Speaker A
وانا صغير كنت دايما بسمع قصة إبليس اللعين، بس الحقيقة هي أني عمري ما فهمتها أو دخلت دماغي جن من كتر ما هو كان عابد لله، اترفعت مكانته للملايكة، ولكن لما أمر ربنا أن هو يسجد لآدم رفض وعصى ربنا.
فيديو يناقش كيف يمكن للإنسان أن يظن نفسه إلهاً من خلال قصص دينية وتاريخية وتحليل نفسي وفلسفي.
Key Takeaways
- الكبر والغرور قد يدفعان الإنسان للاعتقاد بأنه إله أو فوق البشر.
- الكبرياء مذموم دينياً ونفسياً وله عواقب وخيمة على الفرد والمجتمع.
- قصص دينية وتاريخية كثيرة تحذر من الكبرياء وتظهر نتائجه السلبية.
- العلاج يكمن في التواضع ومحاسبة النفس والاعتراف بالنقص.
- الفهم العلمي والنفسي يساعد في تفسير أسباب الكبرياء وكيفية مواجهته.
What the video covers
- يتناول الفيديو قصة إبليس ورفضه السجود لآدم ودوافع كبريائه.
- يستعرض الفيديو شخصيات تاريخية ودينية مثل فرعون ونمرود وكومودوس وكيف أعلنوا ألوهيتهم.
- يشرح الفيديو مفهوم الكبر والغرور وأثره السلبي على الإنسان من خلال آيات قرآنية وحديث نبوي.
- يستعرض الفيديو مفهوم الهيوبرس عند الإغريق كنوع من الغرور الذي يجعل الإنسان يتصرف كأنه فوق الآلهة.
- يروي قصة إيكاروس كمثال على العاقبة الوخيمة للغرور والطموح الزائد.
- يتحدث عن ماركوس أوريليوس وفلسفته الرواقية في التواضع مقابل ابنه كومودوس الذي تحول إلى طاغية مغرور.
- يقدم تحليل نفسي من خلال نظرية ألفريد أدلر وعقدة النقص التي قد تدفع الإنسان لعبادة نفسه.
- يستخدم الفيديو قصصاً من التاريخ والأدب والفن لتوضيح كيف يظهر الكبرياء والغرور في حياة البشر.
- يؤكد الفيديو أن الكبرياء والغرور من أخطر الصفات التي يجب الحذر منها لأنها قد تؤدي إلى سقوط الإنسان.
- يهدف الفيديو إلى توعية المشاهدين بخطورة الكبرياء وكيفية التعرف عليها والتعامل معها.
Full Transcript — Download SRT & Markdown
Speaker A
وما اكتفاش بكده، إن هو تحدى الإله نفسه. الموضوع غريب جدا بالنسبة لي، وكنت دايما بسأل نفسي سؤال محيرني ومش فاهمه: إيه دافع إبليس اللي يخليه يعمل حاجة زي كده؟ يعني ده كائن شاف الجنة بعينه وعايش في النعيم، عارف ربنا معرفة مباشرة، مش مؤمن إيمان غيب.
Speaker A
زينا، فهنا بفهم أن القصة دي فيها حاجة أنا مش فاهمها. مع الوقت بدأت أسمع قصص دينية أكتر، ونفس السبب المش مفهوم بدأ أن هو يتكرر قدامي: فرعون كفر بالله وبدأ يحارب رسول مع كل معجزاته، وبيقول لهامان الوزير بتاعه: ابني لي صرح أطلع لرب موسى. وبعد كده
Speaker A
بيقول: أنا ربكم الأعلى، بيعلن نفسه إله. إيه يا ابني الأوفر اللي أنت فيه ده؟ حتى أنا لما عملت فيديو عن سيدنا موسى كنت بسأل نفسي نفس السؤال: إزاي إنسان زيي وزيك يعلن نفسه أنه إله على الأرض؟ هنا النمرود
Speaker A
برده هو كمان كان بيجادل سيدنا إبراهيم وبيقول له: أنا أحيي وأميت. كل دي شخصيات بتعمل أفعال غريبة وشنيعة، وأنا مش فاهم إيه الدافع بتاعها؟ لحد ما بدأت أكبر وواحدة واحدة أخد بالي من آيات في القرآن بتجاوب على سؤالي وأنا مش عارف. في سورة
Speaker A
لقمان بنشوف سيدنا لقمان بينصح ابنه وبيدي له وصيته، وبيقول له: ولا تصعر خدك للناس ولا تمشي في الأرض مرحًا، إن الله لا يحب كل مختال فخور. إيه؟ استنى استنى، هل الكبر والغرور مرعب للدرجة دي؟ لدرجة أن سيدنا لقمان بيحطه جنب الشرك بالله في نصاحه لحد
Speaker A
ما بوصل لحديث الرسول صلى الله عليه وسلم: لا يدخل الجنة من كان في قلبه مثقال ذرة من كبر. يا الله، مثقال ذرة! يا جماعة يعني مش كبر كامل، مش غرور واضح، ذرة من كبر ما بيدخلش الجنة. ومش أنا بس اللي استغربت.
Speaker A
دلوقتي الصحابة نفسهم اتخذوا الحديث ده، واحد منهم بيسأل: يا رسول الله، راجل مننا بيحب أن هدومه تكون حلوة وجزمته تكون حلوة، هو ده كبر؟ فرد النبي صلى الله عليه وسلم بيقول: إن الله جميل يحب الجمال. الكبر بطر الحق وغمط الناس. يعني الكبر اللي بيتكلم
Speaker A
عنه الرسول مالوش دعوة خالص إنك تكون واثق من نفسك وتكون شياكة وأناقة والحاجات دي كلها مالها علاقة ببعض خالص. فهنا بيوضح لنا إن الكبر هو لما ترفض الحق لما يوصل لك، وإنك تبص للناس من فوق. واللي هنا بقى
Speaker A
بنِفهم كل حاجة. إحنا قدام حاجة تقريبًا كلنا كبشر بنقع فيها كل يوم. أخطر حاجة ممكن تحصل للإنسان، حتى المسيحيين نفسهم بيحذروا من نفس الشيء. عندهم حاجة اسمها الخطايا السبع، والأولى واحدة فيهم أخطر وأسوأ خطيئة، رقم واحد قبل الحسد وقبل الطمع وقبل
Speaker A
الشهوة نفسها هي الكبرياء. نفس فكرة الكبر والغرور. وأيوه، الموضوع مرعب للدرجة دي. أكتر حاجة سهلة إنك تقع فيها مهما كنت مين، حتى لو كنت أكبر رجل دين في العالم، أكبر حكيم في الأرض، سهل إنك تقع فيها. والحقيقة إن
Speaker A
إبليس لخصها كلها في سطر واحد: "أنا خير منهم". إحنا بنتكلم على الكبر والغرور، إزاي ممكن إنسان زي وزيك فعلا يحس إنه إله؟ النهارده إحنا جايين نجاوب على السؤال ده، لأن هو مش بعيد عننا، هو موجود جوانا كلنا
Speaker A
ومستني إنه يخرج أو بدأ إنه يخرج أساسًا، وإنت مش حاسس. خطير لدرجة إن الدين نفسه يحذر منه بالشكل ده. الإنسان يحب نفسه لدرجة الجنون، ويشوف نفسه فوق كل البشر، يقدس نفسه، وهو الصح وهو الغلط، متلزمه الإله.
Speaker A
وانا بشرح الموضوع دلوقتي هتبدأ تلاحظ قد إيه في ناس حواليك عندهم المتلازمة دي. مديرك في الشغل ممكن أب متحكم ومسيطر عليك، أو حتى الناس اللي شغالة في المصالح الحكومية دول 100% هم بالشكل ده. ولكن إحنا مش جايين نتكلم عن حاجات دينية 100%.
Speaker A
أنا هعمل زي ما بعمل هنا في القناة هنا كالعادة، هو إن أفضل طريقة عشان أوصل لك فكرة هي إن أحكي لك قصة حرفيًا كاتبها في الباي وفي اليوتيوب. فانا هحكي لك النهارده مش قصة واحدة، أربع قصص مختلفة لأربع مع
Speaker A
شخصيات مختلفة، كل واحدة فيهم ظهرت في رواية أو فيلم أو في قصة مختلفة. كلهم ناس عاديين جدا زينا كده، ولكن وصلوا في الآخر إن هم يعبدوا نفسهم. وإزاي ممكن إحنا نتعلم منهم ونفهمهم، لأن في الآخر كلهم مصيرهم بيكون أسوأ من الثاني، وهنحاول نحل الموضوع
Speaker A
بشكل علمي ونجيب كارل يونج نستضيفه هنا، وأدلر ويونيين كمان، وكلّه هيجي هنا. قبل ما أدخل في القصص لازم تعرف إن الموضوع ده مش جديد. غريق زمان كان عندهم كلمة مخصوصة للإنسان لما يفتكر نفسه إله اسمها هيوبرس، ومعناها بالنسبة لهم هو الغرور اللي بيوصل
Speaker A
الإنسان إنه يتخطى حدود كبشر. يبدأ الإنسان العادي يتصرف كأنه فوق الآلهة اللي هم بيعبدوها. وخلي بالك إن الموضوع ده مالوش علاقة إنك تكون واثق من نفسك. الهيوبرس إنك تنسى إنك أنت بشر. واليونانيين كانوا مقتنعين دي مش حاجة
Speaker A
وحشة، لا ده جريمة. جريمة العقاب عليها بيجي من السما نفسها، وسموا العقاب ده النمسس. وعشان تفهم قد إيه الفكرة دي مهمة جدا عندهم وبيتكلموا عنها كتير، بص على الأساطير بتاعتهم اللي هم كانوا مؤمنين بيها. عندهم أسطورة لشاب اسمه إيكاروس، أبو
Speaker A
الشاب ده عمل له جناحات من شمع وريش عشان يقدروا إن هم الاثنين يهربوا من جزيرة كانوا محبوسين فيها، ولكن قال له حاجة مهمة جدا: ما تطيرش عالي لأن الشمس هتدوب الشمعة. بس إيكاروس أول ما طار وحس بالقوة، حاسس إنه
Speaker A
هو مش بشري، طار أعلى وأعلى وأعلى لحد ما الشمس ذوبت الجناحات، وقع في البحر ومات. القصة دي الأغريق كانوا بيحكوها لأولادهم زي ما إحنا بنحكي حواديت قبل النوم وغيرها من القصص. ليه؟ عشان يزرعوا فيهم إن هم صغيرين، الوسطية أنت بني آدم وفي حدود
Speaker A
لكونك بني آدم. فكان بقى كل مسرحية وأنينية تراجيدية كانت تقريبًا على نفس الوصفة دي: بطل عظيم بيحقق إنجازات خارقة، النجاح بيدخل دماغه وبيفتكر نفسه فوق البشر، وبعديها بيقع من نفس الحتة اللي هو اتكبر فيها. القصص بتاعه اليونان دي اتكتبت من
Speaker A
2500 سنة، ولكن لغاية دلوقتي الفن كله تقريبًا بيمشي على نفس الوصفة دي، لأن التكنولوجيا بتتغير والزمن بيتغير، ولكن النفس البشرية هي كومدوس. إحنا دلوقتي في روما القديمة بيحكمها الإمبراطور ماركوس أوريليوس، واحد من أجمد الشخصيات عبر التاريخ. ده عمي ده ماركوس أوريليوس يا جماعة،
Speaker A
شخصية حقيقية كان إمبراطور وفي نفس الوقت فيلسوف، كتب كتاب اسمه ميديتايشنز (التأملات). ده أحسن كتاب تقراه في حياتك. الراجل ده كان جامد قوي يا جماعة. الكتاب بيتكلم في الفلسفة الرواقية، بيتكلم عن التواضع وإنك تحاسب نفسك. فتخيل معايا دلوقتي إن
Speaker A
نفس الإمبراطور اللي بيقول لك إنه كاتب لنفسه إن هو يكون متواضع ويحاسب نفسه على كل حاجة، بيخلف إمبراطور مجنون مغرور لدرجة ادعاء الألوهية. وهو ده بطل أول قصتنا كومودوس اللي ظهر في فيلم جلادياتور لريدلي سكوت، واحد من أعظم الأفلام في
Speaker A
التاريخ. في الفيلم هنا بيجيب لك ماركوسليوس إمبراطور روما خلاص كبر في السن والعظمة نشفت خلاص، فيبدأ إنه يجهز للشخص لا يحكم الإمبراطورية الرومانية من بعده. بيقابل ابنه كومودوس المجنون، ويقرب منه ويقول له: أنت جاهز إنك تقوم بواجبك
Speaker A
تجاه روما؟ كومودوس بيبص وعيونه محمرة من كتر التأثر، هو مبسوط جدا هيقول له: أيوه يا بابا. ولكن ماركوس هنا هيفاجئه ويقول له: أنت مش هتكون الإمبراطور من بعدي. طبعا الواد بيتصدم جدا ويقول له: مين الأحكم مني؟ اللي أنت عايزه يكون الإمبراطور؟ وليه هنا ماركوس
Speaker A
بيقرر يدي الحكم للقائد المخلص بتاعه ماكسيموس، ويقول له إنه هيظل يحكم لحد ما يلاقي شخص أكفأ منه، وكمان بيعلن هنا إنه يحول الإمبراطورية الرومانية لجمهورية من تاني، ويسلم السلطة للشعب فيصوتوا بقى الحاكم اللي هم عايزينه. واللي هنا كومودوس
Speaker A
بيعيط ويبدأ إنه ياكل شفايفه من الغضب. بعدها بيخفر أكشن من وشه ويرفع رأسه ويبدأ إنه يتكلم بصوت مكسور شويه، ويقول له: أنت كتبت لي قبل كده عن الفضائل الأربعة للإنسان: الحكمة، العدل، الثبات، وضبط النفس. لما أنا قرأت الكلام ده كنت عارف إن أنا
Speaker A
ما عنديش أي واحدة من دول، بس أنا عندي فضائل تانية يا بابا: الطموح، الحيلة، الشجاعة. أيوه ما عنديش شجاعة في المعارك، بس شجاعة عامة يعني، وأنا مخلص لعيلتي. ليك أنت بس، أنت عمرك ما شفتني. حتى أنا بحس إنك
Speaker A
أنت ما كنتش عايزني أكون ابنك. وبيعيط ويقول له: أنا طول عمري بدور على حاجة واحدة بس، إنك تكون فخور بيا، تحضني. بس هنا إحنا بقى بنبدأ نحس بالتعاطف ناحية كومودوس. جواه طفل، كل اللي هو عايزه هو بس حضن من
Speaker A
أبوه مش أكتر من كده. ماركوس أوريليوسنا بيدمع ويقول له: إن غلطتك كابن هي فشلي كأب، وبيحضن ابنه. لحظة درامية جميلة جدا. ولكن هنا كومودوس بيقرر إنه بيعيط يخنق أبوه لحد ما يموته. بيقتل أبوه قيصر روما، الإمبراطور الفيلسوف بحضن، وبيعلن نفسه إن
Speaker A
هو الإمبراطور، وبياخد العرش لأبوه. شافه إنه ما يستحقوش. وهنا بيتحول تماما ويبدأ إنه يكون عايز شعبه يعبده. هيتجنن تماما، بجد مش هزار. عشان نفهم إيه اللي هيحوله بالشكل ده هنستعين بواحد أعرفه، عرفه شخصيا يعني، صاحبي ألفريد أدلر، واحد من أعظم علماء
Speaker A
النفس في التاريخ. الراجل ده هو اللي هيجاوبنا: إيه اللي هيخلي كومودوس يبدأ إنه يعبد نفسه؟ الدكتور أدلر ده الأول اتولد وهو صغير مريض ضعيف جدا، عنده كساح، جسمه تعبان لدرجة إن الدكتور قال لأبوه إنه هيموت. في نفس الوقت كان عنده أخبر منه
Speaker A
متفوق قوي وناجح في كل حاجة. واللي هنا بنفهم إن أدلر هو نفسه حالة كومودوس: طفل ضعيف جدا عايش في ظل واحد متفوق عليه جدا، بيحس بالمقارنة كل يوم. ولكن الفرق هنا إن أدلر لما كبر بدأ إنه يدرس الموضوع،
Speaker A
واللي هنا بيطلع لنا بأشهر مصطلح نفسي هتسمعه في حياتك: عقدة النقص. أدلر بيقول لنا إن كل إنسان فينا، أنا وأنت وكل البشر، بنبدأ حياتنا بإحساس واحد: إحساس إن إحنا قليلين قوي، عندنا إحساس بالنقص، وده حرفيا منطقي جدا وطبيعي لو فكرت فيها. إنت أول ما
Speaker A
جيت الدنيا هنا كنت طفل صغير ضعيف مش عا...
Speaker A
وتتكلم وتذاكر وتكبر يعني احساسك بالنقص وانت صغير دي حاجه صحيه وجميله لكن هنا بتكون في مشكله كبيره لو شخص اتجرح وحس بالنقص شويتين ثلاثه اربعه خمس ست زياده يعني مثلا طفل دايما اهله بيقارنوه بكل الناس بص ابن عمك جاب كام وانت جبت كام
Speaker A
طفل دايما بيتهان قدام الناس بتنمروا عليه ابوه عمره ما قال له انا فخور بيك ولا مره في حياته هنا الاحساس الطبيعي بالنقص اللي عند كل الناس بيتحول عند الشخص دوت لجرح مفتوح الجرح ده سماه عقده النقص لما بيجي
Speaker A
لك الجرح دوت وتحس انك انت ناقص بتبدا من غير وعي منك انك تحاول تعوض النقص اللي عندك بس للاسف بيكون زياده قوي عن اللزوم اوفر كومبنسيشن انت بتبدا انك انت تدفن النقص اللي عندك وتبني فوقيه برج من انجازات جديده وقوه وسيطره فبتكون عايز
Speaker A
تبقى فوق البشر كلهم عايز تضمن ان ما حدش عمره هيشوف الجرح ده من ثاني قول لي هنا الف مبروك الحمد لله بتعوض نقصك دوت باوفر جدا لكن بيتحول النقص دوت الى حاجه اسمها عقده التفوق ان الانسان يقلب الاحساس اللي
Speaker A
عنده اللي كان نقص الى سبحان الله يعني العكس تماما ان يحس ان هو متفوق على كل الناس انا اعلى انا احسن من كل البشر هنا ادلر بيقول الجمله اللي هي مفتاح القصه اللي عندنا دلوقتي وكل القصه اللي جايه ان
Speaker A
الانسان اللي عنده عقده التفوق هو بس لابس قناع تحته عقده نقص كبيره جدا يعني اللي بتعالى عليك في الحياه العاديه هو مش شايف نفسه احسن منك بجد ده مرعوب من جواه ان هو اقل منك وبيغطي على الرعب دوت بصوت عالي
Speaker A
جواه حفره كبيره جدا من النقص ولكن بنى فوقيها برج كل ما الحفره بتكون اعمق كل ما البرج لازم يبقى اعلى واعلى واعلى عشان كده عمره ما بيشبع وعمره ما النقص اللي عنده بيكتمل نرجع بقى لكومدوس من ثاني هو
Speaker A
حاس من جواه وعارف ان هو ما يستحقش يكون الامبراطور وعارف ان ابوه كان معاه حق عارف ان هو مش كفاءه وان العرش مسروع وعشان كده هو اخطر نوع فيهم لان لو الانسان اخد مكان اكبر من حجمه بيفضل طول
Speaker A
عمره مرعوب من فكره ان حد يكتشفه فبيحتاج دايما ان هو يثبت باستمرار بان هو يستحق اللي هو فيه واللي هنا بنشوف هو بيعمل ايه في روما بيرجع العاب المصارعه اللي كانت موقوفه بتستمر شهور قدام كلها من خزينه الدوله عشان بس يسلي الناس مع ان الشعب مش
Speaker A
لا ياكل بس هو بيقف في البلكونه ويسمع الهتاف ومبسوط على الاخر مبسوط ان في حد اخيرا بيحبه عنده جوع للاعتراف مثير للشفقه الناس دي كلها بتسقف لي انا فيبدا ان هو يبني برج عالي جدا بالضبط على قد ما
Speaker A
الحفره بتاعته كانت عميقه جدا زي ما ادلر قال بس انا عايز عايز اقول لك دلوقتي ان اللي حصل في الفيلم هنا هو ما حصلش في الحقيقه لان الحقيقه كانت اسوا بكثير من اللي هو بيعمله هو ما قتلش ابوه غالبا
Speaker A
يعني بس بعد ما مسك الحكم الراجل اعلن رسميا ان هو مش انسان عادي قال حرفيا ان هو تجسيد حي الاله هرقل وبقى يلبس جلد اسد وصل بيه الحال ان هو يغير اسم روما ويسميها على اسمه غير اسامي شهور السنه يا
Speaker A
جماعه خلاها كلها القاب ليه هو كل حاجه في البلد بتتسمى على اسمه عنده عقده نقص كبيره جدا مدينه عمرها 1000 سنه امبراطوريه بتحكم العالم الواد قرر انها كلها تتسمى عليه هو كمان نزل بنفسه ان هو يحارب في حلبه المصارعه قدام قدام
Speaker A
الجماهير الامبراطور بنفسه بيصارع طبعا كل المعارك كانت متظبطه من قبليها ولكن بس عشان ياخد جرعه العباده من الناس من قريب فلما بنا برج عالي جدا على عقده النقص اللي عنده وخد كفايته صدق بعديها بجد من ان هو اعلى من الناس وادعى الالوهيه
Speaker A
الغريب في الموضوع هنا ان الرومان نفسهم كانوا عارفين العقده دي كويس ازاي ان الانسان ممكن يتكبر لحد ما يوصل ان هو يعلن نفسه اله فكان عندهم علاج للموضوع دوت بيتقال ان القائد الروماني المنتصر لما كان بيرجع روما بيرجع طبعا بموكب نصر
Speaker A
جبار وعظيم والشعب كله بيهتف باسمه وكان بيتعام عامل كانه مقدس وقتها فكانوا بيحطوا عبد واقف وراه في العربيه شغلته الوحيده ان هو يفضل يهمس في ودنه يقول له افتكر انك هتموت افتكر انك انت انسان وفي الاخر مصيره بيكون سيء في الفيلم بينزل
Speaker A
الحلبه يواجه ماكسيموس قدام روما كلها بعد ما طعنه غدر قبل الماتش عشان يضمن ان هو يكسب وبرده بيخسر وبيموت في الرمله والجمهور بيبطل ان هو يهتف له اما في التاريخ الحقيقي اتقتل في حمامه على ايد مصارع ومجلس الشيوخ بعديها بيعلن ان هو
Speaker A
عدو للدوله وبيمسح اسمه من كل حته الراجل اللي سمى الدنيا كلها على اسمه اتمسح اسمه من التاريخ رسميا وقتها ننتقل قصه مختلفه تماما قصه خياليه ولكن بتشرح متلازمه ان الانسان يفتكر نفسه اله بطريقه افضل بكثير جدا قصه دي ثنود بنروح اليابان وبنشوف
Speaker A
طالب ثانويه اسمه ياجامي لايت بس ده مش طالب عادي الواد ده اذكى طالب في اليابان كلها وفي نفس الوقت مؤدب جدا وسيم ابن ظابط شرطه محترم يعني الواد 10 من ع ومش شرير خالص يعني مش فاشل زي كوميدوس وفي
Speaker A
نفس الوقت ما عندوش نفس الجرح اللي اتجرح بيه كومدوس برده بس هنا في يوم من الايام بيلاقي كراسه سودا واقعه من السماء مكتوب عليها دي ثنوت مذكره الموت الكراسه دي بتطلع ان هي كراسه سحريه بيعرف ان هو لو
Speaker A
كتب فيها اسم اي شخص في العالم الشخص دوت بيموت على طول بالسهوله دي هنا لايت اول ما بيجرب الموضوع بان هو شغال بيقرر ان هو يكون زي اي شاب محترم جال له قدره عظيمه زي ديت ان هو يبدا يطهر لعالم الاشرار
Speaker A
بيبدا بقى ان هو يكتب اسامي المجرمين القتل المغتصبين كل اشرار القانون ما قدرش عليهم لايت بيقتلهم كلهم على طول نواياه كلها الحمد لله كويسه العالم مليان شرور والقانون بطيء جدا وبيفشل ساعات بس هو دلوقتي معاه حاجه مختصره طبعا حاجه جميله
Speaker A
جدا وما شاء الله عليك يا ابني ربنا يحميك يا رب الحمد كلها المجرمين الوحشين ماتوا ولكن هنا هو بيدي لنفسه قدره مش بتاعته هو بيكون القاضي وبيكون حبل المشنقه فلو انت تقدر تقول مين يعيش ومين يموت هنا انت
Speaker A
معاك كانسان ضعيف قدره مش بتاعتك لان مع كل مجرم بيقتله حاجه جوه لايد تبدا ان هي تتغير في نفس الوقت طبعا بنوصل لاعظم اختراع في البشريه الانترنت الناس على الانترنت عرفوا ان في شخص بيقتل المجرمين فسموا الشخص دوت كيرا وبداوا ان هم يقدسوه
Speaker A
ويعبضوه حرفيا فهنا لايت كانسان ضعيف بدا الناس تقدسه هيعمل ايه هيصدق ان هو فعلا مقدس واللي ان هينضم معانا جدي كارل يونج مؤسس علم النفس التحليلي الدكتور كارلي يونج كان عنده مفهوم خطير جدا وغريب اسمه التضخم النفسي سايكيك انفليشن وخليني
Speaker A
اشرحه لك زي ما يونج نفسه كان بيشرحه بيقول لك ان انا وانت برده كلنا برده عندنا حاجه اسمها الاناك بنفسك انا حجمك الحقيقي كانسان بس في نفس الوقت في المجتمع بتاعنا حوالينا كده في صور لحاجات اكبر مننا زي مثلا في صوره للبطل صوره
Speaker A
المنقذ او صوره الحكيم او صوره الاله الصور دي كلها موجوده في اللا وعي بتاعنا كلنا نا كبشر مهما كنت انت جاي من اي مجتمع عشان كده سماها اللا وعي الجمعي يعني كلنا عندنا نفس الصور دي في ثقافتنا واحلامنا وحكاياتنا من اول البشريه
Speaker A
فالمفروض بقى الانسان مننا يبدا ان هو يتعامل مع الصور دي من بعيد بيبدا ان هو يتعلم منها وبس هنا الكارثه بتحصل لما الانا الصغيره تفتكر نفسها صوره من الصور ديت تلبس الشخصيات دي زي بالضبط كانك جبت بالونه وفضلت تنفخ فيها تنفخ فيها اتملت
Speaker A
هوا على الاخر وبتاخد مساحه وفاكره نفسها ان هي مهمه ولكن هي في الحقيقه فاضيه من جوه كلها هوا وده بالضبط اللي بيحصل مع لايت هنا الناس على الانترنت انترنت صانعوا صوره وسموها كيرا بداوا ان هم يقدسوه ويخلوه الاله اللي بينظف العالم بس
Speaker A
لحد هنا هي مجرد صوره اشاعه حاجه عبيطه على الانترنت حاجه الناس بتحكيها ما بين بعضيها بس لايت هنا بيقرر ان هو يلبسها وواحده واحده لايت اللي هو كان مجرد طالب شاطر مؤدب في المدرسه شخصيته بتختفي وبيقرر ان هو يكون كير الصوره اللي الناس
Speaker A
نفسهم عملوها له ويبدا بقى ان هو يعبط ويقول انا هبقى اله العالم الجديد بيقول كده حرفيا واحنا بنشوف البلونه بتتنفخ قدام عينينا ومن هنا القصه بتتحول بيظهر محقق اسمه ال بيحاول يمسك كيرا ده فبما ان خلاص كيرا صدق نفسه واعلن نفسه اله
Speaker A
فبيعتبر ان اي حد هيقف قدامه هيكون هو الشر وكيرا هو الخير فهنا بيبدا يقتل المحققين نفسهم بدا يقتل رجاله العداله اللي هو اساسا المفروض كان بيحارب عشان العداله نفسها فالقينا خلاص اصبح ان هو مستحيل يقول على نفسه ان هو غلطان لان
Speaker A
الاله ما بيغلطش واللي بنوصل لاخر القصه خالص بيموت مزلول بيسحف على الارض وبيصرخ ويترجى البلونه اللي هو عمال ينفخها طول القصه بتتشك في الاخر بدبوس وبتفرقع ولكن اللي بيخليني ان انا اجيب قصه كيرا هنا او لايت لان انا شايف ان ده مثال عظيم جدا
Speaker A
على كل المشاهير الموجودين ين على الانترنت هنا اي شخصيه بتطلع على النت وتقول ان هي صح وكل الناس غلط جمهور الشخصيات دي بيبدا ان هو يبني لهم صوره معينه غير شخصيتهم الحقيقيه خالص فالناس دي بيبداوا ان هم يصدقوها ويصدقوا فعلا ان
Speaker A
هم اعلى من الناس اعلى من العمه الاوباش العاديين دول ومستحيل يفكروا ان هم يغلطوا طب كومودوس كان امبراطور ولايت كان معاه كراسه سحريه ماذا لو وريتك شخص معهوش اي حاجه خالص شخص عادي جدا عادي لدرجه ان هو ممكن يكون انت معاه بس حاجه واحده في
Speaker A
دماغه وهتشوف ان الفكره دي لوحدها ممكن تعمل للكراسه السحريه والعرش ما عملهوش القصه دي هي قصه اعظم روايه اتكتبت في التاريخ بالنسبه لي ما فيش اي منافسه روايه الجريمه والعقاب لديو ستيف سكي بنروح لروسيا في القرن 19 في مدينه اسمها
Speaker A
سانت بتروسبورج بنشوف شاب طالب حق اسمه راس كولنيكوف طبعا انا مستحيل اعرف اقول اسمه ثاني صح فنسميه كوليكوف المهم ان كوليكوف دوت عبقري ووسيم ولكن بص على حالته عايش في اوضه ميته لدرجه انها تحسها ابر الواد لو وقف بطوله راسه بتخبط في
Speaker A
السقف دايما جعان مديون لصاحبه البيت هدومه مقطعه وحالته صعبه حالته كرب الاكثر بقى من كده ان هو اتفصل من الجامعه عشان مش معاه فلوس يدفع يعني عبق كري ومطحون لحد ما بنوصل ليوم من الايام الواد ده بيفكر في فكره هتغير كل حاجه بيكتب مقاله
Speaker A
المقاله دي بيقول فيها ان البشر بيتقسموا لنوعين النوع الاول هم الناس العاديين القطيع دول وظيفتهم ان هم يخلفوا ويعيشوا ويطيعوا القانون دول معظم الناس اللي هو انت يا عزيزي المشاهد انت منهم اما النوع الثاني الناس الاستثنائيين العظماء اللي
Speaker A
اتكتبوا في التاريخ زي مثلا نابليون هو بيقول ان الاستثنائيين دول من حقهم ان هم يتخطوا الاخلاق والقانون لو ده هيخدم هدف عظيم قدامهم يعني مثلا واحد زي نابليون قتل ملايين في حروبه بس هتلاقي ان التاريخ ما سماوش مجرم مسميينه انه قائد عسكري
Speaker A
عبقري ودي حقيقه هو عسكريا هو عبقري فعلا طب ليه نابليون لما يقتل يبقى عبقري ولما اي حد ثاني يقتل يبقى مجرم ده السؤال اللي حاول الولد دوت ان هو يساله واجابته كانت ان نابليون من النوع الاستثنائي القانون ده اتعمل للناس العاديه انتم القطيع واللي
Speaker A
هنا بيتدخل معانا الفيلسوف ابو شنب نيتشا نيتش كان عنده فكره شبهها مع ان هو جه بعد يوستيفسكي اكث جمله مشهوره عن نيتشا مات الاله ونحن من قتلناه يا ابن الكلب يا كافر يا مزندك انت بس الحقيقه قصدي نيتشا
Speaker A
بالجمله ديت هي ان اوروبا بعدت عن الدين المسيحيه وقتها بدات ان هي تفقد قيمتها يعني احنا حاليا بنشوف دلوقتي ان خلاص ما فيش دين بيحكم فعليا في اوروبا فهم كده كانهم قتلوا الاله اللي هم بيعبدوه فالسؤال هنا لو انت لغيت الدين فمنين انت
Speaker A
بتجيب الاخلاق مين هيقول لك ايه الصح وايه الغلط فهنا نيتشا بيقترح فكره اسمها الانسان الاعلى انسان بيخلق قيمه بنفسه بدل ما ياخدها جاهزه من القطيع وهنا كان ديوستفيسكي بيرد على نيتشا قبل ما حتى نيتشا يبدا ان هو يكتب كتبه فبيكون السؤال
Speaker A
في روايه ديوسفيسكي لو الانسان هو اللي بيعيد تحديد القيم دلوقتي ايه اللي يضمن ان اللي هو شايفه صح فعلا صح فراس كولينيكوف هو نسخه مشوهه من فكره فلسفيه امن بيها شاب جعان مكسور مطحون وممكن يكون واحد شبه الشاب دوت بيتفرج على الفيديو
Speaker A
دلوقتي واحد شبه الراس كونينكوف كده بيامن بفكره فلسفيه مغلوطه في دماغه وده بالضبط اللي يوسفيسك كان بيحذر منه فاحنا نشوف دلوقتي ازاي راس كولنيكوف بيسال نفسه السؤال اللي هيدمر حياته طب انا دلوقتي من انهي نوع انا عادي ولا استثنائي وعشان
Speaker A
يجاوب على السؤال دوت بيقرر يعمل تجربه في واحده ست بتسلف الناس فلوس مقابل فوائد كبيره جدا عجوزه شريره بتمص دم الفقره في الحي وبخيله جدا ما حدش ش بيحبها خالص فراس كولنيكوف بيبدا ان هو يفكر في فكره عبقريه الست دي وحشه وشريره وكل الناس
Speaker A
هتفرح لو ماتت وغنيه في نفس الوقت طب انا لو قتلتها وخدت فلوسها هعمل بيهم خير لعشرات العائلات الغلبانه يعني روح وحشه مقابل مئات الارواح هيتم انقاذها حسبه منطقيه جدا برنس يا عم راسن كوليكوف وبعدين في نفس الوقت هو مش بيقتلها
Speaker A
بالمعنى الحرفي للقتل هو دلوقتي يعني بيعمل تجربه علميه عشان يفهم نفسه بيتاكد هل هو من النوع الاستثنائي اللي من حقه يعدي فوق الاخلاق والقانون ولا هو شخص عادي بس ديستف فيسك هنا الكاتب بيعمل حاجه عبقريه القصص الثاني ما عملتهاش ايوه
Speaker A
بيجيب لك الجريمه وليه حصلت والكلام الفاضي ده كله ولكن بيجيب لك ايه اللي حصل في عقل الشاب دوت بعد ما عمل الجريمه قول لي هنا راسكولينيكوف بيروح فعلا وبيقتل العجوزه ولكن بالصدفه بتيجي اختها الصغيره الطيبه الغلبانه جدا يا عيني ست ما لهاش
Speaker A
اي ذنب في اي حاجه الناس كلها بتحبها ولكن بيضطر ان هو يقتلها هو كمان اول ضحيه بريئه وبيهرب واللي هنا خلصنا خلاص من الجريمه ويبدا بعد كده ديستفسكي في العقاب اللي هو معظم الروايه الشاب ده ادى لنفسه سلطه مش بتاعته ان هو ياخد ياخد ارواح ناس
Speaker A
عايشه ان هو يكرر مين يموت ومين من حقه ان هو يعيش وده بيخليه يا جماعه يعمل اكث رد فعل واقعي في الدنيا ان هو ينهار تماما انهيار كامل جسمه نفسه بيرفضه سخونيه هلاوس مرض اسابيع مرمي في السرير مش قادر
Speaker A
ياكل ومش قادر ينام مش قادر حتى يبص في عين امه واخته اللي بيحبهم كل خبط على الباب بيحس ان الشرطه جت خلاص حتى الفلوس الفلوس اللي هو قتل اثنين ستات عشانهم الفلوس دي كلها بيخبيها تحت حجر وما رجعلهاش ما صرفش منها جنيه واحد ولا حتى
Speaker A
كوبك واحد ليه بقى بيحصل له كده لان هو كانسان ادى لناس صفه زي ما قلت مش بايده ادى النفس صفه الهيه ان هو يميت مقابل هدف هو كانسان شايفه صح اكتشف ساعتها النظريه بتاعته اللي هو حطها ما كانتش صحيحه هو
Speaker A
افتكر في دماغه ان الاخلاق دي حاجه بره الانسان حاجه بس اجتماعيه مش حقيقيه ولكن هنا اكتشف ان هو غلطان كان محتاج يقعد مع سقراط اكتشف ان الاخلاق حاجه جواه مش قرار يقدر ان هو يلغيه وهنا اهم حاجه نفهمها ان
Speaker A
انت ممكن تقنع نفسك بانك انت فوق البشر بس مستحيل تقنع روحك نفسها لان روحك هتنهار في الاخر هنا حتى نابليون مع كل اعجابه بنفسه ولكن في الاخر مات وحيد في جزيره في وسط المحيط هنا احنا ذكرنا قصه قصه راس
Speaker A
كولينيكوف عشان هدف معين هنعرفه في اخر الفيديو ولكن ننتقل للشخصيه الاخيره اجيري هو اخر شخصيه معانا واكثر مستوى مجنون ممكن تشوفه شخصيه حقيقيه من فيلم اجير ذا راس اوف جاد الفيلم ده تصور بجد في غابات الامازون بممثلين عانوا بشكل فظيع فاحنا
Speaker A
دلوقتي في سنه 1560 اسبانيا في عز مجدها مسيطره على نص العالم تقريبا والاندلس للاسف سقطت وقتها ما بيكتفوش بقى بكل السيطره بتاعتهم بيبعتوا حمله في غابات الامازون في امريكا الجنوبيه عشان يدوروا على حاجه واحده الدورادو مدينه من الذهب
Speaker A
الحكايات بتتكلم عن المدينه دي ان هي مستخبيه في قلب الغابه اللي هنا مدينه كامله كل حاجه فيها ذهب طبعا المدينه دي نفسها في الحقيقه مش موجوده بس هم ما يعرفوش حاجه زي كده ف بيبدا بمشهد عظيم جدا ومهيب طابور طويل من الجنود والعبيد
Speaker A
نازلين من على جبل ضخم في وسط الضباب شايلين مدافع كراسي وستاب فستين ضخمه كل ده في وسط غابه كلها مطره طبعا غابات الامازون من اصعب واسوى الاماكن على الارض البيئه هناك غريبه وعايش فيها هنود حمر في منهم بياكل لحم البشر اللي هم اساسا
Speaker A
الاسبان مستعبدينهم زي ما انت شايف فهم اعداء بعض واللي هنا بيحصل الموضوع بالنسبه للحمله دي بيزيد سوءا بكثير.
Speaker A
الحمله كلها بتغرق في وسط الطينه والجوع بينهش في جسمهم فالقائد هنا بيقر يوقف الحمله ويبعت مجموعه صغيره تستكشف النهر لان المدينه تقريبا كده في اخر النهر ده بعد ما المجموعه الصغيره يستكشفوا يرجعوا يقولوا لهم لقوا ايه مجموعه من 40 راجل
Speaker A
بيركبوا على خشب حالته تعبانه مش مراكب حتى بيعين بقى قائد على المجموعه ونائب القائد اسمه اجيري واللي هنا من اول ما بنشوف اجيري احنا بنحس ان هو في حاجه غلط الراجل ده مش طبيعي بيمشي مايل كده وبيبص للناس بصه غريبه عجيبه يعني فيها حاجه
Speaker A
مولعه حاجه مش مظبوطه حتى الرجاله نفسهم اللي معاه بيتكلموا معاه بحذر مجموعه الصغيره بتبعد عن الحمله الام وبتروح في طريقها ولكن الجو بيكون اصعب واصعب الهنود بيصطادوهم وهم مش شايفينهم في وسط الغابه والجوع بيصيد عليهم والنهر بيكون صعب انك
Speaker A
تمشي فيه لحد ما بيتزنق حتى مجموعه منهم في حته ومش عارفين يخرجوا والهنود بيقتلوهم بالليل فينا القائد بيقرر ان المجموعه خلاص فشلت والنهر صعب جدا زياده عن اللزوم ولازم ان احنا نرجع واللي هنا بيتدخل شخص اجيري اجيري بيقول خطبه بيقنع
Speaker A
فيها الجنود ان هم لازم يتقدموا وان احنا هنكون اغنياء وملوك لو لقينا المدينه الاسطوريه دي بيكلموا عن المكسيك ان الشخص اللي اكتشفها برده هو كمان كان هيستسلم وجاله اوامر ان هو يرجع بس عصى الاوامر وقدر ان هو يحقق انجاز وبيكتشف المكسيك
Speaker A
وبيصبح غني وناجح القائد هنا بيتضايق من كلام اجيري لان هو عصى اوامره فبيامر جندي ان هو يروح يربطه واللي هنا بيضرب القائد بالنار واي حد بيدعم القائد بيقتله هو كمان بيحبس القائد واللي معاه في قفص وبيقف في وسطيهم ويقول لهم هل في حد ثاني
Speaker A
عايز يرجع كله بيتصدم وماحدش بيفتح بقه تمرد وعصى الاوامر وبيقرر ان هم لازم يكملوا لحد ما يكتشفوا المدينه اللي كلها ذهب الاغرب بقى من كده ان اجيري ده ما بيعلنش نفسه القائد هو بيعمل حاجه خبيثه جدا وعبقريه في نفس الوقت بيخلي واحد منهم
Speaker A
راجل مهزوز اسمه فرناندو بس برده ما بيخلوش القائد هو بينصبه ان هو هيكون الامبراطور على مدينه الدواردو المدينه اللي هم اساسا لسه ما لقوهاش يعني عمل امبراطور لمملكه مش موجوده كل ده بس عشان يحط في قلب الجنود ان هم خلاص قربوا
Speaker A
يلاقوا المدينه وفي نفس الوقت لو حصل حاجه فرناندو هو اللي هيتحاسب عليها مش اجيري الجنان بقى بيكمل معاه ان هو بيخلي الرجاله يكتبوا وثيقه رسميه يعلنوا فيها ان هم استقلوا خلاص عن مملكه اسبانيا لان هم دلوقتي عندهم مدينتهم ومملكتهم اللي هم
Speaker A
اساسا لسه ما لقوهاش وان هم كمان بيعزنوا الملك فيليب ثاني ملك اسبانيا وعشان تفهم قد ايه الحركه دي مجنونه ملك اسبانيا وقتها كان واحد من اقوى الحكام على الارض المسيحيين الكاثوليك كانوا بيشوفوه ان هو مختار من الرب يعني مثلا تخيل معايا واحد
Speaker A
في ترعه في البدرشين بيعزل بوتين رئيس روسيا كل دواجيري راجل معه 40 جندي جعانين على خشب في وسط نهر في غابات الامازون بيعزل الملك بتاعه وبيمهم نفسه ان هو خلاص المدينه الاسطوريه الذهبيه دي هيلاقيها وبيكمل في طريقه في النهر بيلاقي قريه من
Speaker A
كره الهنود الحمر وبيكتشف ان القريه دول بياكلوا لحوم البشر طبعا الرعب بيتزرع في قلوبهم ولسه بيكملوا في النهر بياخدهم جوه اكث واكث الهنود ما بيسيبهمش ويبداوا ان هم يصطادوا فيهم بالسهام من وسط الغابه وهم طبعا مش شايفينهم والاكل بيبدا ان هو
Speaker A
يخلص منهم الجنوب بتتعب وتمرض لحد ما بيصبح الامبراطور الوهمي دوت عبق عليهم لان هو بياكل كتير قوي فبيقتلوه هو كمان كل المعمعه دي كلها بيخلي ان الجنود يبدا ان هو يتزرع في قلوبهم الشك كل اللي بيعملوه دوت مالوش معنى لحد ما الايام
Speaker A
بتعدي وبيجي اللحظه اللي بينزل فيها الجنود على الارض اللي قاريه هنود حمر ثاني عشان يسرقوا منهم الاكل والجنود خلاص طفح الكايله بيهم ايام كثير عدت من الجوع والمرض والجنان كفايه كده واحد من الجنود بيهمس لصاحبه ان هو بالليل هيهرب من اجيري
Speaker A
ويرجع للحمله من اني بيقول ان هو افضل عنده ان الهنود تاكله بدل ما يكون هنا مع اجيري وليه بيسمعه اجيري نفسه بيبعت جندي يقطع دماغه قدامهم كلهم وليه بنوصل للخطبه اللي هتفضح جنان الشخص ده بيقول لهم انا الخاين الاعظم لو حد فيكم فكر ان هو يهرب
Speaker A
هقطعه 198 مره اي حد هياكل اكث من اللي انا اقوله او يشرب اكت ولو حتى بنقطه واحده من اللي انا اقوله هسجنه هنا للابد ويبدا ان هو يتكلم عن نفسه هو بضمير الغائب بيقول لو اجيري بص للطيور وامرها
Speaker A
ان هي تقع ميته من على الشجر هتقع ميته ويبص لنا احنا ويقول انا غضب الاله الارض اللي بمشي عليها بتشوفني بترتعش انا عارف الصح اللي هيتبعني لاخر النهر هيفوز بثروه عظيمه بس اللي هيهرب ويبص لهم هنا الجيري جمع كل حاجه جنون العظمه عباده نفسه
Speaker A
للدرجه اللي مش محتاجين نوضحها خلاص جمع مع كده كمان وهم لحاجات مش موجوده وزود على كل دوت هو الطمع وان هو كان مستني فرصه زي دي من زمان في نفس الوقت اللي حواليه كلهم ساكتين فده خلاه ان هو ياخد
Speaker A
فرصته لدرجه ان هو يقول ان هو غضب الاله وهو مجرد راجل جعان مش عارف يمشي مظبوط حتى واللي بنشوف بعد كده ازاي بيعدي بيوم شهور على النهر دوت والرجاله بتبدا ان هي تمر را يسخنوا ويهلوسوا ويشوفوا حاجات مش
Speaker A
موجوده حتى في منهم ما يقدرش ان هو يقف على رجليه والسهام بتاعه الهنود بتجي لهم من كل حته تقتلهم واحد ورا الثاني لدرجه ان الراجل في يوم بيتضرب بسهم وهو مش عارف هل ده حقيقه ولا ده هلوسه من دماغه من كتر
Speaker A
الرعب اللي هو عايش فيه وهو لسه كل دوت اجيري بيضربهم ويحاول يوقفهم ويقول لهم عن الذهب والثروه اللي مستنياهم حتى بنته اللي جايبها معاها من اول الفيلم بيحاول يحافظ عليها هتموت بسهم وهي في حضنه قدام عينيه وفي الاخر خالص بنشوف اجيري واقف
Speaker A
وحيد على خشبه كلها جثث ما علهاش الا قرود من غابه واقف هو والقرود وبيقول لنفسه ان هو هيعمل زي الملوك زمان هيتجوز بنته عشان يجيب انقص ولا في التاريخ وهنحكم القاره كلها ولسه بيقول انا غضب الاله والكاميرا ابتدا ان هي تلف حوالين المركب وهو واقف
Speaker A
في النص لوحده مثير للشفقه وده المستوى الاخير من الوهم لما يسطع الانسان ويحجب عينيه بالشكل بتاع اجيري ده الحقيقه ان القصه دي برده قصه حقيقيه بس المختلف عن الفيلم ان الحقيقه اسوا شويه لما رجالته بتبدا ان هي تمرض وتجوع بيحصل صراعات
Speaker A
ويبدا ان هو يقتل فيهم هو عشان اي حد يعارضه يكون مصيره الموت وبيكمل فعلا وبيخرج من الامازون خالص وبيوصل للبحر اللي فنزويلا حاليا وبيحتل جزيره هناك تبع الاسباب وبيكبر السكان الجزيره على ان هم يطيعوه وبيعلن نفسه ان هو مالك عليهم
Speaker A
وبيقتل كل المعرضين اللي هناك وفي الاخر لما الاسبان بيعرفوا بيبعتوا حمل عليه وبيحصروه ورجالته بيهربوا وبيسيبوه واللي هنا لما بيلاقي ان ما فيش امل للهروب بيقتل بنته بايده بيقول ان هو مش هيخلي حد يمسكها وليه بيتمسك في الاخر ويتقطع جسمه
Speaker A
ويوزعوه على المدن كرساله تحذير على التمرد دلوقتي بعد ما خلصنا الاربع قصص وحكينا التفاصيل بتاعتهم وفهمنا ان هم اربع شخصيات مختلفه كلهم وقفوا وقالوا ان هم الصح وعبدوا نفسهم فهنا بقى بنقف في الاخر ونبدا ان احنا نسال نفسينا ايه اللي
Speaker A
احنا اعلمناه منهم او ايه اللي انا عايز اقوله من الفيديو ده كله الحقيقه هي ان انا عايز اقول ان كل واحد فينا مهما كنت مين انت جواك واحد من الاربع شخصيات دول انت نفسك تعبد نفسك نفسك الناس تقدسك
Speaker A
وتقول اسمك تكون انت بس صح وكل الناس غلط ومش شرط تكون بالشكل اللي كان فيه اي شخصيه من الشخصيات دول انت ابسط منهم بكتير بس انت زيهم وانا كمان زيهم برده فخلينا نرجع للسؤال اللي فتحنا بيه الفيديو واللي قلت لك ان انا قعدت عمري
Speaker A
كله مش فاهمه ايه اللي يخلي بني ادم يعلن نفسه ان هو اله يعبد نفسه فرعون قال ما اريكم الا ما ارى وما اهديكم الا سبيل الرشاد بمعنى ان الراجل ده مصدق بجد مش هزار ان هو الصح هو شايف نفسه بجد بيحمي
Speaker A
مصر من واحد غريب جاي من الصحراء هيلب له البلد وعشان كده هو بيقول اني اخاف ان يبدل دينكم او ان يظهر في الارض الفساد فركز كده معايا هو مش بيقول ان سيدنا موسى مختلف معايا ولا هو مثلا معترض لا هو
Speaker A
بيقول ان هو فساد في الارض يعني فرعون شايف ان اللي بيعارضه هو فساد في الارض فيبدا ان هو يقول انا ليس ليه ملك مصر وبعديها ربنا بيعرفنا ان هو فاستخف قومه فقطعوه هو شايف قومه قليلين عن حضرته هو
Speaker A
وفي الاخر قال انا ربكم الاعلى النمرود هو كمان غريب جدا لما سيدنا ابراهيم قال له ربي الذي يحيي ويميت النمرود ما قالوش ما فيش ربنا ولا انا مش مصدق لا قال له انا احيي واميت بعدين جاب اثنين مساجين قتل
Speaker A
واحد وعاف عن الثاني وبص لسيدنا ابراهيم وقال له اهو انا احييت واحد وموت واحد يبقى انا اللي بحي واميت يعني النمرود هنا ما كانش بيهرب من منطق سيدنا ابراهيم هو كان بيحاول يثبت لنفسه هو الاول ان هو بيحي ويميت وده بالضبط اللي نحاول نقوله
Speaker A
فرعون والنمرود دول مش وحوش مش من كوكب ثاني بعيد عننا دول مش مجانين دول بشر بشر عندهم منطق ومبرات وناس بتصدقهم زينا بالظبط كل حاجه عملوها كانت في نظرهم منطقيه جدا ومصدقين نفسهم وعشان كده القصص دي كلها ربنا اختارها عشان يحكيها لنا
Speaker A
احنا مش عشان بقى نقف ونقول ربنا ينتقم منك يا عم فرعون ده كان راجل كافر ابن كلب لا هو المفروض نفهم ان كل واحد فينا جوانا مرود صغير فرعون صغير احنا بنحكي القصص ديت عشان نبص لنفسنا احنا ونتعلم منها
Speaker A
هتقول لي طب يا عبد الله انا غلبان وعلى الله والله انا ولا امبراطور ولا عندي كراسه سحريه من الكرتون اللي انت جبته دوت ولا حتى عايش في نهر الامازون انا ماعرفش غير امازون اللي بيبيع النت والحقيقه هي ان الكلام ده هو اخطر حاجه ممكن تقولها
Speaker A
لان خليني ارجع جدي تاني يرد عليك. يونج كان بيقول ان جوه كل انسان فينا حته احنا رافضين نبص لها. الحته دي فيها كل الحاجات اللي احنا مش عايزين نصدق ان هي فينا. زي الغيره مثلا الانانيه القسوه والرغبه في
Speaker A
ان احنا نتحكم في الناس. وسمى الحاجه دي هي الظل. فافهم الظل ده مش حاجه وحشه بمعنى ان هو مرض مثلا ولا حاجه. لا ده جزء مننا احنا. كلنا عندنا الحته ديت. نفسنا نتحكم في الناس كلهم يسمعوا كلامنا يعبدونا ونكون احسن منهم كلهم. فلو بصيت
Speaker A
على حياتك مثلا هتلاقي مدير ما بيسمعش حد وشايف نفسه صح دايما لان الشركه شغاله ببركات عرق حضرته والاب اللي متحكم في حياه ولاده تحكم كامل لان هو اللي رباهم هو اللي عارف مصلحتهم واللي في نفس الوقت واخد شويه علم في الدين او الدنيا وبقى
Speaker A
يتكلم مع الناس من فوق لتحت وناس ان العلم نفسه المفروض يزوده تواضع وبلاش نروح بعيد السوشيال ميديا نفسها واحد بيتكلم وعنده متابعين فيبدا ان هو يفت في كل حاجه ومهما تحاول تكلمه وتقول له ان كلامك غلط مستحيل يسمع لك او يرجع في كلامه لان عنده جمهور
Speaker A
بن له صوره معينه وهو لبس الصوره دي وحتى انا اللي قاعد بكلمك دلوقتي انا معرض للكلام الكلام دوت اكتر من اي حد بيتفرج وعشان كده الرسول صلى الله عليه وسلم قال قال مثقال ذره ما قالش جبل كامل لان هو
Speaker A
عارف ان هي عمرها ما بتيجي مره واحده هي ذره ورا ذره انا عارف بقى انك انت حاسس ان خلاص ايه هنكفر ولا ايه هنبدا ان احنا نعبد نفسنا يعني واحنا مش عارفين فيبدا يجي لي السؤال ازاي ما نتحولش لواحد من
Speaker A
دول ازاي ما نشوفش نفسنا فوق الصح والغلط ازاي ما نفضلش نبر نفسنا لحد ما نقدس نفسنا ما تقلقش اولا كده احنا الاول مسلمين وبنعبد ربنا والاسلام نفسه اساسا فكرته ان انت تسلم نفسك لاله اكبر منك واعلى منك واعظم واعلم منك في كل شيء
Speaker A
بنصلي له كل يوم خمس مرات مرات وبنسجد في الركعه الواحده مرتين بنسجد تذلل الله والدين مليان علاج للكلام دوت ولكن بيبقى ان انا مش رجل دين فاخد الموضوع الناحيه ثانيه قصه قصيره اخيره لعمك ماركوس اوريوليوس هو اللي هيحل المعضله بتاعتنا
Speaker A
بتاعه الفيديو دي كلها هو اللي هيعالجنا من كل الامراض النفسيه اللي عندنا هو اللي هيعالج الاربع شخصيات نفسهم اللي انا قلت عليهم بكتاب واحد بس اولا كده الراجل ده ماتولدش ان هو ابن امبراطور هو ايوه كان غني جدا من العله السوقراطيه ولكن هو كان
Speaker A
طفل وتبنوه وسنه 161 ميلاديه تولى الحكم واصبح امبراطور روما وهنا تعال نعمل معاه زي ما عملنا مع كل الشخصيات تخيل دلوقتي انك انت ماركوس اوريوس وبقيت امبراطور معاك سلطه مطلقه تقريبا على ربع سكان كوكب الارض جيوش عملاقه تتحرك بامر منك وخزنه
Speaker A
مليانه فلوس وقانون انت متحكم فيه ناس ممكن تموت او تعيش بكلمه منك انت فاكيد سلطه زي كده هيعمل زي ما عمل ابنه بالظبط ان هو هيقول ان هو ابن الاله مثلا او ان هو الاله نفسه ويعز في الارض فسادا ولكن
Speaker A
ماركوس اويليوس كان متواضع جدا بيحاسب نفسه على كل حاجه الاغرب من كده ان هو حكم 19 سنه وبص على البلاوي اللي اتحدفت عليه وقاعد في حاله ما عملش اي حاجه هو بس مسك الحكم حصل في حكم واحد من اسوا الاوبئه في
Speaker A
تاريخ الامبراطوريه الرومانيه طاعون قتل ملايين الناس روما نفسها العربيات كانت بتمشي فيها بتلم الجثث غير كده قبائل من شمال وشرق حدود الامبراطوريه الرومانيه اتجمعوا كلهم مع بعض وقرروا ان هم يهجموا على الرومان ودخلوا ايطاليا نفسها فاضطر ان هو ينزل يحارب بنفسه طول فتره حكمه كان
Speaker A
بيحارب طبعا ده بيخلي ان خزينه الدوله تفضى وزي ما احنا عارفين في الدراسات بندرس ان لما الخزينه الدوله بتفضى الحكام بيرفعوا الضرايب ولكن ماركوسليوس هنا ما ارضاش يرفع بتاع الضرايب الامبراطور ده باع معظم مقتنيات القصر الملكي بتاعه فيما
Speaker A
زاد عشان ما يرفعش الضرايب خلاص يا عم ماركوس والله عيط خلاص ومع كل دوت في واحد من اكبر القاضى اللي في جيشه عمل اشاعه ان ماركوس نفسه مات واعلن نفسه ان هو الامبراطور وتمرد عليه ولكن الراجل دوت هيتقتل ومش هينجح في التمرد بتاعه ولكن
Speaker A
ماركوس اويلوس هنا هيسامح عيله المتمرد ده وهيسامح كل اللي يشارك مع القائد في التمرد غريب جدا في وسط بقى كل المعمعه اللي في حياته دي كلها كان بيكتب لنفسه هو في وسط الطاعون والحرب والفلوس اللي خلصت واللي بيتمرضوا عليه وابنه الفاشل دوت كل
Speaker A
ده وماركوس اوريليوس بيعب اللي بيكتب لنفسه هو ان هو ما يتكبرش ويكون متواضع كتب حاجه اسمها التاملات ميديتيشنز يعني ده مش كتاب حقيقي للنشر هو اتنشر بعديه بكرون ده كان الدفتر بتاعه اللي بيكتب فيه لنفسه هو الفلسفه بتاعته فاحنا لما بنقرا
Speaker A
الكتاب دوت فكاننا بنتنشط على اقوى راجل في العالم في عصره هو وهو بيكلم نفسه واللي هنا بقى الحاجه الغريبه ان الراجل دوت في كتابه بيرد على اربع الشخصيات المختلفه اللي انا ذكرتهم دول اللي كلهم جم بعديه اساسا سواء شخصيات خياليه او
Speaker A
حقيقيه فتعال بقى نستخدم كتاب التاملات في علاج الاربع شخصيات اللي قلناهم الاول كومورس ابنه لما نفتح كتاب التامولات هنلاقي ان الفصل الاول من الكتاب كله بيتكلم عن قايمه بكل الناس اللي هو اتعلم منهم بيبدا بجده ان هو اتعلم منه الاخلاق
Speaker A
والتحكم في الغضب بعديها بيقول ان هو اتعلم من امه التقوى والاحسان وان استاذه علمه ان هو ما يصدقش الدجالين وبيقول على واحد اسمه روستيكوس ان بسوبه هو ان هو انتبه ان شخصيته محتاجه تحسين وتدريب امبراطور روما بيذكر واحد قال له ان هو
Speaker A
ناقص وبيشكره على كده يعني الفصل الاول كله من كتاب بيقول فيه يعني اختصارا ان هو مديون للناس دي كلها ما فيش سطر واحد فيه بيقول انا عملت ولا انا حققت ولا انا بنيت اقوى راجع على وجه الارض بيفتح دفتره اللي
Speaker A
ما حدش هيقراه اساسا واول حاجه بيسجلها فيه ان هو ما صنعش نفسه وفي نفس الوقت ابنه كوميدوس بيسمي روما وكل حاجه فيها على اسمه يعني زي ما قال ادلر في الاول عن كوميدوس ان هو اللي بيتعالى عليك جواه
Speaker A
حفره من النقص وبيبني فوقيها برج فهنا ماركوس اويلوس هنا حل المشكله هو ما بناش فوق النقص اللي عنده برج لا هو دفن وردم الحفره دي نفسها ما عادش يعيط زي كومدوس ويقول انا ما حدش حضاني انا صغير لا هو
Speaker A
كتب كل واحد في حياته وقال ايه هو الفضل اللي سابه فيه ولو حتى حاجه صغيره جدا نخش على لايت الطالب الشاطر المؤدب للناس كلها على النت عملت له صوره وسموها كيرا وهو لبس الصوره لما نرجع بقى لعم ماركوس
Speaker A
هنلاقي ان في الفصل السادس اللي هو الكتاب السادس في سطر انا شايفه ان ده اهم سطر اتكتب في الكتاب كله الراجل ده كتب لنفسه احذر ان تتقيصر بيقول بمعنى للكلام اوعى تبقى قيصر تبقى شبههم بنفس لونهم خليك دايما بسيط طيب جد وما تعملش الحاجه عشان
Speaker A
الناس تقول انك انت عملت الحاجه دي خليك دايما بتحب العدل خاشع لله لين عندك همه في كل حاجه بتعملها فالحياه قصيره والتقوى والعمل الصالح هم الثمره الوحيده لهذه الحياه الارضيه كلام غريب جدا والله مش مفهوم ازاي طالع من امبراطور روماني يعني
Speaker A
الدنيا كلها بتقول لك انت قيصر والقانون بيقول لك انت قيصر والناس بتسجد لك في الشارع انت ما تصدقهمش وده بالضبط عكس لايت نفسه على النت كانوا بيقولوا لايت انت كيرا انت اللي بتنضف العالم فلايت لبس الصوره وصدقها ومات وهو لابسها في نفس
Speaker A
الوقت ماركوس الامبراطوريه كلها بتقول له انت قيصر وهو ما تقيصرش ومش بس ان هو رفض الصوره دي هو حط لنفسه صوره مختلفه والبسها الثالث راسكول نيكوف راسكول نيكوف الشاب الروسي اللي كتب مقاله عن ان هو في نوعين من البشر في عاديين واستثنائيين وان
Speaker A
الاستثنائيين من حقهم ان هم يعدوا فوق الاخلاق والقانون وبعدين راح يقتل الست العجوزه عشان يثبت ان هو من النوع الاستثنائي فماركوس هنا بيكتب في الفصل السادس بردك او الكتاب السادس بيقول ان هو لو حد قدر يثبت لي ان انا غلطان ويوريني
Speaker A
ان اللي انا بفكر فيه او اللي انا بعمله مش صح انا هغير رايي بكل حب وسرور لان انا بدور على الحقيقه والحقيقه عمرها ما بتضر واللي بيضر فعلا هو ان الانسان يفضل قاعد وهو عايش في جهله فحرفيا كلام ماركوس عكس
Speaker A
تعريف الكبر على طول مع ان ماركوس المفروض استثنائي فهو امبراطور وهنرجع اني لراسك نيكوف ثاني ما تنساش فاضل بقى اخر واحد هو اصعب واحد فيهم اجيري اللي مات في الاخر هو لوحده على خشبه وهو بيقول انا غضب الاله وما حدش بيرد عليه هنا ماركوس بيرد
Speaker A
عليه في كتابه في حاجه كانت بتتكرر بشكل كبير جدا في الكتاب هنا وهي الموت بس هو ما بيذكرهاش هنا بشكل حزين او كيب لا وبيكتب في الفصل السادس او الكتاب السادس برده ان الاسكندر الاكبر اللي هو واحد من
Speaker A
اهم الشخصيات في التاريخ والراجل اللي كان بيسوق له البغله بتاعته الحماره بتاعته بيقول ان الاثنين دول ماتوا وكان مصيرهم نفس الشيء بمعنى ان هو بيقول ان في الاخر كلنا هنموت فكان في كذا مره في الكتاب بيقعد يعد اسامي اباطره كانوا قبليه حكام
Speaker A
الدنيا كلها كانت بتتكلم عنهم لحد دلوقتي زيليوس كايسر مثلا او الاسكندر بيقول ان دول كلهم كانوا ممكن يفنوا مدن كامله بامر منهم بس نهايتهم كلهم في الاخر كانت واحده انهم ماتوا بيسال نفسه هم فين دلوقتي وبيكتب ان كل حاجه عمرها قصير يعني مش بس
Speaker A
انت هتتنسي ده كمان اللي فاكرك نفسه هيتنسي هو كمان ايه يا عم ماركوس الحكمه دي وفي حتت ثانيه كان بيوسع الصوره اكتر وبيقول ان اسيا واوروبا دول حتت صغيره جدا في الكون الواسع كل محيط هو نقطه في العالم والزمن الحاضر بتاعنا هو مجرد خرم
Speaker A
ابره في الابديه فكل ما كان بيحس نفسه ان هو بيتكبر بيبعد الكاميرا شويه عنه لحد ما بيشوف حجمه الحقيقي في وسط العالم الكبير ده مع ان اجيري كان بيعمل العكس تماما هو كان بيقرب اول الكاميرا عن نفسه لحد ما
Speaker A
بقاش شايف غير نفسه هو غير كده ان اجيري كان بيدور على ذهب وهمي مش موجود في الحقيقه ولكن ماركوس كان معاه ذهب حقيقي بس باحهم فما زاد اهم حاجه بقى في الكتاب خالص ان احنا نعرفها ان الراجل كان بيكرر
Speaker A
نفس كلامه دوت في الكتاب مليون مره مثلا بيقعد يقول لنفسه انت هتموت الشهره مالهاش لازمه اللي بيمدحوك دول هيموتوا هم كمان انت جزء صغير قوي من حاجه اكبر منك ما تزعلش من الناس مره ورا مره ورا مره على
Speaker A
مدى سنين وفصول كتير في الاول انا كنت نفسي بستغرب هو ليه عمال يكرر كلامه كده بس بعديها بتفهم ان هو كان بيكررها لان هو كان بينساها كان بيقعد يفكر نفسه كل يوم ودي اهم حاجه ان هو ده مش دفتر لشخص
Speaker A
متواضع يعني ماركوس دوت مش مولود متواضع هو بيحاول ان هو يحارب الكبر اللي عنده عشان كده كتابه ينفع لكل واحد فينا احنا خلصنا خلاص ولكن في واحد سيبنا نهايته للاخر هو راس كولنيكوف الوحيد فيهم اللي نجاى واتعالج في الاخر سونيا هي اللي علىج
Speaker A
جته في الاخر بعد الصراع مع نفسه فهم ان هو مش نابليون وهو مش استثنائي والنظريه كلها بتاعته مش صحيحه اساسا فقرر في الاخر ان هو يروح يسلم نفسه للشرطه وبيعترف ليهم بكل حاجه واهم حاجه في الاخر ان هو قال
Speaker A
انا غلطان والبنت سونيا حبيبته خلته ان هو يروح في الاخر في وسط المدينه ويسجد في الارض ويبوص الارض نفسها اللي هو دنسها ويتزلل ويقول انا قاتل بيتعالج بالسجود برده اهو زي ما انا قلت بعد كده راسكينيكوف بيتحكم عليه بثمان سنين اشغال
Speaker A
شقه في سايبيريا فوق في الثلج مع المؤلف بتاعه ديوسفيسكي وسونيا بتسيب كل حاجه وبتروح وراه في اخر الدنيا والروايه بتقفل على ولاده جديده للشخصيه بعد ما اعترف بكل حاجه وبياخد عقابه يعني الوحيد فيهم اللي اعترف ان هو غلط هو الوحيد اللي عايش في
Speaker A
الاخر ودلوقتي السؤال اللي احنا فتحنا بيه الفيديو تقدر انت تجاوب عليه ايه دافع ابليس اللي خلاه يعمل كده ابليس ما جدلش في وجود ربنا ولا انكر ان هو اللي خلقه هو رد بجمله واحده اول جمله تكبر في تاريخ
Speaker A
الوجود كله قال انا خير منه خلقتني من نار وخلقته من طين انا خير منه مقارنه واحده احساس واحد بالتفوق ذره واحده خلته ان هو يتحول من اعبد المخلوقات ده اشكل المخلوقات يا ابن الكلب يا ك وبس كده
Topics:عقدة الإلهالكبرالغرورإبليسفرعونكومودوسماركوس أوريليوسألفريد أدلرالهيوبرسالغرور الإنساني
