بودكاست قصص من فلسطين | حوار مع أحمد قعبور — Transcript

اشتهرت الاغنيه اكثر مني يعني

خلص.

كيف اليوم ممكن تستعمل فنك لمجابهه هذا المشروع اللي بده يفتت القضيه الفلسطينيه في الوعي العربي؟

القضيه هي عمل ثقافي وفكري وفني في في نوع من الالتزام

عم يتجدد جيل بعد جيل وما راح ننسى هو مش مجرد اجساد مرميه على الارصفه، هو قضايا وكل قضايا وكل انسان يستحق اغنيه كل شجره زيتون كل حلم كل كل ذكرى طيبه يحولها لاغنيه.

سلامات انا راما سبانخ وهذا بودكاست قصص من فلسطين.

في نضالنا المستمر نحو التحرر رافقتنا انتاجات ثقافيه وفنيه عززت من صمودنا وثقت نضالنا وعبرت عن وجعنا.

ضيفنا في هذه الحلقه حكى للشعوب وناديكم وغنى لكل اللي سموهم لاجئين وللي رايحين وراح يروحوا صوب بلادي وغنى للناس لكل الناس.

بنرحب بالفنان اللبناني القدير الاستاذ احمد قعبور في استوديو صوت في عمان لنحكي عن الفن والثقافه في مقاومه المشروع الصهيوني.

اهلا وسهلا فيك استاذ احمد.

شكرا على بودكاست قصص من فلسطين وشكرا لك شكرا لفريق العمل.

اليوم انت موجود في الاردن استاذ لعرض بمرافقه اوركسترا معهد ادوارد سعيد بتنظيم مسرح البلد وموجودين لدعم صمود هالمؤسسه واعاده اعمار مقرها في غزه شو اللي دفعك لت دعم هذه القضيه بهذا التوقيت؟

الحقيقه المساهمه في في هذا النشاط ما غريب علي لانه منذ البدايات قبل قبل 50 سنه كنت اسست لجنه شعبيه لدعم صمود الناس على الاقل بالمنطقه اللي انا عايش فيها وطبعا كنا نامن المواد الاوليه للناس في مواجهه الحرب الاهليه من تكنس الشوارع تامين النظافه للناس وصولا للرز والسكر والخبز وختاما بتامين الطعومه واللقاحات للاطفال فهذا العمل التطوعي قريب معي.

قريب معي ودعم من والدتي بشكل خاص لانه هي كانت احد اهم اسباب دعمنا كعائله لانه نحن كنا عائله بست اولاد وعندنا في اولاد عمي ثلاث ايتام كان يعيشوا معنا فهذا العمل التشاركي والتطوعي انا ربيت عليه زائد زائد تاثري كثير ب بفنانين اذا بدك رسموا هيك ملامحنا من الشيخ امام لسيد درويش لعمر الزعني في بيروت وخي الاكبر كان اشتغل سياسي مبكرا فهيك نهلت منه الافكار النضاليه زائد وضعنا المعيشي يعني انا امي كانت ست كادحه والدي كان موسيقي اول موسيقي في في لبنان عازف كمان ف وبما اني جار المخيم جار مخيم صبرا فتعرفت على الاثر اللبناني الفلسطيني مبكرا يعني وشربته وشربته و والحكايه اللي خبرتها بالاحتفال عن الابو ابراهيم اللي بيع الخضار.

وتعلمت شفت شفت ال النزوح واللجوء في هيك خطوط الجبين عند الناس يعني وتفاجئ انه شوف ناس يعني فكرهم عمرهم 20 يطلعوا اقل من هيك بكثير قد ما الزمن يعني هيك تعبهم و فربيت بهذه البيئه يعني.

فلذلك تلبيتي للنداء لمسرح البلد و ل معهد ادوارد سعيد.

وعرض امبارح كان اللي انا لمسته تسلسل جيلي امتداد استمراريه موسيقيه هائله من حضرتك وقامتك الموسيقيه الممتده لوجود الجوقه والمغنيين والعازفين اللي كانوا ممكن منهم طلاب جامعات وطبعا كانت كنا محظوظين انه الفنانه سيما كنعان كانت موجوده من جيل الانتفاضه الاولى من فرقه الفجر فشفنا مثل يعني لوحه فاللوحه اللي كانت موجوده هي لوحه النضال الفلسطيني المستمر من الانتداب لليوم بشكل تجلى حسيت هالشيء وانت على المسرح.

حسيته كثير قبل الاحتفال حتى لما تعرفت على الكورال وعلى العازفين والعازفات واسالهم من وين شيء اللي ام الفحم شيء من حيفا شيء من عكا فحسيت انه مش دائما تضطري تشوفي الاماكن بتشوفي بتعرفي على الاماكن من عيون اصحابها من عيون المقيمين فيها فمره جديده شفت حيفا مره جديده شفت عكا مره جديده شفت رام الله والخليل والجليل وحسيتهم هيك مفعمين انا تفاجات بشكل كثير ايجابي وكثير هيك في اندفاع انه هالقد حابين يعطوا قضيتهم هالقد انه القضيه من جيل لجيل بعدها بعدها مستمره وباندفاع اكثر وبوعي اكثر وحبيت كثير هذا الوجه الفني والثقافي اللي بده يعبر عن القضيه لانه القضيه مش بس بيانات سياسيه وقتال ومقاومه القضيه هي عمل ثقافي وفكري وفني في في نوع من الالتزام عم يتجدد جيل بعد جيل وانا كثير سعيد كنت اني غنيت اغاني قديمه وسمعت اغاني جديده وما بين الاغنيه الجديده وما بين الفولكلور تشكلت هيك هويه بالمسرح كثير عنيت لي ويبدو عنيت الناس فهذه نقطه انه الاغاني بعدها مستمره بعدها عم تخترق الاجيال حسيت انه لا اللي زرعناه ذات يوم عم بيثمر وان شاء الله يثمر دائما.

عوده للاباده والدمار اللي حصل بغزه يعني وجنوب لبنان طبعا بعد 15 شهر من الاباده المستمره في غزه وجنوب لبنان هل شعرت استاذ احمد انه المجال الفني كان قادر على التقاط حاله المقاومه ودعمها وتعزيز ممكن صمود الجبهه الداخليه؟

بلحظه من اللحظات انت عم تتابعي الاخبار وتشوفي بشكل مباشر الدمار والضحايا والشهداء بحس بلحظه من اللحظات انه كاني انشليت كاني تحولت لشاهد بس مكتوم بدي اقول شيء بتحسي انه اي عمل فني لهذه المشاهد اذا ما ارتقى ل ل ل ل فظاعتها ما ممكن يستمر لانه انت ما بتكفي تعملي اغنيه لقضيه معينه بس تاثرا بالقضيه لازم العناصر الفنيه شعرا ونصوصا وغناء وتلحينا يرتقي لمستوى القضيه لانه في طلع كثير اغاني عن قضايا مختلفه خلصت القضايا وخلصت معها الاغاني اما في اغاني بقيت نحن بنحب شعر المتنبي وبننسى المناسبات اللي قيل فيها بس لما يحمل من قيمه جماليه.

واصلا متعودين على هذا العدو المجرم انه يرتكب جرائم نحن عشنا قبل بعد كفر قاسم وبعد كثير من المجازر شفنا بام العين قانا وانا عشت صبرا وشتيلا انا جار المخيم وقررت قرار يبدو سيء بس اني اني افوت شوف المجزره عن بام العين العين المجرده فتت على المخيم بعد من الاشلاء بالمخيم فتت بيقولوا لي وين رايح قلت لهم بدي اعبي كراهيه بدي اعبي غضب بدي اعبي نشوف الاطفال كيف قتلوا حتى ما انسى صورتهم حتى يضل في عندي حافز لاقول لهذا العدو لا هذه ارضنا وما راح ننسى هو مش مجرد اجساد مرميه على الارصفه.

هو قضايا وكل قضايا وكل انسان يستحق اغنيه كل شجره زيتون كل حلم كل كل ذكرى طيبه يحولها لاغنيه.

انا مصدومه من المشهديه اللي قدمتها وبقدر اتخيل هلا انه مرت عليك فتره مثل نحن عم نعيشها هلا اذا عم تحكي انك شفت الاشلاء.

الحقيقه بلبنان نحن عم نعيش بالهدنات يعني انا هلا على ابواب السبعين من ال 63 لغايه اليوم عشنا مخاض مخاض ودائما كنا نتفاجئ انه نجونا من الحرب وانا عندي بيتي وعندي حيطاني وعندي سقفي فكيف اللي عنده خيمه وكيف اللي عنده

ما بيملك شيء الا البحر يعني اهل غزه كان اخر ملاذ لهم البحر ف واحيانا البحر مش دائما بيكون معك يعني والرياح ما بتكون معك ف ايمانا ايمانا بالحياه بهذه الهبه العظيمه يجب ان نحسن شروط الحياه فكيف بالحري الناس اللي عم يخسروا حياتهم فانا مقبل على هذه الحياه ومقبل على التعبير عنها لاني فقدت احبائي في بيروت ذهبوا اغتيالا وشهاده فحرص على اني اغني لهم ومش دائما باغاني هيك جديه.

احيانا بغني للفرح وبغني للعيد وبغني للاطفال انا ثلاث ارباع انتاجي موجه للاطفال لانه الفرح اللي ما قادر اقدمه للكبار بقدمه لصغار وبتحول طفل باستوديو يعني.

ام مع موضوع الاطفال تحديدا يعني بتخيل انه كثير في اعمال قدمتها ممكن اشهرهم مع الفنانه الراحله ريم البنا وجهتها للاطفال فشو السبب وراء مخاطبه الاطفال برايك؟ انت حكيت عن الفرح وانه ما بتقدر تقدمه الا للاطفال ايش في كمان اسباب عم تدفعك؟

في سبب يعني انا قبل ما اكون ملحن ومغني وممثل انا كنت تربوي ناس ما بيعرفوا انا كنت مدرس في الروضات والابتدائي ثم لاحقا صرت مدير في خطا غير مقصود يمارس من قبل المهتمين بثقافه الاطفال انه يعملوا لهم اغاني بسيطه وسهله.

علما انه الطفل عنده رغبه دائما بالارتقاء ما في يعني لما يمثلوا الاولاد ما حدا بيمثل دور طفل وحده بتاخذ دور المعلمه واحد الاستاذ واحد الفلاح واحد العسكري فانت لما بدك تتوجهي لهم بدك تلاقيهم بنص الطريق مش تعملي لهم شيء سهل انا عملت اغنيه رمضان بالزمان علوا البيارق وسالوني كثير صعبه وكثير مقام الراست وايقاعات عم تقلب قلت لهم طولوا بالكم ولما رحت علمتها للاطفال لقيتها غنوا احلى مني.

ما انت يعني اذا ماضينا عم نشوفه باجدادنا.

فمستقبلنا بدنا نشوفه باولادنا فبدي ومش طريقه الوعظ يعني التربيه والوعظ خليها للمدارس انا لا بروح معهم للاشياء اللي اللي بتهمهم الانطلاق المساحه الكبيره اللي يلعبوا فيها الفرح العيد فمشان هيك ما لا استطيع ان اقدمه للكبار من فرح اقدمه وبقدمه لالي بقدمه لالي لانه الحمد لله بعده الطفل اللي في بعده عايش وبعده بشد في غني غني غني.

اتامل ذلك ما تنسوا تعملوا سبسكرايب على قناه صوت على اليوتيوب.