Speaker A
بسم الله الرحمن الرحيم، النهارده الجزء الثالث من ترجمة رسالة ديفيد مورا حول الإباحيات والإدمان المسماة ميل جريف.
Full Transcript — Download SRT & Markdown
Speaker A
كنا اتكلمنا في المقدمة والمقدمة دسمة ومركزة وهو تحس إن هو كان قاصد كده إن هو يعمل تحريك للدماغ، ما اداناش حاجة مفهومة قوي لكن كان بيحاول يعمل تحريك للدماغ يعني.
Speaker A
النهارده هنتكلم عن الحتة اللي بيسميها الإتيولوجي بقى أو سبب الإدمان، إيه اللي بيخلينا مدمنين؟ والحديث موجع جدا، أتمنى إن أنا أخلص النهارده فكرة السبب.
Speaker A
بيقول إن الناس اللي بتدافع عن الإباحيات بيقولوا إن الإباحيات أو النوع ده اللي أنتم بتسموه إدمان بيكسر الكبت.
Speaker A
أو إن الإباحيات ومشاهدة الإباحيات بل بعض أنواع إدمان الجنس الأخرى أو بعض السلوكيات الإدمانية بتمثل نوع من التحرر، فريدوم.
Speaker A
وناسيين الكبت اللي بيحصل جوه الإباحيات نفسها، يعني ناس كتير قوي أكتر حاجة تسمعها لما تتكلم عن فكرة إن الإباحيات قد تتحول عند بعض الأشخاص إلى إدمان وسلوك قهري إن الإباحيات ومشاهدتها دي فعل تحرر بيحررنا من الكبت وناسيين ده اللي بيقوله ديفيد مورا ناسيين الكبت اللي بتمثله الإباحيات نفسها.
Speaker A
هو هيحاول يفهمك إزاي الإباحيات ديت هي أكبر تجلي من تجليات الكبت، مش تعبير عن الكبت ومش تحرر من الكبت وإنما زيادة لهذا الكبت.
Speaker A
بيقول إن الإباحيات عالم محدود جدا وكادر ضيق قوي، كادر ضيق قوي عبارة عن الممارسة بس لدرجة إننا لو حاولنا نعد الحاجات اللي بيخرجها المخرج بره الكادر عايزين موسوعة كاملة.
Speaker A
يقصد بيها إن بيتم اختصار العلاقة ما بين الراجل والست إلى هذا الفعل اللي مش بيتحول إلى تعبير عن الذات أو تعبير عن الحب وإنما إلى أداء، إلى بيرفورمانس.
Speaker A
وبالتالي بيزيح عن الكادر ده كل المشاعر وكل الأفكار وكل المناطق الضعف وكل وجود الاثنين دولت ككيان إنساني كامل لا محدود، عالم كامل موجود داخل هذه الصورة بيتم إزاحته ويتم اختصار الرجل والمرأة في هذا الأداء الجنسي.
Speaker A
عشان كده ما فيش عجب إن إن الناس اللي اللي عندها مشكلة مع الإباحيات واللي عندهم المرض دوت واللي بنعاني من فكرة قلق الأداء بكل أنواعه، بيرفورمانس أنجزايدي.
Speaker A
ليه؟ لأن أنت داخل العلاقة الجنسية بتحاول تثبت حاجة، العلاقة الجنسية بقت مربوطة جوه دماغك بإيه؟ بفكرة إثبات الذات وإثبات الرجولة وبقت بيرفورمانس أداء، فبيخلو الجنس من وظيفته الطبيعية، الانسيابية، التعبير عن الذات والتعبير عن الحب والتعبير عن الغريزة ما بقاش تعبير، بقى إيه؟ بقى ساحة للإثبات.
Speaker A
فأصبحت العلاقة الجنسية تحمل نوع من أنواع القلق، يا ترى أنا هعرف أأدي كويس النهارده؟ وثقافة الإباحيات اللي على فكرة منتشرة جدا دلوقتي في مجتمعنا بقت بتعامل الجنس على إيه؟ على أساس إن هو وسيلة للتثمين، بتثمن أنت في العلاقة الجنسية.
Speaker A
أنت بيتم تقييمك في العلاقة الجنسية، أنت لما بتخش علاقة جنسية بتتحط على الميزان، فبقى فيه قلق خلينا نعترف بيه موجود عند الراجل قبل العلاقة الجنسية، يا ترى هعرف أثبت إني راجل بما فيه الكفاية؟
Speaker A
يا ترى هكون قادر على إشباع الطرف الآخر، قادر على انتزاع الصرخة اللي بشوفها جوه الإباحيات؟
Speaker A
فبقى عندي الموضوع خلاص ما أصبحش تعبير عني ما أصبحش انسيابي ما أصبحش تلقائي ما أصبحش وظيفة طبيعية وإنما أصبح إيه؟ أصبح ساحة محتاجة إعداد وتدريب وفهم وقراية بقت قصة كبيرة جدا.
Speaker A
بيقول إن هذا الاختصار اللي بيحصل وإزاحة العوالم الأخرى اللي موجودة داخل هؤلاء الأشخاص عن الكادر هو نوع من الكبت، هو نوع من الهروب.
Speaker A
الإزاحة دي لمشاعره وضعفه وأفكاره هو كبت داخل الكبت.
Speaker A
يعني هروب واهم من الكبت نحو كبت أكبر.
Speaker A
بيقول إن ببساطة النساء بيتم استغلالهم في البورن وإلزامهم دايما بدور الضحية المقموعة.
Speaker A
مش هنخوض قوي في القصة دي هنا، مش هنخوض بقى في فكرة إن إزاي الإباحيات مش هنخش في حتة فيمينستك شوية لا يعني دي ليها منطقتها الثانية.
Speaker A
وكيف يتم اختصار الأنثى واستغلالها وغيره، بس هنتكلم في إن البورن بيصبغ دماغنا بعدسة بيخلينا نشوف الدنيا من خلال ودي نقطة مهمة قوي.
Speaker A
من خلال دورين موجودين في العلاقات، دور المستغل أو المسيء أو المؤذي أو المتحكم والمتجبر ودور الضحية الأداة الإشباع المقموعة الخاضعة الخانعة، فلا عجب بص تحس إن أنت بتبتدي بالإباحيات بتبتدي دايما بسوفت بورن حبة صور.
Speaker A
وبعدين تطلع لأعلى وبعدين تطلع لأفلام وبعدين تطلع لأعلى وما حدش بيتفرج على الإباحيات غير لما يفضل يكسر سقف ورا الثاني لحد ما يوصل لإيه؟ للعنف.
Speaker A
لحد ما يوصل لأن هو بيشاهد خلاص ما أصبحش أصبح اللي العتبة بتاعة الاستثارة بتاعته عليت، فما عادش بيثيره الممارسة الطبيعية بقت مش مش مثيرة بما فيه الكفاية.
Speaker A
فبقى محتاج فعل أكبر وأقوى وممارسة أكبر للاستغلال وللعنف عشان يعرف يستجيب، فالعجيب إن الإباحيات في النهاية المدمن مننا كرجالة بيتحول مع الوقت وبتتحط جواه بذرة غريبة جدا من السادية.
Speaker A
من الاستمتاع بالألم لأن الألم بقى بإيه؟ بقى دلالة على حسن الأداء، على قوة الأداء، فبالتالي دلالة على إيه؟ على رجولتي.
Speaker A
والمرأة اللي برضه مطحوطة معانا في الإدمان ده تجدها مع الوقت تحول إلى خنوع وخضوع أكتر وانبطاحية أكتر وانهزامية أكتر فيتحول الإيه؟ العالم إلى دول بس.
Speaker A
ببساطة الشخص ده اللي بيقوله، الشخص اللي بيشخص بيبدا يشوف العالم من خلال نظرة الإباحيات فبيسيء لنفسه ولشريك حياته وبيكون هو ضحية نفسه.
Speaker A
الراجل بيتحول للعنف والسادية والمرأة تتحول للخضوع وأحيانا تتحول المرأة إلى طلب العنف اللي هي المازوخية، محتاجة تتألم عشان تحس بالحب.
Speaker A
هيشرح التفصيل دوت ليه ليه الإباحيات فيها هذا الاختصار.
Speaker A
بيقول إن الإدمان هو سلوك متعلم مش سلوك طبيعي، يعني ما فيش حد مدمن بالإيه؟ بالسليقة مخلوق مدمن، ما فيش الكلام ده، الإدمان ليرند بيهيفير.
Speaker A
طب إيه اللي بيخلينا نتعلم؟ إيه السبورة اللي بتتحط عليها حاجات معينة بتعلمنا نبقى مدمنين؟
Speaker A
الحتة اللي جاية ديت من الحاجات اللي أنا ما كنتش فاهمها لفترة طويلة جدا جدا ولما كان حد يكلمني فيها مش عارف أشوف الرابط، إن ما فيش مدمن مش هتلاقي وراه إساءة، صدمة، وجع وألم بنحطها تروما في الصغر.
Speaker A
في الصغر أو في مرحلة النشأة يعني.
Speaker A
دايما في إساءة، فبيقول إن وسيلة التعلم اللي إحنا بنتعلم بيها الإدمان ويتحول لجزء متسطب جوانا هو الإساءة.
Speaker A
مش مفهومة، ما كنتش فاهم زمان يعني إيه عشان حد يخف من الإدمان محتاج إن هو يشوف إيه الإساءات اللي هو اتعرض لها؟
Speaker A
يعني إيه تفتح له الإساءة وتحرر له الإساءة وتحرر له الإساءة وتحرر له الوجع والصدمة اللي هو اتعرض لها فيخف من الإدمان؟
Speaker A
ما كانتش مفهومة بالنسبة لي قوي.
Speaker A
ولما سمعتها للمرة الأولى رجتني فعليا.
Speaker A
بيقول إن الإساءة بتدعم مجموعة من المعتقدات تجاه الذات وتجاه العالم وتجاه الأشخاص الآخرين وتجاه ربنا وتجاه الدنيا وتجاه معنى الحياة.
Speaker A
بتؤدي إلى صناعة الإدمان.
Speaker A
الإساءة بمعنى إيه؟
Speaker A
بمعنى إساءات نفسية أو جنسية أو جسدية.
Speaker A
الضرب إساءة.
Speaker A
الربط في السرير والحرق بمش عارف بإيه والخرطوم والسلكة والرشاقة دي إساءات بيتم ممارستها على الطفل.
Speaker A
التحرش.
Speaker A
الجنسي إساءة.
Speaker A
ودي في حد ذاتها تجربة يمكن هو ده اللي هيركز فيه شوية.
Speaker A
بس كل دي أنواع من الإساءات.
Speaker A
المقارنات.
Speaker A
الإساءات النفسية بقى والإساءات الشعورية.
Speaker A
الاستهانة بالطفل وبمشاعره.
Speaker A
إن هو يقارن بحد تاني.
Speaker A
إنه يطلع عليه اسم يبقى ملازمه فترة طويلة.
Speaker A
العنف النفسي اللي بيتم توجيهه تجاه بعض الأطفال دي إساءات.
Speaker A
الإساءات دي هي اللي بتخلق مدمن.
Speaker A
بتخلق حاجات تانية على فكرة.
Speaker A
يعني يعني كثير جدا من الاضطرابات النفسية بتبقى الكور بتاعها إساءات.
Speaker A
ومحتاجة تفتح فيها إساءات.
Speaker A
بس إحنا دلوقتي بنركز في الحتة بتاعة الإباحيات وبتاعة الإدمان الجنسي.
Speaker A
بيقول إيه اللي بيعد إساءة؟
Speaker A
دي مسألة محيرة.
Speaker A
يعني ممكن في بعض البلدان الأم اللي بتحدف الولد بالشبشب بتاخدها بهزار.
Speaker A
لكن كل الناس متفقة تماما تماما.
Speaker A
الطفل اللي بيتربط أو اللي بيتضرب بالسلكة أو بيتضرب بالخرطوم أو اللي بيتهان أو اللي بيتهزأ أو اللي بيطلع عليه اسم أو.
Speaker A
دي متفق عليها إن هي نوع من أنواع الإساءة.
Speaker A
إن التحرش إساءة.
Speaker A
ما فيهاش حد يقدر يعترض.
Speaker A
لكن هناك بعض الإساءات اللي ممكن نختلف عليها.
Speaker A
اللي ممكن بعض الناس تتعرض لها ما تحصلش معاها أزمة كبيرة.
Speaker A
أو ياخدها حتى بعضهم إن ده الأم المصرية الطبيعية اللي بتصرخ مثلا ليل نهار أو إن هي.
Speaker A
دي مختلفة شوية عن الإيه؟
Speaker A
عن الإيه؟
Speaker A
فبيقول إن اللي بيعد إساءة ده شيء محير.
Speaker A
لكن بلا شك إن تحرش أب ببنت أو أم بتضرب ابنها بالرشاقة.
Speaker A
ده اللي بيقوله.
Speaker A
ده بلا شك بيعد إيذاء وإساءة.
Speaker A
لكن الدفاع الدايم من المسيئين ومن المؤذيين.
Speaker A
على فكرة هتسمع الدفاع ده كتير.
Speaker A
حتى في بلادنا إن ده الأب ويعمل في ابنه اللي هو عايزه.
Speaker A
ودي الأم وبتربيه.
Speaker A
إن الطفل كان محتاج ده.
Speaker A
ده الدفاع اللي دايما هيقدموه.
Speaker A
الطفل كان محتاج ده.
Speaker A
أو إن ده أحيانا كان بيتم عشان مصلحته.
Speaker A
وأحيانا وتسمع ده كتير جدا من المتحرشين إن الطفل هو اللي كان عايز ده.
Speaker A
أو إن البنت دي هي اللي كانت عايزة ده.
Speaker A
أو أحيانا الولد.
Speaker A
لأن كتير بيتعرض حتى الأولاد للإيه؟
Speaker A
للإساءات الجنسية.
Speaker A
على فكرة ده نفس الكلام وهو بيقول كده ده نفس الكلام اللي بيقوله صناع الأفلام الإباحية.
Speaker A
حوالين الإساءة للمرأة فبيقولوا إن المرأة مختارة وإن ده كان بإرادتها.
Speaker A
وإن هي بتتلقى أجر ربما أكبر بكتير من اللي كانت هتتلقاه في شغل شريف.
Speaker A
وده برضه اللي بيقوله مؤذيين في العلاقات.
Speaker A
إن ده كان برضاها وهي اللي كانت عايزة كده.
Speaker A
وما حدش ضربها على إيديها.
Speaker A
وعشان نفهم يعني إيه إساءة لازم نفهم إزاي الناس بتتعلم السلوك المؤذي.
Speaker A
وده هناخده بالتفصيل ولكن أهم شيء نعرف إن السلوك المؤذي والسلوك المسيء.
Speaker A
هو سلوك غير طبيعي بمعنى إن هو غير فطري يعني ما ينفعش الفطرة الإنسانية تتعامل معاه.
Speaker A
ما عندهاش أدوات للتعامل معاه.
Speaker A
عشان كده بيعمل خلل في المنظومة كلها.
Speaker A
وعمره ما بيظهر بشكل عفوي أو بدون تعليم أو بدون توجيه أو بدون مسببات.
Speaker A
عايز يقول لك إن إن ما فيش حد بيتحول إلى مؤذي بعدين من غير ما يتعلم ده.
Speaker A
وإن ده مش بيتعلمه عشان هو الكاركتر بتاعه كده أو هو عنده سمات شخصية كده.
Speaker A
أو إن ده متسطب جواه.
Speaker A
وما فيش حد مؤذي بالسليقة.
Speaker A
وما فيش حد ربنا بيخلقه مؤذي.
Speaker A
أو بيخلقه مدمن حتى.
Speaker A
إنما ده مرض بيتم تكوينه نتيجة فطرة تعرضت إلى إيه؟
Speaker A
إلى إساءات.
Speaker A
يعني إحنا ببساطة بنتعلم السلوك المسيء والمؤذي لما بتتشال مننا الاختيارات الأخرى.
Speaker A
لما بتتشال مننا اختيار أو أو ببساطة بيتشال مننا فرصة.
Speaker A
إن إحنا ننمو نمو طبيعي أو ننمو نمو سوي.
Speaker A
وبيتم تضييق العالم بتاعنا بحيث ما نشوفش غير لغة الإساءة.
Speaker A
ويبقى العالم بتاعنا أحادي الأبعاد.
Speaker A
أحادي البعد.
Speaker A
البعد بتاعه لغة الإساءة فقط.
Speaker A
فالأب أو الأم اللي بيضرب ابنه أو بيهينه أو بيأذيه نفسيا هو صنع لهذا الطفل عالم ما بيفهمش فيه غير لغة واحدة.
Speaker A
لغة العنف والقوة أو الانقهار أو الإرضاء.
Speaker A
أو التماهي إني أنا أتحول باللون المحيط عشان المحيط يرضى عني.
Speaker A
وما استفزوش.
Speaker A
أو يتحول إلى أب مؤذي بعدين لأنه ما اتعلمش إنه يتحب زي ما هو.
Speaker A
ما اتعلمش إن هو يتقبل قبول غير مشروط.
Speaker A
فيتحول العالم عارف في لغة الكمبيوتر لغة البرمجة زيرو وان زيرو زيرو وان زيرو.
Speaker A
هي اللغة عبارة عن حرفين.
Speaker A
أو عبارة عن مكونة بس من بعد.
Speaker A
زيرو وان.
Speaker A
فيتحول العالم عند الطفل اللي بيتعرض للإساءة.
Speaker A
إلى زيرو وان.
Speaker A
يا زيرو يا وان بس.
Speaker A
فإيه هم؟
Speaker A
يا مؤذي يا ضحية.
Speaker A
إذا هذا العالم مكان شرير ومكان خطير.
Speaker A
ومكان لازم فيه يا أكون مؤذي أو أكون مسيء أو هكون ضحية.
Speaker A
فأنا اللي بختار.
Speaker A
مش عارف إن في اختيارات أخرى بيتم تضييق العالم بالنسبة لهذا الطفل.
Speaker A
فالأشخاص بره إما أوغاد أو حمقى بس.
Speaker A
ما فيش أشخاص طبيعيين.
Speaker A
العلاقة يا هتركب يا هركب.
Speaker A
يا هبقى أنا اللي مسيطر يا هيتم السيطرة عليا.
Speaker A
مش فاهم معنى القبول ومعنى التكامل.
Speaker A
إحنا ما بنبقاش فاهمين ده على فكرة.
Speaker A
بنبقى متخيلين العالم كده.
Speaker A
مش شايفين إحنا ليه بنحب فلسفات معينة؟
Speaker A
أو أحيانا والله العظيم بنختار اختيارات فقهية معينة.
Speaker A
وبنختار كرير معين.
Speaker A
وبنختار إن إحنا نمارس ممارسات معينة في علاقاتنا.
Speaker A
ونشوف إن هو دي حقيقة.
Speaker A
إحنا فاهمين الدنيا ماشية إزاي.
Speaker A
مش واخدين بالنا إن تم اختصار العالم بتاعنا وبقينا مش شايفين غير تانل فيجن كده.
Speaker A
رؤية نفقية.
Speaker A
بقينا عايشين في نفق.
Speaker A
ما فيهوش غير لغة مكونة من حرفين يا تاكل يا تتأكل.
Speaker A
يا تتغدى بيه يا يتعشى بيك.
Speaker A
على فكرة قد يبدو الأمر مبالغ فيه.
Speaker A
بس حقيقي أنت لو دورت في في أنماط علاقاتك.
Speaker A
هتلاقيك متأهب.
Speaker A
هم هيستغلوني إمتى؟
Speaker A
هو الخازوق جاي إمتى؟
Speaker A
هو الـ.
Speaker A
يا إما أنا هاخد اللي أنا عايزه هستغل هراوغ.
Speaker A
هتحكم لازم آخد سلطة لازم آخد باور.
Speaker A
لأن ببساطة تم اختصار عالمنا إلى مؤذي أو ضحية.
Speaker A
وفي ناس على العكس على فكرة.
Speaker A
في ناس بتاخد دور الضحية بس.
Speaker A
يعني ده أنا بتكلم كده في دور المؤذي.
Speaker A
لكن في ناس بتاخد دور الضحية بس.
Speaker A
أنا مقهور أنا ما فيش في إيدي حاجة.
Speaker A
الظروف أقوى مني.
Speaker A
الآخرين بيعملوا لي.
Speaker A
فتجده عايش مش فاهم مش شايف الدنيا أي نوع.
Speaker A
غير غير ممارسة دور الضحية.
Speaker A
فالإساءة بتحولك إلى إنك تشوف إن في دور من اثنين هيتلعب.
Speaker A
يا جاني يا ضحية.
Speaker A
بعضنا بيختار دور الجاني ويقضي بقية عمره.
Speaker A
وبعضنا بيختار دور الضحية.
Speaker A
قد تكون في إدمانك مختار دور الجاني.
Speaker A
قد تكون في إدمانك مختار دور الضحية.
Speaker A
يعني ببساطة الإساءة بتؤدي إلى فقدان معرفة النفس.
Speaker A
وفقدان معرفة العالم.
Speaker A
وبالتالي خسارة الحرية.
Speaker A
اللي كنا بنقول إن هو الإباحيات فعل تحرر.
Speaker A
الإباحيات تأكيد ومحاولة لحل فكرة الإساءة.
Speaker A
يعني إحنا عندنا ألم من الإساءة فبنحاول نبنجه منين؟ بالإباحيات أو بإدمان الجنس أو بأي نوع من أنواع الإدمان.
Speaker A
لكن الحل اللي إحنا بنستخدمه عشان نتحرر من الإساءة بيزود.
Speaker A
لأنه فعلا بيخلينا نفقد حريتنا أكبر.
Speaker A
فالظلم والقمع الذي مورث علينا في في لحظة من اللحظات فتعرضنا لهذه الإساءة.
Speaker A
الحل اللي إحنا حليناه ما عالجناش.
Speaker A
الحل اللي إحنا حليناه زود الأسر.
Speaker A
زود القيد حوالين رقابينا.
Speaker A
عشان كده بعد فترة من الإباحيات.
Speaker A
بتجد إن أنت مش عارف أنت مين.
Speaker A
أو من الإدمان عموما.
Speaker A
مش عارف أنت مين.
Speaker A
أنت مش عارف أنت رايح فين.
Speaker A
مش عارف إيه اللي أنت فقدته.
Speaker A
إيه اللي كان موجود عندك.
Speaker A
روحك اللي راحت منك دي.
Speaker A
يمكن أكتر كمان من خروجك طازة من الإساءة يعني.
Speaker A
خسارة الحرية.
Speaker A
كل شيء كل شيء بيتم إعدامه سوى أفكار معينة ومعتقدات محددة.
Speaker A
بتغذيها الإساءة وبترجع الإباحيات تأكدها.
Speaker A
حوالين النفس وحوالين الآخر وحوالين العالم.
Speaker A
وأحيانا حوالين الله.
Speaker A
هيحكي أكتر حوالين القصة دي وإزاي بتتعمل.
Speaker A
في في الجزء اللي جاي.
Speaker A
وأشوفك بكرة إن شاء الله.
