Speaker A
بسم الله الرحمن الرحيم والصلاه والسلام على اشرف المرسلين سيدنا محمد النهارده ان شاء الله نتكلم عن حاجه من الحاجات المهمه جدا وهو الكومنت او التعليق.
تعلم كيفية استخدام التعليقات (الكومنت) في HTML وأهميتها مع أمثلة عملية باللغة العربية.
Key Takeaways
- التعليقات تساعد في توضيح وظيفة الكود لنفس المطور والفريق.
- يمكن استخدام الكومنت لإخفاء عناصر مؤقتاً أثناء التطوير.
- كتابة التعليقات بشكل منتظم مفيد جداً للمبتدئين.
- هناك نوعان من التعليقات: سطر واحد ومتعدد الأسطر.
- مع التقدم في الاحتراف قد يتم استبدال التعليقات بالتوثيق الأفضل.
Summary
- شرح مفهوم التعليقات (الكومنت) في لغات البرمجة وتصميم الويب.
- أهمية الكومنت في توضيح الكود لنفس المطور والفريق.
- كيفية كتابة التعليقات في HTML باستخدام .
- أمثلة حية على استخدام الكومنت لتوضيح ميتا البيانات في المشروع.
- طريقة استخدام الكومنت لإخفاء العناصر مؤقتاً دون حذفها.
- الفرق بين التعليقات ذات السطر الواحد والتعليقات متعددة الأسطر.
- نصائح للمبتدئين بكتابة تعليقات على كل جزء لفهم الكود لاحقاً.
- استخدام اختصارات لوحة المفاتيح لتسهيل كتابة وإزالة التعليقات.
- ذكر أن التعليقات مهمة في بداية التعلم لكن مع الاحتراف قد تستبدل بالتوثيق.
- تشجيع على استخدام الكومنت كأداة تعليمية وتحسينية في البرمجة.
Full Transcript — Download SRT & Markdown
Speaker A
ايه هو الكومنت وليه بنستخدمه وعشان ايه وبنستخدمه ازاي كل ده نتعلمه مع بعض دلوقتي باذن الله.
Speaker A
خليني اديلك يوز كيس او مثال حي لحاجه ممكن تحصل فعلا في الشغل.
Speaker A
انا شغال مع فريق ورحت عملت ميتا خاصه بيا او ميتا الفريق مش عارفينها الميتا دي الاسم بتاعها بيساوي الزيرو والكونتنت بتاعها هو مثلا الاصدار بتاع الابلكيشن بتاعنا بالشكل ده.
Speaker A
الميتا دي انا عارف بتعمل ايه لكن الفريق مش عارفين يا ترى ازاي تفهم الفريق الميتا دي بتعمل ايه هتقولي والله انا هتصل بمحمود صاحبي انا عارف ان اكيد ليك صاحبك اسمه محمود وهقول له الميتا دي خلي بالك انا ضفتها بتعمل كذا ده شغل تحت السلم ده شغل مش احترافي.
Speaker A
انت هنا لازم تتكلم صاحبك وتقابله على القهوه تقوله.
Speaker A
عندنا في لغات البرمجه ولغات التصميم وكل اللغات اللي تتعامل معاها هتلاقي في حاجه اسمها كومنت توصف بيه الحاجه دي بتعمل ايه للناس وكمان لنفسك.
Speaker A
ممكن بعد فتره من الزمن ترجع للكود بتاعك عشان تعمله ريفاكتور او تحسن من الكود.
Speaker A
هتلاقي ان انت مش فاكر انت عملت دي ليه.
Speaker A
يعني معنى كده تقدر تكتب كود بعدين تكتب ليه كومنت ليك وكمان للناس.
Speaker A
حلو قوي.
Speaker A
ازاي الكلام ده.
Speaker A
الكومنت بيتكتب ازاي.
Speaker A
علامه اصغر من علامه التعجب اللي هي شيفت ورقم واحد 2 داش تكتب الكلام بتاعك بعدين 2 داش بعدين علامه اكبر من.
Speaker A
هتلاقي ان الكومنت لونه كده غريب عن الالوان العاديه.
Speaker A
او عن اللون الكلام العادي ده.
Speaker A
هقول له ذس از كومنت.
Speaker A
ده كومنت لونه اخضر.
Speaker A
كده انا بكتب هنا اللي انا عايزه عشان اوري للشخص انا مستعمل دي ليه.
Speaker A
دي فايده يا جماعه الكومنت.
Speaker A
لو انت في بدايه حياتك ولسه بتتعلم حاجه ظريفه جدا ان انت تكتب كومنت على كل حاجه عشان ما تنساهاش.
Speaker A
هكتب ذس از.
Speaker A
او ذس ميتا از فور بلا بلا بلا.
Speaker A
لو انت كاتب تكست زي كده وعايز تحوله الكومنت باختصار في الاديتور بتاعك.
Speaker A
كنترول وحرف الظا يحوله لك كومنت بالشكل ده.
Speaker A
عايز ترجعه تاني كنترول وحرف الظا يرجعه لك تاني بالشكل ده.
Speaker A
ده كومنت بستعمله في بدايه حياتي عشان وانا بتعلم واعرف كل حاجه بتعمل ايه.
Speaker A
مش بس كده ده انت ممكن العناصر بتاعتك اللي انت شغال عليها ممكن تحولها الكومنت عشان انت مش عايزها تظهر.
Speaker A
يعني العنصر ده لو انا عملته كده حولته الكومنت هتروح الصفحه مش هتلاقيه ظاهر.
Speaker A
هتلاقيه بس في البيج سورس.
Speaker A
طب حد يقول لي ايه الحكمه من ان انا اهمش عنصر زي كده.
Speaker A
ده كده بيسموه انت مهمش العنصر.
Speaker A
ايه الحكمه ان انا اعمل كده والله انا شغال على تاسك معين وعملت فيه شغل كتير وبعدين لسه مش عايز اظهره دلوقتي.
Speaker A
فبهمش العنصر بالشكل ده لحد ما اخلص.
Speaker A
بعد ما اخلص خالص اروح شايل التهنيش واقول له اتفضل انا خلصت التاسك.
Speaker A
هتقول لي الله يا عم ما تحذفه وتجربه في حته تاني.
Speaker A
ده مش دايما بيكون حل كويس لانه انت بتجرب الكود في بيئه العمل دي او في الصفحه دي فمش دايما يعني كويس ان كل شويه تاخد كود من هنا.
Speaker A
تنسخه بره او تنسى ممكن تحذفه حاجات كتير جدا ممكن تبوظ الفكره.
Speaker A
اسهل حاجه ان انا اكومنت الكود ولما ارجع تاني ارجعه واجرب عليه واعمل كل حاجه.
Speaker A
طيب.
Speaker A
عظيم جدا الكلام ده.
Speaker A
دلوقتي يا شباب في عندنا حاجه اسمها سنجل لاين كومنت وحاجه اسمها مالتيبل لاين كومنت.
Speaker A
المالتيبل لاين يعني عندي كومنت على اكثر من سطر.
Speaker A
تقولي الله ليه يا عم اكثر من سطر.
Speaker A
عشان انت حضرتك ممكن تكتب قصه حياتك في كومنت مره ممكن تكتب خمس ست سطور بتشرح فيهم انت عامل ميتا دي ليه.
Speaker A
فانا هنا اقول له مثلا كومنت لاين 1.
Speaker A
احوله الكومنت بالشكل ده.
Speaker A
وهنا عايز اكتب لاين تاني وتالت.
Speaker A
هل اعمل كده.
Speaker A
لا دي كده غلط.
Speaker A
هتروح عامل كده انتر هنا وانتر هنا.
Speaker A
وتكتب بقى كومنت لاين 1 ولاين 2 ولاين 3.
Speaker A
الحركه اللي انا عملتها دي لو حابب ان انت تعرفها لو انت واقف على عنصر الت وشيفت والسهم اللي تحت بياخد لك منه نسخه.
Speaker A
والت وشيفت والسهم اللي فوق ياخد لك منه نسخه بس المره دي فوق مش تحت.
Speaker A
طيب كده انا عملت المالتيبل لاين كومنت.
Speaker A
وعملت فيه الشغل وكله تمام.
Speaker A
في المستقبل ان شاء الله لما ربنا يكرمكم وتحترفوا هتعرف ان في حاجات احسن من الكومنت.
Speaker A
اللي هي اسمها الدوكيومنتيشن وهتعرف ان ممكن في يوم من الايام.
Speaker A
تستغنى تماما عن الكومنت.
Speaker A
بس في بدايه حياتك لا.
Speaker A
دلوقتي وانت بتتعلم طالب منك ان كل حاجه انت متردد في يعني عندك مشكله في فهمها او ما فهمتهاش 100% اكتب قبلها كومنت.
Speaker A
ذس از فور بلا بلا بلا.
Speaker A
وانت لسه بتتعلم عشان العمليه تبقى حلوه معاك وبعد كده ان شاء الله هتبدا تستغنى واحده واحده عن الكومنت.
Speaker A
يا رب يا جماعه الفيديو يكون جميل وعجبكم اشوفكم ان شاء الله في درس جديد والسلام عليكم.
Topics:HTMLتعليقات HTMLالكومنتبرمجة الويبتعلم HTML بالعربيElzero Web Schoolتطوير الويبتوثيق الكودتعليم البرمجةمبتدئين HTML
