Speaker A
بسم الله الرحمن الرحيم والصلاه والسلام على اشرف المرسلين سيدنا محمد.
شرح مبسط عن الدوك تايب وأهميته في تحديد وضع المتصفح بين ستاندرد وكويركس مود في صفحات HTML5.
Key Takeaways
- الدوك تايب ضروري لتحديد إصدار HTML المستخدم في الصفحة.
- عدم تحديد الدوك تايب يؤدي إلى تفعيل الكويركس مود الذي يسبب مشاكل في العرض.
- الدوك تايب في HTML5 بسيط ومختصر ولا يفرق بين الأحرف الكبيرة والصغيرة.
- كتابة الدوك تايب في بداية كل صفحة تضمن عرض الصفحة بشكل صحيح ومتوافق.
- معرفة وضع الرندر تساعد في فهم كيفية عرض المتصفح للصفحة.
Summary
- مقدمة عن الدوك تايب وأهميته في صفحات HTML.
- الدوك تايب ليس عنصر HTML بل تعليمات للمتصفح.
- شرح الفرق بين إصدارات الدوك تايب خاصة HTML4 و HTML5.
- توضيح أن الدوك تايب غير حساس لحالة الأحرف.
- شرح وضعية الرندر في المتصفح بين ستاندرد مود وكويركس مود.
- أهمية تحديد الدوك تايب لتجنب مشاكل التوافقية في عرض الصفحة.
- كيفية التحقق من وضع الرندر في متصفح فايرفوكس.
- ضرورة كتابة الدوك تايب في بداية كل صفحة HTML5.
- ذكر أن معظم المواقع الكبرى تستخدم دوك تايب HTML5 لضمان التوافق.
- تشجيع على الالتزام بكتابة الدوك تايب لتفادي المشاكل مستقبلاً.
Full Transcript — Download SRT & Markdown
Speaker A
النهارده ان شاء الله هنتكلم مع بعض عن الدوك تايب.
Speaker A
الدرس بتاعنا يا جماعه النهارده فيه شويه معلومات ادفانسد لو احنا من كام سنه فاتت وعندنا مشاكل التوافقيه اللي كنا بنشوفها زمان، كان المعلومات هتكون مفيده ليك بنسبه 300%.
Speaker A
كنت اقول لك ركز معاها جدا دلوقتي هي مفيده وكل حاجه بس ما تتعبش دماغك فيها لدرجه فظيعه ومجرد بس تفهم الفكره وتعرف ان احنا لازم نستخدم الدوك تايب ده في كل صفحاتنا.
Speaker A
الدوك تايب مش عنصر من عناصر الاتش تي ام ال، الدوك تايب عباره عن انستراكشنز او تعليمات بتديها للمتصفح عشان تقول له انا شغال على اصدار اتش تي ام ال ايه في الصفحه بتاعتي.
Speaker A
دلوقتي يا شباب ولحد وقت الفيديو اللي احنا شغالين فيه ده احنا شغالين على اتش تي ام ال الاصدار الخامس اتش تي ام ال 5 وده الدوك تايب بتاعه او ده السطر اللي بيعبر عن ان انا شغال على الاتش تي ام ال 5.
Speaker A
قبل كده لو انت واحد من الناس القديمه وشغال على اتش تي ام ال الاصدار الرابع كنت هتشوف كود الدوك تايب بالشكل ده.
Speaker A
وفي انواع كتير من اكواد الدوك تايب.
Speaker A
طبعا الكود بتاع الاتش تي ام ال 5 مختصر كتير زي ما انت شايف.
Speaker A
الكود بتاعنا ان سنسيتيف يعني ممكن تكتبه سمول كابيتال.
Speaker A
يعني غير حساس للاحرف الكابيتال والسمول مش هتفرق معاه خالص.
Speaker A
طيب ايه الحكمه من كتابه الدوك تايب؟
Speaker A
ودي المعلومه اللي انا بقول لك انها هتكون حاجه ادفانسد شويه ومش محتاج تتتوغل فيها كتير.
Speaker A
المتصفح بيعمل رندر للصفحه بتاعتك عشان انت تقدر تشوفها بطريقتين طريقه اسمها كويركس مود وطريقه اسمها ستاندرد مود.
Speaker A
لو انت ما حددتش الدوك تايب بتاعتك في الصفحه بالشكل ده بتخلي المتصفح يروح لوضع المراوغه او اللي هو الكويركس مود.
Speaker A
انا ما بحبش بصراحه اترجم الحاجات كلها للعربي عشان ساعات بيبقى يعني معناها غريب شويه.
Speaker A
طيب الكويركس مود ده فيه بعض العناصر او الحاجات اللي انت بتتعامل معاها في اللغه مش بيسبورت العناصر.
Speaker A
يعني ممكن تلاقي عنصر او مثلا ميزه بتطلع بشكل مختلف وغريب.
Speaker A
عشان هو مش بيسبورت او مش بيدعم الكلام ده.
Speaker A
طيب تعالوا مع بعض نشوف بصه كده سريعه على مثلا الصفحه بتاعتنا هنا.
Speaker A
في مثلا متصفح فايرفوكس.
Speaker A
هقول له هنا كليك يمين وفيو بيج انفو.
Speaker A
هيجب لك حاجه هنا اسمها رندر مود.
Speaker A
طريقه طبعا عرض الصفحه بالطريقه اللي احنا قلنا عليها الكويركس مود.
Speaker A
عشان انت مش محدد له الدوك تايب.
Speaker A
لو جينا دلوقتي وحددنا الدوك تايب بالشكل ده هتروح للصفحه بتاعتك هتلاقيه بقى بيرندر الصفحه.
Speaker A
حاجه اسمها ستاندرد مود.
Speaker A
وده اللي هو بيسبورت الحاجات بتاعتك واللي مش هتواجه فيه مشاكل خالص.
Speaker A
يعني لازم لازم لازم لازم لازم ان اي صفحه هتنشئها يكون اول سطر فيها الدوك تايب اتش تي ام ال ده.
Speaker A
ما دام انت شغال طبعا في الاصدار الخامس.
Speaker A
ان شاء الله في المستقبل ربنا يدينا ويديكم عمر.
Speaker A
مش عارفين طبعا الاصدارات الجديده هتعمل ايه.
Speaker A
لو رحت موقع زي جوجل وفتحت البيج سورس هتلاقي اول سطر دوك تايب اتش تي ام ال.
Speaker A
اهو.
Speaker A
اي موقع تفتحه هتلاقي الكلام ده.
Speaker A
كده انت ضمنت ان انت تكون بترندر الصفحه في الاستاندرد مود مش في الكويركس مود.
Speaker A
وان شاء الله طبعا مش هتواجه مشاكل في التوافقيه.
Speaker A
طيب يبقى بس نطلع بس من الدرس بحاجه واحده حتى لو لقيتني في الدروس اللي جايه ما كتبتش السطر ده لازم لازم لازم لازم تكتبه في جميع صفحاتك اللي هتنشئها في حياتك.
Speaker A
يا رب يا جماعه الدرس يكون بسيط وسهل واعجبكم واشوفكم ان شاء الله في درس جديد والسلام عليكم.
Topics:دوك تايبHTML5وضع الرندركويركس مودستاندرد مودتوافقية المتصفحتعليمات المتصفحElzero Web Schoolتعلم HTML بالعربيتطوير الويب
