يارا يامن ياسمين مايا نايل مها لينا وحروف تجلب حزن اذا اجتمعت مع النون

لك أنت يا ولاء بقادم الأيام، في خطوة حلوة كتير بانتظارك.

هدير الجوزاء من العراق، تحياتي لكل أهلنا بالعراق.

يا إلهي شو بشوف تعليقات من أهلنا بالعراق وأهلنا بتونس، وأهلنا بفلسطين وأهلنا بليبيا، يخلي لي اياكم على المحبة، حتى لبنان والأردن والجزائر والسعودية، كمان بشوف كتير تعليقات والإمارات والمغرب العربي حبايبي، من كل البلدان والأردن، كل البلدان عم بشوف منها تعليقات، بنبسط من كل قلبي بشوفكم عم تتابعوني من كل البلدان، أنتوا أهلي وعائلتي الكبيرة حبايبي.

أنت يا هدير ما بينخاف عليكي، لأن طاقة الجوزاء مع اسم هدير بتطير، بتعلي بتحلق، الجوزاء حدا هوائي وهدير حدا ما بيعرف يهدى ويكن، الهاء والدال أنت بتعيشي عكسها، أنت ما فيكي تهدى وتكني، والجوزاء قديش بهيك الجوزاء حدا مزاجي بيطير، بيروح بيجي بيتحرك عنده علاقات اجتماعية، فاسمك مع برجك على البكلة يا هدير، اسمك مع برجك على البكلة.

فتون اسم فتون عادة يعاني من تعب، وسألتني صبية أنه ما بتحكي عن اسم فتون، ليش يا هبة؟ حكيان كتير يا عمري عن اسم فتون.

فتون من الأسماء القوية جدا جدا، لكن تعاني من فتنة بفترة معينة من حياتها، والفتنة أشد من القتل، يعني بتمرق بنكسة حقيقية بحياتها فتون، لكن ما أن تأتي وتصبح بعمر الأربعين، حتى تنتهي عنها كل هذه الفوارق وكل هذا التعب، يعني تتحول من فتنة إلى طاقة فرج وطاقة نصر كبير جدا، ففتون مثل كأنه مثل ما قلت لكم يعني يبدأ الاسم بالفاء والتاء ينتهي بالنون، هي طاقة فتنة بتعيش طاقة فتنة بحياتها كتير كبيرة، لكن اللي اللي بيعمل عندها الفرق وكل الفرق فيما بعد.

طاقة الون بآخر اسمها الواو والنون، يعني كأنها بتوصل للنمبر ون، كأنها بتوصل لكل أحلامها بالحياة، بعد كل النكسات اللي بتمرق فيها بدها توصل لبر الأمان، راجيني، راجيني ورضا ومحسن، الثلاث أسماء أقوى من بعض، الثلاث أسماء راجيني ورضا أسماء تبدأ بالراء ولها طاقة رزق كبير، بس رضا كتير بناسبه السفر، وإلا بيعيش ضرر، وإلا بيعيش ضرر، راجيني حلو، بس رضا بده سفر، السفر بناسبه بينجيه من مرض.

أما محسن، محسن إنسان بيقدم وبيحسن كتير، بس للأسف اللي بيرجع له أقل من اللي بيقدمه، إلا إذا كان عم يحاول دائما وأبدا يرافق أشخاص أو يكون مع أشخاص بتقدر تساعده، هون بقى هو بياخد من طاقة الناس اللي بيعيش معها محسن، وعنده طاقة النون بآخر اسمه 100%، هي وعكة يأتي بعدها انفراج كبير جدا حتى ماليا، محسن بيقدر يصنع المال قولا واحدا، مين باسمه مال؟

اسم مها بعشق هالاسم وبعشق تفاصيله وترتيباته، أحلى اسم اسم مها، لأنه بيزيل طاقة الهم عنك لياخدها هو، يعني إذا بحياتك مها روح بوسها بين عيونها، مها بتشيل الهم عن قلبك لتاخده هي، سبحان الله، هي الأسماء تعتبر جميلة جدا، أنا حكيتها ببث ماضي قلت اسم مها، اسم سجا، اسم رشا، اسم شذى، هي الأسماء وشها خير على الزوج قولا واحدا.

هل يارا رح تضل تعاني الفترة القادمة يا مدام؟ يارا، يارا أنت اللي عم تعاني فيه هو الياء النداء موجود بأول اسمك، شوفي أنت يا يارا مثل مايا، يارا بتعاني بالبداية مايا بالنهاية، يعني يارا اللي بتعانيه بتعانيه بأول عمرها من فراق للأهل على سبيل المثال أو مشاكل صحية بأول عمرها يارا، مايا بعدين، بعدين ممكن تعاني بعمر العشرين الثلاثين من وعكات صحية أو فراق أب على سفر أو ما شابه ذلك، فأنت يا يارا جوابي لك أنه بعد الثلاثين انتظري رزق كتير كتير كبير بحياتك وأملاك باسمك، يارا بتنقلب حياتها بعد عمر الثلاثين للأحسن، بتنقلب حياتها بعد الثلاثين يارا.

يارا من الأسماء لو عانت وهي صغيرة بس بعد الثلاثين، في عندها تغيير كامل بحياتها، بعد الثلاثين تكون من أصحاب الرزق والمال، وبتتزوج بتعيش ملكة، يارا بعد الثلاثين، رزق كبير بانتظارك، وهلا عم نحكي عن العشرينيات، شو أول عشرين بحياتها يارا؟ الياء والألف، بتعيشها أول عشرين سنة بحياتها، أول ثلاثين سنة بحياتها، بتعيش الياء والألف، ياء النداء فراق، بتنادي لحدا بعيد ما بيرجع، فبتعيش يمكن فراق عاطفي أو فراق مع الأهل على سفر، فراق مع المال، فراق مع الصحة وهي صغيرة بتمرض كتير يارا، يارا أكتر شخص بيمرض على صغر، كتير بتعاني من وعكات صحية على صغر يارا، ووعكات، يعني أنا بعرف يارا ويانا، ياسمين، ياسر، يامن، هي الأسماء على صغر كتير بيعانوا من أمراض، كتير على صغر على صغر كتير، يعني بعمر السنة سنتين تلاتة هيك شي، عم بحكي بعمر الصغر كتير في أمراض بيمروا فيها، أكتر من غيرهم بكتير، أكتر من غيرهم.

بعد الثلاثين بتعيش بقى العشرين الثالثة اللي هي الراء، العشرين الثانية راء، رزق، بتعيش رزق وفير تقريبا عشرين سنة لعمر الخمسين سنة، بعد الخمسين في عندها ألف الإمداد، يعني بيمد الله مثل كأنه بيمد رب العالمين بالمال، بالصحة، بتفرح بأولادها، بتفرح بنجاحاتهم، بتتمد بكل شي حلو بالحياة بعد الخمسين كمان، يعني كأنه العمر كله بتقضيه عم الرزق وعم تفرح، عم الرزق وعم تفرح، لكن بعد الثلاثين، لهيك يارا ما أكيد ما رح تضل تعاني وتأمني خير يا يارا، صبيا بتسألني يارا رح تضل تعبانة؟ لا ما رح تضل تعبانة، بانتظارك بالعشرين الثالثة بحياتك ما بين الثلاثين والخمسين، قصة بتقلب كيانك للأفضل بين الثلاثين والخمسين من عمري، شوفي شو رح يصير معك، كل التعب اللي عشتيه بتقولي بسم الله ولا كأني عشت يوم واحد تعب، بتعيشي ملكة بعدين، بينسيكي كل التعب اللي عشتيه قبل.

اسم نارمين، شوفوا الصبية مو نارمين، مسمية حالها نارمين، كتير كتير كتير لفت لي اسمك، ولهيك كتبته، كتير حلو اسمك يا نارمين، هي الحوت وطالعها الجوزاء، أنا جاوبتك على البث الماضي بس رح ارجع أقول لك أنه اسمك قوي كتير وجايك حظ كتير حلو الشهر القادم، إن شاء الله، إن شاء الله يا رب، أنا سجلت مجموعة كبيرة من الأسماء، لاريتا، هديل، فتون، ناريمان، وقلنا كمان عن مصطفى ويقين وجلنار، وبطرس، أنا حكيت عن أطيف، كمان حكيت عن مرام، وئام، وسام، هي الأسماء اللي قدرت أنا لحق سييفها واكتبها، بوران، دينا، مي، بوق، كلكم حكيت عنكم.

سألوني عن طاقة وسوف، كنية وسوف أنه كتير منتشرة عنا بسوريا، أنه كتير بنلاقي ومن كل الطوائف والأديان، في عنا كنية وسوف، أنه هبة شو يعني وسوف؟ ولك وسوف يعني ولسوف يعطيك ربك فترضى، بس اقرأ هالآية الكريمة بتعبى كل عيوني دمع، بتعبى عيوني بكي، ببكي ببكي من كل قلبي، يا الله ما أجمل هالكلام، يا الله هالكلام المقدس ما أجمله، ولسوف يعطيك ربك فترضى، إلك محبة الناس كلها يا أبو وديع.

فعلا طاقة اسم وسوف تعتبر من أقوى أقوى أقوى الطاقات على الإطلاق، مع أنه في أسماء ما بتناسبك كنية وسوفها، نهائيا نهائيا، يعني على سبيل المثال لنفترض هند وسوف، صبية اسمها هند أو مهند أو هند وسوف، تمام؟ طاقة الند والهاء والدال مع طاقة وسوف صار عندي طاقة وسوف عم يحكي عن نسف، يعني إذا في في وسوف بالاسم ما تسموا بالكنية، ما تسموا بالاسم نون، ما تسموا بالاسم نون، وسوف، في عندي مثلا طاقة هي كمان حلوة لاسم يوسف، اللي كنيتهم في ناس من بيت يوسف كمان، بتلاقوا في ناس من بيت يوسف، إذا أنت كنيتك يوسف أو كنيتك وسوف، إذا أنت متشكل عندك طاقة السين والفاء، ما تسمي بالاسم طاقة نون، ليش؟ لأنه إذا سميت مثلا نسرين وسوف أو نسرين يوسف، يعني الكنية بتكون يوسف مشان تفهموا علي لأنه ما حدا بيقول يوسف، نسرين يوسف على سبيل المثال، ما بصير اسمها يكون في نون وبطاقة كنيتها سين وفاء، صار في نسف، اكتمل عندي طاقة النسف، تتنسف من المصاري، ولك تتنسف من الصحة، ولك تتنسف من الهنا، لك بتقضي حياتك كلها ركض ركض دشق دشق دشق دشق لحتى تفرط من التعب، لتنتهي من التعب، وكله بيروح، نسف، ما بصير يكون في بالاسم طاقة نون مع كنية يوسف أو وسوف، ممنوع.

لأنه يوسف أو وسوف شو في عندي السين والفاء هو سفر، سفر منيح، وهو كأنه عم يسفر عن طاقة تعبه عطاء كتير كبير عم ياخده من الزمن، يعني عم يحصد، يعني عم يحصد، يعني بيقدم وبيرجع، أما إذا اجتمع نون بالاسم مع سين وفاء بالكنية صار نسف، تحولت طاقة سوف تأخذ وتعطي إلى طاقة نسف ما رح تاخد شي بالحياة، فلهيك انتبهوا كيف تسموا أسماء مناسبة للكنية، مو تسموا كيف ما كان وعشوائي، لا، نسمي أسماء يكون فيها أحرف مناسبة للكنية يا أصدقائي، ما بصير نسرين وسوف لأنه بتعاني بين النون باسمها والسين والفاء باسم وسوف، تصبح نسف بحياتها مدى الحياة.

تمام، هي المعلومة أصدقائي إن شاء الله تكون خير على الجميع يا رب، هون بدي أعطي أنا هلا قاعدة جديدة بعلم الأسماء.

الكل موجود معي شباب وصبايا؟ شباب وصبايا بدي الكل يكون موجود معي إذا بتريدوا، ما بدي حدا ما يكون موجود معي، بدي أعطي هلا قاعدة مهمة كتير بعلم الأسماء.

احذروا، اسمعوني.

أعطوني أسماءكم أصدقائي، أعطيني أسماءكم كمان بلكي باخد من هذا البث، بلكي هلا أنا وعالبث باخد شوي من أسماءكم كمان.

تكرمي، هلا رح آخده لاسمك لينا، مدام هبة احكي لي عن برجي واسمي أنا الأسد متابعتك من الشام، 10/8/98، تكرم عيونك يا لينا، على فكرة يا لينا أنت وش السعد، يا الله ما أجمل سماكي، يا الله ما أجمل أرقامك، أنت أسد، وهلا في فترة جايتك حلوة كتير، آخ لو أنه خد الألف والسين من بيتك يعطيك ألين، يقلب هالالف الأخير يحطه بأول اسمك يا لينا ويصير ألين، بتعيشي ملكة بحياتك، بتعيشي ملكة يا ألين، يا لينا أنت وش السعد اللي على عائلتك.

احذروا يا أصدقائي، احذروا الحروف التي تسقط تحت السطر، أهم قاعدة على الإطلاق في علم الأسماء، احذروا الحروف التي تسقط تحت السطر، وخاصة في منهل، وخاصة في منهل، منهل لا ينهد، منهل لا ينهد، كتير انتبهوا من الحروف التي تسقط تحت السطر، هي طاقة فراق إما للحبيب وإما للرزق، يعني باسم منهل الهاء عنده تحت السطر، باسم مرح.