Speaker A
اللهم أنزل علينا رحماتك وبركاتك. اللهم اكفنا بحلالك عن حرامك، وأغننا بفضلك عمن سواك. اللهم اجعلنا أثقل خلقك إليك، وأغنى خلقك بك عن الناس. اللهم إنا نسألك الهدى والسداد. اللهم ألهمنا رشدنا، وقنا شر نفوسنا. اللهم ربنا آتنا في الدنيا حسنة،
محاضرة لمحمد سعد الشرقاوي عن صنائع المعروف وفضلها، وأنها تقي مصارع السوء، مع أمثلة من السنة النبوية على أبواب الخير الواسعة.
Key Takeaways
- فعل المعروف بإخلاص من أسباب حسن الخاتمة والنجاة
- الخير لا يقتصر على المال، فكل نفع للناس صدقة
- النية الخالصة لوجه الله شرط لقبول الأعمال الصغيرة
- الحرص على تكرار الأعمال الصالحة اليومية لتكثر الحسنات
What the video covers
- التعريف بالمعروف بأنه كل خير أقره الشرع ودعا إليه
- الحديث الوارد: صنائع المعروف تقي مصارع السوء، وتقي ميتة السوء
- الصدقة خفية تطفئ غضب الرب، وصلة الرحم تزيد في العمر
- سعة رحمة الله وكثرة أبواب الخير وعدم حصرها في الإنفاق المالي
- قصة الرجل المحاسب الذي دخل الجنة بالتجاوز عن المعسرين
- أحب الناس إلى الله أنفعهم للناس، والله في عون العبد ما دام العبد في عون أخيه
- فضل قضاء حاجة المسلم على الاعتكاف في المسجد النبوي
- أعمال متنوعة تعد صدقة: الإصلاح بين الناس، إماطة الأذى، الإعانة، الكلمة الطيبة، التبسم
- فضل إقالة النادم وإقراض المحتاج لله تعالى
- دعوة إلى اختيار أعمال يومية صغيرة والمداومة عليها ابتغاء وجه الله
Full Transcript — Download SRT & Markdown
Speaker A
وفي الآخرة حسنة، وقنا عذاب النار. حديثنا هذه الليلة بعنوان صنائع المعروف. صنائع المعروف فيها حديث جميل جدًا، ربما يغير حياتك تمامًا.
Speaker A
يقول فيه النبي صلى الله عليه وسلم صنائع المعروف تقي مصارع السوء. صنائع المعروف تقي مصارع السوء.
Speaker A
والصدقة خفيًا تطفئ غضب الرب. وصلة الرحم زيادة في العمر. وكل معروف صدقة. وأهل المعروف في الدنيا هم أهل المعروف في الآخرة.
Speaker A
وأهل المنكر في الدنيا أهل المنكر في الآخرة. وأول من يدخل الجنة أهل المعروف. هذا الحديث أخرجه الطبراني في المعجم الأوسط، وحسنه الشيخ الألباني رحمة الله تعالى عليه.
Speaker A
أول جملة في الحديث مهمة جدًا. يقول فيها صلى الله عليه وآله وسلم: "صنائع المعروف تقي مصارع السوء". وفي رواية: "تقي ميتة السوء". كل إنسان منا يحب أن يموت على خير، أليس كذلك؟ بلى، كل إنسان يتمنى أن يموت على خير.
Speaker A
وأن يختم له بخير، فإن العبد إذا مات على خير بعثه الله على خير. من أعظم ما يجعلك تموت على خير، تموت ميتة حسنة صنائع المعروف.
Speaker A
ما معنى المعروف؟ المعروف هو كل خير أقره الشرع ودعا إليه. كل خير. أقره الشرع ودعا إليه. كثير من الناس.
Speaker A
أحيانا. يتحجر في ذهنه. طريق واحد إلى الجنة. الله تبارك وتعالى ربنا هو الواسع. ما معنى الله الواسع؟ يعني من سعته سبحانه وتعالى أنه وسع سبل الخير وكثرها لخلقه.
Speaker A
حتى يلج الناس منها إليه. الله تعالى الواسع. من رحمته الواسعة أنه وسع ونوع وكثر طرق الخير.
Speaker A
حتى أنها لا عد لها ولا حصر. فلا يعجز إنسان عن أن يدخل منها إلى الله سبحانه وتعالى. لذلك النبي صلى الله عليه وسلم يقول عن يوم القيامة.
Speaker A
يقول ولن يهلك. يوم القيامة على الله إلا هالك. يعني اللي هتلاقيه في النار يوم القيامة اعرف إن ده إنسان إيه؟ فتحت له آلاف السبل وهو الذي أراد أن يتنكب طريق الرحمن سبحانه وتعالى.
Speaker A
يعني الله تعالى في أول سورة بعد الفاتحة. ماذا قال؟ ألف لام ميم. ذلك الكتاب لا ريب فيه.
Speaker A
هدى للمتقين. الذين. يؤمنون بالغيب و. يقيمون الصلاة. وبعدها قال إيه؟ وإيه؟ هل قال ومن أموالهم ينفقون؟ أمال قال إيه؟ ومما رزقناهم ينفقون.
Speaker A
يعني أي رزق؟ هو الرزق كل عطايا الملك. اسمها رزق. فالله تعالى جعل لك من كل ما آتاك الله فرصة.
Speaker A
أن تتصدق. أن تنفق. أن تخرج. أن تدخل على الله من ذلك. لذلك النبي صلى الله عليه وسلم ماذا قال؟ قال: لا تحقرن من المعروف شيئًا. أوعى تحتقر عمل صغير بسيط. هذا العمل البسيط في عينك, الصغير في عينك ربما يعظم جدًا عند
Speaker A
الله, حتى أن الله تعالى ربما يكثر به في ميزان حسناتك, ويثقل به ميزانك فتدخل به الجنة.
Speaker A
كما سنعرف إن شاء الله حديث جميل جدًا في صحيح مسلم. أن رجلًا حوسب يوم القيامة. هو الحساب جه ولا لسه هييجي؟ أمال يعني إيه حوسب؟ يعني ربنا لما قال في أول سورة النحل, قال إيه؟ أتى أمر الله فلا
Speaker A
إزاي أتى فلا تستعجلوه؟ لأن هذا واقع, حقيقي. فلما النبي صلى الله عليه وسلم يخبرنا يقول: حوسب, يعني إيه؟ هذا سيقع, لكن بيخبرنا ليه؟ يعني النبي صلى الله عليه وسلم بينقل لنا مشاهد مؤجلة ستحدث.
Speaker A
هي عين يقين, حق يقين ستقع. فلما تسمعها من النبي صلى الله عليه وسلم يحصل لك إيه؟ يحصل لك شغل وعمل. فيقول: حوسب رجل ممن كان قبلكم فلم يجدوا له خيرًا قط.
Speaker A
الصحيفة بتاعته إيه؟ بيضاء, ما فيهاش أي حاجة حسنة خالص. إلا أنه كان رجلًا موسرًا, عنده فلوس.
Speaker A
وكان يداين الناس, يعني يطلع للناس فلوس قرض حسن, أو عنده تجارة. فكان الناس يأخذون يأخذون منه تجارات وعليهم أموال. مديونين يعني, هو الدائن وهو إيه؟ وهم مديونين ليه, فكان له غلمان, غلمان يعني موظفين.
Speaker A
فكان يقول لغلمانه: أنظروا المعسر. اللي مزنوق سيبوه شوية. ما تتعجلوش عليه. طيب والمفلس؟ وتجاوزوا عن هذا, يعني اللي ييجي لكم مش معاه فلوس خالص, عليه دين ومش معاه خالص, اعملوا فيه إيه؟ سامحوه خلاص, تجاوزوا عنه. ده عمله الوحيد.
Speaker A
فلما رؤيت هذه أعماله، قال الله: أنا أحق بالتجاوز. غفرت عن عبدي. ودخل الجنة. بإيه؟ بهذا العمل.
Speaker A
عشان كده النبي عليه الصلاة والسلام في يوم من الأيام تكلم مع الصحابة عن فضل الصدقة.
Speaker A
والإنفاق. فواحد من الصحابة قال له: يا رسول الله، ليس لنا ما ننفق. يا جماعة، الصحابة كانوا أفقر الناس.
Speaker A
فقراء جدًا. في غاية الفقر. أكثرهم كده. لذلك النبي عليه الصلاة والسلام لما جاءه في يوم واحد من الصحابة قال له: يا رسول الله، أيصلي أحدنا في الثوب الواحد؟ إيه معنى الثوب الواحد؟ حد يعرف يعني إيه الثوب الواحد؟ يعني جلابية؟
Speaker A
الثوب الواحد يعني إيه؟ يعني بشكير. ملاية. إحنا إحنا بنحج في كام ثوب؟ ثوبين. يعني أنت وأنت بتعتمر أو بتحج معاك ثوبين. إزار وإيه؟ ورداء. فواحد قال له: يا رسول الله، افرض أنا مش معايا إلا إيه؟ يا إزار يا رداء. هلفه على وسطي وخلاص. يعني كتفه
Speaker A
كله إيه؟ وصدره مكشوف. ينفع أصلي كده؟ أيصلي أحدنا في الثوب الواحد؟ ده السؤال. المفترض الجواب يكون إيه؟ يجوز أو إيه؟ أو لا يجوز. كان الجواب عجيب.
Speaker A
يخبرك عن واقع الصحابة. فقال: أو لكلكم ثوبان؟ إيه ده؟ ما هو معنى بتسأل السؤال ده يعني أنت عندك إيه؟ عندك إيه؟ إزار ورداء؟ يعني أغلبهم عنده إيه؟ يا إزار يا إيه؟ يا رداء.
Speaker A
النبي عليه الصلاة والسلام في يوم من الأيام كان بيطلع على الصحابة بثوب مرقع. فواحد من الصحابة يعني زعل من المنظر ده.
Speaker A
فراح اشترى ثوب للنبي عليه الصلاة والسلام. ثوب له. قال له: خذه يا رسول الله. فالنبي عليه الصلاة والسلام لما شافه فرح به.
Speaker A
بشر. فرح بالثوب. فعمل إيه؟ أخذ الثوب ودخل جوه بسرعة. عمل إيه؟ غير الهدوم اللي كانت عليه ولبس الثوب الجديد. فرحان به صلى الله عليه وسلم.
Speaker A
فواحد من الصحابة قاعد شايف المنظر. قال له: يا رسول الله اكسني. اديهولي ألبسه. ممكن؟ في ثانية كده.
Speaker A
فالنبي عليه الصلاة والسلام جاء عمل إيه؟ في نفس المجلس دخل قلع الثوب ثاني ولبس الثوب الإيه؟ القديم وقال له اتفضل.
Speaker A
وبعدين بعد شوية دخل بيته. فواحد من الصحابة قاعد متضايق قوي قال له يعني رأيته أخذه يحتاجه. تطلبه من النبي عليه الصلاة والسلام؟ قال: يا هذا ما أخذته إلا رجاء أن يكون أن يكون كفني. النبي عليه الصلاة والسلام نفسه يتكفن به. هكذا طلب يعني. الشاهد
Speaker A
اللي أنا عايز أقوله لما دعاهم للصدقة فواحد من الصحابة قال له: يا رسول الله ليس معنا ما نتصدق به.
Speaker A
إيه المعروف؟ ده أنت تقول لنا النهار ده صنائع المعروف تقي ميتة السوء. يعني لازم أطلع فلوس؟ لازم أخرج مال؟ لا شك أن إخراج الصدقات وإخراج الأموال هذا من أعظم الصدقات ومن أعظم الأعمال عند الله سبحانه وتعالى. لكن من عظمة ربنا
Speaker A
وسعة ربنا أنه ما حجر هذا إنما جعل السبيل واسع جدا. تعالوا نشوف كده ما هي الصدقات وأبواب الخير التي جعلها لنا صلى الله عليه وآله وسلم.
Speaker A
النبي عليه الصلاة والسلام حط لنا قاعدة مهمة جدا اللي هي اسمها النفع المتعدي. يعني أنا قاعد دلوقتي يا إخواننا قلت: سبحان الله.
Speaker A
دي اسمها إيه؟ صدقة. الحمد لله صدقة. الله أكبر صدقة. التسبيح والتحميد والتكبير وقراءة القرآن كل هذه صدقات.
Speaker A
لكن إيه اللي يفوق ده؟ يعني إحنا أكثرنا بيقف عند حد التعبادات الصلاة الصيام ها؟ الاعتكاف الحج العمرة. وهذه أعمال عظيمة طبعا لا شك. لكن في جزء من الأعمال خفي.
Speaker A
أغلبنا يعرض عنه. وهذه الأعمال ميزانها عند الله قد يكون قد يفوق أحيانا هذه الأعمال الأخرى.
Speaker A
عشان [تنحنُح] كده النبي عليه الصلاة والسلام حط لنا قاعدة عظيمة جدا اللي هي إيه بقى؟ أحب الناس إلى الله أنفعهم للناس.
Speaker A
أحب الناس؟ اه أحب الناس إلى الله أنفعهم للناس. وفي رواية: أنفعهم لعياله. لذلك جاء في الحديث: "والله في عون العبد ما كان العبد في عون أخيه". أي عون لأي إنسان إذا كنت فيه، الله تعالى يكون فين؟ يكون في عونك. عشان كده النبي عليه الصلاة
Speaker A
والسلام في يوم من الأيام قال كلمة جميلة قوي. قال: "ولأن أمشي مع أخي المسلم اسمع دي كده. في حاجة أقضيها له".
Speaker A
واحد جاي يقولك: "بقولك إيه؟ تعالى معايا هنروح نقضي المصلحة الفلانية. أنا عايزك معايا. تشفع ليا، تخلصها لي، تتكلم نيابة عني، تقف معايا حتى تساعدني". هو عايزك. أخوك أخوك اللي محتاجك في المشوار ده.
Speaker A
شايفك إن أنت تقدر تساعده. تعينه، تتكلم معاه. فالنبي عليه الصلاة والسلام بيقول كده. بيقول: "ولأن أمشي مع أخي في حاجة أقضيها له". ها يا رسول الله؟ اسمع كده.
Speaker A
"أحب إلي من أن أعتكف شهرًا في مسجدي هذا". مسجد إيه؟ النبي. يا نهار أبيض. واحد هيعتكف شهر في المسجد النبوي. هيصلي كام صلاة؟ 150 صلاة.
Speaker A
الصلاة في المسجد النبوي بكام؟ بـ 1000. صح؟ يعني نضرب بقى 150 في 1000 بكام؟ بـ 150 ألف صلاة. ده غير بقى قاعد في المسجد معتكف. يعني قراءة القرآن. وفين؟ جنب النبي صلى الله عليه وسلم. قالك: "لأ.
Speaker A
ده أنا أمشي معاه نص ساعة. أقضي له مصلحته دي". ده النبي اللي بيقول. "أحب إلي من أن أعتكف في هذا المسجد شهرًا كاملًا".
Speaker A
الموازين مختلفة. عشان كده النبي عليه الصلاة والسلام. صلوا عليه. عليه الصلاة والسلام. بيقول إيه بقى في الـ في الخصال اللي أنا هذكرها لكم الآن. خد القايدة دي.
Speaker A
قايدة مهمة جدًا. قال: "فوالذي نفسي بيده ما منها من خصلة من اللي أنا هقوله دلوقتي. يعمل بها العبد". فيه شرط جاي أهو.
Speaker A
"يريد بها وجه الله إلا أخذت بيده يوم القيامة حتى تدخله الجنة". تاني كده. مفيش خصلة من اللي أنا أذكرها دلوقتي.
Speaker A
بشرط تعملها تريد بها وجه الله. ما في واحد بيعمل إيه؟ بيعمل مصلحة لأخوه عشان إيه؟ عشان هو يعمل له مصلحة. دي بدي. لا أنت طالع عشان إيه؟ لله.
Speaker A
طيب، ما فيش خصلة تعملها تريد بها وجه الله إلا يوم القيامة تأخذك من يديك وتدخلك الجنة.
Speaker A
طيب زي إيه بقى؟ تعالوا نعد كده. وحاول تنقي لك خصلة اثنين ثلاثة خمسة. وكلما تكثر الله أكثر. ها؟ شوف إيه اللي ممكن تحسنه. أول حاجة قال الرسول صلى الله عليه وسلم: "تعدل بين اثنين صدقة".
Speaker A
اثنين دول أي اثنين. ربنا جعلك بينهم شفت في بينهم مشكلة أو قضية. فقلت كلمة عدل. قلت كلمة حق. قلت: "لا يا جماعة فلان ده حقه كذا وفلان ده حقه كذا".
Speaker A
أهو العمل ده من أعظم الأعمال عند الله. تدخل به الجنة. إذا فعلته لوجه الله سبحانه وتعالى. تعدل بين اثنين. يدخل في ذلك مين؟ أولادك.
Speaker A
عندك ولدين. الرسول صلى الله عليه وسلم في يوم من الأيام في الـ يوم من الأيام كان قاعد مع الصحابة.
Speaker A
فواحد من الصحابة قاعد جاء له إيه؟ جاء له ابنه. ذكر. فحطه على رجله. وقبله.
Speaker A
باسه يعني. شويه جاءت له بنته. فعمل إيه؟ حطها جنبه وما قبلهاش. الراجل ده عمل إيه دلوقتي؟ عمل [تنحنُح] عمل بسيط جدا.
Speaker A
ابنه قبله وبنته ما قبلهاش. فالرسول صلى الله عليه وسلم قال له: "هلا عدلت بينهما؟" أنت محتاج تعدل حتى في دي.
Speaker A
فلما تعدل بين أبنائك حتى في ذلك. الرسول صلى الله عليه وسلم كان بيعمل إيه؟ كان يسوي بين أصحابه في المجلس.
Speaker A
تخيلوا في إيه؟ في النظرات. حتى لا يقوم أحد من مجلسه إلا ويرى أنه أولى بالنبي من غيره. النبي كان بيبص لي النهار ده كثير جدا. كله شايف دي كده. ليه؟ ما كان يختص واحد بس. لا إنما كان يعدل بينهم حتى في
Speaker A
الإيه؟ في النظرات. صلى الله عليه وسلم. قال: "وتعين الرجل في دابته فتحمله عليها لك به صدقة". واحد مش عارف يركب الجمل بتاعه، مش عارف يركب السيارة، مش عارف يدور العربية بتاعته.
Speaker A
فأنت أعنته على ذلك. واحد واقف عطلان في الطريق. فقال لك مش معاك اسمه الـ اسمه إيه اللي هو الـ الوصلة دي؟ اللي أه مثلًا الكاوتش بـ مهوي، ممكن تساعدني؟ وقفت معاه. أعنته حتى يركب الدابة.
Speaker A
هي لك به صدقة. قال: "أو ترفع له عليها متاعه صدقة". بيشيل حاجة يحطها على الدابة بتاعته. فتقيلة، فأنت عملت إيه؟ ساعدته. هاه؟ لك به صدقة.
Speaker A
قال: "والكلمة الطيبة صدقة". الكلمة الطيبة هي الكلمة الحسنة. في ناس ماشيين يوزعوا على الناس اكتئاب.
Speaker A
هو بنك اكتئاب، بنك تشاؤم. كل ما يشوفك يقولك الدنيا خربت والدنيا باظت و هتتـ يا عم الله يكرمك. الناس أصلًا فيها اللي مكفيها. في واحد تاني لأ.
Speaker A
ينفس. الحديث الجميل النبي صلى الله عليه وسلم بيقول إيه؟ صلى عليه. بيقول: "من فرج عن مسلم كربة من كرب الدنيا فرج الله عنه كربة من كرب يوم القيامة". قال في نفس الحديث إيه بقى؟ اسمع. "ومن نفس عن مؤمن كربة". إيه معنى التنفيذ؟ قالك
Speaker A
التنفيذ التيسير البسيط. أنت ممكن ما تقدرش تشيل عنه الهم. واحد جالك مريض، عنده دين، بيجوز بنته. ما أيًا كانت مشكلته فين.
Speaker A
يا عم أبشر. والله هتفرج وتبقى زي العسل. كلمتين دول يخلوا يعمل إيه؟ أه يبقى ممكن. في واحد تاني يقوله: "شوف أنا أعرف فلان كان عنده نفس مرضك.
Speaker A
مات بعدها بأسبوع". الله يخرب بيتك يا أخي. إذا كان هي يعني هيموت فيها. في دكاترة كده. حتى في دكاترة كده. واحد صاحبي أبوه يعني كان بيقول: "أبويا ما شاء الله طالع للدكتور والله أحسن مني أنا على السلم".
Speaker A
تعبان شوية. دخل على الـ على الدكتور قال له: "احكيلي يا عم الحاج بتقول إيه؟" قال: "أنا عندي كذا". قال له: "أنت جاي جايلي على رجلك؟" بيقول: "والله أبويا شلناه إحنا ماشي.
Speaker A
فسبحان الله الكلمة الطيبة إيه؟ ها؟ صدقة. قال: وتبسمك في وجه أخيك صدقة. إفردها. في ناس عندهم عشق للرقم 111.
Speaker A
عارفين الـ111 ده؟ إيه يا عم؟ قايم مكشر في وش مراته، في وش عياله، في وش الناس كلها.
Speaker A
يا أخي تبسمك في وجه إيه؟ أخيك. خلي بالك أخيك مش أختك ها؟ آه أوعى تخلط. خليك مع إيه؟ مع الرجال بس.
Speaker A
تبسمك في وجه أخيك إيه؟ صدقة. هذه هذه البسمة. البسمة يا إخواننا. من من يعجز عن ذلك؟ تبسمك في وجه أخيك صدقة. قال: ولو أن تلقى أخاك بوجه طلق.
Speaker A
صدقة. الوجه الـ الـ المنفتح للحياة ده. قال: ولو أن تلقى أخاك فتسلم عليه. السلام عليكم ورحمة الله وبركاته. صباح الخير يا عم. صباح كلمة طيبة. هذا لك به عند الله صدقة. قال: ولو أن تعطي صلة الحبل.
Speaker A
واحد عايز حبل يا جماعة. حبل. اتفضل. لك به صدقة. ولو أن تعطي شسع النعل.
Speaker A
أنت أعزكم الله ما اديتوش نعل. أنت اديته إيه؟ عارفين السير؟ يعني هو النعل بتاعه بايز فعايز سير.
Speaker A
النبي صلى الله عليه وسلم عمال يتنزل معاك في الخطاب عشان إيه؟ عشان يقولك ما تحرمش نفسك. أدنى ما يكون تنجو به من عذاب الله وتدخل به الجنة.
Speaker A
قال: ولو أن تفرغ من دلوك في إناء المستسقي. المستسقي. واحد جاي عايز شوية مية. أنت معاك شوية مية تعمل إيه؟ هتصبله شوية بس.
Speaker A
إفراغك من دلوك في إناء المستسقي لك به صدقة. سبحان الله. شوف بقى اللي جاية دي جميلة جدا. ولو أن تؤنس الوحشان لك به صدقة. يعني إيه الكلام ده؟ يا سلام على الـ على على الإسلام وجمال الإسلام. تؤنس الوحشان يعني إيه؟ واحد
Speaker A
قاعد حاسس بالوحشة. خاصة آبائنا وأجدادنا كبار السن. تلاقي الواحد يا عيني بعد ما يوصل سن الـ 60 طلع على المعاش، وقاعد طول النهار في البيت، ومش لاقي حد يكلمه ولا يسأل فيه، العيال اتجوزوا، كل واحد وراه مشاغله، يقعد بالـ 12 13 ساعة
Speaker A
ما حدش حتى قال له سلام عليكم. طيب أنت مجرد ما ترفع سماعة التليفون مجرد ثلاث دقائق، سلام عليك يا أبو فلان، أنت عامل إيه؟ طمنا عليك وأخبارك؟ آنسته في وحشته، رحت قابلته، زرته، قعدت شربت معاه شوية شاي، تنوي بذلك وجه الله أنك تـ
Speaker A
إيه؟ تؤنسه، تؤنس وحشته، لك به صدقة، تخيل لما الدين بتاعنا يجعل إيناس الوحشان صدقة.
Speaker A
يا له، يا له جمال هذا الدين، قال: "وأمرك بالمعروف ونهيك عن المنكر صدقة"، جاي تصلي هتعجز تقول له: يا أبو فلان يلا عشان الصلاة، يلا يا ابني عشان الصلاة، يا فلان يلا، واحد قال منكر: "لا ما تكتبش، ما تجيبش
Speaker A
سيرة حد، الغيبة حرام، اتقي الله في كذا"، أمرك بالمعروف، تذكيرك بالله، نهيك عن الحرام، لك به إيه؟ لك به صدقة، شوف بقى اللي جاي كمان "وإرشادك الرجل في أرض الضلالة لك به صدقة"، يعني إيه؟ واحد جاء لك: "لو سمحت أروح
Speaker A
قطعة أربعة منين؟ أروح مش عارف أحول لي إزاي؟ أروح إيه؟" قلت له: "تمشي يمين، مش عارف إيه" دللته، بس طبعًا أوعى تعمل زي بعض الناس، في واحد إيه؟ واحد أصلًا ما بيعرفش حاجة يقول لك: "هقول له لا يعني؟" فيقول له:
Speaker A
"بص أنت تمشي يمين في شمال، تطلع مش عارف إيه"، يتوهه، في ناس بتعمل كده، طبعًا ده مصيبته سودا، لأنه أضل الناس إيه؟ على علم، لا ما تعرفش ما أعرفش، لكن لو تعرف يا جمال الحاجة، "وإرشادك الإيه؟ الرجل في أرض الضلالة لك
Speaker A
به صدقة" طيب وإيه ثاني؟ "وبصرك للرجل الرديء"، شوف الجمال، والله العظيم الإسلام ده دين عظيم، بيقول: "وبصرك للرجل الرديء البصر لك به صدقة"، واحد نظره ضعيف مش عارف يقرأ مش شايف، ممكن يا ابني تقرأ لي دي؟ ها؟ "أن تبصر له"
Speaker A
ها؟ تنظر له المعلومة، "لك به صدقة" قال: وإماطة الحجر والشوك والعظم عن الطريق لك به صدقة. في حديث جميل جدًا.
Speaker A
النبي عليه الصلاة والسلام بيحكي لنا بيقول: بينما رجل يمشي في الطريق. يقول: فوجد غصن شوك في الطريق. ماشي في الشارع، فوجد إزاز متكسر، ها؟ وجد طوبة كبيرة.
Speaker A
وجد حاجة تؤذي المسلمين، مسمار ممكن يخرم عربية مثلًا. شاف حاجة مؤذية، فعمل إيه؟ قال: والله لأنحين هذا عن طريق الناس لا يؤذيهم.
Speaker A
وقف، إيه اللي خلاه وقف؟ إيه اللي خلاه نزل ويعطل نفسه الثلاث أربع دقائق دول، ويشيل الطوبة أو يشيل الإزاز أو يشيل الشوك؟ الله تعالى، أراد به وجه الله. إنما نطعمكم لمين؟ ها؟ لوجه الله. ده اللي ده الحامل. [تنحنُح]
Speaker A
عمل بسيط جدًا جدًا، خد من وقته قد إيه؟ إيه اللي حصل للراجل ده يا إخواننا لما عمل ده؟ النبي عليه الصلاة والسلام بيقول كده، بيقول: فشكر الله له فغفر له.
Speaker A
ربنا غفر له كل سيئاته بالعمل ده. إنه عمل إيه؟ مجرد عمل إيه؟ نحى شوك، بس.
Speaker A
قال: والشربة من الماء تسقيها لك بها صدقة. شربة مية. إحنا في آآآ الكويت مثلًا، الجو بيبقى حر جدًا في أغلب السنة. والعمال المساكين ماشيين في الشارع، عمال يـ والجو نار. خلي معاك بالت مية ولا اسمها إيه؟ وإنت ماشي، إديله
Speaker A
واحدة. هذه زجاجة الماء ممكن تدخل بها الجنة. ألم تسمعوا النبي عليه الصلاة والسلام لما حكى لنا عن امرأة بغي؟ والبغي أعزكم الله وعافانا الله وإياكم، هي التي تحترف [موسيقى] الزنا.
Speaker A
دي واحدة ما زنتش مرة ولا اثنين ولا ثلاثة، دي دية مهنتها، شغلتها، شغلتها الزنا، أعزكم الله.
Speaker A
قال: رأت كلبًا يلهث في الثرى. فنزلت بئرًا، فملأت موقها الخف مية، ها؟ فسقته، فغفر الله لها فدخلت الجنة. بإيه؟ بسقيا إيه؟ كلب.
Speaker A
كلب، حيوان يطرد. ما بالك بقى أما تسقي إنسان، ها؟ لذلك والشرب من الماء يسقيها له بها صدقة.
Speaker A
قال: وتسمع الأصم والأبكم حتى يفقه لك به صدقة. واحد مش جماعة أصحابنا بتوع اللي هو بيسموه الصم والبكم اللي هم بي- بيحولوا الكلام لإيه؟ لإشارات. عمل عظيم جداً جداً. أنا أعرف بعض الناس تعلموا هذا خصيصاً لخدمة هؤلاء ال-
Speaker A
المعذورين. إنك تترجم له، ها؟ تسمع الأصم والأبكم. قال صلى الله عليه وسلم: وبيانك الله عن الأرتم لك به صدقة. إيه معنى الأرتم؟ إيه معنى بيانك عن الأرتم؟ الأرتم هو الذي لا يستطيع أن يبين كلامه إما لكونه مريض أو أعجم. يعني مثلاً واحد هندي أو واحد
Speaker A
أياً كانت لغته. هو م- عمال يتكلم. واللي قدامه مش فاهمه. فأنت فاهم لغة مين؟ الشخص ده. فأنت عملت إيه؟ ترجمت. مجرد بس الترجمة دي. أهو ده عند الله سبحانه وتعالى لك به صدقة. وبيانك عن الأرتم لك به إيه؟ صدقة.
Speaker A
قال: وتهدي الأعمى والمستدل على حاجته لك به صدقة. كلنا يا جماعة بلا استثناء عندنا معلومات مش عند غيرنا. كلنا بلا استثناء. أي واحد من اللي قاعدين ربنا مكنه أو علمه بعض المعلومات اللي مش عندي.
Speaker A
خبرة حياتية. كثير من الناس عنده بخل. عنده شح. يقول لك: يعني أنا طلع رو- روحي لما عرفت الحتة الفلانية أو الشيء الفلاني. أديها لك كده؟ أيوه تديها له كده.
Speaker A
لوجه الله سبحانه وتعالى. مثلاً خلصت ورق. أنت شغال مثلاً في- داخل في جروب المدرسين ولا جروب مش عارف الوافدين ولا أياً كان ال- اللي أنت داخل فيه. فواحد كتب يا جماعة أنا عايز أخلص ورق عيالي في ال- الحتة الفلانية. في مصر
Speaker A
أو في الكويت أو في أي حتة. وأنت مريت بالتجربة دي وعارفها. فهتسيبه بقى ولا تدله؟ مجرد بس تكتب له الدلالة والله أنت تعمل واحد اثنين ثلاثة.
Speaker A
أهي دي عند ربنا لك بها صدقة. بدل ما يروح يطلع للحاجة أم سعاد فوق الدور الرابع وتمشيها عند أم إبراهيم ويقعد يلف أسبوع، أنت ممكن تخلصها له في كلمة.
Speaker A
أو هذا البيان، هذا العلم. واحد يقول لك هو أحسن ماركة في الحاجة في الشيخ الفلاني إيه؟ تقول له والله كذا.
Speaker A
معلومة، معلومة تسوقها لغيرك. حتى لو معلومة في نظرك بسيطة جداً بس عند واحد ثاني ممكن تبقى إيه؟ معلومة عظيمة. لك بها عند الله سبحانه وتعالى صدقة. قال: وتسعى بشدة ساقيك مع اللهفان المستغيث. واحد بيـ الحقوني.
Speaker A
فأنت جريت. حتى لو ما عملتش. أنت كل اللي عملته إيه؟ إنك جريت، سعيت. واحد خبط فأنت خفت يكون في حاجة فجريت من العربية تساعده. الحمد لله طلع سالم. بس أنت مجرد ربنا شافك من فوق سبحانه وتعالى بتسعى نحو المستغيث.
Speaker A
أو شوية الجري دول تلبية المستغيث عند الله لك بها صدقة. قال: وتحمل بشدة ذراعيك مع الضعيف. إحنا قلنا بقى ومما رزقناهم إيه؟ ينفقون. واحد ربنا إداله صحة. فبينفق من إيه؟ من صحته.
Speaker A
واحد ربنا إداله عقل، الفهم. فبيفهم الناس. واحد ربنا إداله علم فبيعلم الناس. أهو ده بقى واحد شاف واحد مش قادر يشيل.
Speaker A
قال: وتحمل بشدة ذراعيك مع الضعيف. تعينه لك بها صدقة. وإيه ثاني؟ من الأعمال الجميلة جداً. قال صلى الله عليه وسلم: من منح منيحة لبن.
Speaker A
أو ورق. أو أهدى زقاقاً. كان له مثل عتق رقبة. الحديث ده جميل جداً. كثير منا ما بيـ ما بيقدرش إنه هو يطلع الحاجة ملك الثاني. يعني أنا أديك الحاجة دي ملك ليك. صعبة. فالدين قال لك إيه؟ قال لك خلاص. مش قادر تطلعها صدقة؟
Speaker A
إيه رأيك تطلعها فترة؟ تقرضها. زمان كان في حاجة اسمها إن واحد يدي أسرة بقرة حلوب أو ناقة حلوب، يقول له بص أنت وعيالك البقرة دي عندك سنة.
Speaker A
بتحلب أهي، يعيش منها أنت وعيالك بس بعد سنة هعمل فيها إيه؟ آخذها. أهو ده اسمه إيه؟ منح إيه؟ لبنًا، إيه ثاني؟ يدخل فيها إيه برضه يا إخواننا؟ واحد أنت شايف إن هو عربيته باظت.
Speaker A
وأنت عربيتك مش محتاجها اليومين دول، فلان مفتاحها أهو خليها معك أسبوع. ما هو إحنا عايزين إن إيه؟ ما نقفش عند الـ عند البقرة هنجيب بقرة أخي؟ يبقى في إيه في إيه؟ في إيه؟ لا، يبقى في حاجات ثانية، عشان كده ربنا قال إيه؟ قال قال على الناس
Speaker A
اللي هم لا يـ لا يصدقون بيوم الدين قال: ويمنعون الإيه؟ الماعون، أنت شفته عاوز عون، تفضل حبيبي السيارة أهي، بيتي أهو، أسبوع لحد ما ربنا يكرمك وتتعدل أحوالك وتتعدل ظروفك.
Speaker A
فإقراض إقراض الأشياء والأغراض من أعظم الأعمال، قال: أو ورق، ورق اللي هو الفلوس. القرض الحسن، النهار ده البنوك الربوية أطمت ظهور الناس.
Speaker A
والناس في مصر أبا أنا وإخواننا في مصر المطحونين طبعًا زي ما أنتم عارفين. فيعمل إيه؟ أسهل حاجة يجري على إيه؟ على البنك، والبنك يقول له بـ 12 و 17 و 20 والدنيا تتكوم، عايز يجوز الولد، عايز يجوز البنت، عايز يعمل، ده مش عذر طبعًا،
Speaker A
أنا بكلمك على واقع. أنت عارف إن فلان ده مش لعبي، وفلان ده فعلًا مزنوق ومحتاج مبلغ وأنت ربنا كرمك وعاينه، قول له فلان المبلغ ده قرض حسن.
Speaker A
الـ 100 بـ 100. وسنة. خذ ورقة، اكتب عليه ورقة مش مشكلة وأشهد عليه الناس، خذ ضماناتك، بس أقرضه لله سبحانه وتعالى، هذا من أعظم الأعمال عند الله سبحانه وتعالى.
Speaker A
بل في الحديث. النبي صلى الله عليه وسلم يقول ومن أنظر معسرًا. أنظر يعني إيه؟ يعني هو مثلًا معاده.
Speaker A
في يوم واحد شوال، فجاء واحد شوال قال لك معلش. سيبني كمان شهر. يا عمي شهرين.
Speaker A
من أنظر معسرًا، طب هو ما فيش خالص وأنت عارف إن هو فعلًا على الحديدة.
Speaker A
أسجنه ولا أعمل إيه؟ قال: أو وضع عنه. أظله الله في ظله يوم القيامة. الحديث جميل جدًا، يقول صلى الله عليه وسلم: من أنظر معسرًا فله بكل يوم صدقة قبل أن يحل الدين، يعني مثلًا هو معاده واحد شوال.
Speaker A
فلسا المعاد ما حلش، اتصلت بيه في التليفون: أه فلان السلام عليكم، أنت معادك إمتى يا ابني؟ واحد شوال يا عم الشيخ، طب بص معاك لحد واحد ذو القعدة.
Speaker A
أنت اديته مهلة قبل ما ييجي معاد الدين. لك في كل يوم كأنك تصدقت بهذا المال صدقة، طيب وبعد أن يحل الدين؟ فإذا حل الدين فأنظره فله بكل يوم مثليه، أنت اديته 100,000 مثلًا قرض.
Speaker A
يبقى كل يوم تاخد أجرك كده كام؟ 200,000 جنيه لله سبحانه وتعالى. من الأشياء برضه الجميلة جدًا جدًا اللي هو أن تقيل النادم في بيعته، نختم بهذا الحديث إن شاء الله، الله صلى الله عليه وسلم يقول: من أقال نادمًا بيعته
Speaker A
أقال الله عثرته يوم القيامة، يعني إيه الحديث ده؟ إحنا عندنا حديث بيقول البيعان بالخيار ما لم يتفرقا، أنا جيت أشتري منك العربية أو السلعة دي.
Speaker A
بكام يا عم دي؟ قلت لي بـ 2,000. لا بـ 1,800، خلاص يا عم رضيت، شفت العربية؟ أه عجبتك تمام التمام؟ هات المبلغ، خد العربية ومشي.
Speaker A
وأنت خدت فلوسك وروحت. أيًا كان بقى التاجر أو المشتري، أي واحد منهم بعد ما روح قال: أنا ما كانش ليا بيعة دي.
Speaker A
أنا عايز أجيب عربية أقل منها شوية. أو اللي اللي باع لي العربية قالك: أنا عايز العربية تاني.
Speaker A
مش هعرف أشتري عربية أحسن منها. فراح خبط عليه قاله: فلان، ممكن نرجع في البيعة؟ هو شرعًا بمجرد ما ده يمشي وده يمشي إيه اللي يحصل؟ خلاص خلصنا.
Speaker A
البيعان بالخيار ما لم إيه؟ يتفرقا، أنا ما نصبتش عليك، العربية زي ما زي ما هي زي ما أنا قلتلك، والفلوس زي ما هي فعلًا، لا أنا غرتك ولا أنت غرتني، من حق كل واحد يقول إيه؟ أنا آسف، من حقك أنت كمشتري تقول لي إيه؟
Speaker A
لا والله أنا بعت. واشتريت، صح؟ ليس عليك حرج. طب واحد جالك قالك معلش. أنا عايز أرجع في البيعة.
Speaker A
فأنت قلت له إيه؟ عادي يا عم، ولا يهمك. تفضل. مع ألف سلامة. تخش في الحديث دوت، هو إيه بقى إيه؟ من أقال نادماً بيعته. عايز عايز بس تتخيل ال- الجزاء. أقال الله عثرته يوم القيامة.
Speaker A
يا سلام. الدنيا دي ولا تساوي أي شيء. تخيل يوم القيامة كده تجد في عثرة، عثرة كبيرة جداً في حياتك أنت كنت ناسيها، مصيبة كنت عاملها، بلوة ونسيتها. ما احنا كتير ياما عملنا، ربنا قال كده، أحصاه الله وإيه؟ فوجئت بمصيبة موجودة قدامك. خبر أبيض.
Speaker A
فتيجي لإيه؟ ما هو الجزاء من جنس العمل. أنت عملت مع الراجل ده إيه؟ أقلت عثرته.
Speaker A
هو تسرع وخلص البيعة. وعايز يرجع. يا عم ولا يهمك، ولا أي حاجة. مع ألف سلامة.
Speaker A
فلوسك أهي. هات عربيتي، هات عربيتك. خلاص مع السلامة. هذه الإقالة إقالة بإقالة. ما هو الحديث كده. من ستر مسلماً ستره الله. ومن فرج عن مسلم فرج الله عنه. وهكذا يا إخواننا، الجزاء من إيه؟ من جنس العمل. الشاهد من الحديث
Speaker A
اللي أنا عايز أقوله النهاردة اجعل لك رصيد عند ربنا سبحانه وتعالى. بأسهل شيء. حاول تجمع. كان بعض السلف ما يطلعش من بيته في يوم إلا ومعاه حاجة يتصدق بها. ساعات ما كانش يجد شيء. ياخد معاه إيه؟ ياخد معاه بصلة. بصلة.
Speaker A
خدها معاه، طلعها على صدقة لله سبحانه وتعالى. تفاحة. كراميللا. أي شيء يطلعه لله سبحانه وتعالى. شوف اللي إحنا قلناه النهاردة أهو، ال- 20 30 حاجة، اختار لك أربعة خمسة، حطهم في ورقة معاك، واللي تقدر عليه اعمله. واعلم أن الله
Speaker A
تبارك وتعالى يقول: ومن يعمل مثقال ذرة خيراً يره. واتقوا النار ولو بشق تمرة. النبي صلى الله عليه وسلم بيقول ما منكم من أحد إلا سيكلمه ربه.
Speaker A
فينظر أيمن منه، فلا يرى إلا إيه؟ إلا ما قدم. وينظر أشأم منه، فلا يرى إلا ما قدم.
Speaker A
وينظر تلقاء وجهه، فلا يرى إلا النار. طب نعمل إيه يا رسول الله؟ فاتقوا النار ولو بشق تمرة شق تمرة سقيا إعانة أي شيء من اللي إحنا قلناه النهار ده ينفعك الله تبارك وتعالى به ولا تنسى إنما صنائع المعروف
Speaker A
تقي مصارع السوء وقانا الله وإياكم ميتة السوء ومصارع السوء قل قولي هذا وجزاكم الله خيراً والسلام عليكم ورحمة الله وبركاته
Topics:صنائع المعروفمحمد سعدالصدقةالنفع المتعديحسن الخاتمةالإحسان إلى الناسدروس العشاءالأخلاق الإسلاميةفضل الصدقة
