Speaker A
السلام عليكم ورحمة الله وبركاته. أهلاً وسهلاً بكم في حلقة جديدة من بهدوم مع كريم. كان نفسي قوي أقول الجملة دي بقى إيه كتير. إحنا بقالنا 150 يوم ما قلناش الجملة دي، ولا أدري إن كنتم تعدون الأيام كما لم أكن أعدها بصراحة. ما كنتش بعد حاجة، يعني كنت تعبان. أنا بس عرفت الـ150 يوم دول من اليوتيوب ستوديو وحسيت بإحراج شديد، يعني فسبحان الله العظيم. أولاً، أهلاً وسهلاً بكم، وحشتوني يعني غيبة طويلة وكانت لأسباب صحية. يعني وطبعا الواحد مع ضغوط الشغل وكده في دوّبك، لما الصحة بتبقى فيها شوية مشاكل يعني إيه؟ بيغطي التزاماته الأصلية اللي مبني عليها يعني استقرار وكده. وبعد كده إيه الأشياء التي يفعلها إيه محبة ويعني متعة كده في التواصل مع الناس هي بتصادف في الآخر. فاعذروني، هذا الغياب لم يكن يعني إيه نقص محبة، لكن نقص في الصحة. فدعواتكم لي بالشفاء. لازلت يعني في هذه الوعكة في تحسن الحمد لله، ولكن لا زلت في يعني شيء من التعب برده. فادعوا لي معاكم لعل الله سبحانه وتعالى يعني يرحمني بإصابة دعاء أخ محب في الله. فأولاً جزاكم الله خيراً مقدمة الناس اللي دعوا. وهيا بنا نبدأ في رحلة مع حلقة النهارده. أنا صورت على فكرة الحلقة دي يعني أنا لسه مصور 28 دقيقة، بعد كده ما عجبونيش، فهكررها تاني. فسبحان الله يعني آآ يعني مش عارف ليه أنا بعد حسيت إن هي طولت قوي مني. فكنا هنروح في حتة كبيرة قوي وأنا مش عايز أطيل عليكم يعني فخلونا نبدأ تاني أحكي لكم اللي أنا كنت عايز أقوله في الحلقة، وهي رحلة في النظر لما مر علينا في سنة 2025 وما الذي نريد أن ندخل به 2026. وتنويه سريع إنه لما بنتكلم 2025 و2026 هو ليس استنقاصاً من السنة الهجرية ولا مكانتها، ولكن خطاباً للواقع إنه أغلب الناس في شغلها وفي دراستها وفي حاجتها بنستخدم السنة الميلادية وارتبط بها التخطيط وارتبط بها البدايات. فلذلك نتحدث بهذا الشأن. والسنة اللي فاتت طبعا عملنا حلقة، لو برده حد حابب يراجعها لأنها هتكون المحتوى مفيد، هنشيل بس منه الرقم يعني فلكن المحتوى مفيد لبداية السنة. وكنا ركزنا في الحلقة دي إنه أنا غير مؤمن بفكرة إن الإنسان ينتظر بداية السنة آآ لكي يتغير، وإن الإنسان محاسب على يومه هذا. فاقم اليوم، ما تقعدش تقول لي أصل أنا السنة الجاية. عارفين الناس اللي هو بيقول لك الأسبوع الجاي نبدأ دايت والنهارده عمال يعك يعك يعك. فده من قلة العقل. فان أردت أن تغير شيء في حياتك، غيره الآن. خد النية في قلبك الآن وأنت قاعد كده عايز تبطل سجائر، بطل سجائر دلوقتي. عايز تبطل ذنب، بطل ذنب دلوقتي. عايز تبدأ إنك تعمل حاجة صح، انوي دلوقتي وأنت قاعد إن أنا هعمل الحاجة دي. لأن إحنا أسأنا جداً جداً التعامل مع الوقت بشكل يعني أنا شخصياً لما براجع نفسي، أنا كنت أظن إن أنا شخصياً يعني واخد باله من وقته. وحتى أصدقائي كانوا دايماً يوصفوني بكده إن كريم بخيل وشحيح في وقته وما بيديش وقته لحد بسهولة وما بيتكلمش. وده حقيقي، بس آآ في شيء من المخادعة. أنا عندي حدود عنيفة جداً في موضوع وقتي ده خارجياً، ولكن داخلياً كان في وقت كتير جداً بيضيع مني في أشياء المفروض على الأولويات الحقيقية بتاعة الدنيا. سيبك من أولوياتك، أنت ما في أولويات حقيقية للحياة أهمها طبعا إنك تعبد الله سبحانه وتعالى ومما يترتب عليه من استخدام بقى إيه ترتيب الأولويات على ما يقربك أكثر إلى الله سبحانه وتعالى. فتلاقي إن أنت لا، أنت بتضيع وقت كتير قوي. فواحدة من أهم الأشياء اللي أنا طلعت بيها بـ25 ونفسي إن أنا يعني آآ الله سبحانه وتعالى يلهمنا رشدنا ويزكينا ويصلحنا، وإن إحنا نهتم بها فيما تبقى من عمرنا. الإنسان يكون حريص جداً جداً في كل دقيقة بيصرفها فين. يعني ما فيش حاجة اسمها كده تبقى قاعد على التلفون بقيت شويه وما تجيش كده تقف تقول إيه ده هو أنا إيه اللي مقعدني هنا بقي ربع ساعة بقلب وما بعملش حاجة. ودي مش دعوة إن أنت ما ترفهش أو إن أنت لا، بس يبقى الترفيه ده واعي مخطط ليه. أنا رايح دلوقتي هقعد المدة دي أعمل كده. لكن الوقت المسروق ده في التقليب في التلفون والفرجة على التلفزيون والقعدات اللي مالهاش داعي، خصوصاً الشباب اللي في الجامعة اللي بيقعدوا قعدات كده دايماً وأكلهم وقتهم على الفاضي. والشباب اللي بينزلوا يقعدوا على القهوة ولا حتى الكافيهات. ما استشيكت وقعدت في الكافيه ولا في مطعم غالي، ما فرقتش. يعني في الآخر إن كان ده يعني استهلاك للوقت أو في شيء غير نافع، خصوصاً بقى لو قاعدين بتجيبوا في سيرة الناس وعمالين تغلطوا فيا جماعة. الوقت ده والله يعني الإنسان لما بيدرك فعلاً وإدراك حقيقي مش مجرد شعارات، إدراك حقيقي حقيقي لقيمته، بيبدأ يحس إنه يعني مش عايزك تبقى برده انكشاس، اللي هو قلق طول الوقت، اللي هو أنا وقت بيضيع، أنا وقت بيضيع، ووقت بيضيع في الآخر وقتك ضيع في التوتر. ولكن إنك تكون حريص حتى في صدق طلب التوفيق من الله سبحانه وتعالى في الوقت. وعارفين أنتوا الحلقة بتاعة تضييع الوقت اللي إحنا عملناها كانت حلقة مهمة جداً والله من أهم الحلقات اللي إحنا عملناها، وكان عن أهم يعني مقولة فيها إن مقولة ابن القيم: "إذا أحب الله عبداً وفقه لاختنا وقته". فأنت تكون مركز إنك حتى تطلب من ربنا سبحانه وتعالى أن تختنم وقتك. وفي واحدة من القصائد اللي أنا بحبها جداً اسمها اللي واحد اسمه أبو إسحاق الألبيري، اسمها "تفت فؤادك الأيام". فته هي بتبدأ بكده: "تفت فؤادك الأيام فتى وتنحت جسمك الساعات نحته وتدعوك المنون دعاء صدق". إلا يا صاحي أنت أريد، أنت أنت الأيام عمالة تكسر في قلبك والساعات عمالة تنحت في جسمك. والموت ده معنى الأبيات يعني، والموت عمال يندهك يقول لك: "أيوه أنت مستنيك كل يوم بيعدي، بيقول لك كده، أيوه تعالى أنا مستنيك، أيوه تعالى أنا مستنيك". والصوت ده عمال يقرب. عارف لما يبقى حد بينادي من آخر الطريق كده عمال يقول لك: "يا إبراهيم يا إبراهيم". وأنت كل ما تقرب عمال بقى تسمع: "يا إبراهيم يا إبراهيم، يا إبراهيم يا إبراهيم" كده. وتدعوك المنون دعاء صدق. إلا يا صاحي أنت أريد، أنت أراك تحب عرساً ذات غدر، ابت طلاقها الأكياس. بتنام الظهر ويحك في غطى بها حتى إذا مت. انتبهت أوعى تكون ما يعني زي أعتقد هي مقولة مين من الصحابة إن إيه الناس نيام فإذا ماتوا فاقوا أو حاجة في هذا السياق يعني. فأوعى يكون لحظة انتباهك هي لحظة مغادرتك هذه الحياة، ولا يعني يغرنك الأمد ولا يغرنك عمرك. وأسأل الله سبحانه وتعالى أن يرزقنا حسن الخاتمة وحياة طيبة. يعني أنا بحب دعاء النبي صلى الله عليه وسلم: "واحيني ما دامت الحياة خيراً لي وامتني إذا كان الموت خيراً لي" أو كما قال صلى الله عليه وسلم. فبداية كده يا أصدقائي خلينا نمسك في الوقت بتاعنا بايدينا وأسناننا ونستحضر عظمة الوقت ده. فنقعد نتضرع إلى الله سبحانه وتعالى أنه يوفقنا لاغتنامه في الخير. وتعالوا ندخل في الكنز بتاعنا النهارده، وأنا بسميه كنز لأن هو بالنسبة لي كنز، إنه الكنز اللي لما اكتشفته نمط حياتي والبيس بتاع حياتي كله اتغير. أنا يعني خليني أشارككم شيء شخصي كده نبني عليه اللي جاي ده. أنا الفترة اللي فاتت وأنا بمر بالوعكة الصحية دي كنت بشتغل وأنا تعبان، فانزل أقعد في المكتب، الصداع والدماغ وصدري وتعبان ومش قادر. فما بنتكش وفضل العمل مع التعب ده مستمر لدرجة إنه بنزل بشتغل، أنتَكيتِ شبه صفريه، وبدأ الشغل يتأثر وبدانا نخسر فلوس وبدأت يعني المسؤوليات تتكاثر وتتفاقم عليا. يعني وصلت لمرحلة من التعب يعني وأنا أشاهد كده إيه كل شيء أنا ببنيه بينهار، والأمر كان مؤلم جداً إلى أن اشتد علي المرض اشتداد يعني أعتقد حصل فيهم ستة أيام كنت مش مش دارق. يعني أنا افتكرتهم ثلاث أيام، ومراتي اللي نبهتني قالت لي: "كريم أنت بقيت ستة أيام". يعني يا عم أنا بقول لها إيه؟ والثلاث أيام اللي فاتوا دول عدوا عليها. قالت لي: "كريم أنت بقيت ستة أيام". أنتم متخيلين كنت في تعب لدرجة إن أنا فقدت الإحساس بالزمن في الستة أيام دول وأنا في قمة المرض ده وفي قمة الدعاء. الله سبحانه وتعالى وفقنا إن إحنا في شغلنا كنا عاملين زي باقة اشتراك كده في الكورسات بتاعتي، يعني كل الكورسات بتاعتي على المنصة بتاعتنا دي كنا عاملين لها اشتراك ثانوي كده. وفارقنا يا قود حملة، والقاهرة الفارس بيبرز نايم في السرير والدنيا تشتغل أحسن من ما أنا كنت واقف على رجلي كل يوم أنزل المكتب وأحاول أشتغل. والله سبحانه وتعالى يرزقنا ويسترنا ويوفقنا، وأنا في السرير، وكان الله سبحانه وتعالى يصفعني صفعة جديدة يعلمني فيها. وأسأل الله سبحانه وتعالى أن يجعلنا من يتعلمون. والله العظيم بيقول لي تاني: اتربى بقى، أعلم بقى، أنت مش أنت، ما بتعملش حاجة، أنت ما بتجيبش رزق، أنت ما بتنفعش نفسك، أنت ما بترزقش فريقك، أنت ما بترزقش عيالك. إن الله رزاق ذو القوة المتين. فوق بقى فوق. فده الكنز اللي أنا جاي أشاركه معاكم النهارده إن إحنا أسأنا التعامل مع الحياة، فأساءت الحياة التعامل معانا. بقى الحياة دي إحنا عايزين نعتبرها كأنها كائن عنده شيء من القوة، هو كأنه عارف. عارفين الكلاب اللي هي القوية الشرسة دي؟ فلو أنت دخلت عايز تاخد حاجة من كلب من الكلاب اللي هي طولها بتوصل لكتفك كده دي ومتشرص، ودخلت عليه لوحدك كده هيفرتك عض هنا وضرب هنا. لو أنت رحت كلمت الراعي اللي مربيه ومدربه ودخلت على الكلب وهو يعني إيه موجه إنه لا ما تعملوش حاجة، هتعدي من جنبه وتاخد اللي أنت عايزه وتمشي. والكلب اللي متدرب ده مش حاجة. ولله سبحانه وتعالى مثل الأعلى، الله سبحانه وتعالى هو الذي خلق هذه الدنيا، وهو الذي خلقها بالقوانين الشرسة دي. يعني حديث النبي صلى الله عليه وسلم: "من كانت الدنيا هامه جعل الله فق فرق الله عليه أمره وجعل فقره بين عينيه" أو كما قال صلى الله عليه وسلم. هي الدنيا كده مش عشان الدنيا دي ليها إرادة لأن الله سبحانه وتعالى اللي خلقها جع...
