Speaker A
الكلام طال عمرك يقول ان هذه القصه قصه حصريه في سناب بدر اللامي تاريخك بالعام ولا يحق لاي مخرج منتج كاتب لاي شخص معين انه يقتبس القصه هذه وياخذها باي شكل او يتصرف فيها باي شكل من الاشكال جميع الحقوق محفوظه هنا.
قصة حقيقية لرجل في الخمسين من عمره لم يتزوج بسبب ظروف غزو الكويت وتجربته الإنسانية في الدمام.
Key Takeaways
- الإنسانية والتضامن تظهران في أصعب الظروف مثل الحروب والغزوات.
- الحب العذري والاحترام يمكن أن يكونا أساسًا لعلاقات قوية حتى في أوقات الأزمات.
- الظروف الصعبة قد تؤخر الزواج أو تغير مسار حياة الإنسان بشكل كبير.
- القصص الواقعية تحمل دروسًا مهمة عن الصبر والإيثار.
- الحفاظ على الحقوق الأدبية والفكرية مهم عند سرد القصص الحقيقية.
What the video covers
- القصة حقيقية ومعاصرة تحكي عن رجل في الخمسين من عمره لم يتزوج حتى الآن.
- تدور الأحداث حول فترة غزو العراق للكويت عام 1990 وتأثيرها على حياة الناس في الدمام.
- الشخصية الرئيسية التقت برجل كويتي أثناء الغزو وكان في وضع إنساني صعب.
- المتحدث وفر للرجل وعائلته مسكنًا ومساعدات مالية ومؤونة خلال فترة الغزو.
- تطورت العلاقة بين الرجل والمتحدث إلى علاقة أخوية وأصبحت عائلتهم بمثابة عائلة واحدة.
- الرجل أحب ابنة المتحدث حبًا عذريًا وقررا الزواج بعد استقرار الأوضاع.
- بعد تحرير الكويت، انتظر الرجل عودة عائلته لكنه لم يتلقَ اتصالًا منهم لفترة طويلة.
- المتحدث سافر إلى الكويت للقاء العائلة واستقبالهم بعد التحرير.
- القصة تسلط الضوء على قيم الإنسانية، التضامن، والحب العذري في أوقات الأزمات.
- الحقوق محفوظة للقصة ولا يجوز اقتباسها أو التصرف فيها بدون إذن.
Full Transcript — Download SRT & Markdown
Speaker A
طبعا القصه حقيقيه بعيده كل البعد عن السوالف لا تاريخ ولا شيء قصه معاصره معاصره جدا وصدق يعني وش بعيده.
Speaker A
خلنا نشوف الحين مع الاضاءه هذه ولا بغير الاضاءه ونتوكل الله بسم الله صلوا على رسول الله.
Speaker A
في يوم من الايام جلست في احدى الاماكن او احد الاماكن مع احد الاشخاص الشخص هذا كان كبير سن عمره تقريبا 50 سنه.
Speaker A
دارت السوالف في المجلس وسولفنا كلنا طلعت فيه كذا قلت له ابو ايش قال ما عندي عيال قلت الله يرزقك.
Speaker A
ابتسم قال اذا تزوجت ان شاء الله قلت ما تزوجت للحين قال لا والله ما تزوجت.
Speaker A
قلت يعني ممكن اسالك عن السبب ولا قال لا عادي واذا تبي اسولف لك السالفه كلها اسولف لك السالفه كلها ما عندي اي مشكله.
Speaker A
قلت اوكي توكل على الله.
Speaker A
الحديث هذا على لسان الشخص نفسه يقول تقريبا في 5/8 6/8 6 اغسطس 1990.
Speaker A
بعد الغزو العراقي على الكويت تقريبا ثلاث اربع ايام يقول احنا كنا موجودين بالدمام انا الولد هذا يقول كنت بعمر توني يعني توني صغير ابو 25.
Speaker A
يقول وانا ماني في الدمام فاجبرتني الظروف اني ادرس معهد بالدمام يقول وكاد انا دارس بالدمام.
Speaker A
سمعنا الاخبار انه صار غزو على الكويت يقول ما ندري وش الاحداث اللي صارت.
Speaker A
اخبر قبل ما في لا شيء لا جوالات ولا شيء تلفزيونات ونطالع وننتظر الاخبار ونسمع الراديو بس ما عندنا غير الوسيلتين هذولي.
Speaker A
يقول بعد الغزو تقريبا ثلاث ايام اربع ايام طالع للمعهد يقول خلصت دراستي بالمعهد ورجعت.
Speaker A
ابى ارجع وين للبيت اللي انا فيه يقول كنت ماخذ بيت انا وصاحبي صاحبي معي بالبيت فيقول ماخذين بيت كبير وكبير علينا يعني جالسين بالبيت لحالنا وماخذين راحتنا.
Speaker A
البيوت كانت رخيصه والايجارات كانت رخيصه بالدمام ما كان في احد يعني كثير.
Speaker A
يقول وانا راجع من المعهد يقول وانا بالطريق واطالع ولا سوبر مان كويتي جمس كويتي صافط على اليمين ومبنشر الكفر وفي رجال واقف برا الجمس.
Speaker A
يقول فدعاني تعرف اللي شفت كويتي وكذا وتو صاير عليهم غزو وكذا فحسيت ان الموضوع فيه شيء يقول وقفت قدامه.
Speaker A
يقول يوم وقفت قدامهم نزلت عسى ما شر يا طويل العمر قال لا والله بس مبنشرين وما ندري وش نسوي هنا والله انقطعنا وانا رجال ومعي هالعائله هذه.
Speaker A
يقول طلعت بالسياره ولا كله حريم ما في كلهم حريم بس هالرجال هذا.
Speaker A
يقول والله انه كسر قلبي يعني يقول قلت له زين اصبر.
Speaker A
اعطني طال عمرك الكفر وانا اروح اضبط الكفر واجيك تاير الكفر نفسه التاير.
Speaker A
يقول اخذته طال عمرك وطلعت المحطه اللي قدام غيرت الكفر ورجعت الفوق تحت.
Speaker A
يقول يوم رجعت وركبت الكفر معه وخلصنا كل شيء يعطيك العافيه ما قصرت بيض الله وجهك من انت من انت يقول تعرفنا على بعض وسولفنا شوي.
Speaker A
يلا تامرني بشيء قال سلامتك.
Speaker A
يقول يوم جيت امشي كذا يقول سبحان الله ما ادري وش اللي خلاني افكر اقول الرجال هذا وين يبي يروح.
Speaker A
يقول وارجع له قلت انت وين تبي تروح بالضبط على اساس ان نتواصل مع بعض اذا محتاج شيء ولا شيء.
Speaker A
قال والله يا ولدي اني ما ادري وين اروح.
Speaker A
قال شلون ما تدري.
Speaker A
قال والله انه ما لي احد بهالديره واني جاي على وجهي.
Speaker A
يقول قلت له على طول قلت له لا بالله احنا كلنا اهلك قالوا نعم وما قصرت وبيض الله وجهكم.
Speaker A
قال يا ولد ما فيها السوالف هذه انت ما عندك احد هنيه قال لا والله ما عندي احد.
Speaker A
قال اجل توكل على الله وانش وراي.
Speaker A
قال وين.
Speaker A
قال امشي معي بس توكل على الله يقول يمشي طال عمرك معي لين وصلته للبيت اللي احنا ساكنين فيه اللي بالدمام.
Speaker A
يقول وجيت طال عمرك دخلت داخل كلمت خويي طلعت خويي طلع خويي وركب السياره معي.
Speaker A
يقول وجيت على الرجال قلت اسمع هذه مفاتيح البيت وهذا البيت واجلس بالبيت طال عمرك الفتره اللي انت تبي تجلس فيها خذ راحتك على الاخر.
Speaker A
انا وخويي بنروح نسكن بالمعهد والله العظيم ما علينا قاصر ولا عندنا شيء واعتبر ايجار البيت هذا مدفوع لين ترجع لديرتك.
Speaker A
يقول واعطيه مفاتيح البيت ويروح طال عمرك ويدخل هو والحريم اللي معه واهله دخلوا للبيت يقول واطلع انا وخويي ولا المعهد عند اخويانا.
Speaker A
يقول واجمع منهم قطيه يا الربع عندنا حاله انسانيه الموضوع واحد اثنين ثلاث.
Speaker A
يقول واجمع الفلوس اللي قدرني الله عليها يقول واخذتها وشريت مونه للبيت واغراض وما خليت شيء الا شريته لهم.
Speaker A
يقول واطلع طال عمرك وانزل لهم الاغراض بيض الله وجهك وما قصرت يقول كان الرجال بحاجه يعني ما عنده شيء ولا يعرف احد.
Speaker A
ولا يعرف احد بالديره هذه كلها.
Speaker A
يقول الوكاد طال عمرك يوم اعطيته كل شيء وخليته عنده كل شيء قلت له انا رقم البيت اعرفه وهذا رقمي انا بالمعهد.
Speaker A
اذا بغيت شيء دق علي يقول فلان وين هم ينادوني وانا اكلمك.
Speaker A
يقول سبحان الله تواصلنا مع بعض واستمرين على المده هذه طال عمرك.
Speaker A
شهر ورا شهر ورا شهر وانت ماشي.
Speaker A
يقول بعد فتره جاني الرجال قال لي يا ولدي يا حبيبي الله يعطيك العافيه انت ما قصرت.
Speaker A
احنا فتحنا اسكان الدمام ونبي نروح نسكن بسكان الدمام والعايشه ماشيه والشغل ماشي.
Speaker A
قال يا ولد انا ضيقتك بشيء قال يا ولد والله ما ضيقتني بشيء.
Speaker A
لكن انا متضايق انك انت قاعد تجمع انيتك اللي حقت المعهد والشغل هذا وقاعد تصرف علينا فلذلك خلني ادور رزقي مع هالديره هذه والحمد لله والناس ما هي مقصره معنا.
Speaker A
قلت له يا ولد خلاص توكل على الله.
Speaker A
يقول واخذه واخذ له شقه طال عمرك بسكان الدمام ونرجع انا وياه وخلصنا الامور وسكن بالدمام.
Speaker A
بقينا انا وياه على التواصل وكل يوم والثاني احنا متواصلين انا عندهم ولا هم عندي.
Speaker A
يقول وصاروا البيت هذا نفسه اهلي صاروا اهلي بهالغربه.
Speaker A
يقول انا مغترب واهلي.
Speaker A
يقول مع المواصل هذا اللي صار بيننا يقول انا رجال حبيت.
Speaker A
يقول اول مره بحياتي اشوف مثلا يعني ناس ما شاء الله محتشمين لكنهم يعني كاشفين ما كانوا يلبسون يعني بس العبايات وكذا.
Speaker A
كان لبس الكويت القديم تقريبا اغلب الناس كانوا يلبسون كذا وش الكويت كلهم يعني في ناس وناس.
Speaker A
يقول العائله هذه عائله حضر يقول حتى لبسهم كذا محتشمين وباين.
Speaker A
يقول الوكاد اني انا رجال حبيت انتهى الموضوع فحبيت بنت من البنات اللي عندهم حب عذري.
Speaker A
يقول على طول الحب عذري طال عمرك والله لا يدخل الحرام بيننا يقول دخلت على الرجال وكلمته.
Speaker A
قلت له يا ولد انا بنتك الفلانيه انا رجال والله العظيم اني خلاص بتزوج.
Speaker A
قال والله ان شاء الله انك تتزوج وحنا والله ما احنا لاقين احسن منك لكن خل الموضوع شوي.
Speaker A
اول الاوضاع تستتب وبعدين ان شاء الله يحلها الف حلال انت وش لك بالامور هذه الحين ما عليك.
Speaker A
خلنا نرجع ان شاء الله للكويت وترجع الامور ويرجع كل شيء.
Speaker A
وان شاء الله ان البنت تجيك وما عليك والباقي قال والباقي خواتي.
Speaker A
والله ان الخواتي وامهن امي وانت ابوي وانت يقول الوكاد طال عمرك ان الرجال استحب لي وانا استحببت له.
Speaker A
صرنا اهل.
Speaker A
يقول انا على الوعد هذا وماشي.
Speaker A
يقول سبحان الله مرت الايام ومرت الشهور يقول ما حسينا ويجي الخبر الحلو.
Speaker A
سبحان الله ادخلت القوات التحالف او قوات التحالف ادخلت للكويت وتحررت الكويت والناس افرحت والناس طلعت.
Speaker A
يقول سبحان الله انا فرحت معهم يقول انا كان الفرح عندي فرح في حزن شوي.
Speaker A
يا ولد الحين يبون يمشون شلون ما يصير وكذا.
Speaker A
يقول الوكاد وجيت عندهم.
Speaker A
يا الربع ترى الكويت قالوا والله ندري اللهم لك الحمد وهذا وحنا راجعين للديره.
Speaker A
قال يا ولد يمين يسار قالوا والله احنا راجعين وخلاص انتهى الموضوع لكن احنا نعرف رقم تليفونك هنيه وحنا من نصل الكويت ندق عليك ونعطيك رقم تليفوننا اذا ما تغير هناك.
Speaker A
توكلنا على الله يقول وانا بقلبي ماخوذ وابى اموت.
Speaker A
يقول بغيت اقول يا لحيه الغانمه زوجني البنت قبل لا تروح.
Speaker A
يقول بس استحيت قلت خله.
Speaker A
خله لين يرجعون ان شاء الله ويصير او يحلها الف حلال.
Speaker A
يقول هم مشى الرجال ركب عياله وركب اهله ويتوكل على الله طال عمرك ومتوجه الى وين الى الكويت.
Speaker A
يقول وانا اغلي.
Speaker A
يقول بعد تحرير الكويت انتظرت وانتظر طال عمرك يوم ورا يوم.
Speaker A
يقول اليوم يمر علي بسنه.
Speaker A
يقول وانتظر اليوم وانتظر الاسبوع وانتظر الشهر يقول يمر الشهر الاول ويمر الشهر الثاني يمر الشهر الثالث يقول والشهر الرابع.
Speaker A
يقول ما حسيته يدق تليفون البيت يقول 24 ساعه وانا موجود عند تليفون البيت يقول حتى الغيابات ما تحصى علي بالمعهد.
Speaker A
يقول اول ما دق وارفع السماعه ولا هذا هو الرجال.
Speaker A
يا الله حيه كيف الحال شو اخبارك يقول فرحت فيه وهو تعرف اللي طاير من الفرح بالمكالمه هذه.
Speaker A
يقول نسولف انا وياه وكذا قال هذا رقم تليفوننا وسجله عندك وهذا عنواننا بالكويت ضروري ضروري ضروري.
Speaker A
اي ويكند جاي تجينا للكويت اتفقنا.
Speaker A
يقول انا بدون لا يقول اصلا جهزت اغراضي طال عمرك والويكند اللي بعد ثلاث ايام.
Speaker A
وشلت على الكويت.
Speaker A
يقول وانا ادخل الكويت والله ما اعرف فيها شبر واول مره بحياتي اطب الكويت.
Speaker A
يقول طبيت الكويت واسال من الجوازات وانا اسال العنوان هذا وين العنوان هذا وين.
Speaker A
يقول كل واحد قدامي العنوان هذا وين لا جوالات ولا شيء ولا حتى الكباين ما كانت موجوده بالكويت.
Speaker A
يقول واروح طال عمرك ومن واحد لواحد الين وصلت العنوان.
Speaker A
يقول يوم وصلت العنوان واجي ولا المجلس طال عمرك مجلس رجال مليان.
Speaker A
يقول يوم ما دخلت قلت السلام عليكم.
Speaker A
يقول ويفز الرجال ويفزون الناس اللي معه قال هذا ولدنا فلان.
Speaker A
يقول اثاري الناس كلها تعرفني الموجودين.
Speaker A
ويقومون علي ويحضنوني ويا حبيبي ويا بعد عمري يقول جلسنا مع بعض يقول شوي ويدخل علينا الرجال نفسه بالمجلس.
Speaker A
يقول يوم جلسنا بالمجلس يقول ادخل علي قال خواتك يبون يسلمون عليك اطلع.
Speaker A
يقول واطلع طال عمرك واسلم على خواتي وعلى امي وعلى كلهم الموجودين هنا يا اهلي يعتبرون اهلي.
Speaker A
يقول واسلم عليهم.
Speaker A
يقول الوكاد طال عمرك سوالف انا والرجال وهذا وجلست عندهم اليوم الاول.
Speaker A
اليوم الثاني يقول جيت اليوم الثاني قلت ايش صار للموضوع انا اللي.
Speaker A
الرجال وعدتك انتهى الموضوع انت معروفك والله ما انجازيه باي معروف.
Speaker A
هذه طال عمرك البنت لك.
Speaker A
توكل على الله روح جيبها لك وتعال.
Speaker A
يقول وانا اطير من الفرح قال لي ينام عندنا.
Speaker A
قلت والله ما انام انتهى الموضوع ثاني يوم تبيني انام والله ما انام.
Speaker A
يقول وادق الكابرس سلف يقول كان عندي كابرس 90 ما حد قدي ذاك الوقت.
Speaker A
يقول واطلع طال عمرك وعلى الجوازات ويوم جيت طال عمرك وتعديت الخفجي.
Speaker A
واكسر يمين.
Speaker A
وشلت طال عمرك للديره وما يوقفني الا بيت اهلي.
Speaker A
يقول واجي عندهم السلام عليكم السلام وفرحانين فيني اهلي من زمان ما شافوني.
Speaker A
وسلام وسلام وجلست معهم.
Speaker A
يقول وثاني يوم طال عمرك اصبحنا عند اهلنا.
Speaker A
ونسولف معهم قلت يا يبا ابى اسولف معك في موضوع.
Speaker A
قال امر قال والله انا رجال نويت اتزوج.
Speaker A
قال ما شاء الله مبروك مبروك بنت عمك فلانه لا تخليها قال يا ولد اترك عنك بنت عمك فلانه وبنت خالك فلانه.
Speaker A
اترك الموضوع انا رجال عندي حرمه حاط عيني عليها.
Speaker A
وانتهى الموضوع.
Speaker A
قال منين.
Speaker A
قال من الكويت.
Speaker A
قال زين منين جيت الحرمه.
Speaker A
قال السالفه واحد اثنين ثلاث.
Speaker A
قال والله يا ولدي انا رجال ما اقدر ادخل معك بهالموضوع هذا ولا اقدر اني اوقف بوجهك.
Speaker A
لكن.
Speaker A
شور امك.
Speaker A
اذا وافقت امك انتهى الموضوع.
Speaker A
قلت امي الموضوع هين ان شاء الله.
Speaker A
وانتهى الموضوع.
Speaker A
ما يدري ان البلاوي كلها راح تصير قدامه.
Speaker A
يقول واجي طال عمرك على امي.
Speaker A
مرحبا مساك الله بالخير قالت مساك الله بالنور.
Speaker A
قال يمه انا الموضوع عندي واحد اثنين ثلاث وابوي ابشرك موافق.
Speaker A
قالت انت صادق.
Speaker A
قال اي والله اني صادق وانتهى الموضوع خلاص.
Speaker A
قالت والله برضاي عليك انك ما تاخذ الا بنت خالتك فلانه.
Speaker A
احنا راسمين لك مننا صغار وحنا نبيك وكذا ونبي قال يا يمه يمين يسار.
Speaker A
يقول الوكاد طال عمرك وقعدت ترجعها.
Speaker A
ويوم ورا يوم وتزعل علي واسبوع ورا اسبوع يقول وكنسل المعهد كله.
Speaker A
واجلس طال عمرك معها ادور رضاها تكفين تكفين يا يمه يمه يمين يسار.
Speaker A
الحب يمين يقول ما في.
Speaker A
ما وافقت يقول واجلس طال عمرك عندهم اربع شهور.
Speaker A
يقول بعد اربع شهور صارت المطمه.
Speaker A
يقول وتجيني امي ويجي ابوي طال عمرك بليله من الليالي قالوا ترى خطبنا لك فلانه.
Speaker A
انتهى موضوعك.
Speaker A
سوالف الكويت وموضوع الكويت وحب وما حب هذا ما هو لك.
Speaker A
اترك الموضوع هذا وخذ بنت خالتك.
Speaker A
وخلاص انتهى الموضوع.
Speaker A
يقول يوم طالعت ولا امي وابوي خايف والله اني ارضاهم تعرف اللي.
Speaker A
يقول ما اقدر اني اصدهم عن الموضوع هذا.
Speaker A
يقول يا ولد.
Speaker A
قمت اتذكر الذكريات اللي.
Speaker A
يقول الوكاد طال عمرك قلت خلاص.
Speaker A
الشكوى لله.
Speaker A
يقول وقبل العرس بليلتين واروح طال عمرك على احد الكباين وادق تليفون على الرجال اللي بالكويت.
Speaker A
مساك الله ها ما جيتنا من زمان وينك وما ادري قال يا ولد الموضوع.
Speaker A
الموضوع واحد اثنين ثلاث.
Speaker A
وانا والله العظيم انه صار قدامي ارضى امي وابوي وهذا الزواج هذا لكن تكفى ابيك تعذرني.
Speaker A
قال لا والله انك معذور لا والله ان والدينك ابدا واترك عنك الموضوع والبنت اذا ما صارت زوجتك هي تراها اختك.
Speaker A
والبنات كلهن خواتك وانا بحسبه ابوك يقول الوكاد ان الرجال احرجني احراج بكلامه.
Speaker A
لدرجه اني تعرف اللي ما عرفت اتكلم.
Speaker A
يقول الوكاد طال عمرك سلمت عليه سلام سلام مع السلامه.
Speaker A
يقول واخذ حرمتي طال عمرك بعد ما تزوجت ابو شهر كذا واطلع الدمام واعيد الدراسه بالمعهد.
Speaker A
واكمل طال عمرك وانا بالمعهد.
Speaker A
يقول هم معي بهالبيت.
Speaker A
يقول بيوم من الايام وارجع البيت.
Speaker A
ولا الحرمه زعلانه.
Speaker A
يقول زعلانه وتنافض ومن جنن العلم وش العلم وش اللي صاير.
Speaker A
وش اللي قالت شلون في حرمه تدق عليك هنيه وتقول ابي اكلمك انت شلون تكلم حريم.
Speaker A
وشلون.
Speaker A
قال ايوه.
Speaker A
من هذه.
Speaker A
قالت واحده تقول لنا من الكويت.
Speaker A
يقول انا على طول يوم قالت من الكويت وارفع السماعه طال عمرك وادق عليهم.
Speaker A
مرحبا مرحبا.
Speaker A
يقول الوكاد سلمت عليهم وكذا من السوالف هذه قالت الوكاد احنا طبعا الحرمه اللي بالكويت تقول هذه اللي بحسبه امه.
Speaker A
قالت احنا طال عمرك زوجنا فلانه.
Speaker A
اللي هي عشيقه.
Speaker A
وعرسه الاسبوع الجاي.
Speaker A
لكن والله العظيم انها الحرمه ما تدخل على رجل الا انت تجي لازم تجي هذا انت تعتبر بحسبه اخوها الكبير.
Speaker A
لازم انك تجي وتحضر العرس.
Speaker A
ولازم تجيب ام فلان اللي هي زوجته.
Speaker A
ما ام فلان على اساس انه.
Speaker A
يقول طال عمرك واجي يمين يسار قالت والله اذا ما جيت انه ما يصير حتى العرس احنا حلفنا انتهى الموضوع.
Speaker A
يقول واجي على ام فلان.
Speaker A
قلت بنروح الكويت.
Speaker A
ايش عندك.
Speaker A
قال الموضوع يبا كذا وكذا خلاص عاد.
Speaker A
توكل على الله ازعجتي امنا.
Speaker A
يقول والف الحرمه طال عمرك واحطها بالسياره واركب طال عمرك سيارتي واتوكل على الله الكويت.
Speaker A
يقول الفنادق بالكويت كانت فندق فندقين كذا.
Speaker A
يقول واروح طال عمرك واخذ لي فندق بالكويت واجلس.
Speaker A
يقول وادق على الناس.
Speaker A
قلت لهم انا بفندق فلان.
Speaker A
يقول ويجوني كلهم يقول قبل العرس بيوم.
Speaker A
ويا مرحبا ويا هلا وكذا ولازم تجي معنا يقول يمسكون حرمتي طال عمرك يلبسونها الذهب.
Speaker A
ويعطونها الخير ويعطونها اللي عندهم اللي فيه واللي ما فيه كل شيء قاموا يعطون.
Speaker A
ويا هلا ويا مرحبا ونورتنا والله وتجي طال عمرك عشيقتي وتسلم علي.
Speaker A
ويجي الخوات ويسلمون علي ويسلمون علي كلهم وانا احسبه الشيخ جالس طال عمرك بينهم.
Speaker A
وانا مغبون منقهر قهر.
Speaker A
يقول لكن قلت الله ييسر له.
Speaker A
خلاص انتهى الموضوع.
Speaker A
يقول واجلس طال عمرك لثاني يوم.
Speaker A
يقول ثاني يوم رحنا وديتها مغبوره اللي عندي طال عمرك وديتها العرس.
Speaker A
يقول طال عمرك بالعرس بعد العرس طلعت.
Speaker A
يقول ركبت معي بالسياره وهي تشكى انت شلون امس شلون تسلم عليهم.
Speaker A
يقول انفتح باب نقاش جديد يقول انا مالي خلق.
Speaker A
قلت يا بنت الناس هذا اللي بحسبه خواتي والله ما صار بيننا احنا اخوان وهذا موضوعنا واحد.
Speaker A
قالت انا مالي شغل انت رجال ما تستحي وانت.
Speaker A
يقول اطالع.
Speaker A
ايش اسوي بهذه.
Speaker A
اذبحها.
Speaker A
يقول واطلع طال عمرك واروح للفندق واخذ الاغراض وهذا.
Speaker A
قالت نبي ننام بالفندق.
Speaker A
قال ما في نوم.
Speaker A
امشي بس امشي.
Speaker A
يقول طال عمرك واخذ حرمتي وانا اطلع متوجهين على طريق الخفجيه او طريق وين يصيب.
Speaker A
يقول طالعين طال عمرك وانا ماسك الدركسون حق السياره وهي تسولف جنبي.
Speaker A
يقول وانا ماسك الدركسون وهي جنبي تسولف.
Speaker A
يقول انا هنا عشت لحظه صمت.
Speaker A
لحظه الصمت ما اسمع ولا شيء.
Speaker A
هي تسب وتلعن وانت وما ادري ايش وفيك واللي فيك ما يخطيك.
Speaker A
يقول وانا ماسك الدركسون واتذكر اول اللحظات.
Speaker A
اول مره شفتهم يوم بنشروا.
Speaker A
ذكريات الغزو يوم نقلنا طال عمرك الدمام يوم رحنا.
Speaker A
يوم جينا الشقق يوم سوينا يقول الذكريات قاعد تدور.
Speaker A
الاحلام الكبيره راح اتزوج اروح للكويت ولا تجي عندي ولا يصير.
Speaker A
يقول احلامي كلها وانا ماسك الدركسون هي جنبي بس صوت بس صوت.
Speaker A
يقول ما ادري وش الموضوع اللي صاير.
Speaker A
يوم جيت عند الجوازات.
Speaker A
واطالع ولا هذه اللي احنا تسولف.
Speaker A
يقول يوم وعيت.
Speaker A
قلت نعم.
Speaker A
قالت انت ما تسمعني صار لي ساعه اسولف.
Speaker A
يقول وانا طال عمرك اخرج من الجوازات.
Speaker A
ونطلع برا الجوازات يقول بعد الجوازات وتوجهت طال عمرك يمين.
Speaker A
قالت الدمام.
Speaker A
الدمام.
Speaker A
قال استريحي نبي نروح نزور اهلنا شوي.
Speaker A
يقول واطلع طال عمرك يمين وشلع وما اوقف الا بالديره.
Speaker A
يقول وانزل من السياره قلت هذا بيت اهلك.
Speaker A
وانت طالق بالثلاث.
Speaker A
يقول وارجع فوق تحت الى الدمام فلان.
Speaker A
صار عمري 50 سنه وانا ما قدرت اتزوج.
Speaker A
قلت له الحين.
Speaker A
قالوا لبكره.
Speaker A
قلت يا ولد غير رايك.
Speaker A
قال انتهى الموضوع.
Speaker A
قصه حب جميله عشتها بايديني وعشتها بنفسي وبنيتها بنفسي.
Speaker A
وهدمتها بتصرفاتي.
Speaker A
حاولت اني اسوي نفسي لكن ما قدرت.
Speaker A
وانتهى طال عمرك كل قصص الحب عندي.
Speaker A
كل فكره للزواج كانت مبنيه في حياتي انتهت.
Speaker A
الله يعينك.
Speaker A
قال الجميع.
Speaker A
تواجه على خير ان شاء الله.
Speaker A
السلام عليكم.
Topics:غزو الكويتالدمامقصة حقيقيةحب عذريالإنسانيةالتضامنالزواجظروف الحرببدر اللاميقصص معاصرة
