Speaker A
بسم الله الرحمن الرحيم والحمد لله رب العالمين والصلاه والسلام على اشرف المرسلين سيدنا محمد، النهارده ان شاء الله هنبدا مع بعض كورس HTML سنه 2021.
كورس تعليمي شامل لتعلم HTML 2021 بالعربية مع شرح مبسط للمفاهيم الأساسية وأهمية اللغة وأدوات التعلم.
Key Takeaways
- HTML هي اللغة الأساسية لبناء هيكل صفحات الويب.
- التعلم يجب أن يكون عملياً مع تطبيق مستمر للأكواد.
- البحث الذاتي هو المفتاح لتطوير المهارات في البرمجة.
- وجود هدف واضح يساعد على التركيز والاستمرارية في التعلم.
- استخدام أدوات حديثة مثل Visual Studio Code ومتصفحات حديثة ضروري.
What the video covers
- مقدمة عن أهمية تعلم HTML في 2021 ولماذا تم تحديث الكورس القديم.
- شرح الفرق بين إصدارات HTML 4 و HTML 5 ودمجهما في كورس واحد شامل.
- توضيح أن HTML هي لغة بناء الهيكل الأساسي لصفحات الويب.
- التأكيد على عدم التركيز على الترجمة الحرفية للمصطلحات التقنية.
- شرح أهمية استخدام محرر نصوص مثل Visual Studio Code أو Atom لكتابة الأكواد.
- ضرورة وجود متصفح إنترنت مثل جوجل كروم لتجربة الأكواد.
- تقديم نصائح للمبتدئين مثل تعلم أساسيات الويندوز والإنترنت واستخدام الاختصارات.
- تشجيع البحث المستمر كطريقة أساسية للتعلم والتطور في المجال.
- تحديد هدف واضح قبل بدء التعلم للحفاظ على التركيز وتحقيق النجاح.
- تطبيق المعلومات المكتسبة عملياً على مشاريع وأفكار بسيطة لتعزيز الفهم.
Full Transcript — Download SRT & Markdown
Speaker A
لو انت واحد من الناس القديمه الموجوده في القناه، فانت عارف ان احنا عندنا كورس HTML 4 و HTML 5.
Speaker A
لو انت واحد جديد تماما على القناه او بتبدا تتعلم من الكورس ده، السلايد ده كله اللي انا هتكلم عليه مالكش علاقه بيه خالص، السلايد ده كله للناس القديمه عشان تفهم انا ليه عملت كورس جديد.
Speaker A
طيب، اول حاجه يا شباب المحتوى القديم ناس كتير جدا كانت بتشوف السنه بتخاف بيقول لي ده بقاله ست سنين او سبع سنين مع ان المحتوى كويس ومفيهوش اي مشكله خالص، لكن كان لابد ان احنا نعمل محتوى جديد السنه دي باذن الله.
Speaker A
وفي نفس الوقت نتفادى شويه سلبيات وناخد الفيدباك بتاع الناس ونحسن الحاجات اللي الناس كانوا بيسالوا عليها في الكورس اللي فات.
Speaker A
عندنا محتوى جديد وعندنا معلومات جديده في الكورس باذن الله.
Speaker A
عندنا كواليتي تانيه خالص، الفيديوهات بقت الكواليتي بتاعتها احسن، الصوت بقى احسن، كمان الايديتور اللي بشتغل بيه بقى افضل والحاجات اللي بنشتغل بيها بقت احدث وبتواكب العصر.
Speaker A
ناس كتير جدا اتضايقت من وجود ال CSS في الكورس وحسوا بلخبطه مع ان ده غلط وانا قلت في الفيديو اللي نزلته على اليوتيوب الاخير ان مش المفروض تتلخبط لان اللغتين دول مرتبطين ببعض.
Speaker A
فمفيش مشكله خالص شلنا كل ما يخص ال CSS ومن الاكواد بقينا بس بنتكلم عليه مش اكتر يعني نقول هتتعلم ايه في CSS لكن ما كتبناش اكواد ولا لينا علاقه خالص بال CSS.
Speaker A
شلنا الكانفاس والدروس بتاعت الكانفاس كلها لانها محتاجه خبره في الجافا سكريبت ودي برضه عملت لخبطه للناس شويه وكورس الكانفاس كاملا مكملا موجود في القناه ومتسجل وتقدر تدخله لما توصل عنده باذن الله.
Speaker A
طيب، كان عندنا كورس HTML الاصدار الرابع والاصدار الخامس دمجناهم مع بعض بقى الكورس ده شامل الرابع والخامس ومفيش اي مشكله خالص ومش محتاج تشوف كورسين ولا اي حاجه.
Speaker A
المحتوى القديم جميل جدا تقدر تشوفه مفيش فيه مشكله خالص حبيت تشوفه شوفه وهقول لك تاني المحتوى موجود وهرد على التعليقات اللي فيه ومفيش اي مشكله خالص ومستحيل يتحذف ان شاء الله ولا اي حاجه من الكلام ده.
Speaker A
يعني عايز تشوف القديم او الجديد اتس اب تو يو هتاخد ان شاء الله نفس المعلومات ولو في كومنت كتبته هرد عليه باذن الله.
Speaker A
طيب، ندخل بقى على الناس اللي داخله بقى تتعلم HTML وخلينا نقول ان لو انت جديد على الكورس يبقى دي البدايه بتاعتك هو السلايد ده.
Speaker A
يعني ايه HTML؟
Speaker A
HTML او كلمه HTML اختصار ال Hypertext Markup Language.
Speaker A
عايز اقول لك على حاجه مهمه جدا قبل ما اكمل بعد النقطه دي واترجملك حتى الكلام ده، ما تركزش ابدا مع المعاني العربيه لان هي مس ليدينج.
Speaker A
يعني ممكن توديك لمعنى مش مفهوم، التراجم مش هي القصه.
Speaker A
التراجم بس ممكن ساعات تساعدك وممكن لا، فما تركزش ابدا مع التراجم لغه الارتباط التشعبي، لغه الوصف، لغه توصيف الويب.
Speaker A
كل الكلام ده ما تركزش معاه ابدا، انت محتاج بس تعرف اللغه اللي انت داخل عليها دي بتعمل ايه؟
Speaker A
وهتتعلمها ليه؟ ومعنى الكلمه ايه؟ ساعات بيجيلك امتحانات نظريه وكل الكلام ده.
Speaker A
والله الترجمه عجبتك خلاص اتس اب تو يو مفيش مشكله خالص.
Speaker A
لغتنا النهارده هي اللغه الاساسيه لبناء صفحه الويب.
Speaker A
بناء الهيكل بتاع صفحه الويب.
Speaker A
هتقولي ليه الهيكل؟ هقول لك دلوقتي لو انت عندك مثلا سفينه قبل ما السفينه دي بيتحط عليها شراع وتتدهن والكلام ده كله.
Speaker A
بيروحوا يعملوا الهيكل بتاع السفينه بس.
Speaker A
الهيكل اللي هو شويه الخشب المربوطين ببعض دول.
Speaker A
لو جينا طبقنا الموضوع ده على المباني هتلاقي ان المبنى برضه فيه الاسياخ الحديد والحاجات اللي بتتعمل في الاول الاساسات دي.
Speaker A
قبل ما المبنى يتشطب ويتدهن والكلام ده كله.
Speaker A
ده اسمه الهيكل.
Speaker A
لو جينا طبقنا الموضوع ده على الانسان ولو اني ما بحبش المثال بتاع الانسان خلينا نقول ان ال HTML هي الهيكل العظمي بتاع الانسان.
Speaker A
قبل بقى ما تشوف اللي فوق الهيكل العظمي واللحم والجلد والشعر والحاجات دي كلها.
Speaker A
كل الكلام ده بتعمله لغه ال HTML اللي هو بنيه الصفحه.
Speaker A
بعد كده ان شاء الله في المستقبل هتتعلم بقى اللغه اللي اتفقنا عليها لغه ال CSS علشان خاطر تقدر بقى تتعامل مع الالوان والخطوط والصور والكلام ده كله.
Speaker A
طيب.
Speaker A
هنتكلم اول حاجه قبل ما ندخل في اللغه عن حاجه اسمها فيرجنز او الاصدارات.
Speaker A
هتقابل في حياتك كتير جدا تطبيقات بتشتغل عليها برنامج فوتوشوب برنامج الرسام.
Speaker A
النظام التشغيل نفسه اللي هو الويندوز ويندوز 7 وبعدين 10 وكان في قبله زمان XP وملينيوم والحاجات دي كلها.
Speaker A
ايه هو الاصدار او فكره الاصدار؟
Speaker A
البرمجيات بصفه عامه في عالم يعني السوفت وير انجينيرنج.
Speaker A
البرمجيات بيكون ليها اصدارات.
Speaker A
بينزل منها اصدارات جديده.
Speaker A
الاصدارات الجديده دي بتعالج مشاكل بتسهل حاجات الناس كانت بتعملها بطريقه صعبه بتشيل حاجات الناس ما بتستخدمهاش بتعمل حاجات كتير جدا.
Speaker A
يعني ده المتبع.
Speaker A
فحتى في اللغات البرمجه ولغات التصميم ولغات اللي هنتعامل معاها في العالم ده في برضه اصدارات.
Speaker A
يعني ال HTML دي كان فيها اصدارات 3 و 4 و 5 وان شاء الله في المستقبل هينزل HTML الاصدار السادس وهكذا.
Speaker A
بيحصل ليه في الكلام ده؟
Speaker A
نفس القصه.
Speaker A
حاجات بتنزل جديد عناصر بتنزل جديد حاجات محدش بيستخدمها بتتشال حاجات كانت صعبه بتتعمل بطريقه سهله وهكذا.
Speaker A
فكل اصدار بينزل بيبقى فيه حاجه جديده وجميله.
Speaker A
الكورس ده يا شباب بيشرح ال HTML كلها ملوش علاقه باصدار معين.
Speaker A
يعني بيشرح ال HTML لحد اخر اصدار في الفيديو ده اللي هو الاصدار الخامس.
Speaker A
طيب.
Speaker A
يعني ليه اول حاجه انا بتعلم لغه HTML؟
Speaker A
لو انت داخل في مسار ال Front-End او ال Back-End او ال Mobile Developer او ال Reports عالم ال Reports والتقارير وشغال في شركه بال Report بيتكتب بال HTML.
Speaker A
فانت محتاج تتعلم اللغه دي عشان تخش في العالم ده.
Speaker A
طيب.
Speaker A
هسأل سؤال وانت لازم تسأله لنفسك انت جيت اصلا للكورس ده ازاي؟
Speaker A
جيت اكيد عن طريق مسار تعليمي موجود في الموقع والمسار التعليمي ده بيقول لك ان انت محتاج اللغه دي اول لغه.
Speaker A
فبالتالي انت يا اما Front-End يا اما Back-End عشان كده انت جاي تتعلم الكورس ده.
Speaker A
طيب.
Speaker A
ده كلام عظيم وجميل وعندنا دلوقتي حاجه مهمه جدا بقى.
Speaker A
انا محتاج ايه عشان اتعلم؟
Speaker A
دي اهم حاجه في الدنيا.
Speaker A
الناس اللي لسه بادئه من تحت الصفر لسه ما تعرفش اي حاجه في الدنيا خالص انت محتاج برنامج Text Editor.
Speaker A
ال Text Editor ده هو اللي انت بتكتب عليه الكود اللي المتصفح بيشوفه عشان يطلع لك الشكل اللي هو بتاع الصفحه.
Speaker A
احسن اتنين عندنا ممكن تشتغل بيهم في العصر ده وفي السنه دي هو Visual Studio Code و Atom.
Speaker A
الاثنين يا شباب هتشوفوهم واحنا بنبدا الكورس وازاي تعملوا لهم داونلود وهتشوف شكلهم وكل ما تتخيله احنا هنا بس بنتعرف على بعض.
Speaker A
طيب.
Speaker A
محتاج طبعا انترنت براوزر براوزر زي جوجل كروم او فايرفوكس ديفيلوبر ايديشن.
Speaker A
اي براوزر عشان هتجرب عليه الشغل بتاعك كله.
Speaker A
طيب.
Speaker A
محتاج شويه معرفه كده بالويندوز والانترنت.
Speaker A
يعني ما ينفعش ان انت تطلع من الحضانه على الجامعه.
Speaker A
يعني ما ينفعش انت ما تكونش عندك خبره خالص في الويندوز يعني حتى في ناس كنت بشوفه ما يعرفش الكنترول سي بتعمل ايه اللي هي الكوبي والبيست مثلا.
Speaker A
ما يعرفش اسهل اللي هي الاختصارات اللي في الويندوز.
Speaker A
كنترول ايه مثلا بيعمل سيلكت اول.
Speaker A
حاجات هايفه جدا فخد فكره كده عن الويندوز مش عيب ابدا ان انت حتى تلاقي كورس ويندوز للمبتدئين بيعلمك شويه حاجات في الويندوز.
Speaker A
خد كورس يديك معلومات عن الانترنت مفيش مشكله خالص.
Speaker A
شويه اختصارات في المتصفح اللي انت بتشتغل عليه.
Speaker A
معلومات مقالات مكتوبه العلم مفيش كسوف.
Speaker A
مفيش مشكله خالص حتى لو كورس للناس اللي تحت الصفر.
Speaker A
عشان بس تدخل العالم ده وانت عندك شويه معلومات.
Speaker A
Always Search.
Speaker A
هتلاحظ النقطه دي كاتبها لك كتير جدا هتلاقي كل شويه هفكرك بالنقطه دي خلال الكورس.
Speaker A
دايما ابحث.
Speaker A
كل حاجه هتشوفها في الفيديو قدامك لو لقيت كلمه مش فاهم معناها روح ابحث عنها.
Speaker A
هتكسب شويه معلومات كتير جدا وانصحك ما تسألش حد.
Speaker A
لما تروح تبحث بنفسك هتتعلم صح، طيب خلي عندك تارجت.
Speaker A
لو دخلت الكورس ده وانت ما عندكش تارجت هتيجي تقول لي انا هعمل ايه باللغه دي؟
Speaker A
ده اول سؤال كان بيتسأل لي.
Speaker A
هعمل ايه لما اتعلم؟
Speaker A
مش هتعمل حاجه.
Speaker A
اذا لم تكن تعرف اين تذهب فكل الطرق تؤدي الى هناك.
Speaker A
ما عندكش هدف.
Speaker A
اي حاجه هتيجي قدامك هتكون هي الهدف.
Speaker A
بالتالي حدد هدفك، هدفي ان انا عايز اكون Front-End Developer او Back-End Developer او هعمل شغل العميل.
Speaker A
اي هدف هيخليك تتعلم اللغه ان شاء الله بارياحيه ومفيش حاجه هتسيبك بالملل ولا اي حاجه.
Speaker A
الفوكس مهم جدا.
Speaker A
اللي هو التركيز.
Speaker A
لو انت عندك مشكله او اي حاجه في بيتك او اي مشكله مع اصحابك ما تحاولش تذاكر في الوقت ده.
Speaker A
حاول حاول حاول ان انت تفصل الحياه تماما عن الوقت اللي بتذاكر فيه.
Speaker A
بعد كده ايه يا شباب؟
Speaker A
Always Search.
Speaker A
دايما ابحث دايما ابحث.
Speaker A
البحث هو اكتر حاجه هتعلمك في المجال ده واكتر حاجه هتخليك متطور.
Speaker A
البحث هيدخلك في عالم الانستراكتور مش هيدخلك فيه.
Speaker A
الانستراكتور عنده مجموعه فيديوهات فيها سيناريو بيمشي فيه البحث هو اللي هيخليك تمشي في سيناريوهات تاني وتتعلم معلومات جديده.
Speaker A
طيب.
Speaker A
ابدا اي فكره مهما كانت تافهه، دلوقتي انا بتعلم كورس HTML وبحب الكتب مثلا.
Speaker A
هعمل بوك ستور، هعمل مثلا اونلاين ستور.
Speaker A
هعمل اي تصميم في الدنيا.
Speaker A
وانا بتعلم دروس جديده كل ما اخد معلومه اروح اطبقها في الفكره بتاعتي.
Speaker A
اللي هي بالمناسبه ممكن تبقى فكره هايفه جدا.
Speaker A
مفيش مشكله خالص.
Speaker A
المهم ان انت تطبق اللي اتعلمته في الفكره دي.
Speaker A
كل حاجه تتعلمها تروح تطبقها.
Speaker A
وهكذا.
Speaker A
اخر حاجه يا شباب ايه؟
Speaker A
Always Search.
Speaker A
بس ما تسألش.
Speaker A
قبل ما تسأل ابحث كتير جدا.
Speaker A
لو رحت سألت حد وحل لك المشكله هيضيع عليك المعلومات الجميله اللي انت كنت هتاخدها من البحث.
Speaker A
طيب.
Speaker A
ازاي نذاكر بشكل سليم في الكورس ده؟
Speaker A
اول حاجه هتشوف الفيديوهات بتركيز زي ما اتفقنا.
Speaker A
هتتفرج على الفيديو 1 و 2 و 3 و 4 و 5 مثلا.
Speaker A
بعد كده هتدخل على الموقع elzero.org بعدين اللينكات كلها هتكون في وصف الفيديو.
Speaker A
تشوف الكود اللي كان مكتوب في الكورس.
Speaker A
الكود لو في سلايدز مثلا هتشوفها.
Speaker A
بعد كده تخش على الاساينمنتس.
Speaker A
الاساينمنتس دي عباره عن تكليفات معموله لعدد دروس معين.
Speaker A
يعني مثلا من 1 ل 5 هتلاقي شويه تكليفات اساينمنتس كده مطلوبه منك.
Speaker A
التكليفات دي يا شباب بتدل انت فهمت ولا لا.
Speaker A
يعني بتطلب منك طلبات تعرف عن طريقها انت فهمت الخمس فيديوهات ولا لا.
Speaker A
بعد كده تخلص الخمسه او الثلاثه او الاربعه اللي بعدهم على حسب وتلاقي الاساينمنتس بتاعتها كمان.
Speaker A
تخش تحلها وهكذا.
Speaker A
طب اتاكد منين ان انا صح؟
Speaker A
دلوقتي يعني في اساليب كتير قوي تتاكد ان هي صح.
Speaker A
ممكن يبقى ليك واحد منتور ليك يشوف الكود بتاعك او تدخل على اي جروب تقني سواء ال Zero Web School الجروب بتاعنا او اي جروب من الجروبات العظيمه الموجوده على الفيسبوك الخاصه بالتقنيه.
Speaker A
تروح تشير الحاجه وتقول ده الاساينمنت وده الحل فهل انا صح ولا لا؟
Speaker A
وتاخد راي الناس هتلاقي ناس عظيمه جدا هترد عليك وتساعدك.
Speaker A
كده يا شباب احنا عرفنا ازاي نذاكر.
Speaker A
بدأنا ناخد فكره عن اللغه بعد كده هندخل بقى نتعلم باذن الله عملي.
Speaker A
يا رب يا جماعه المقدمه تكون جاوبت على كل الاسئله اللي هتيجي قدامكم نشوفكم ان شاء الله مع اول فيديو والسلام عليكم.
Topics:تعلم HTMLكورس HTML 2021برمجة الويبلغة الترميزVisual Studio CodeFront-EndBack-Endتطوير الويبتعليم بالعربيةElzero Web School
