Speaker A
السلام عليكم ورحمة الله وبركاته. أهلاً بكم في حلقة جديدة من بهدوء مع كريم. وحلقة النهارده هي لكل شخص حاسس إنه عايز ينجز حاجات أكثر من اللي بينجزها في وقته العادي. حاسس دايماً إن وقته بيضيع منه، وحاسس إنه رغم أني أحياناً بفتكر إن مشكلتي إن ما عنديش وقت، بس أوقات صراحة يعني بيبقى عندي وقت، بس بلاقي نفسي مش قادر أعمل الحاجات اللي أنا عايز أعملها وبلاقي نفسي بضيع وقت برضه رغم أني شاهدت الكثير من التوتوريالز والفيديوهات ووسيلة تساعدك لتنظيم وقتك والروتين مش عارفه بتاع ماسك وخمس برامج للإنتاجية والتنظيم مش عارف مين عملهم عشان يقدروا يخلوك تعمل كذا وفي الآخر بنضيع وقت وبرضه ما بنعملش اللي إحنا المفروض نعمله. وخد بالك وأنا بقول برامج وفيديوهات والحاجات، أنا ما بزهقش في صناع المحتوى اللي بيعملوا كده، هم بيقولوا كلام زي الفل. المشكلة مش مشكلة فيهم، مشكلة في حضرتك. فهذه الحلقة عن سر الوقت، السر اللي كثير من الناس بيغفلوا عنه واللي أنا شايف إنه في نقص في طرحه في المحتوى التنموي أو التطويري أو أيًا كان اللي بنقول عليه فيما يخص تطوير الذات. لكن خليني قبل ما أبدأ الحلقة بتاعتنا النهارده، خليني أقول إن هذه الحلقة برعاية... كان نفسي قوي أقول الجملة دي على سبونسر غيري، بس ما لقيتش حتى سبونسر، لأن كل العروض اللي بتجي لنا مش مناسبة ليا يعني قيامين وكده. فخليني أنا أسبونسر نفسي. فهذه الحلقة برعاية منتال هيلث هاب. وحاليًا عندنا لينك ممكن تدخلوا عليه متفعل فيه الكود بتاع الخصم على الاشتراك الثانوي لكل الكورسات بتاعتي اللي على المنصة اللي بيتم تطويرها وإضافة كورسات عليها بشكل مستمر. حاليًا في ثمان كورسات إن شاء الله، يعني خلال الفترة الجاية في ثلاث كورسات تانيين هيضافوا ومن ضمنهم كورسات مناسبة جدًا أو مكملة جدًا لمحتوى حلقة النهارده، وهو كورس التسويف وأيضًا هو غير أي شيء هتشوفه على اليوتيوب عن التسويف، وكورس التعامل مع الضغوط النفسية. وطبعا في باقي الكورسات ممكن تبص عليها بنفسك. عودة إلى حلقتنا النهارده، إيه بقى المشكلة؟ إيه السر؟ إيه اللخبطة؟ إيه الأزمة بتاعة العصر اللي إحنا فيها؟ أولاً عشان نتعامل مع هذا الأمر لازم الإنسان يعني ينظر وهحاول على قدر الاستطاعة والله في الحلقة دي إن أنا ما ما أكملناها حلقة عن اختنام الوقت وكده، فانا حاول إن أنا أختنم وقتك وما أطولش عليك. فاحنا النهارده عشان ندخل في المعادلة دي ونظبطها لازم نعمل حاجة اسمها ريالتي تشيك، نبص على الواقع كده ونشوف إيه اللي بيجرى فيه. فلما نيجي نبص على الواقع هنكتشف إنه ما يحدث اليوم في العالم الحديث هو جزء منه إن البيئة المحيطة بيك هي بتساعدك على إن أنت تكون مش قادر تستغل وقتك. يعني هي بيئة فعلاً مجهدة جدًا من أول فكرة وجود مشتتات كتير. خدوا بالكم، المشتتات كتير. من الناس بيظن إن المشتتات دي هي بس المسلسلات والأفلام والألعاب وكده. الحقيقة إن المشتتات أيضًا هي وجود بودكاستات كتيرة مفيدة وتوتوريالز كتيرة وكورسات موجودة في كل مكان ومش عارف إيه وبتاع. قد تكون الأشياء المفيدة والصالحة في بعض السياقات هي مشتت، وده على فكرة بنتكلم في الموضوع بتاع التسويف إنه ده ما يسمى بالبرودكتف بروكراستينيشن أو التسويف المنتج. إن الإنسان يبحث عن أشياء ترضي ضميره ولكنها أسهل له نفسيًا عشان يتجنب الشيء الواجب عليه فعله الآن. وعلى فكرة إحنا في الإسلام عندنا مفهوم الأولويات ده، والأشياء تقدم وتؤخر موجود عندنا. وسبحان الله إحنا لو ركزنا في كل تعليم الإسلام أو الفكر الإسلامي أو الفلسفة الإسلامية بشكل عام هنلاقيه هو يضبط مهارات الإنسان في أي وقت. يعني لما نيجي نشوف مثلاً وده هنناقشه وإحنا ماشيين قدام نشوف الإنتاجية وقوة خروج العلم مثلاً من علماء المسلمين في العصور السابقة، والناس دي ما كانش عندهم في أيامهم سلف هيلب بوكس ولا كان في أيامهم روتين الإنتاجية ولا مش عارف إيه. طب إيه اللي خلاهم منتجين بهذه القوة؟ لأنهم كانوا متقنين جدًا للفلسفة الإسلامية. فاحنا مثلاً عندنا في الإسلام لو أنت قاعد بتقول أذكار أو لو أنت بتقرأ قرآن أو لو أنت بتبر أمك وده وقت الصلاة المفروضة اللي أنت بتعمله، ده شيء غير مقبول. الأولى إن أحب الأعمال إلى الله الصلاة على وقتها. فما تجيش تقول لي أصل أنا بعمل لا كده أنت بتتهرب من الحاجة اللي أنت المفروض تعملها وبتعمل حاجة أسهل عليك. فكثير من الناس مثلاً يندمج جدًا يقول لك إيه؟ والله أنا عمال أتفرج على محاضرات تعليمية في الموضوع الفلاني وقابلت حد بقى عمل كده كورسات شهادات مش عارف إيه. طب أنت أخدت العلم ده حجة عليك؟ استفدت منه؟ عملت إيه؟ تغيرت إيه في حياتك؟ لسه ما فيش. طب علمت كم حد؟ لسه ما فيش. طب أنت بتعمل إيه؟ أنا قاعد بتعلم. فيتحول أحيانًا الشيء النافع أو المقبول اجتماعيًا لأحد المشتتات والملهيات ومضيعات الوقت. فانت لازم تكون حاذر جدًا في نظرتك واستيعابك وتقييمك للواقع. بعض الناس بيقعوا في هذا الأمر من منظور ديني مثلاً، تلاقيه دروس دروس دروس محاضرات مش ليه عشان بيحب الشيخ دمه خفيف، بس طيب أنت السمع اللي أنت سمعته ده فتح قلبك فعلاً؟ قمت صليت، زودت من ذكرك، ضفت سنة في حياتك، عملت عمل طاعة جديدة؟ فعلاً تقربت إلى الله سبحانه وتعالى؟ ولا أصبحت بس مستمع؟ فأصبح بالنسبة لك المحاضرات والدروس الدينية عاملة زي اللي بيسمع الراديو عشان يتسلى وهو ماشي، ولكن هل هو منتفع بها بشيء؟ لا غير منتفع. شوفوا بصوا أنا داخل بنقد إيه؟ المفيد النافع المتعارف عليه مجتمعياً إنه شيء جيد إنك تعمله. فأكيد مش محتاجة أروح أقول لك إنك تقعد تتفرج على أخبار الفنانين وأخبار لاعبي الكرة والصفقات والانتقالات وخناقات صناع المحتوى مع بعض وآخر موضة في مش عارف إيه. أكيد مش محتاجة أكلمك إن ده أصلاً شيء من المشتتات السلبية. يعني فخلاص ده ضمنًا هنبقى كأننا اتكلمنا عليه. فانت في بيئة وسيستم، وللأسف على فكرة ده من أكثر الأشياء صعوبة على الإنسان إن السيستم نفسه يكون ما بيدعمش الحاجة الإيجابية. فاحنا في سيستم متعب جدًا، ولكن زي ما هو متعب سبحان الله كل زمن ليه المكاسب والخسائر بتاعته. فاحنا مكسبنا السهولة. يعني أنا أغلب العلم اللي أنا تعلمته خصوصًا في الجوانب الدينية، يعني عمري ما كنت هتعلمه لولا وجود الإنترنت وإن أنت تقدر تتفرج على شيخ هنا في البلد الفلانية وشيخ أصلاً أنت ما حضرتوش مات وشيخ. فالتكنولوجيا دي لها نفعها ولها ضررها برضه. يعني إيه؟ نسأل الله سبحانه وتعالى أن يوفقنا لاستخدامها بشكل جيد. فهنا إحنا بنتكلم على إن السيستم متعب. طب الناحية الثانية أنت كمان متعب. ليه؟ أنت نفسك، تطلعاتك في الحياة ما بقتش مبنية على فلسفة ومحور مضبوط. يعني إيه؟ إحنا في الكورس وده هتلاقوني دايمًا برجع له طول ما إحنا ماشيين، لأن من دونه ده المنطلق اللي هننطلق منه في أي شيء صحيح في الحياة. أنت أول لما بتخرج بره إن الانطلاقة بتاعتك إن هذه الدنيا متاع، وإن هذه الدنيا اختبار، وإن إحنا هنا لنعبد الله عشان ندخل الجنة اللي هي فيها الأبدية. هتلاقي نفسك متسوح. وبناء عليه إحنا معظم الوقت بنتسوح لأن إحنا بننسى المعنى ده. فبتلاقيك طول الوقت خلاص مع انشغالك ومع قلة الإيمان والطاعات والمش عارف إيه، تلاقي نفسك غصبًا عنك إيه؟ أنا عايز أبقى كده وعايز أبقى كده وبص فلان خد إيه وفلان عنده إيه وأنا مالي؟ طب أنا متأخر ليه؟ طب أنا عايز يبقى عندي دي ودي وده ودول ودي. فتلاقي نفسك أنت ما زي ما نقول عليه بيبقى عندك إيه؟ الحالة بتاعة مش عارف الإكسبريشن ده إيه بالعربي. ودي حاجة مش إيجابية يعني بس هي اتقال عليها أوفر وولد إنك مغمور بالأعباء كده ومدفوس تحت حاجة. ليه؟ لأنك دماغك عاملة تطلب تطلب تطلب تطلب. والفرق ما بين تمنياتك وعضلاتك اللي بتوديك للحاجة اللي أنت بتتمناها دي عامل زي بالظبط النملة اللي بتقول ياه لما أكسر الشجرة دي على دماغ الأسد اللي واقف. فتحس إن ده طموح أصلاً هو مجهد لمجرد إنها تفكر فيه. لو جينا ننزل على الواقع إيه؟ إيه المثال؟ إيه المثال الغريب ده؟ إيه المثال الغريب ده يا كريم؟ ده اسمه جلد الذات. بقى هنتكلم عليه في حلقة تانية. طيب أنا آسف. سبحان الله، الحمد لله. معلش، معلش سامحوني. طيب بعيدًا عن جلده زيادة، فانت ذهنياً مجهد وفي نفس الوقت عندنا ضعف صحي. خدوا بالكم الضعف الصحي ده بيؤثر جدًا جدًا على اختنام الوقت خصوصًا في اللقطة اللي إحنا بنقول عليها دي. إحنا معظم الأحوال خلينا نحط المراية قدام عينينا كده ونشوف الواقع. أنت معظم الوقت بتفتكر إن أنت ما عندكش وقت. ويا لو أفضى بس هعمل. بالله عليك ما بتفضاش. أصل أنا اشتغلت مع ناس يعني حياتهم فيها شركات وعندهم وقت. كلنا عندنا نص ساعة وربع ساعة وعشر دقايق وخمس دقايق. فالمشكلة مش في وجود وقت، هي مشكلة في إنك في الوقت اللي بيتاح ده تكون قادر على الأداء. ودي بتقع في كتير جدًا من كلام المتخصصين بالمناسبة وبتقع كتير جدًا في الكلام التحفيزي التافه. أنا آسف يعني مش كل بيقول كلام تحفيزي تافه، بس في نوع كلام تحفيزي تافه اللي هو بيصحى يقول لك إيه؟ أنا بصحى من النوم الساعة 7:00 بعمل كذا لحد الساعة ت:00، ومن الساعة ت:00 للساعة 10 بعمل كذا، ومن الساعة 10 لـ 11 بعمل كذا، ومن الساعة 11 لـ 11:35 بعمل كذا، ويقعد يرص لك كده فيقول لك بص أنا بقى يومي قد إيه. أنت كذاب. أنت كذاب لأن أنت بتعمل معادلة معادلة وقت مش حاطط فيها معادلة الطاقة الذهنية. والقدرة الذهنية دي مش الطاقة الحيوية بتاعته. أي كلام. دي اللي هي القدرة بتاع بذل الجهد. أنت ما بتحطهاش لأن الإنسان فعلاً خلاص ممكن بيبذل شوية مجهود في حاجات، فبيقعد بعد كده هو عنده وقت بس مش قادر يبذل جهد. طيب جزء بتاع الانخفاض القدرة الصحية ده مهم جدًا إن أنت تلاحظ فيه إن نومك بيأثر على اختنامك لوقتك وتنظيمك لوقتك. الناس ما بتربطش الحاجات دي إن أنت ل...
