Speaker A
طيب، السلام عليكم، مساكم الله بالخير، وحياكم الله في هذه الدورة في شهر رمضان المبارك. الدورة يا شباب أول شيء تتكون، قبل ما نبدأ لازم نوضح أنها هي يومين. اليوم الأول يوم تأسيسي للاستراتيجية وليس للتحليل الفني. التحليل الفني بحر، التحليل الفني فيه الكلاسيك، في موجات اليوت، في الهارمونك، في الإي سي تي، في البرايس أكشن. الاستراتيجية اللي عندنا فيها مكس من كل الأشياء هذه، لذلك صعب أني أشرح المدارس هذه كلها، يبغى لنا شهر ولا شهرين عشان يا دوب نغطيها، لكن أنا راح أشرح النقاط أو الجزئيات المهمة من كل مدرسة اللي داخلة معنا في الاستراتيجية فقط. فانت عشان تطبق الاستراتيجية لازم تحضر اليوم الأول. اليوم الثاني راح يكون ما راح يكون عندنا سلايدات، ما راح نشرح أي شيء نظري، راح يكون تطبيق مباشر على السوق وعلى الشارتات. نشرح وناخذ أمثلة ونطبق على الشارتات معكم بإذن الله. وبعدها عندنا أسبوعين، أسبوعين للتدريب والتطبيق من جهتكم أنتم. أحتاج أن كل واحد يمارس، يطبق، يفتح الشارتات، يرسم، ترسم خطًا، ترسم صح، لا يهمك، يهمني أنك تجرب وتحط رسمك في الجروب وبنصحح لك إن شاء الله إذا كان تحديدك للأهداف صحيح، تحديدك للوقف، دخولك صح، ودخولك خطأ. أسبوعين أشوفها كافية وأكثر من اللازم. يعني في الدورات السابقة في ناس من ثاني يوم، ثالث يوم بدأ يشتغل، وفي ناس لا، أحتاج أسبوعين، وفي ناس كان يعني معلوماته في التحليل الفني ضعيفة جدًا. أخذ ثلاث أسابيع تقريبًا، لكن في الأخير الجميع مع حرصكم ومع اهتمامكم تطور الحمد لله. طيب، بسم الله. أول شيء خليني آخذ الصورة اللي بعدها. أنا أبغى أبدأ من الحلقة الأخيرة، يعني إحنا آخر شيء في الدورة راح نشرح الصورة هذه، لكن خليني أبدأ فيها عشان أعلمك أنت ش جاي عليه، ش اللي قدامنا اليوم نتكلم عنه. هذه الاستراتيجية يا شباب، راح نتكلم عن النماذج الفنية، يعني زي هذا نموذج قاعين مزدوجة، هذا قاع وهذا قاع، وهنا في اختراق. راح نتكلم عن ظهور شموع عالية أو نسميها شمعة الكميات، شموع عالية بالطريقة هذه. راح نتكلم عن بعض الشموع الإيجابية في الدخول والخروج. راح نتكلم عن مؤشر الـ RSI والماك دي وبعض المؤشرات. راح نتكلم عن الدايفرجنس إذا ظهر عندنا دايفرجنس في أي مكان، ش معنى الدايفرجنس. راح نتكلم عن المتوسط اللي هو زي الخط الأحمر هذا نسميه متوسط 23، وعندنا متوسط 28 على اليومي. راح نتكلم عن النماذج العاكسة والنماذج الاستمرارية، وراح نغطي كل الأشياء هذه بإذن الله. طيب، خلينا نرجع لمكونات الاستراتيجية. طيب، هذه مكونات الاستراتيجية، دقيقة يا شباب، بعدد لكم. طيب، بالنسبة للمكونات الاستراتيجية عندنا طبعًا الأشياء المهمة، أو كل الاستراتيجية تعتمد على أول إشارة وهي ظهور شمعة الكميات. راح نتكلم عنها وراح نشرح ش معنى شمعة الكميات وكيف تأثيرها وليش مهمة أصلاً، لكن شموع الكميات دائمًا تعني أنه في تدوير عالي أو شراء عالي أو بيع عالي في تداول معين قاعد يصير في شموع الكميات. وبعدين عندنا الـ RSI أو مؤشر الزخم، مؤشر القوة النسبية على الفاصل اليومي وعلى فاصل 15 دقيقة. إيه، وبإذن الله نتكلم عن متوسط 23 ومتوسط 28 على الفاصل 15 دقيقة، فاصل يومي وبعض النماذج الكلاسيكية والشموع اليابانية والدايفرجنس الإيجابي هذه اللي باللون الأخضر مع شمعة الكميات. هذا خلينا نقول أهم المؤشرات. وبعدها عندنا الأربعة اللي تحت، هذه المساعدة اللي تعلمك أنه سهمك إيجابي وممكن يستمر وممكن الصفقة تستمر معك وتعطيك أرباح أكثر، أو أنها ضعيفة ممكن أنك تأخذ بدل ما أخذ ثلاثة أربعة أهداف ممكن أخذ هدف هدفين وأحط رجلي عفشك والجبل كمضارب. فراح نتكلم عنها ونشرحها بإذن الله بشكل مبسط. طيب، عندنا بريك إن شاء الله الساعة 10 وخمس دقائق، فلذلك من هنا لهناك ركزوا معي. راح نشرح بعض الـ في اليوم الأول الشموع اليابانية والكميات، النماذج، المتوسطات، الدايفرجنس، ونشرح أهمية مبدأ تداول الأدوار أو إعادة الاختبار والزخم. بعدين بنتكلم بشكل سريع على كيف ترتب الشاشة عشان تقدر تستخدم الاستراتيجية هذه بأسهل طريقة ممكنة، وفيها بعض المؤشرات الثانية مثل تلوين الشمعة وكيف ممكن نضيفها كاستراتيجية فنية. اليوم الثاني راح يكون تطبيق عملي على الشارت، وناخذ أسهم عشوائية سواء من اختياري أو من اختياركم ونطبق عليها الاستراتيجية ونشوف كيف حقق الأهداف ونشوف كيف بعض. حتى طبعًا لأنه يا شباب ما في استراتيجية ناجحة 100%. هو سلوك تداول، سلوك تداول يعني أنا من عشر صفقات ممكن سبع صفقات تنجح تحقق لي بعضها هدف، بعضها تحقق لي هدفين، بعضها ثلاث أهداف. وممكن اثنتين ثلاث تكسر وقف الخسارة وأطلع. طيب، ليش ش الفائدة؟ أنها إذا كسرت وقف الخسارة أخرج الهدف أنه بدل ما أخسر 20، 30% لا خليني أخسر 2%، 3% وبعدين يطيح السهم 10%، 15% وأرجع أدخل تحت بسعر أفضل. هذا سلوك المتداول الناجح. هل في أحد ساحر أو مشاء يعرف جميع اللي قاعد يصير في السوق؟ طبعًا لا، لكن دام عندك استراتيجية وأنت فاهم إيش قاعد تسوي، المحصلة النهائية أنه راح تكون ربحان بحول الله وقوته. طيب، نتكلم عن الشموع اليابانية وأهم الشموع. طبعًا تعرفون خصوصًا اللي أخذوا دورات الشموع اليابانية بحر، يعني ما أدري أعتقد فيه فوق الـ 50، 60، 70 شمعة، وفي شموع قاعدة تظهر جديدة ولها مسميات جديدة اللي تابع الموضوع الشموع اليابانية، لكن في استراتيجيتنا أنا يهمني شموع عاكسة. الشموع العاكسة يعني سواء تعكس للمسار السلبي أو المسار الإيجابي. ليش؟ لأنه نبحث عن دخول أو نبحث عن خروج. لذلك أنا مركز على أهم الشموع أو الأشهر تقريبًا عندنا سبع أو ثمان شموع هي اللي أحتاجك تفهمها وأحتاجك تفهم كيف تركيبتها، الهدف منها. طيب، أول شيء هذه الشموع اليابانية والشموع المفرغة اللي بالأخضر شموع صاعدة، اللي بالأحمر شموع هابطة، وعندنا شموع محايدة يعني لا هابطة إيجابية ولا هابطة سلبية ولا لها معنى في منتصف الشارت، لا تعني شيء غالبًا معناها استمرار فقط عن اليوم السابق. اللي ما يعرف الشموع طبعًا الشمعة يجي لها جسم سواء أخضر أو أحمر زي كذا وفي تحت ذيل وفوق ذيل. هذا وقت التداول. طيب، ش معنى الكلام هذا؟ إذا كانت باللون الأخضر معناته الشمعة كان الافتتاح هنا وبعدين صار في نزول وبعدين صار ارتفاع وبعدين صار إغلاق هنا. فإذا صار الإغلاق أعلى من الافتتاح يكون لونها أخضر واضح. يعني شمعة إذا شفت أي شمعة خضراء معناته السهم افتتح عند سعر معين وكان الإغلاق أعلى من سعرها سواء كانت الشمعة كبيرة أو صغيرة، الموضوع ما يعني ما يهمنا الآن الأدنى والأعلى، هو اللي كان تداول. يعني السهم نزل وبعدين ارتفع، لكن الافتتاح والاغلاق هذا ميزة الشموع اليابانية أو الإشارة اللي تعطيك إياها. الشموع اليابانية اللي باللون الأحمر معناته العكس، أنه كان في افتتاح فوق، بعدين نزل السهم ورجع أغلق تحت، فلذلك صارت الشمعة في اللون الأحمر. مثل ما نشوف هنا هذه شموع هابطة وهذه شموع صاعدة. وراح نشرح الآن أهم الشموع الصاعدة الإيجابية. طبعًا أول شمعة وقبل نبدأ في الشموع يا شباب، أنا حريص حريص جدًا اللي أخذوا دورات سابقة ودي تركز معي شوي، لأنه أنا ما يهمني اسم الشمعة بصراحة، دائمًا أقول اسمها المطرقة، اسمها التمساح، اسمها شمعة محمد عبده، رابح صقر، أنا يهمني أنه نفهم السلوك لما نشوف شمعة بالطريقة هذه ماذا تعني بالضبط وليش تكونت بهذا الشكل وتكونت بعد مسار هابط، بعد مسار صاعد، في مسار عرضي. فيهمني أن نحفظ أسماء الشموع، عفواً ما نفهم، ما نحفظ، أفهم أسماء الشموع، يهمني تفهم السلوك، وهذا اللي بشرحه. فلذلك حتى إذا كنت ماخذ دورات سابقة ركز معي شوي. اليوم عندنا ساعتين وبكرة ساعتين، أعتقد أنه أصغر دورة، وأسهل دورة، وأكثر دورة مركزة. فلذلك يعني بحاول أشرح لكم السلوك أكثر من الكلام النظري اللي ممكن نشوفه في اليوتيوب، ممكن نشوفه في جوجل، ممكن نشوفه في أي ملف. طيب، أول الشمعة هي شمعة المطرقة أو الهمر، اللي هو هذا الشكل. ولاحظ هذه تتكون من شمعة واحدة فقط. طيب، أنا لما يجيني سلوك هذا السلوك، أنا يهمني الآن السلوك عندي، أشهم في، عفواً، عندي شموع في مسار هابط، يعني هنا ساير عندي بيع قوي، والشمعة الثانية فيها بيع قوي، وهنا بيع قوي. الآن البيع مستمر، مستمر، مستمر. بعدين ظهرت عندي شمعة المطرقة. ش معناها؟ معناته هذه الشمعة في الافتتاح كمان فتحت تحت، هذه صح ولا لا؟ وبعدين صار في نزول، نزول، نزول كامل طول السوق أو طول خلال الجلسة. بعدين ش اللي تغير؟ تغير أنه في منتصف، يعني خلال الجلسة، ممكن في البداية، ممكن في النهاية، ما الله أعلم، لكن إيش اللي تغير؟ أنه لما وصل السهم، فاهم، هنا شوف النزول هذا كله، ها نزول، نزول، نزول، نزول. إيش اللي تغير؟ أنه هنا في دخل مشتري قوي. هذا اللي أحتاجك تفهمه، أنه هنا في مشتري قوي دخل وشال الكميات اللي هنا، واشترى، اشترى، اشترى لين سو لي إغلاق فوق، أعطاني الشمعة اللي باللون الأخضر. هذا ش يعني أنه عندي مسار هابط مستمر، والشمعة هذه ممكن تكون ثلاثة، ممكن تكون عشرة، ممكن تكون خمسة على حسب، لكن معناته أنه في المكان هذا دخل المشتري، وهذا أول يوم يدخل فيه المشتري. لذلك يهمني أنه الآن فيه إشارة على تحول المسار أو بداية تحول المسار أو خلينا نقول في إشارة على وجود مشتري دخل في اللعبة. ممتاز. طيب، شمعة المطرقة المقلوبة، عفواً هذه المفروض واحد وهذه اثنين، أو الإنفيرتد همر، هي نفسها. أنا عندي مسار هابط، العكس، الاختلاف هنا وش هو؟ أنه عندي سهم افتتح هنا وما صار نزول كثير، على طول بدأ الشراء. يعني هنا الشمعة لا صار فيها نزول خلال الجلسة، ومنتصف الجلسة خلينا نقول بدأ يشتري هنا. العكس، مسار هابط، بعدين افتتحت الشمعة هذه هنا على نزول، جاب تقريبًا جاب داون أو فجوة نسميها، وبعدين في شراء بدأ مباشرة من بداية الجلسة، صار في شراء، شراء، شراء لين وصل السعر هنا، ممكن منتصف الجلسة أو نهاية الجلسة، رجع السهم يهدي. ممتاز، رجع السهم يهدي وصار الإغلاق في المنطقة هذه. هذا ش معناه أيضًا م
