Speaker A
قل بسم الله.
قصة شاب عاطل توظف في منطقة نائية مليئة بالتحديات والأحداث الغريبة، ويواجه مواقف غير متوقعة مع زملائه وأماكن العمل.
Key Takeaways
- البحث عن وظيفة قد يكون صعباً ويأخذ وقتاً طويلاً خاصة في المناطق النائية.
- العمل في أماكن بعيدة قد يتطلب صبراً وتحملاً للظروف الغريبة وغير المألوفة.
- الإيمان والتمسك بالدين يمكن أن يساعد في مواجهة المخاوف والظواهر غير الطبيعية.
- التجارب الجديدة قد تكون مليئة بالتحديات لكنها فرصة للتعلم والنمو.
- الدعم الاجتماعي من الأصدقاء يمكن أن يكون مفتاحاً للحصول على فرص عمل.
What the video covers
- شاب تخرج من الثانوية ولم يجد وظيفة لأربع سنوات رغم محاولاته المستمرة.
- أحد أصدقائه يرشحه لرجل يمكنه توفير وظيفة في منطقة نائية تشبه الربع الخالي.
- الوظيفة تتطلب دوام أسبوعين في العمل وأسبوعين راحة، في مكان بعيد جداً بدون شبكة جوال.
- وصل الشاب إلى موقع العمل مع مجموعة من الموظفين الأجانب، وكان الوحيد السعودي بينهم.
- المكان يحتوي على بركسات سكنية، بعضها مهجور وبعضها مأهول بالموظفين.
- الشاب يواجه تحذيرات من زملائه بعدم النوم في بعض البركسات بسبب وجود أجواء غريبة أو مسكونة.
- يحاول الشاب التمسك بدينه وقراءة القرآن والأذكار لمواجهة الخوف والظواهر الغريبة.
- يلاحظ الشاب حركات غريبة في البركسات مثل فتح الدواليب واهتزازها أثناء نومه.
- رغم المخاوف، ينام الشاب في البركس ويصحو صباحاً ليجد زملاءه يتفاجأون من قدرته على النوم هناك.
- الشاب يحاول التكيف مع الوضع ويؤكد أنه يعتمد على الله في مواجهة هذه التحديات.
Full Transcript — Download SRT & Markdown
Speaker A
هذا بيوم من الأيام شاب في مقتبل العمر الشاب هذا تخرج من الثانوي بنسبة معدل حلو قدم على كل مكان ما لقى وظيفة.
Speaker A
جلس طال عمرك يبحث عن وظيفة لمدة أربع سنوات الين عرفوا كل الشباب الموجودين ويعرفونه ويعرفون أن هذا الرجال عاطل ما لقى وظيفة.
Speaker A
في يوم من الأيام دق عليه واحد من الشباب مرحبا بفلان شلونك شو أخبارك طيب قال والله بأحسن حال.
Speaker A
قال أنت لقيت وظيفة ولا لا قال لا والله ما لقيت.
Speaker A
قال يا أخي في رجال أخبره موجود في المكان الفلاني وموجود عند استراحة الشباب فودي أني أمرك الحين ونروح أنا وياك على الرجال ونجلس عنده واشرح له وضعك والرجال ما يقصر أخبره نفع أكثر من واحد.
Speaker A
قال سم اللي تبي.
Speaker A
متى تمرني قال أمرك الحين شوي طال عمرك مر خويه وطلعوا الاستراحة.
Speaker A
وصلوا الاستراحة السلام عليكم السلام الشباب جالسين يا مرحبا أبو فلان أبو فلان أبو فلان كل واحد قام يعرف على الثاني وخذتهم السوالف.
Speaker A
شوي طال عمرك يجي خويه ويسحبه من يده ويروحون يجلسون عند واحد جالس تقريبا بصدر المجلس يعني.
Speaker A
قال أبو فلان هذا الرجال العاطل اللي قلت لك عنه قال إي ونعم أنت فلان قال إي والله أنا فلان.
Speaker A
قال ما لقيت وظيفة الحين قال لا والله ما لقيت وظيفة.
Speaker A
قال أنا والله أقدر أدبر لك وظيفة بس يبي له رجال يصبر.
Speaker A
قال أبشر والله أنا ما عندي إلا الصبر يعني الحين أحسن من قعدتي في البيت.
Speaker A
قال زين في وظيفة في منطقة شبه خالية مثل ما تقول الربع الخالي كذا لكن الوظيفة هذه تتطلب أنك تجلس فيها أسبوع وتطلع أسبوعين أو تداوم أسبوعين وتطلع أسبوعين.
Speaker A
فيك صبر أبضبطك طال عمرك بالوظيفة ما فيك صبر الوجه من الوجه أبيض.
Speaker A
قال يا طويل العمر لو تبيني أقعد شهر بالوظيفة وأطلع يوم واحد ما عندي مشكلة بس أهم شيء أني وظيفة يا أخي بتزوج أبضبط أموري أبي أسند والله ما أني لاقي حتى آكل يا أخي صرت أستحي من أبوي أني أطلبه شيء يعني كل يوم قاعد أطلبه شيء قال لا بالله وصلت انتهى موضوعك عطني أوراقك.
Speaker A
يقول وأنا أعطيه أوراقي طبعا السالفة هذه قديمة الحين.
Speaker A
يقول وأعطيه أوراقي ويأخذ الأوراق الرجال قال يومين ثلاثة بتواصل مع خوينا هذا ويتواصل معك بالفعل راح طال عمرك ضبط أموره بعد يومين ثلاثة تواصل مع الرجال قالوا خلوه يجي بالمكان الفلاني.
Speaker A
فجاء طال عمرك ولا المكتب موجود والناس موجودة وكذا قالوا وظيفتك راح تكون بالمنطقة النائية هذه المهجورة بصحراء.
Speaker A
والصحراء حتى شبكة ما فيها يعني تو بداية الجوالات استخدمت الجوالات.
Speaker A
فالله يعينك داوم أسبوعين وبعد أسبوعين تروح لهلك على طول.
Speaker A
قال توكل على الله.
Speaker A
متى قال بكرة.
Speaker A
الرجال ما صدق خبر على طول طال عمرك لم أغراضه ضبط أموره اتصل بأهله وقال يا جماعة أنا ما أني راجع خلاص السلام عليكم.
Speaker A
وش العلم قال والله أنا توظفت المكان الفلاني وبروح.
Speaker A
ويأخذون باصات ويلا يوصلونه للديرة الفلانية.
Speaker A
ديرة بعيدة.
Speaker A
يقول وأنا آخذ أغراضي وآخذ أموري وأضبط حاجياتي كلها وأطلع معاهم يقول وأركب الباص على أساس يوصلونه للديرة.
Speaker A
يقول تفاجأت بالباص كل الموجودين أجانب ما في إلا أنا لحالي سعودي.
Speaker A
يقول وأنا تعرف اللي استغربت قلت ما في لحالي يعني بس الموظف ولا وش الموضوع بالضبط.
Speaker A
طلعوا هذول كلهم موظفين.
Speaker A
يقول وأنا أطلع ونمشي طال عمرك بالباص تقريبا ثمان ساعات.
Speaker A
يقول لين وصلنا بقلب الصحراء بقلب الصحراء يعني بمكان ما تحس أنه ما في لا أنس ولا جن.
Speaker A
يقول يوم وصلنا هناك ولا في بركسات.
Speaker A
يقول البركسات صايرة داخل شبك بركس لحاله بركس تخبره اللي اللي عليه كفرات وغرف نوم فاهم.
Speaker A
يقول بركس لحاله وفي ثلاث بركسات لحالها.
Speaker A
يقول وفي سكرتي عند الباب.
Speaker A
يقول نزلنا من الباص هلا حياكم الله حياكم الله أمروا قلنا والله احنا طلاب جدد وكذا.
Speaker A
جاء المشرف اللي معانا كان.
Speaker A
ودخلنا داخل.
Speaker A
يوم دخلنا داخل يقول ما حسينا ولا على جية رجال باين أنه مشرف يعني.
Speaker A
شوي طال عمرك يقول سلم علينا وجلسنا.
Speaker A
قال الآن الشباب يبون يجون من الحفريات الموجودة قريبة.
Speaker A
لكن اليوم ما في دوام ريحوا أعصابكم وناموا وعينوا من الله خير لما يجون ربعكم.
Speaker A
وبكرة إن شاء الله يظل الله كتب الأمور طيبة إن شاء الله.
Speaker A
قالوا خلاص توكل على الله.
Speaker A
يقول فجلسنا انتظرنا طال عمرك لين جت الباصات من الحفريات.
Speaker A
يقول انتظرنا طال عمرك لين جو الشباب يوم جو من الدوام على أساس.
Speaker A
يقول يوم يجون ينزلون كلهم جروبات ورا بعض.
Speaker A
يقول احنا ناطرين ما أدري وين نروح يعني بالضبط.
Speaker A
يقول الهنود اللي معي راحوا مع الهنود الجدد وقاموا يسألونهم الأجانب راحوا مع الأجانب قاموا يسولفون معاهم وأنا لحالي يقول ما في إلا سعودي واحد.
Speaker A
يقول وأجي عنده مرحبا كيف الحال شو أخبارك.
Speaker A
قال والله المشرف قال لنا كذا كذا كذا.
Speaker A
قال إي حياك الله.
Speaker A
يقول شوف البركس هذاك اللي موجود هناك يقول لحاله.
Speaker A
قلت إي.
Speaker A
قال كلنا هناك.
Speaker A
قلت طلعت فيه قلت يا ولد احنا كثير شلون شلون ناكلنا بركس واحد يعني.
Speaker A
قال لا لا كلنا هناك بالبركس هذاك كلنا والأمور طيبة إن شاء الله.
Speaker A
يقول يدخلون الناس.
Speaker A
تعرف اللي يدخلون البركس يقول ما أدري شلون ما أدري شلون يسعهم هالمكان هذا يعني.
Speaker A
يقول البركسات الثانية فاضية.
Speaker A
ما أدري وش الموضوع.
Speaker A
يقول وأنا طالع فيه قلت يا طويل العمر في شيء البركسات هذه فاضية.
Speaker A
ليه ما تروحون له يعني.
Speaker A
يقول طالع فيني كذا قال لا لا الأمور طيبة إن شاء الله بس البركسات هذه المفروض أنه ما أحد يسكنها ولا أحد يجيها ولا كذا.
Speaker A
قال ليه وش الموضوع.
Speaker A
قال ما في شيء إن شاء الله بس.
Speaker A
خلنا هناك خلنا هناك بالزاوية مع الناس مع الناس.
Speaker A
ترى حشرة مع الناس عيد.
Speaker A
يقول سكت.
Speaker A
ما أدري وش.
Speaker A
يقول وأنا طالع طال عمرك ولا على جية المشرف.
Speaker A
يقول كلمته قلت له يا طويل العمر كذا كذا كذا والناس متحاشرين هناك.
Speaker A
وأنا بيني وبينك أشوف الناس واجد هناك يعني.
Speaker A
ليه ما تخليني أنام بالبركسات هذه.
Speaker A
قال والله كيفك تبي تنام نام بس الناس ما ينصحون فيها يعني ما.
Speaker A
الظاهر أن الظاهر أنها مسكونة ولا شيء ولا فيها بلا.
Speaker A
يقول طلعت فيه قلت لا إن شاء الله ما في يقول أنا الرجال مصلي وقايل أذكاري وأموري طيبة.
Speaker A
يقول اسمح لي أنا أنام فيها.
Speaker A
قال إي عادي نام فيها.
Speaker A
يقول قلت خير إن شاء الله.
Speaker A
يقول طالع فيني سعودي.
Speaker A
قال يا ولد لا تروح.
Speaker A
قلت لا لا بنام فيها.
Speaker A
قال يا ولد لا تروح آخر اللي تبي تجيني ركض.
Speaker A
قلت.
Speaker A
الأمور طيبة يعني.
Speaker A
وين ليه أجيك ركض يعني.
Speaker A
وش اللي صاير يعني.
Speaker A
قال أغلب الناس اللي جو هنا جو ركض.
Speaker A
فتشوف الناس طال عمرك اللي متحاشرين بالبركس هذاك.
Speaker A
فلذلك أنا أنصحك نصيحة.
Speaker A
أنت تعال معي تعال معي يقول ويسحبني من يدي.
Speaker A
ويدخلني داخل البركس اللي الناس كلها فيه.
Speaker A
يقول والناس تعرف اللي نايمين جنب بعض كلهم.
Speaker A
يقول قال هذا فراشي وهذا الفراش اللي جنبك لك.
Speaker A
خلك هنيه وريح أعصابك.
Speaker A
قلت لا يا ولد أنا معي شنطتي وأغراضي مجنون أنت.
Speaker A
قال يا ولد أنا أقول لك خليك جنبي وريح أعصابك.
Speaker A
خلك هنيه لا تبعد.
Speaker A
يقول طلعت فيه قلت له لا لا الأمور طيبة.
Speaker A
قال على العموم أنا بخلي لك الباب مفتوح وهذا فراشك.
Speaker A
متى ما حسيت ها ولا ها الله معاك.
Speaker A
يقول ما أخذت كلامه على محمل الجد يعني.
Speaker A
يقول وأطلع طال عمرك ويطالعون فيني اللي موجودين وين رايح الخبل هذا.
Speaker A
يقول وأنا أطلع طال عمرك من عندهم الدنيا ليل.
Speaker A
وأنا أدخل البركس.
Speaker A
البركس فيه إنارات خفيفة كذا خفيفة جدا يلا تبين.
Speaker A
يقول يوم دخلت البركس وأدخل ولا في غرفة نوم.
Speaker A
غرف كثيرة بس في غرفة نوم جيت ولا السراير جديدة.
Speaker A
والكباتة حلوة والأمور طيبة.
Speaker A
وأنا طال عمرك تشوف السراير ما فيها شيء.
Speaker A
يقول وأروح طال عمرك وأحط أغراضي وأفتح الكباتة اللي موجودة كباتة حديد دواليب.
Speaker A
يقول وأنا أفتحها طال عمرك ما فيها ولا شيء أموري طيبة.
Speaker A
يقول وأنا أقرأ الأذكار وأصلي لي ركعتين للمكان هذا.
Speaker A
يقول والناس طال عمرك مسكرة على نفسها ونامت ما أدري عنهم.
Speaker A
يقول وأنا أجي طال عمرك وأمسك المصحف وأبدأ أقرأ.
Speaker A
يقول وأحط راسي وأنام.
Speaker A
وأموري طيبة ما عندي من الشيطان طاري.
Speaker A
يقول وأنا أقرأ أقرأ أقرأ أقرأ تعرف اللي رحت بالقراءة الين غفيت.
Speaker A
يقول غفيت والقرآن على صدري كذا.
Speaker A
يقول ما حسيت ولا بم تعرف اللي انفتحت الدواليب كلها.
Speaker A
وقام يطلع منها هواء.
Speaker A
يقول وأنا أقوم تعرف اللي قمت من النوم وأطالع أعوذ بالله أعوذ بالله أعوذ بالله تعرف اللي طالع فيها.
Speaker A
يقول الدواليب كلها مفتوحة وتهتز تعرف اللي كذا تهتز لحالها تهتز.
Speaker A
يقول أقوم يقول اللي نارة كانت حاطة خافتة شوي يقول وأفتح لي النارة كلها وأطالع تعرف اللي كذا.
Speaker A
مرتعب ما أدري وش الموضوع بالضبط.
Speaker A
يقول وأطالع في شنطتي ولا شنطتي بمكانها.
Speaker A
أعوذ بالله.
Speaker A
يقول وأقوم وأستغفر وأستغفر وأتعوذ من إبليس وأتعوذ من إبليس وأفتح الدريشة وأطالع تعرف اللي طالع بالناس الناس نومة ما أحد يمي.
Speaker A
والسكرتي هناك مقفل على نفسه ونايم.
Speaker A
يقول وأنا أجي طال عمرك تخبر اللي ما أدري وش أسوي.
Speaker A
قلت لا أروح أتفشل عند خوياتي يقول لي والله ها شفت شلون جيت.
Speaker A
لا بالله أنا الرجال أعرف الله والأمور طيبة إن شاء الله.
Speaker A
يقول وأروح طال عمرك وأسكر الدواليب.
Speaker A
قلت عاد والله اليوم اللي ما أطلع.
Speaker A
والله أني ما أطلع.
Speaker A
يقول وأروح طال عمرك وأحط راسي وأنام.
Speaker A
يقول صحيت طال عمرك الصباح.
Speaker A
يقول يوم صحيت الصباح تعرف اللي تمغط وكذا الأمور طيبة ما فيها شيء.
Speaker A
وأنا أطلع.
Speaker A
يقول يوم طلعت كل الموظفين واقفين برا وينتظروني يحاسبوني وليت فاهم.
Speaker A
يقول يوم طلعت يطالعون أوه طلع طلع طلع تعرف اللي يأشرون علي كلهم.
Speaker A
ايش فيهم عسى ما شر.
Speaker A
ايش فيكم يا جماعة.
Speaker A
قالوا يا ولد شلون شلون قدرت تنام هنا.
Speaker A
قلت عادي الوضع نمت.
Speaker A
يقول ما علمتهم وش اللي صار بالضبط.
Speaker A
قلت لا عادي الأمور طيبة وهذا اللي بينام معي ينام معي.
Speaker A
يقول جاني سعودي قال لي يا ولد مجنون أنت.
Speaker A
شلون أنا سمعت أصوات أمس بالليل.
Speaker A
قال لا لا الأمور إن شاء الله طيبة والأمور عادية ما فيها شيء.
Speaker A
قالوا يلا مشينا خلنا نروح الحفريات.
Speaker A
يقولوا يأخذون الحفريات خلصنا دوام جينا المغرب وأروح طال عمرك ونفس الوضع وأحط راسي.
Speaker A
يقول اليوم الأول.
Speaker A
اليوم الثاني اليوم الثالث أسمع أصوات.
Speaker A
في شغلات تتحرك داخل.
Speaker A
يقول لكني صابر.
Speaker A
قلت أبي أشوف آخرة الموضوع وش.
Speaker A
وين أبي أوصل بالضبط.
Speaker A
يقول بعد ما طاف يومين كذا تقريبا ثلاث.
Speaker A
يقول قلت لازم أكلم أهلي.
Speaker A
فأبي لي شبكة.
Speaker A
شبكة ما عندي يقول.
Speaker A
يقول أطلع السكرتي قلت له يا طويل العمر الموضوع كذا كذا كذا.
Speaker A
يقول تونا جايين المغرب كذا راجعين.
Speaker A
قال يا حبيبي الحين ما في شبكة تعال بكرة الصباح ونشوف لك الوضع على أساس تبعد.
Speaker A
قلت والله أني بكلم أهلي الآن ضروري أكلمهم الآن يا أخي.
Speaker A
من زمان أنا غايب عنهم فلازم أكلمهم يعني.
Speaker A
على الأقل يتطمنون علي يعني.
Speaker A
يقول قال لي خلاص أطلع بس لا تبعد خلك هناك عن المخيم.
Speaker A
وتلقى شبكة تصيد شبكة.
Speaker A
يقول وأخذ جوالي يقول وأبعد عنه.
Speaker A
يقول وأمشي شوي وأمشي شوي وأمشي شوي لين أبعد المخيم صار تعرف اللي أشوفه تحت هناك.
Speaker A
يقول وأنا أطلع فوق كذا.
Speaker A
تعرف الصحراء و طعوس ونفود.
Speaker A
يقول وأنا أصيد الشبكة أصيد أصيد وأنا أصيد الشبكة.
Speaker A
يقول طبعا الدنيا ليل.
Speaker A
يقول وأدق على أهلي.
Speaker A
يقول أول ما شبك الخط وأكلم أهلي وأنا بخير وسلام وينك وما أدري وش وكذا يقول قاعد أسولف معه.
Speaker A
يقول وأنا أسولف معهم في نفس جنبي تعرف اللي صاير عند أذني.
Speaker A
تعرف اللي يلهث واحد يلهث.
Speaker A
يقول وأنا ألتفت تعرف اللي كذا.
Speaker A
ما في شيء.
Speaker A
يقول وأتكلم أتكلم معاهم وأنتبه أنتبه بأذني الثانية تعرف اللي كذا.
Speaker A
يقول وأنا ألتفت ولا ما في شيء.
Speaker A
الشيطان الرجيم.
Speaker A
في واحد تنفس وراي يعني قاعد يتنفس بصوت عالي.
Speaker A
يقول أنا هنا خفت.
Speaker A
على العموم خلاص أنا أكلمكم إن شاء الله أموري طيبة واليوم أنا إن شاء الله أنا جايكم نهاية الأسبوع أنا جايكم.
Speaker A
يقول وأنا أسكر الخط.
Speaker A
يقول وأنا أنزل.
Speaker A
يقول يوم نزلت قابلت المخيم هذاك المخيم أشوفه.
Speaker A
يقول ولا صوت جنبي تعرف اللي يصيح بصوت عالي.
Speaker A
يقول شوف.
Speaker A
اليوم آخر يوم لك بالغرفة بعدها لا تلوم إلا نفسك.
Speaker A
يوم سمعت الصوت تعرف الصوت جهوري.
Speaker A
اليوم آخر يوم لك بالغرفة.
Speaker A
تعرف اللي صايح.
Speaker A
يقول وأنا أطالع قلت أعوذ بالله من الشيطان الرجيم أعوذ بالله من الشيطان الرجيم.
Speaker A
يقول وأنا أسرع بخطاي وأسرع وأسرع لين وصلت عند السكرتي.
Speaker A
قال لي ها كلمت أهلك.
Speaker A
قلت إي كلمتهم.
Speaker A
أنا رايح أكلم في أحد مشى وراي شفت أحد.
Speaker A
يقول طالع فيني قال لا لا ما في أحد.
Speaker A
أنا واقف على البواب ولا أحد طلع.
Speaker A
ليه في شيء.
Speaker A
قلت لا لا ما في شيء ما في شيء الأمور طيبة إن شاء الله.
Speaker A
قال فيك شيء يقول لي.
Speaker A
قلت له ما في شيء ما في شيء خلاص.
Speaker A
يقول وأنا أطلع طال عمرك الغرفة.
Speaker A
وأروح طال عمرك وكالعادة وأقرأ الأذكار.
Speaker A
وأصلي ركعتين.
Speaker A
وأجي طال عمرك وأحط راسي وأنام.
Speaker A
يقول هالمرة كان الوضع غير.
Speaker A
يقول وش اللي صار بالضبط.
Speaker A
اسمع.
Speaker A
يقول أنا توني غافي بعز غفوتي.
Speaker A
يقول ما يمديني غفيت يقول على طول تنفتح الدواليب يقول أول ما انفتحت المرة الأولى.
Speaker A
المرة الثانية أول ما انفتحت يقول وأقوم من النوم يقول قمت من النوم طلعت كذا على جنب.
Speaker A
يقول ما حسيت طال عمرك والسرير يقول الغرفة كان فيها أربع سراير تقريبا.
Speaker A
يقول السرير الأخير ويرتفع فوق بالسماء وهو ينزل طال عمرك متكسر 60 قطعة.
Speaker A
تعرف اللي طقة طقة قوية لدرجة أن الناس اللي بالبركسات الثانية كلهم طلعوا.
Speaker A
كلهم جايين عند البركس حقي يشوفون وش الموضوع اللي صاير وش اللي صاير وش اللي صاير وصراخ برا.
Speaker A
يقول أنا قمت تعرف اللي كذا قاعد أنتفض ما أدري وش الموضوع.
Speaker A
وأطالع ولا كله متكسر.
Speaker A
يقول وأنا أتعوذ من إبليس وأسحب اللي سحبته من الملابس الموجودة وأنا طال عمرك أقبض الباب تعرف اللي أحط رجلي.
Speaker A
العمر يا هامان.
Speaker A
يقول وأطلع طال عمرك ما أشوف أحد.
Speaker A
يقول ويجيني خويي السعودي اللي موجود بينهم.
Speaker A
ها عسى ما شرش فيك.
Speaker A
يقول يا ولد تكسر السرير كله.
Speaker A
بالله عليك.
Speaker A
يقول والله تكسر السرير ما بقى بقطعة واحدة.
Speaker A
يقول أنا قلت لك أنت ايش بلاك أنت مجنون أنت قاعد تغامر أنت ما خلاص قلنا لك البركسات هذه اتركها خلاص.
Speaker A
ولا كنه موجود.
Speaker A
أهم شيء أمشي أمشي أمشي.
Speaker A
يقول طال عمرك يسحبني ويحطني بين بين.
Speaker A
بين الأماكن الموجودة تعرف اللي كلها أجانب والدنيا وأنا بينهم.
Speaker A
يقول وأحط راسي وأنام تعرف اللي يقول هذا مكانك أنا قايل لك من أول ما جيت.
Speaker A
يقول وأحط راسي وأنام وأعين من الخير.
Speaker A
يقول لكن سبحان الله ما رضى يطلع الصوت هذاك من أذني.
Speaker A
يقول الصوت بيغرد بأذني.
Speaker A
يقول يمر علي أسبوعين أقشر أسبوعين علي بحياتي.
Speaker A
لدرجة أني صرت تعرف اللي يسولف معي يسبح لحاله.
Speaker A
يا أبو فلان هلا.
Speaker A
تعرف اللي كذا فاهم.
Speaker A
يقول.
Speaker A
يقول عشت عشت رعب رعب غير طبيعي.
Speaker A
يقول بعد أسبوعين.
Speaker A
جت إجازتي.
Speaker A
يقول يوم جت الإجازة والأمور طيبة وكذا جيت عاد يوم خلصنا الدوام قلت أنا قالوا اصبح وبكرة توكل على الله.
Speaker A
قلت لا والله ما قعد دقيقة واحدة بمشي.
Speaker A
يقول وأجي طال عمرك على السكرتي قلت يا أخي أبيك توصلني للمكان الفلاني.
Speaker A
أنا سيارتي واحد جايبها من الشباب وحاطها تقريبا يقول 30 كيلو.
Speaker A
قال خلاص تم بس يا ولد وش اللي يوديك بالليل قلت والله عاد أنا رجال بمشي.
Speaker A
يقول قال سم.
Speaker A
يقول أخذني طال عمرك السكرتي وصلني طال عمرك إلى مواقف السيارات اللي على بعد تقريبا 30 كيلو.
Speaker A
يقول احنا جينا بالبداية بباصات.
Speaker A
ومفتاح سيارتي عند رجال وجابه وحطه بالمكان هذا.
Speaker A
يقول دورت بين الكفرات وآخذ طال عمرك مفتاح السيارة.
Speaker A
وأشغل تعرف اللي بشيء بشيء سلام عليكم السلام.
Speaker A
يقول وأدق سيلف وأمشي.
Speaker A
يقول توني ما تعديت 25 كيلو 25 كيلو.
Speaker A
يقول ما حسيت ولا وأنا أمشي كذا ولا رجال كبير سن باين على اليمين على الطريق ويأشر.
Speaker A
يقول طلعت فيه كذا ما وقفت.
Speaker A
يقول أبوي موصيني أني ما أوقف لأحد.
Speaker A
يقول وأطلع طال عمرك وخصوصا الطريق مظلم ولا أشوف شيء يقول أبي أمسك الخط الرئيسي يعني.
Speaker A
يقول توني طال عمرك ماسك الخط الخط تقريبا صحراوي لكنه زفلت يعني.
Speaker A
يقول وأمشي.
Speaker A
وأمشي وأمشي وأمشي تعرف اللي قدام 5 كيلو 10 كيلو يقول ونفس الرجال اللي من شوي قدام قاعد يأشر.
Speaker A
يقول وأنا أخليه.
Speaker A
يقول وأنا أمشي طال عمرك.
Speaker A
يقول صار فيني لبس تعرف اللي ها ها.
Speaker A
وش العلم بالضبط ما أدري.
Speaker A
يقول وأنا أمشي طال عمرك وأمشي وأمشي يقول.
Speaker A
الرجال اللي كان يأشر على الطريق يقول صار بنص الطريق فاهم.
Speaker A
ووقف قدامي.
Speaker A
وقف باين أنه واقف قدامي.
Speaker A
يقول وأنا أمسك بريك كذا شوي شوي شوي أحرفني لين صرت على اليمين.
Speaker A
يوم وقفت على اليمين وأطالع فيه قلت وين.
Speaker A
قال يا ولد خذني معك قدام.
Speaker A
يقول وشايل بقشته معه وكذا.
Speaker A
قلت اركب اركب.
Speaker A
يقول وركبوا معي وما عندنا الشيطان طاري ونطلع طال عمرك بالطريق.
Speaker A
وأمورنا طيبة.
Speaker A
يقول وأسولف معه وأسولف معه.
Speaker A
أنت وين وكذا قال والله أنا ضايع وكفيلي كذا.
Speaker A
يقول وأخذتنا السوالف.
Speaker A
يقول شوي طال عمرك وأنا ماسك الخط نسيت الرجال.
Speaker A
يقول ماسك الخط كذا تعرف اللي ساحت سوالف مع نفسي وكذا.
Speaker A
والحين أوصل قاعد أسبوع.
Speaker A
قعد أسبوعين.
Speaker A
وين أروح.
Speaker A
ومخططاتي.
Speaker A
يقول شوي انتبهت قلت يا ولد هذا ما سولفت معه.
Speaker A
يقول وأطالع يميني على أساس بسولف معه طلعت ولا ما في أحد.
Speaker A
أعوذ بالله من الشيطان الرجيم.
Speaker A
وش العلم.
Speaker A
يقول وأفتح اللمبات وأطالع ورا ما في أحد.
Speaker A
فلان.
Speaker A
فلان.
Speaker A
يقول قمت أنادي.
Speaker A
يقول ما في ولا واحد.
Speaker A
أعوذ بالله من الشيطان الرجيم.
Speaker A
يقول أنا طال عمرك أعطيها كل الدعسة.
Speaker A
أبي بس أمسك خط فيه إنارة.
Speaker A
بس.
Speaker A
يقول وأنا طال عمرك أطير.
Speaker A
يقول وأنا أدوس.
Speaker A
يقول ما حسيت وأنا بالطريق طلعت كذا على اليمين ولا واحد يأشر ولا خويي اللي من شوي.
Speaker A
يقول هنا أنا عرفت أن الوضع خلاص.
Speaker A
يقول يأشر ثاني مرة.
Speaker A
وشطف.
Speaker A
ويأشر ثالث مرة.
Speaker A
وشطف.
Speaker A
يقول آخر شيء طال عمرك صار قدام السيارة وأنا أنحرف عنه يمين ويسار يمين ويسار يمين ويسار تعرف اللي وأنا ماشي.
Speaker A
يقول شوي ولا يركض جنبي.
Speaker A
يا ولد يقول عشت رعب غير طبيعي.
Speaker A
يقول شوي أقشر ما علي يوم انتبهت قدامي يقول ولا تريلة.
Speaker A
وأنا طال عمرك وجه بوجه.
Speaker A
يقول صحيت كذا.
Speaker A
ولا أنا بالمستشفى.
Speaker A
ما أدري وش الموضوع.
Speaker A
ما أدري وش اللي صار.
Speaker A
يقول جو التحقيقات والدنيا وهذا عسى ما شرش فيك وش اللي صاير وش اللي.
Speaker A
يقول يوم صحصحت أموري طيبة وزانت.
Speaker A
قالوا وش علمك وش اللي صار معاك.
Speaker A
وش فيك عسى ما شر.
Speaker A
قلت لهم والله ما أدري قاعد أمشي بالطريق طال عمرك طلعت لي تريلة وجه بوجه.
Speaker A
ما شفت لكشافات قدامي كذا.
Speaker A
صدمت أنا.
Speaker A
والله الحمد لله أن الله نجاني.
Speaker A
قال الحمد لله على السلامة.
Speaker A
تريلة وين.
Speaker A
قال بالطريق.
Speaker A
قال احنا جينا ولقينا سيارتك مصدومة لكن وش صادمة فيه ما ندري.
Speaker A
يقول شلون ما تدري.
Speaker A
قال أنت صادم بعير.
Speaker A
ولا أنت صادم شيء ولا أنت سيارتك الواجهية كلها متفتفتة.
Speaker A
ورايحة سيارتك خلاص.
Speaker A
سكراب على قولتهم لكن ما في ولا شيء أنت ما تدري احنا الآن قاعدين نسألك ما ندري وش صادم أنت.
Speaker A
أنت شو صدمت بالضبط.
Speaker A
قال والله صدمت تريلة.
Speaker A
قالوا والله ما في تريلة.
Speaker A
ولا في أي شيء.
Speaker A
ولا في أي أثر أصلا للحادث مع سيارة ثانية.
Speaker A
قال أنا وين.
Speaker A
قالوا أنت بالمستشفى.
Speaker A
أنت وين.
Speaker A
قال والله العظيم أني صادم تريلة.
Speaker A
قالوا والله العظيم ما في تريلة.
Speaker A
قال لا في واحد ركب معاي وجاء وكذا.
Speaker A
قالوا إي.
Speaker A
هالوضع.
Speaker A
كم صار لك الدوام.
Speaker A
قال والله صار لي مدة.
Speaker A
قال خير إن شاء الله.
Speaker A
يقول قفلوا التحقيق ومشيوا وخلوني.
Speaker A
يقول أنا أقوم طال عمرك وأتصل على أهلي.
Speaker A
ويجوني طال عمرك ويأخذوني.
Speaker A
وهذاك يوم وهذا يوم.
Speaker A
وأقسمت أني ما أطب هذاك المكان.
Speaker A
ما حييت.
Speaker A
يقول إلى اليوم.
Speaker A
والصوت طال عمرك اللي سمعته وأنا بالصحراء عايش بأذني.
Speaker A
يتردد كل يوم.
Speaker A
والله ما أخليك.
Speaker A
والله ما أخليك.
Speaker A
بس والله.
Speaker A
سمعت الصوت.
Topics:قصة شابوظيفةالربع الخاليالعمل في الصحراءتجارب غريبةالجنالإيمان والأذكارالعمل في مناطق نائيةتحديات العملقصص منوعة
