Speaker A
كم ممكن نبيع هذا الحزام جلد طبيعي؟ أو كم ممكن نبيع كاسة النحاس طبيعية؟ أو خلينا نحكي أصلية.
تعلم كيف تحول منتجات بسيطة يدوية إلى تجارة أونلاين مربحة من خلال التعاون مع حرفيين وبيعها على منصات مثل إيباي وإتسي.
Key Takeaways
- المنتجات اليدوية يمكن تحويلها إلى تجارة إلكترونية مربحة عبر منصات مثل إيباي وإتسي.
- التعاون مع الحرفيين المحليين يدعم الصناعة ويزيد من جودة المنتج وقيمته.
- حساب التكاليف والعمولات والشحن ضروري لتحديد هامش الربح الحقيقي.
- سرد قصة المنتج يعزز من جاذبيته ويساعد على رفع سعر البيع.
- تنويع المنصات وعدم الاعتماد على منصة واحدة يزيد فرص البيع.
What the video covers
- عرض أمثلة على منتجات جلدية ونحاسية وخشبية يمكن بيعها عبر الإنترنت بأسعار مربحة.
- شرح كيفية البحث عن أسعار المنتجات وحجم المبيعات على منصات مثل إيباي وإتسي.
- توضيح حساب هامش الربح مع الأخذ بعين الاعتبار تكلفة المنتج والشحن وعمولات المنصات.
- تشجيع التعاون مع الحرفيين المحليين لدعم الصناعة اليدوية وتحويلها إلى مصدر دخل.
- تسليط الضوء على أهمية سرد قصة المنتج لجذب المشترين وزيادة القيمة المدركة.
- تقديم نصائح حول استخدام أدوات البحث والتحليل لتحديد المنتجات المناسبة للبيع.
- مقارنة بين أسعار المنتجات اليدوية الأصلية وأسعارها على المنصات العالمية.
- توضيح أن منصات التجارة الإلكترونية متعددة ويجب عدم التقيد بمنصة واحدة فقط.
- عرض أمثلة على منتجات متنوعة مثل الأحزمة الجلدية، النحاس الأحمر، والصناديق الخشبية.
- تأكيد أن العمل المستمر وبيع عدة قطع شهرياً يمكن أن يحقق دخلاً جيداً.
Chapters
- 00:00مقدمة عن بيع المنتجات الجلدية والنحاسية
- 00:32التعاون مع الحرفيين وبيع المنتجات أونلاين
- 01:01البحث عن المنتجات على إيباي وتحليل المبيعات
- 01:38أمثلة على أسعار الأحزمة الجلدية وحساب الربح
- 02:09شرح هامش الربح باستخدام أداة إيباي كالكوليتر
- 03:10تجربة شخصية مع صناعة الجلد الطبيعي في المغرب
- 04:11عرض منتجات النحاس الأحمر وأسعارها على إتسي
- 06:15حساب الربح من بيع منتجات النحاس ودعم الحرفيين
- 07:18منتجات خشبية يدوية وأسعارها على منصات البيع
- 08:28تأثير كلمة هاند ميد على رفع سعر المنتج
Full Transcript — Download SRT & Markdown
Speaker A
[موسيقى] نحاس أحمر. طيب، كم ممكن أبيع منتج زيتون خشب 100%؟ معظمكم بيعرف وصار يتابعني وبيعرف أنه نحن عم نلف دول العالم حتى نحكي عن منتجات حرفية.
Speaker A
منتجات يدوية وممكن نتعاون مع هذول الحرفيين نصير نبيعها أونلاين أو نعملها بدولتنا. بغض النظر ما بتتابعني من المغرب، من السعودية، من الأردن، من الدول الأوروبية، الهدف نحكي قصة المنتجات ونحكي قدش ممكن يبيعها وحجم الطلب عليها.
Speaker A
هذا الحزام، إذا بتشوفوا الفيديو اللي عملناه، عبارة عن جلد طبيعي. كيف طريقة صنعه؟ طبعا لما نحكي نحن جلد ممكن تكون محافظ، ممكن تكون شناختي، ممكن يكون أي شيء له علاقة بمنتجات الجلدية.
Speaker A
فع سبيل المثال، أنا حطيت رحت على إيباي على منطقة الريسيرتش.
Speaker A
بنروح على برودكت ريسيرتش، بنحط الكلمة اللي بدنا إياها. فانا حطيت مثلا جلد رجالي حزام. ففرجاني تقريبا كم بالسولد بأخر ثلاث أشهر؟ في أكثر من 19000 سيلر، بس مش هون الموضوع. اطلعوا كمية الأشياء اللي بتنباع. يعني بدي أنزل لكم مثلا على هذا الحزام.
Speaker A
مثلا، مثال هذا الحزام بنباع بـ 17$ وبايع بأخر ثلاث أشهر ما يقارب 3000$، بايع 197 حبة. أعطيكم هيك مثال، لو أنت ربحان فقط دولارين، دولارين فقط بالحزام، 200 حبة هي 400$. وبأخر شهرين ثلاث أشهر نروح مثلا على حزام ثاني، اطلعوا هذا بيبيعه بـ 33$ وبايع منه 158 حبة.
Speaker A
أنا الفكر اللي بدي أوصل لكم إياه إنه بلش. هذا أنا اشتريته من المغرب بـ 10$. لو أنا هلا بدي أبيعه على إيباي ممكن أبيع بـ 23$ أو 33$ أو 21$. الشحنة ما رح تكلفني أكثر من ثلاث دنانير من خلال أي بريد محلي سواء بالمغرب، بمصر، بالسعودية، بالأردن. المفروض ما يكلف أكثر من ثلاث دنانير شحن. أنا بحكي عن الأردن. هذا بايعه بـ 17$.
Speaker A
والفكرة، ابلش منتج ممكن أخذه من دولتي وأعرضه على إيباي، أعرضه على إتسي. أنا لما أحكي مش شرط إيباي، منصات تجارة إلكترونية متنوعة. أنا بحكي مثال إيباي وحطينا فقط مثال على حزام. لو حطيت مثلا، نحط مثلا وولت محفظة ونشوف قديش حجم البحث عليها.
Speaker A
اطلعوا متوسط البيع 43$ للحبة الواحدة فيما يقارب 16000 سيلر. اطلعوا قديش عم تنباع بأخر فترة. شوفوا هذا بايعها بـ 10$ و422 حبة، هي بـ 22$ وبايع منها 252 حبة.
Speaker A
لو بدنا نحسب هامش الربح بشكل سريع، خلينا نروح على هي الأداة اسمها إيباي كالكوليتر. هي ممكن تساعدكم بعدة منصات، بس أنت نحن بنحط مثال إيباي على سبيل المثال. أنا بدي أبيع الحزام بـ 30$، والإيتم كوت مكلفني 10$. أنا اشتريت الإيتم هذا الحزام بـ 10$. الشيبين خلينا نحكي رح يكلفني 5$. لو أنا بدي أبيعها على إيباي رح أربح فيها 10$، وإيباي رح ياخذ عمول له ما يقارب 4.4$. أربعة.
Speaker A
هلا خلينا نكون واضحين، جميع منصات التجارة الإلكترونية في العالم بتاخذ نسبة. إيباي بياخذ نسبة، أمازون بياخذ نسبة، إتسي بياخذ نسبة في شغل وفي شغل كثير بالاونلاين.
Speaker A
طبعا أنا شرحت عن موضوع الجلد تمام، وحكينا عن موضوع المحفظة. منتجات الجلدية متنوعة كثير، متنوعة ممكن تتعرف عليها. أخبازات بالمغرب فيهم منتجات جلدية رائعة.
Speaker A
طبعا هذا الحكي نفس الشيء إذا رحت على إتسي. لسه إتسي أعلى وأعلى، إتسي لأنه بيهتم أكثر بالمواد الحرفية أو المنتجات اليدوية. اطلعوا إنه إيطالي. طيب، نحن الدول العربية أحسن من إيطاليا مليون مرة.
Speaker A
أنا عشت التجربة كلها كاملة، عشت التجربة ومسكت الجلد بيدي ونظفناه بيدينا وصنعنا منه. عشت التجربة كاملة. اطلعوا 80$، 67$، 54$، 41$، 64$، 165$. شايفين الأرقام وكلها عبارة عن جلد، جلد طبيعي.
Speaker A
فمو شرط أنا أتقيد بإيباي. طبعا إتسي مش موجود بكل الدول العربية، موجود في المغرب. فمغاربة بتقدروا تشتغلوا عليه، وإن شاء الله حيفوت الدول العربية كلها كاملة. موجود بمصر، أتوقع بالإمارات. فمو شرط نتقيد بمنصة واحدة.
Speaker A
هذا مثال على الجلد الطبيعي زرناه بالمغرب وشفنا كيف بإنتاجه. ناخذ هلا برودكت آخر، هذا النحاس الأحمر الأصلي. شايفين هي الصينية؟ طبعا ست ملفوفة بالكيس. هي أنا عملتها كاملة أنا والحرفي في سوريا. وبنصحكم تشوفوا الفيديو كيف النحاس الأحمر كيف بيكون وكيف تحول لهذه الصينية. رح أفرجيكم على أسعارها على إتسي، رح تنصدموا.
Speaker A
هي طبعا شغل النحاس موجود بسوريا بكثرة، وموجود في الأردن بس بشكل قليل. مش متأكد بمصر موجود وبالمغرب موجود. طبعا في منتجات ثانية هي زي يعني خلينا نحكي زي زبدية أو طاسة، وهي أكياس. هي كمان أنا عملتهم بيدي من النحاس الأحمر.
Speaker A
طبعا هون من هون بتتبيض وبنصحكم تشوفوا الفيديو عشان تفهموا تفاصيله كاملة. نروح على إتش سي. طبعا هي الصينية. أنا اشتريت بـ 40$ وما فصلت الحرفي لأنه بدي أدعمه بـ 125$. هذا النحاس الأحمر اللي بحكي عنه. هذا النحاس نسخة عنه.
Speaker A
شايفينه نسخة. اطلعوا هي ها هي 200 دولار. شفت زيها عند الحرفي بتنباع بـ 30$. اطلعوا هي الكاسات اللي بحكي عنها 36$. هي أنا اشتريتها بـ 3 دولار. يا جماعة الخير، 3 دولار اشتريتها يعني بعد ما عملتها دعمتها واشتريتها منه.
Speaker A
شايفين النحاس الأحمر 109$، 78$، كله نحاس أحمر موجود على منصة إتش سي. تعالوا نشوف الصينية اللي حكيت لكم عنها، تنصدموا من الأسعار. 188$. أنت انصدمت؟ عودة. قال لي بلاش من الفيديو. [ضحك] نشتغل فيهم والله. اطلع 73$ وهي أنسو مش نحاس. 99$ هي.
Speaker A
أختها، أختها اللي اشتريتها وهيها 190$ وهيها زيها 290$. 125$ تمام، 64$. فانا اللي بدي أوصل لكم إياه وقلت لكم قد إيش أسعارهم. هلا كيف نشتغلهم؟
Speaker A
أما بتشوف حرفيين بدولتك أو تتعاون مع الحرفيين اللي بحكي عنهم بالفيديو اللي بحكي عنهم، تواصل معهم.
Speaker A
وهذول أصلا بصدروا لبره. يعني الحرف اللي قعدت معه بسوريا بصدر دول الخليج. طيب تعال نحسب هيك هامش الربح تبع المنتج. أنا اشتريته بـ 40$، والإيتم كوست هون 40$. وعفوا، وبدي أبيعه زي ما محطوط على إتسي 140$. وبدي أفرض الشيبين كوست لأنه ثقيل شوي. بدي أحط 20$. وبدي إذا بحكوا أضربها. لو بدي أبيعها على إيباي بعد ما إيباي ياخذ عمولته، أنا ربحان 60$.
Speaker A
وأنا أعطيتكم سعر قدش بنباع وقديش بنشحن. تمام. وها لو بدي أرفع الشحن أخليه 30$. إذا في بعض الدول بيكون أغلى. هي 30$ هي صفى لك 50$. طيب لو بعت لك واحدة باليوم، عم بعت لك أربعة بالشهر، خمسة بالشهر، مش دخل حلو يجيك نهاية كل شهر.
Speaker A
طبعا نفس الشيء للكاسات والطاسات، أي شيء نحاس. أنا فتحت لكم هون قدامكم على إتسي. هي هون كله عبارة عن صواني. هون كلها أدوات منزلية من النحاس. اطلعوا هذا طقم معالق وشوك ومش عارف شو بـ 133$.
Speaker A
ملاحظين شغل النحاس ونصيحة شوفوا فيديو لأنه بفرجيكم تفاصيل صناعته، والناس لما تشوف هذا الشغل تعطي باليو أكثر للمنتج، والحرف اللي وراه وكيف بيقعد ثمان ساعات عشان يطلع لك هذه الكاسة أو يطلع لك الصينية. بصير يدفع حق المجهود وحق العاطفة.
Speaker A
خلينا ناخذ منتج ثالث. هذا شايفينه عبارة عن صندوق خشب. تمام؟ هذا أنا صنعته بيدي مع الحرفي في الأردن. وبنصحكم كمان تشوفوا الفيديو عشان تشوفوا كيف بإنتاجه.
Speaker A
اطلعوا شايفين هذا ورد مجفف، ورد الصدر اشتريته من المغرب مجفف وريحته بتجنن. والله عود ريحته حلوة. فهذا أنا صنعته كامل مع الحرفي، اشتريته بعد دنانير. خلينا نشوف والله مع بعض لو أنا بدي أفوت على إتسي.
Speaker A
طبعا الحكي اللي بعمله هنا برجع باكد بتطبقه على أمازون، بتطبقوا على إتسي، بتطبقهوا على أي متجر إلكتروني أنت حابب تبيع فيه.
Speaker A
فأنا بدي أحكي مثلا أوليف وود بوكس. خلينا نشوف شو بيطلع عننا بوكسات. الله الله. اطلعوا، اطلعوا هي أول واحد طلع بوجهي 200$.
Speaker A
وطيب، هي هذا 63$. واطلعوا هذا أحلى. هذا أنا اللي عاملها. اطلعوا فيه العروق وفيه كل شيء وفيه التفاصيل والملمس. وبـ 10 دنانير 63$ وببيعه.
Speaker A
خلينا نشوف شيء قريب منه. اطلعوا هذا 94$. اطلعوا 30$. وبدي أفرجيكم أرقام جد، أرقام، أرقام كبيرة. اطلعوا هذا 100$ وشايفين 181. شوفوا هذا.
Speaker A
أخوه اللي عملته تقريبا 43$. في أرقام، في أرقام كثيرة حلوة وأرقام جد ممكن الواحد يبيع من خلالها.
Speaker A
خلينا نحط والله كلمة ثانية مثلا أوليف وود بوكس هاند ميد. خلينا نشوف 200$ و100 دولار. فرق كلمة هاند ميد شفتوا كيف رفع السعر؟ 63$ و200$ و100 دولار، 49 دولار، 100 دولار.
Topics:تجارة إلكترونيةمنتجات يدويةحرفيينجلد طبيعينحاس أحمرإيبايإتسيمصدر دخلتسويق منتجاتحساب الربح
