Speaker A
السلام عليكم، اهلا وسهلا بكم في قناتنا انا اتش ار.
Full Transcript — Download SRT & Markdown
Speaker A
هنبدا معاكم اول فيديو من سلسله اداره الموارد البشريه الهيومن ريسورسز مانجمنت بعنوان يعني ايه اتش ار وازاي وامتى ظهر مصطلح الاتش ار.
Speaker A
بس قبل لما ابدا معاك تعريف مصطلح اداره الموارد البشريه لازم تكون عارف ان العنصر البشري هو الكنز الحقيقي لاي شركه، ليه؟ عشان هو المسؤول الاول عن عمليه البناء وكمان هو مصدر الابداع والرقي والنمو.
Speaker A
لكثير من الشركات عشان كده على مر العصور ازداد الاهتمام بالعنصر البشري وتطويره، نيجي بقى لتعريف مصطلح الموارد البشريه وعشان ابدا معاك تعريف المصطلح لازم ارجع معاك بالزمن لورا شويه او شويتين.
Speaker A
عشان اقول لك كلمه اداره الموارد البشريه جت منين وازاي، كلمه الموارد البشريه مرت بكثير من التغيرات من حيث التسميه والمضمون والتطبيق.
Speaker A
يعني ايه الكلام ده؟ يعني في الاول كده كان اسمها اداره الافراد وشويه اداره القوى العامله وشويه اداره العلاقات العماليه وشويه اداره العلاقات الانسانيه، ايه ده كله؟ طب هستفاد ايه لما اعرف تسميتها بدات ازاي؟
Speaker A
هقول لك لو ركزت شويه كده هتلاقي في علاقه بين المسميات دي اللي هي مجمل العلاقات بين الاداره العليا والقوى البشريه اللي هم الموظفين الشركه.
Speaker A
طب ايه الهدف من المسميات دي؟ هو ان اداره الافراد وصولا لمسمى اداره الموارد البشريه هدفهم هو اختيار وتعيين وتدريب وتطوير افراد الشركه باعتبارهم هم احد عناصر الشركه للوصول الى اعلى عائد من الانتاجيه والكفاءه.
Speaker A
وزي لما قلت لك قبل كده ان في اهتمام بالعنصر البشري في العمل فما عادش بيستخدم مصطلح العاملين او القوى العامله او العمال او الافراد وبيتم استخدام مصطلح المورد البشري للدلاله على اهميته باعتباره احد عناصر مدخلات العمل وده احد الاسباب الرئيسيه اللي ادت الى تغيير مصطلح اداره الافراد الى اداره الموارد البشريه.
Speaker A
طيب احنا قلنا التغيرات كانت من حيث المسمى والمضمون والتطبيق، المسمى وعرفناه، ايه التغير في المضمون والتطبيق؟
Speaker A
تعالى اقول لك كان زمان اداره الافراد كان دورها هو تنفيذ وتطبيق كلام وسياسات الاداره العليا وبس، مفيش اي حاجه تاني خالص، اما الموارد البشريه غيرها تماما، ليه؟ لانها بتطور وتخطط وتنفذ مع الاداره العليا عشان تعرف ان احنا جامدين.
Speaker A
نيجي بقى لتعريف اداره الموارد البشريه هي الاداره الخاصه باستقطاب واختيار وتطوير وتنظيم وتخطيط وتقييم وغيرها من الانشطه اللي بتؤدي الى ارتفاع وتنميه قدرات العاملين داخل الشركه للوصول الى اقصى انتاجيه ممكنه وعلى فكره في تعريفات كتير للموارد البشريه بس حاولت اجمع لك افضل حاجه.
Speaker A
هنيجي الى نشاه او تاريخ الموارد البشريه هيستوري اوف هيومن ريسورسز يرجع تاريخ انشاء اداره الموارد البشريه الى ما قبل الثوره الصناعيه ومرحله الثوره الصناعيه ومرحله القرن العشرين ومرحله نهايه القرن العشرين وبدايه القرن ال21، يعني انت بتقولي ان اداره الموارد البشريه مرت باربع مراحل عشان توصل للاسم ده؟
Speaker A
ايوه، خلينا نبدا بتاريخ الموارد البشريه من قبل الثوره الصناعيه، كان قبل الثوره الصناعيه كانت الفتره دي العامل بيمارس اعمال بسيطه ويدويه عشان يوفر متطلبات المعيشه وفي المرحله دي ما كانش في اي نظام للعماله.
Speaker A
اما مرحله الثوره الصناعيه كانت الفتره دي بدا فيها الاهتمام بالعنصر البشري عشان ظهرت المصانع الكبيره والالات والمعدات الضخمه وساعات العمل الطويله ونقابات العماليه والاتحادات فبدات الشركات الصناعيه بانشاء ادارات للعاملين لوضع السياسات وتحسين ظروف العمل والاهتمام بمتطلبات العمال.
Speaker A
اما مرحله القرن ال21 ظهر عالم اسمه فريدريك وحب ينظم العلاقه بين الاداره العليا والعمال وده من خلال عده مبادئ وهي اول حاجه تصميم العمل وفق قواعد دراسات الحركه والوقت، تاني حاجه الاختيار المناسب للعمال زي ما بنقول كده الراجل المناسب في المكان المناسب، تالت حاجه تدريب العمال واعطائهم اجور محفزه عشان يشتغلوا كويس يعني، المرحله الرابعه والاخيره اللي هي مرحله نهايه القرن العشرين وبدايه القرن ال21، في الفتره دي ظهرت العولمه والتطورات التكنولوجيه والمنافسات العالميه، كل ده ادى الى تطوير في اداره الموارد البشريه بشكل كبير وبالتالي هيؤدي ده الى الاهتمام بالعنصر البشري وتطويره وبكده نكون عرفنا تطور ونشاه ومفهوم اداره الموارد البشريه من البدايه الى النهايه.
Speaker A
هنيجي لاخر جزء في الفيديو بتاعنا وهو اهميه اداره الموارد البشريه ذا امبورتنس اوف هيومن ريسورسز مانجمنت وزي ما قلت قبل كده ان الموارد البشريه هي الكنز الحقيقي لاي شركه عشان هي قادره على التفكير والابداع في عملها والشركات الناجحه بيكون فيها اداره موارد بشريه ناجحه لانها بتعتبر ان الموظفين هم اغلى حاجه عندها واهم اصل في اصول الشركه مش العكس الالات اهم من الموارد البشريه وهنا بتكمن اهميه اداره الموارد البشريه لانها بتهتم بالموظفين من خلال توفير فرص تدريب وتطوير للموظفين بتوفر مستوى جيد من الاجور والحوافز الماديه بتحاول بكل الطرق المحافظه على الموظفين الشركه وبتقلل معدل دوران العماله اللي هو التيرن اوفر وبتعمل شبكه اتصال داخليه مفتوحه مع جميع العاملين بالشركه بتشجع مشاركه العاملين في اتخاذ القرارات بتشتغل على زياده الجوده وده من خلال وجود الشخص المناسب في المكان المناسب بتشتغل على زياده ارباح المنظمه وده بيتم من خلال الكوادر اللي بيتم اختيارها من قبل اداره الموارد البشريه بتحقق اهداف الشركه من خلال متابعتها لاداء ومهام الموظفين داخل الشركه.
Speaker A
لحد هنا نكون انتهينا من الفيديو ده لو عندك اي استفسار بخصوص الفيديو او بخصوص الاتش ار بشكل عام سيبه في التعليقات وفي اقرب وقت ممكن هنرد عليك وان شاء الله الفيديو الجاي هنتكلم عن وظائف واهداف وتخطيط الاتش ار بس ما تنساش تعمل لايك للفيديو ده بيشجعنا نكمل واشترك في القناه وفعل جرس التنبيهات عشان يوصلك كل جديد اول باول.
