Speaker A
ترى كلامك حتى لو انه مهم لكنه كثير ترى الناس ما راح يتفاعلون معه.
Full Transcript — Download SRT & Markdown
Speaker A
حتى لو انه مهم وجميل بس كثير الناس ما راح يتفاعلون معه ابدا.
Speaker A
يعني ولذلك دائما يقولون اذا وعظت فاوجز فان الكلام ينسي بعضه بعضا.
Speaker B
تعيدها مرة ثانية دكتور؟
Speaker A
ايه قيل اذا وعظت فاوجز يعني اذا وعظت مو لازم ان الموعظة موعظة دينية.
Speaker A
حتى نصيحة انت انت محمد بتروح تنصح واحد من اصدقائك.
Speaker A
لا تكثر الكلام لا تقول والله هذا صديقي وغالي علي ولازم اني اقعد اتكلم ساعة لا انت كذا فقدته.
Speaker A
والنصيحة فقدت قيمتها.
Speaker A
كلما كان الكلام اقل صار ادل.
Speaker A
وكلما كان الكلام عدد عدد كلماته اقل صارت له قيمة اعلى.
Speaker B
متى اي تفضل بس كنت بسال اذا في تفسير لهالموضوع يعني.
Speaker A
الناس بطبيعتهم الشيء القليل تراه غالي عندهم.
Speaker A
مو الحين تروح محل يقول لك هذه اخر قطعة؟
Speaker A
يمكن الدرج مليان بس هذه اسلوب تسويق.
Speaker A
انه ترى يعني يا تلحق يا ما تلحق.
Speaker A
فالناس بطبيعتهم القليل تلقاه غالي عندهم.
Speaker A
ولذلك بعض المطاعم يطبقون هذه السياسة.
Speaker A
يقول ما تجي الا بحجز.
Speaker A
ايش معناتها؟ معناتها ان احنا ترى مو على كيفك كل ما بغيتنا تلقانا.
Speaker A
سياسة سياسة تسويقية يعني.
Speaker A
فلذلك الكلام كلما قل زاد تاثيره.
Speaker A
وكلما زاد قل تاثيره.
Speaker A
قاعدة في الكلام.
Speaker A
ويعني من الطرائف اللي اذكرها في التاريخ في واحد اسمه ربيعة.
Speaker A
كان يحب يحب يتصدر المجالس ويتكلم.
Speaker A
وكان ربيعة هذا كلامه ممل.
Speaker A
ويطول.
Speaker A
فجاء مرة في مجلس من المجالس بس اللي قاله واحد اعرابي ادبه ذاك اليوم.
Speaker A
فقعد ملوا الناس منه متى يخلص هذا.
Speaker A
ملوا.
Speaker A
خلص كلامه وجاء والمهم وفي المجلس فشاف واحد اعرابي.
Speaker A
وهو يدور احد الاعراب هذول اللي لغتهم فصيحة.
Speaker A
فيبغى الاعرابي هذا يمدحه.
Speaker A
قال له يا فلان ما تعدون البلاغة فيكم.
Speaker A
يبغى يقول له مثلك.
Speaker A
يبغى يقول زيك يا ربيعة.
Speaker A
قال ما تعدون البلاغة فيكم.
Speaker A
قال البلاغة هي قلة الكلام.
Speaker A
ما عجبته الاجابة.
Speaker A
قال طيب ما تعدون العي فيكم العي هي عدم الفصاحة.
Speaker A
عدم القدرة على الكلام.
Speaker A
قال ما تعدون العي فيكم قال ما انت فيه منذ اليوم.
Speaker A
مو انت قاعد اشغلت روسنا اليوم نفخت روسنا بكلامك الفارغ هذا.
Speaker A
ما انت فيه منذ اليوم هذا هو هذا هو عدم البلاغة.
Speaker A
ولذلك العرب لما عرفوا البلاغة قالوا البلاغة الايجاز.
Speaker B
الايجاز.
Speaker A
الايجاز يعني كيف انك تستطيع ان تعبر.
Speaker A
ومما يروى في هذا الكلام ان خالد بن صفوان.
Speaker A
مرة كان في مجلس وخالد بن صفوان من المتحدثين من البلغاء.
Speaker A
جاء واحد مثل ربيعة اللي قبل شوي بربرة.
Speaker A
خلص كلامه ذا جاء خالد بن صفوان.
Speaker A
قال يا فلان ان البلاغة ليست بكثرة الكلام.
Speaker A
ولا بخفة اللسان.
Speaker A
ولا بكثرة الهذيان.
Speaker A
انما البلاغة اصابة المعنى باوجز عبارة.
Speaker B
اصابة المعنى.
Speaker A
باوجز عبارة.
Speaker A
انا اقدر اصيب المعنى لكن عبارة طويلة هذه ما هي بلاغة.
Speaker A
هذه ما هي بلاغة.
Speaker A
بل ان كثرة الكلام سبحان الله تفقد المهابة.
Speaker A
ترى شفت الانسان اللي يتكلم كثير ترى سبحان الله ما له.
Speaker A
ومما يروى من من من الشعراء من الابيات الشعرية المعبرة الشاعر ايش يقول؟
Speaker A
يقول اما ترى الاسد جمع اسد اما ترى الاسد تخشى وهي صامتة والكلب يخزى لعمر الله نباح.
Speaker A
يعني الله يكرمك ويكرم السامعين يعني الكلب اكثر منه نباحه.
Speaker A
لكن تخاف منه ولا تخاف من الاسد؟
Speaker A
الاسد ما قليل تسمع صوته.
Speaker A
لكن اذا شفته ارتعبت.
Speaker A
مثل.
Speaker A
خلني اقرب لك وشلون انه الكلام شوي مؤثر.
Speaker A
لنفرض انه في ولد مراهق.
Speaker A
عمره 17 سنة مثلا.
Speaker A
متعب ابوه بكثرة السهر برا البيت.
Speaker A
ودايم ابوه يا ولدي ويا ولدي وما يصلح ولازم وكذا.
Speaker A
جاء الولد للبيت نفس الشيء متاخر ومطنش ولا هم شيء.
Speaker A
لقى ابوه جالس يستناه.
Speaker A
لما دخل طبعا الولد ما كان داري ان ابوه جالس في الصالة قاعد يستناه.
Speaker A
ما دخل زي عادته.
Speaker A
دخل فتح الباب ودخل لقى ابوه قدامه.
Speaker A
ابوه كان جالس على الكرسي.
Speaker A
لما دخل الولد قام ابوه من الكرسي.
Speaker A
وحط عينه في عين الولد.
Speaker A
قال دواك عندي.
Speaker A
ومشى وطلع وصعد فوق ونام.
Speaker B
كلمتين.
Speaker A
طيب.
Speaker A
في اب ثاني يعاني نفس المعاناة مع ابنه اللي عمره 17 سنة.
Speaker A
نفس المعاناة.
Speaker A
ودخل الابن للبيت ولقى ابوه في الصالة وكان جالس ويوم دخل الولد قام الابو.
Speaker A
ما شاء الله توك تجي ها توك تجي الساعة كم الحين؟
Speaker A
الساعة 12.
Speaker A
مو قايل لك انا الساعة 10 اخر.
Speaker A
وبعدين معك انت.
Speaker A
تبغى تموتني قل لي تبغى تموتني تموت امك.
Speaker A
خليك صريح.
Speaker A
الى الى الى هالدرجة هالعقوق عندك.
Speaker A
يعني ما لنا قيمة عندك.
Speaker A
والله انت تاخرت مرة ثانية والله العظيم لي معك حساب ثاني انا بوريك.
Speaker A
وراح ينام.
Speaker A
اسالك بالله يا محمد اي الابوين شق قلب ولده؟
Speaker B
ابو الولد اللي قال له دوا هذا.
Speaker A
راعي الدوا هذا.
Speaker A
اي والله.
Speaker A
فعلا الاول.
Speaker A
مع انه ترى كلمتين.
Speaker A
قال دواك عندي.
Speaker A
بس ما قال.
Speaker A
هذاك الثاني اعطاه محاضرة.
Speaker A
فالكلام الكثير ترى ما له قيمة.
Speaker A
الكلام الكثير يضعف المحتوى.
Speaker A
وكلما كان الكلام قليلا صار تاثيره صارت تاثيره اعلى.
Speaker A
فهذه طبعا احنا لازم احنا نفرق بين كثرة الكلام وبين وبين قلة الكلام.
Speaker A
العجيب.
Speaker A
ان الطب النفسي درس موضوع الثرثرة هذه.
Speaker A
الثرثرة اللي قال عنها النبي صلى الله عليه وسلم قال ابعدكم مني مجلسا يوم القيامة الثرثارون.
Speaker A
المتفيهقون وكذا.
Speaker A
فا اصلا الثرثرة شيء غير ممدوح.
Speaker A
يعني النبي صلى الله عليه وسلم اوتي جوامع الكلم.
Speaker A
تدري الرسول صلى الله عليه وسلم كان يروى عن احد الصحابة يقال انه اذا جلس في مجلس.
Speaker A
لو اردت ان تعد كلماته تقدر تعدها.
Speaker A
ولذلك حفظ الناس كلامه.
Speaker A
لكن مو مو من الناس اللي اللي عنده فيضان في الكلام.
Speaker A
الطب النفسي درس موضوع الثرثرة.
Speaker A
العجيب انه صنفها مرضا نفسيا.
Speaker A
وان له علاقة باعتلال الشخصية وظروف النشا الاولى.
Speaker A
ولذلك في بعض الناس عندهم مشكلة الرغبة في احتكار المجالس.
Speaker A
يبغى هو اللي يتكلم.
Speaker A
ما يبغى يتكلم غيره يبغى الصوت الطاغي في المجلس هو صوته.
Speaker A
في ترى ترى في بعض النماذج البشرية عندهم هذا الموضوع.
Speaker A
هذول لو تاملت فيه ودرسته نفسيا لقيت عنده اعتلال نفسي.
Speaker A
لقيت عنده مشكلة نفسية اللي تخليه لا يتكلم الا انا.
Speaker A
وانا صاحب الصوت الاعلى واذا وسبحان الله.
Speaker A
هذول الناس الفئة ذي اذا تكلم غيرهم تلقاهم ما يستمعون.
Speaker A
ما يستمعون له يلتفت.
Speaker A
يطلع ربما الهاتف ويقعد يقلب في الهاتف ما ما يبغى يستمع له.
Speaker A
طبيعة فيهم فهذه طبعا هذه يعني اذا عرفنا انها مرض نفسي.
Speaker A
هذه يعني يعني مشكلة حقيقة يعني.
Speaker A
فيعني ان شاء الله يا رب ان الله يبعدنا واياك ان شاء الله عن موضوع الثرثرة.
Speaker A
ويجعلنا من صناع الكلام الناس اللي يعرفون كيف يصيغون العبارة.
Speaker A
بطريقة عميقة ومختصرة.
Speaker A
اهم شيء انها تكون.
Speaker B
مختصرة.
Speaker A
عجيب.
Speaker B
عجيب.
Speaker B
تعرف الشخص دكتور من من لسانه؟
Speaker B
من طريقة كلامه؟
Speaker A
لا شك.
Speaker A
خلني اختصرها عليك.
Speaker A
الانسان من كلماته تعرف مستوى اخلاقه.
Speaker A
بل مستوى تدينه.
Speaker A
ومستوى تعليمه حتى لو انت اول مرة تشوفه في حياتك.
Speaker A
ولذلك اللسان خطير ترى ترى اللسان يعطي تقرير عنك.
Speaker A
تقرير يعطي تقرير كامل عن محمد تسمعه يتكلم اول مرة اشوف محمد انا ما اعرف محمد اول مرة اشوفه.
Speaker A
جلست معه من الحوار من الكلمات اللي اسمعها منك اقدر اصنفك مستوى اخلاقي.
Speaker A
تدين قيم تعليم ثقافة كلام من كلماتك اللي اسمعها منك.
Speaker B
الله يستر انا تكلمت وايد بالسيارة.
Speaker A
بس.
Speaker A
الحين فهمت ليش.
Speaker A
لا.
Speaker A
التقرير جاهز ترى.
Speaker A
تبغى نقول.
Speaker B
الحين حلقة على طول.
Speaker A
الله يبارك فيك.
Speaker A
لو فرضنا اني انا وانت الحين قاعدين في مقهى.
Speaker A
جو ناس وجلسوا وراك.
Speaker A
انت ما شفتهم.
Speaker A
انت ما شفتهم جو انت جيت وجلس طاولتك كانت فاضية.
Speaker A
جو وجلسوا عليها وبداوا يتكلمون.
Speaker A
انت ما شفتهم.
Speaker A
انت بس تسمع كلامهم.
Speaker A
تقدر من كلامهم تصنف هم الوظيفة وش هي التعليم وش هو التدين وش هو الاخلاق وش هي الثقافة ايش؟
Speaker A
تقدر تحدد كل من.
Speaker A
لذلك الكلمات تراها خطيرة جدا.
Speaker A
خطيرة خطيرة خطيرة يعني جدا.
Speaker A
انها تعطي تقرير كامل عنك ولذلك.
Speaker A
اعرف ان كلماتك هي عنوانك وبها يعرفك الناس.
Speaker A
ويصنفونك.
Speaker A
يعني من القصص المعبرة عن هذا الموضوع وانه اللسان فعلا يعني يعني مشكلة كبيرة.
Speaker A
واحد من عيال عمي كان عنده مبنى كبير.
Speaker A
عارضه للايجار.
Speaker A
للايجار بالكامل يعني.
Speaker A
يبغى مستاجر ياخذ ياخذ المبنى كامل.
Speaker A
فجاء واحد كان مقدم قيمة عالية جدا.
Speaker A
ففكر قال الانسان هذا والله اعلى قيمة خلاص خليه يجي واشوفه.
Speaker A
يقول لي ولد عمي يقول دخلت انا وياه في المبنى.
Speaker A
عشان يشوفه.
Speaker A
مبنى جديد.
Speaker A
في اثناء تجولنا في داخل المبنى رن الهاتف.
Speaker A
عند مين؟
Speaker A
عند المستاجر هذا اللي جاي اللي جاي يبغى يستاجر.
Speaker A
رن هاتفه.
Speaker A
شاف التليفون ارتفعت على ولد عمي هذا اللي معه في العمارة المالك.
Speaker A
قال لي بعد اذنك شوي.
Speaker A
فراح في في الغرفة الثانية يعني.
Speaker A
بس تعرف عمارة بلاط يعني.
Speaker A
صدى وصوت وكذا.
Speaker A
ايش اسمع يقول؟
Speaker A
قال اه اه وش قال؟
Speaker A
ايه يقول.
Speaker A
شف.
Speaker A
قل للمالك.
Speaker A
قل للمالك ترى انا الحين المستاجر والعقد باسمي.
Speaker A
طول ما العقد باسمي ترى انا المالك المالك هذا لو كلمك مرة ثانية قل له انت على جزمتي.
Speaker A
الله يكرمك ويكرم السامعين.
Speaker A
ولد عمي قاعد يسمع ذا الكلام.
Speaker A
فجاه الرجال مرة ثانية مبتسم اي معليش ايوه وش تقول؟
Speaker A
المبنى ما ادري وش هو.
Speaker A
طبعا قفل الموضوع ومشى هو وياه برا.
Speaker A
قال له انا معليش انا جاني ظرف الحين ولازم اني امشي وطلع ولا عاد رد عليه.
Speaker A
واجر المبنى بسعر اقل ب 10% من العرض اللي مقدمه هذا.
Speaker B
بسبب لسانه.
Speaker A
بسبب اللسان.
Speaker A
وش هالكلمة ذي؟
Speaker A
شوف افقدتك صفقة كاملة.
Speaker A
بسبب انك كيف انك تقول كلمة ممكن انها يعني تحوس.
Speaker A
فالكلمات انا اقول لك تراها يعني خطيرة وهي طبعا يعني مؤثرة يعني جدا.
Speaker A
شوف بعض الناس.
Speaker A
بعض الناس اخوي محمد يدخل في مجلس فيه.
Speaker A
فئات مختلفة جنسيات مختلفة الوان مختلفة.
Speaker A
طبقات اجتماعية مختلفة انتماءات مناطقية مختلفة.
Speaker A
فما يراعي هذا التفاوت في المجلس فيقول كلمة يجرح فيها احد وهو ما يدري.
Speaker A
يعني هو ما قصد لكن انت قبل لا تتكلم.
Speaker A
خصوصا في المجالس الكبيرة يا اخي حط في بالك لا تسيء الى جنسية.
Speaker A
وفيها واحد من الجنسية.
Speaker A
لا تسيء الى وظيفة معينة.
Speaker A
او الى قبيلة معينة.
Speaker A
او الى منطقة معينة.
Speaker A
لا تسيء.
Speaker A
الله يا اخي اهل المنطقة هذول كلهم كذا.
Speaker A
الجنسية ذي كلهم كذا.
Speaker A
لا لا ما ما يصح هذا.
Speaker A
انت فكر فيما تقول قبل ان تقوله.
Speaker A
حتى ما تقع يعني في مطب.
Speaker A
مثل المطب اللي وقع فيه قارئ عند الخليفة المامون.
Speaker A
ما وفق مسكين.
Speaker A
الخليفة المامون مرة جالس في مجلسه.
Speaker A
فما ادري رياح الدين هابة على الخليفة المامون.
Speaker A
فقال نبغى واحد يقرا علينا قران فواحد من الحضور قال انا عندي.
Speaker A
انا ممكن اني اقرا يا امير المؤمنين وانا تلاوتي زينة.
Speaker A
قال يلا تفضل.
Speaker A
فجاء وبدا يقرا.
Speaker A
القران فيه يعني 114 سورة.
Speaker A
هذا طرحه الله في هالسورة وفي هالآية.
Speaker A
فقرا من ضمن الآيات قال فطوعت له نفسه قتل اخيه فقتله.
Speaker A
الخليفة المامون قاتل اخيه.
Speaker A
الخليفة المامون قتل اخاه الامين.
Speaker A
فطبعا كانت يعني الآية آية قرآنية وكريمة لكن مو بهذا مكانها.
Speaker A
مو هذا مكانها انك فطوعت له نفسه.
Speaker A
يعني يعني كلمة قوية حقيقة كانت.
Speaker A
فطبعا غضب منه طبعا يعني فهمها انها تعريض به.
Speaker A
انها تعريض به.
Speaker A
فيعني غضب منه يعني غضب شديد وعاقبه عقاب عقاب شديد.
Speaker A
لعلي يعني اختم الحديث في ذا المحور بان بعض الناس.
Speaker A
نيته طيبة.
Speaker A
وافعاله طيبة.
Speaker A
ومواقفه مع الناس طيبة.
Speaker A
لكنه يفسد كل شيء بكلماته.
Speaker A
لو انا وانت نمشي في الطريق.
Speaker A
فلقينا واحد فقير.
Speaker A
يقول الله يخليك عطني ساعدني.
Speaker A
جيت انا وعطيته 100 ريال.
Speaker A
10 دينار.
Speaker A
مبلغ يعني.
Speaker A
وش قلت له؟
Speaker A
قلت خذ خذ ما تستحي على وجهك انت.
Speaker A
تقعد طول عمرك شحاذ انت.
Speaker A
طول عمرك بتقعد شحاذ انت ما تستحي انت.
Speaker A
يا اخي انا ادور لك شغل روح دور لك شيء.
Speaker A
والله يا اخي ما تستحي انت.
Speaker A
وانا معطيه هذا المبلغ.
Speaker A
انت يا محمد اعطيته.
Speaker A
10 ريال.
Speaker A
ولا اعطيت دينار واحد.
Speaker A
قلت الله يا رب يغنيك عن سؤال الناس.
Speaker A
ويوسع لك ويحفظك.
Speaker A
تدري انك اغلى عند الله مني؟
Speaker A
تدري ان المبلغ البسيط اللي انت دفعته اعلى اجرا من المبلغ اللي انا دافعه.
Speaker A
قول معروف اللي هو المبلغ البسيط حقك.
Speaker A
قول معروف ومغفرة خير من صدقة يتبعها اذى.
Speaker A
انا اعطيته.
Speaker A
ولكني اذيته.
Speaker A
يا ايها الذين امنوا لا تبطلوا صدقاتكم بالمن والاذى.
Speaker A
حتى اذا انتقلنا الى الجانب الاجتماعي في داخل البيوت.
Speaker A
العلاقة بين الزوجين.
Speaker A
تلقى احيانا بعض الازواج الله يوفقه.
Speaker A
طيب مع المدام.
Speaker A
كل اسبوع مرة مرتين طالع وياها مطعم طالع وياها مقهى.
Speaker A
كل سنة مثلا يسافر معها مرة مرتين او اكثر او كذا.
Speaker A
لكنه لسانه اجرب.
Speaker A
يجي يطلع معها في المطعم.
Speaker A
قال تدري انه ما في احد من اخوياي يروح بزوجته كل اسبوع الا انا.
Speaker A
يا ابن الحلال يا اخي مشها طيب.
Speaker A
يا اخي مشها خلاص يعني.
Speaker A
انت مسوي خير يا اخي لا تخربه.
Speaker A
الله الفاتورة بهال.
Speaker A
والله العظيم صراحة الطلعة خسرتنا والله واجد.
Speaker A
يا ابن الحلال خلاص مشت.
Speaker A
مشت يعني لا لا تبطلوا صدقاتكم بالمن والاذى.
Speaker A
شفت هذا ترى ما كنا سوى شيء.
Speaker A
ما كانه سوى شيء.
Speaker A
انت يعني على قد ما انك خصصت وقت وجهد ومال ومشاعر لزوجتك.
Speaker A
لانك ترى ما سويت شيء.
Speaker A
خربت كل شيء بلسانك.
Speaker A
وبالمقابل تلقى بعض الازواج والله مو بكل اسبوع يطلع معها.
Speaker A
يا يا جوده اذا طلع معها في الشهر مرة.
Speaker A
وسفر مهنا ذاك السفر والعطاء مهنا ذاك العطاء.
Speaker A
لكن تعال شوف كيف يتكلم معها.
Speaker A
اذا دقت عليه هلا يا قمر.
Speaker A
اذا كلمها عيوني وش اخبارك؟
Speaker A
كلمات تطيرها في.
Speaker A
اذا شافها لابسة قال.
Speaker A
الله صراحة ملكة جمال العالم انت.
Speaker A
شفت هالكلمات ذي ترى ما تخسر.
Speaker A
هذاك رايح دافع فاتورة في المطعم ذاك ودافع فلوس.
Speaker A
لكن زوجته ما تحبه.
Speaker A
بسبب ان اعماله الطيبة يفسدها بكلامه الخشن السيء.
Speaker A
فترا كلماتك تقدر تصنع فيها جنة في داخل بيتك.
Speaker B
ولا تكلفك شيء.
Speaker A
ولا تكلفك شيء.
Speaker A
بكلماتك الحسنة الطيبة.
Speaker A
فالكلام هذا هو حياتك يعني.
Speaker A
حياتك.
Speaker B
طيب انت تشبه الكلمة بالعملة دكتور.
Speaker A
ايش تقصد فيها؟
Speaker A
شوف هذه من من من الطرائف الجميلة صراحة انه ايش العلاقة بين الكلمة والعملة؟
Speaker A
في تشابهات كثيرة جدا بينها عجيبة.
Speaker A
اولا هناك رصيد لغوي وهناك رصيد بنكي.
Speaker A
تمام؟
Speaker A
يوصف الانسان اللي كلامه حلو يقولون يا اخي ما شاء الله ذا كلامه ذهب.
Speaker A
فالذهب ما زلت تدور في فلك العملة.
Speaker A
الكلمة والعملة ما لها قيمة الا في حالة التداول.
Speaker A
يعني انا الحين انا عندي انا ابغى اشرب مويه مثلا.
Speaker A
وعندي مثلا خادم.
Speaker A
كيف تتحقق حاجتي؟
Speaker A
اذا استخدمت الكلمة.
Speaker A
انا الحين عندي حاجة.
Speaker A
اني اشرب اشرب ماء.
Speaker A
فكيف تتحقق الحاجة ذي؟
Speaker A
لازم اني استخدم ايش؟
Speaker A
الكلمة.
Speaker A
اعطني ماء.
Speaker A
فكذا صارت الكلمة جابت فايدة.
Speaker A
العملة ما لها فايدة الا اذا حركتها.
Speaker A
يعني اذا انت حاطها في البنك ومبسوط عندي 10 مليون.
Speaker A
طيب وش الفايدة؟
Speaker A
يعني لها وجود في حياتك مترجمة في حياتك.
Speaker A
ما لها فايدة.
Speaker A
ولذلك يقول الشاعر يقول انت للمال الذي امسكته.
Speaker A
فاذا انفقته فالمال لك.
Speaker A
متى يصير المال لك؟
Speaker A
الفلوس متى تصير لك؟
Speaker A
اذا انفقتها.
Speaker A
وهي لك ترى انت اللي لها مش هي اللي لك.
Speaker A
انت اللي لها انت الاسير عندها.
Speaker A
لكن لما اروح شريت سيارة.
Speaker A
طلعت الفلوس من البنك وحطيتها في سيارة.
Speaker A
كذا صارت الفلوس لي.
Speaker A
لكن وهي في البنك انا اللي لها.
Speaker A
انت للمال الذي امسكته فاذا انفقته فالمال لك.
