم ده ما ينفعش للحوامل وما ينفعش للأطفال، ونبقى لابسين جوانتي وإحنا بنطبق على الشعر، ولازم إن إحنا ناخد بالنا من عينينا ما يجيش أبدا عند منطقة العين. ولو عندكم مثلا تساقط شديد أو صلع في راسي أو ثعلبة أو مثلا التهاب في فروة الرأس أو أي مرض جلدي في فروة الرأس، أو مثلا شعركم مهلوك من الصبغة أو شعركم ضعيف جدا، أو مثلا لسه عاملة حنة فرد أو أي كريم فرد، مثلا لو أنتم عندكم أي حاجة من اللي أنا قلتها دي، ما تعملوش الكريم ده وما تعملوش أي حاجة فرد عموما إلا لما تعالجوا شعركم. يعني ل...
