**سمير حراك مغربي لقا صاك فيه 1000000 $ دولار, قصة مغربية جميلة — Transcript & Summary | SozAI** Source: https://sozai.app/transcript/samir-moroccan-hustle-1000000-dollars-story/ قصة سمير، شاب مغربي وجد حقيبة بها مليون دولار، وتفاصيل حياته بين الفقر والطموح في مواجهة تحديات الحياة. ## Key Takeaways - الحياة قد تغير فجأة من خلال فرصة غير متوقعة مثل العثور على المال. - الطموح والعمل الجاد يمكن أن يغيرا مصير الإنسان مهما كانت بداياته صعبة. - العلاقات الاجتماعية والعائلية تلعب دوراً كبيراً في تشكيل حياة الفرد. - الصدق والشفافية بين الأهل مهمة لتجنب الصراعات والخداع. - القصص الواقعية تعكس تحديات المجتمع وتلهم الآخرين بالصبر والكفاح. ## What the video covers - سمير شاب مغربي يعيش حياة صعبة بين الفقر والزنقة. - أمه كانت تخفي عنه حقيقة مهمة تتعلق بمستقبله. - سمير يعثر على حقيبة تحتوي على مليون دولار تغير مجرى حياته. - القصة تدور في سياق اجتماعي واقتصادي يعكس واقع المغرب. - تبدأ رحلة سمير في العمل والخدمة لدى عائلة غنية في كازا. - تتطور القصة لتشمل علاقات مع أفراد العائلة وأحداث درامية. - تظهر القصة صراعات داخلية وخارجية بين سمير وأسرته وعائلته الجديدة. - تسلط القصة الضوء على الطموح، الحب، والخيانة في حياة سمير. - تتضمن القصة دروساً في الصبر، الكفاح، وأهمية المعرفة. - تقدم القصة تجربة إنسانية مليئة بالعبر والمواقف الواقعية. Answers ## Questions about this video من هو سمير وما هي ظروفه؟ سمير هو حراك مغربي لم يكن لديه عشاء ليلة، وكان ينام في الشارع ويأكل من القمامة. والده من أغنى أغنياء المغرب، لكن سمير كان يعيش حياة صعبة. ما هي الكذبة الخطيرة التي أخفتها والدة سمير عنه؟ القصة لم تكشف بعد عن طبيعة الكذبة الخطيرة التي أخفتها والدة سمير عنه. هذا الجزء من القصة لم يتم سرده في المقطع المقدم. ما هي قصة خديجة وكيف بدأت رحلتها للعمل في الدار البيضاء؟ خديجة كانت فتاة تبلغ من العمر 16 عامًا من قرية قرب ميدلت، وكانت خالاتها يكافحن لتوفير لقمة العيش. لالة ماما، التي كانت تعمل في الدار البيضاء، عرضت عليها فرصة عمل لدى عائلة الحلو، وهي من أغنى العائلات في كازا، براتب 300 درهم شهريًا. ## Full Transcript — Download SRT & Markdown 00:00 Speaker None سمير ما كانش عنده عشاء ليله 00:02 Speaker None وباه من أغنى أغنياء المغرب وسطروا عليها بسطر أحمر. 00:06 Speaker None هذا الحراك اللي غنعاود لكم عليه كان كينعس بالزنقة وكان كياكل في الطارو وزيد عليها أن الأم دياله كانت مخبيه عليه واحد الكذبه اللي هي خطيرة. 00:14 Speaker None هذا السيد هذا اللي غنعاود لكم عليه غيلقى واحد الصاك وذاك الصاك هو اللي غادي ينافسه مع باه وذاك باه اللي مليونير اللي لاباس عليه في المغرب غيولي هو كيشري المعرفة دياله. 00:25 Speaker None الحلقة ديال اليوم غنواعدكم باللي أنكم غتعيشوا واحد القصة وغتستمتعوا وغتستافدوا من هذه القصة. 00:32 Speaker None لكن الله عز وجل من كيشوف العبد دياله ملحاح وكيتقاتل وكيدابز كيعاونه وكيحلوا بيبان اللي أصلا ما عمره ما كان كيحلم بهم أنهم غيشوفوهم. 00:41 Speaker None لكن قبل ما نبداو القصة ديالنا ضروري نشكركم على المحبة ديالكم اللي كاينه في لي كومونتير الله يكبر بكم والله يرحم لكم الوالدين. 00:48 Speaker None وعلى لي لايك ديالكم نبداو القصة على بركة الله. 00:57 Speaker None في 1980 وبالضبط في واحد القرية في الضواحي ديال مدينة ميدلت. 01:03 Speaker None كانت واحد الأسرة معروفة فيها واحد البنت سميتها خديجة. 01:10 Speaker None خديجة ديك الوقيته كان في العمر ديالها 16 العام. 01:16 Speaker None وكانوا خوالاتها هما اللي كيتقاتلوا وكيدابزوا باش يمشيو ويجيبوا طرف الخبز ويترزقوا الله. 01:23 Speaker None وكانت واحد السيدة سميتها لالة ماما فوق ما كتجي لميدلت ضروري تمشي عندهم للدوار. 01:30 Speaker None وتجيب لهم الشكلاط والحوايج خصوصا خديجة. 01:34 Speaker None خديجة في ديك الوقيته كانت كتحلم أنها تزوج ولا تقلب على شي خدمة في المدينة. 01:40 Speaker None لأنها مكرفصه خوالاتها ودائما فوق ما كتجي لالة ماما كتوصيها خديجة كتقول لها شوفي شوفي لي عافاك شي خدمة في المدينة. 01:47 Speaker None ودائما كتجي كدبر عليها كتعطيها 400 درهم 600 درهم 300 درهم وكتقول لالة ماما باللي أن خديجة راه بحال بنتي. 01:55 Speaker None حتى لواحد النهار لالة ماما جايه من كازا قاصده الدوار في جهة الميدلت. 02:02 Speaker None وراكم عارفين من كتجي لالة ماما عندهم للدار بحال اللي كاينه الحفلة. 02:07 Speaker None غير شافتها خديجة فرحات وعنقاتها جبدت لها الميكه وعطاتها الشكلاط والحوايج وجبدت لها واحد 5 دراهم وقالت لها هذه ديالك. 02:14 Speaker None قالت لها ولكن عندي لك واحد الفرحة اللي غتعجبك. 02:17 Speaker None دارت عند خوالاتها قالت لهم من اليوم خديجة غتمشي تخدم عند العائلة ديال الحلو اللي هي من أغنى أغنياء اللي كاينين في كازا. 02:26 Speaker None وغادي يعطيوها 300 درهم اللي هي 6000 ريال في الشهر. 02:30 Speaker None وخصوصا أن الناس الله يعمرها دار وراكم عارفينني 30 عام وانا خدامه معاهم في الفيلا ما شفت منهم غير الخير. 02:37 Speaker None خديجة فرحات وعرفت باللي أنها غتمشي للمدينة وغتخدم وغدير الفلوس وتقدر تزوج تمايا. 02:44 Speaker None خوالاتها عنقوها وقالوا لها شوفي يا بنتي الله يسهل عليك. 02:49 Speaker None وحاجة وحده اللي تديري تهلاي في راسك وتهلاي في صحتك. 02:53 Speaker None قالت لهم صافي كونوا هانيين ما تخافوش. 02:57 Speaker None أنا إن شاء الله غادي نمشي وغنقاتل وغندير بزاف ديال الحاجات. 03:01 Speaker None لالة ماما خلاتها مشات لميدلت عند عائلتها وقالت لها غدا إن شاء الله 6 الصباح نلقاك فايقه باش نشدوا الكار ونمشيو لكازا. 03:08 Speaker None جا الصباح شدوا الكار وصلوا لكازا صونوا في الفيلا خرجت الخدامه الثانية حلت الباب. 03:15 Speaker None سلموا عليها وبداو تيسينوا لالة. 03:18 Speaker None لالة هي مولات الفيلا. 03:20 Speaker None هبطت سلمت على لالة ماما وقالت لها واش هذه هي الخدامه. 03:24 Speaker None شافت فيها قالت لها ويلي هذه دابا تهزوها وتديوها للحمام. 03:30 Speaker None شوف كي فيها القمل في الشعر ديالها وباينه عنقها موسخ. 03:34 Speaker None بغيتكم تديوها للحمام وما تجيبوها حتى تفركوها عاد تدخلوها للفيلا. 03:39 Speaker None شدوا هذوك البنات اللي خدامين تمايا هزوهاداوها للحمام نقاوها وجابوها. 03:45 Speaker None وخديجة عرفت باللي أن الفيلا فيها أربعة الخدامات وزيد عليها لالة ماما هي اللي هي خمسة. 03:53 Speaker None خديجة في ديك الوقيته بدات كتغسل المواعن وكتشوف في الدار شحال كاين من واحد. 03:59 Speaker None عرفت باللي أن كاين عباس الحلو اللي هو مول الدار وكاينه مرته وكاين عنده ولده أسامة وكاينه بنت سميتها نسرين. 04:06 Speaker None هذو بربعة بهم وحنا خمسة ديال الخدامات والماكلة تبارك الله وشوف الفيلا قداش فيها واحد 1000 متر. 04:15 Speaker None باش كتطرح أسئلة مع راسها وما عارفاش باللي أن هذاك عباس الحلو راه من رجال الأعمال الكبار اللي كاينين في كازا. 04:22 Speaker None والسهرات والحفلات مع البرلمانيين والسياسيين كل سيمانه. 04:28 Speaker None فهمت هذا السؤال اللي طرحته في مدة ديال ثلاث أيام. 04:34 Speaker None لأنها في ديك ثلاث أيام كانت واحد الحفلة وضربت التمارة ديال بصح. 04:41 Speaker None غسلت المواعن وقادت الأمور ديالها ومرة مرة عباس الحاج كيغوت لها. 04:47 Speaker None أجي يا بنتي جيبي لي هذه. 04:50 Speaker None أجي يا بنتي جيبي لي هذه. 04:52 Speaker None حتى لواحد الوقيته غتهبط الحاجة قالت لها شوفي آخر مرة تمشي عند الحاج. 04:57 Speaker None بلا ما تكون معك شي خدامه أنت مازال صغيرة. 05:00 Speaker None الحاج بعدي منه. 05:02 Speaker None خديجة رجعت للور وقالت أش هذا الشيء. 05:05 Speaker None مشات قالت لها لالة ماما قالت لها شوفي حضي راسك. 05:10 Speaker None أنا جبتك هنا باش تخدمي عندك يغرك شي واحد ويتعدى عليك. 05:14 Speaker None أنا اللي عليا راه جايبك ترزقي الله وأنت مازال صغيرة. 05:18 Speaker None قالت لها لا ما تخافيش ما تخافيش. 05:20 Speaker None وبدأت المسيرة ديالها ديال العمل. 05:24 Speaker None ضربت الشهر الأول الشهر الثاني الثالث الرابع تقريبا مدة ديال عام. 05:30 Speaker None وبدأت كتدخل للمرحلة ديال الإعجاب. 05:34 Speaker None فاش؟ 05:35 Speaker None ومنين؟ 05:36 Speaker None وشكون؟ 05:37 Speaker None بدأت كيعجبها بدأ كيعجبها أسامة. 05:40 Speaker None ذاك الشاب اللي في ديك الوقيته حتى هو قدها قده. 05:46 Speaker None كيهز شكارته وغادي للباكالوريا يدوز الامتحانات دياله وكيرجع للدار. 05:52 Speaker None وما مسوقش لأنه عنده البنات في الليسي وفرحان ولاباس عليه. 05:56 Speaker None لكن هي دائما كتبقى تتشوف فيه وكترفع وكتبقى كتحلم باللي أنها ساكنه معه في الفيلا. 06:04 Speaker None وأنها عندها الخدامات وعندها وليد وكيغوت لها لالة خديجة وكتهبط بذاك اللباس ديالها. 06:12 Speaker None وبدأت كتحلم وبدأت مرحلة ديال الإعجاب والحب لذاك أسامة. 06:16 Speaker None أسامة ما مسوقش. 06:18 Speaker None ضرب العام الأول العام الثاني وكذلك أسامة. 06:23 Speaker None بحكم أنه مربي ولد عائلة كيهضر معها بالأدب. 06:29 Speaker None ما كيقول لهاش أجي أنت ولا. 06:31 Speaker None كيقول لها مثلا خديجة عافاك فين كاين هذه. 06:35 Speaker None خديجة عافاك. 06:37 Speaker None هي قالت كيفاش باه كيهضر معايا بالغوات أمه كذلك أخته الصغيرة كتغوت عليا. 06:44 Speaker None هو كيقول لي خديجة عافاك. 06:46 Speaker None دونك كاين شي حاجة بيني وبينه. 06:50 Speaker None وبدأت كتحاول أنها تلقى شي حل باش هو يتزوج بها. 06:56 Speaker None قالت خصني نولد منه. 06:58 Speaker None شويه قالت لا يقدر باه يشدني ولا يقتلني ولا يصفيها لي ولا هو كذلك. 07:05 Speaker None وكتطرح بزاف الأسئلة. 07:07 Speaker None حتى لواحد النهار الفيلا تقريبا خاويه. 07:12 Speaker None كاين أسامة وكاين الخدامات. 07:14 Speaker None أما أمه وباه وأخته مشاو لواحد الفيرمة ديالهم في الضواحي ديال بوزنيقة. 07:20 Speaker None جالسين فيها واحد اليومين. 07:22 Speaker None ضربت الوحدة الليل الجوج الليل. 07:26 Speaker None مشات دخلت للدوش نقات راسها ودارت الماكياج وقالت الحل الوحيد هو أنني ندخل عنده للبيت. 07:32 Speaker None دخلت عنده للبيت تصدم هو وبجوج بهم. 07:35 Speaker None في ديك الوقيته اللي خطأوا بجوج بهم خديجة بدأت كتبكي. 07:41 Speaker None وقالت له درتي ودرتي ودرتي وما صحابنيش هكا وأنا كنت كنبغيك وجيت عندك. 07:47 Speaker None هو تخلع وقال دابا شنو الحل اللي غادي ندير. 07:50 Speaker None قالت له ما عندي ما ندير والحل. 07:53 Speaker None ومشات كتجري للبيت ديالها. 07:55 Speaker None لكن للأسف هذا المشهد هذا بدأ كيتعاود بزاف المرات. 08:01 Speaker None كل 15 يوم تيمشيو هما للفيرمة هي كتمشي للبيت وكيغلطوا عاوتاني. 08:09 Speaker None وفي نفس الوقت بدأت علاقة الحب بيناتهم. 08:14 Speaker None ما بين خديجة لكن أسامة ما كانش كيعيش الحب لأنه. 08:20 Speaker None كان كيعتبر ذاك الشيء هو بالنسبة له عادي. 08:24 Speaker None خديجة غادي تضرب أربع شهور وهي كتحاول أنها تغلط هي وأسامة. 08:32 Speaker None حتى لواحد النهار كتشوفها لالة ماما كترد في الجردة. 08:37 Speaker None قالت لها مالك؟ 08:39 Speaker None قالت لها يمكن كليت شي حاجة مسمومة. 08:42 Speaker None قالت لها ويلي عندك تكوني غلطتي مع شي واحد عندك تكوني درتي شي حاجة. 08:47 Speaker None أنت راه مسؤوليتي قالت لها لا لالة ماما راه شنو وقع لي وشنو وقع لي وشنو وقع لي. 08:53 Speaker None يمكن كليت شي حاجة ماشي هي هذيك. 08:55 Speaker None قالت لها المهم خديجة غتضرب 6 العشية غتمشي عند أسامة وغتقول له باللي أنا حامله منك. 09:02 Speaker None فوق ما كتضرب أربع أيام خمس أيام كتمشي عنده كتقول له أنا حامله منك. 09:07 Speaker None أسامة تخلع وقال شنو غادي ندير. 09:10 Speaker None غنشي عند با ونقول له شنو كاين. 09:12 Speaker None غنقول له أنا بغيت نتزوج بالخدامه. 09:15 Speaker None واللي عطى الله راه عطاه. 09:17 Speaker None أنا غلطت نستاهل العقوبة ديالي. 09:20 Speaker None مشى عند باه قال له با بغيت نهضر معك. 09:23 Speaker None عباس الحلو هو رجل أعمال ولاباس عليه وما يمكن لهش يفاجئ ولده. 09:29 Speaker None ويقول له باللي ها شنو وقع وها شنو وقع. 09:31 Speaker None قال له بابا راني غلطت. 09:33 Speaker None قال له كيفاش غلطت؟ 09:34 Speaker None غلطت مع خديجة. 09:36 Speaker None كيفاش غلطت مع خديجة؟ 09:37 Speaker None راني غلطنا بجوج بينا ودابا راه حامله مني. 09:42 Speaker None حامله منك؟ 09:43 Speaker None أويلي أويلي أويلي أويلي شنو غادي ندير لك دابا أنا؟ 09:46 Speaker None حامله منك؟ 09:47 Speaker None أش داك لعندها؟ 09:49 Speaker None هي خدامه. 09:50 Speaker None أش داك الخدامه؟ 09:51 Speaker None المهم غلطت. 09:53 Speaker None خصني نتزوج بها. 09:55 Speaker None هو يعطيه بواحد التصرفيقه وضربه. 09:58 Speaker None مشى كيجر أسامة ومشى كيغوت خديجة خديجة. 10:03 Speaker None شنق عليها ودخلها لواحد البيت ديال المصبانه. 10:07 Speaker None وبدأ كيغوت عليها قال لها شوفي عندك جوج حلول. 10:13 Speaker None أما غطيحي هذا الولد هذا أما غطيحكم بجوج وندفنك في هذه الفيلا. 10:18 Speaker None بدأت كتبكي وكتقول له شنو مالي شنو درت أنا ما درت والو راه غلطنا بجوج. 10:23 Speaker None قال لها شوفي غلطتي بوحدك. 10:26 Speaker None ولدي عطيه التيقار. 10:28 Speaker None والله حتى نديك الكفل للدوار ديالك. 10:32 Speaker None بدأت كتبكي مسكينه وما قدرت تقول والو. 10:36 Speaker None حتى لواحد الوقيته غوت لواحد العساس دخلوها لواحد الطوموبيل. 10:42 Speaker None وخرجوها على أساس أنهم يديوها للفيرمة. 10:46 Speaker None دخلها لواحد البيت وقال لهم شوفوا هذه غتعطيوها الماء والخبز. 10:51 Speaker None حتى تدير ذاك الشيء اللي بغيت أنايا. 10:54 Speaker None يومين وهي ساد عليها في واحد البيت في واحد الفيرمة تما في بوزنيقة. 11:00 Speaker None وكيجي كيقول لها شوفي أما غطيحي ذاك الولد أما غنصفيها لك. 11:06 Speaker None تقريبا مدة أربع أيام كتقول له ما غطيحش الولد ما غطيحش الولد ما غطيحش الولد. 11:10 Speaker None نهار الخامس غيجيب لها واحد الفكرة. 11:13 Speaker None غايقول لها شوفي عندي واحد السيد. 11:16 Speaker None خدام عندي في الشركة باغي يتزوج. 11:20 Speaker None وراه أنا عاودت له لا سيتواسيون ديالك. 11:25 Speaker None باللي أنك تفلى عليك واحد السيد وداك الكرامة ديالك واستغلك وحملك وهرب. 11:30 Speaker None وأنا مستعد نعطيكم 15 مليون ونعطيكم 5 مليون باش تديروا العرس. 11:36 Speaker None وهو راه قابل وراه وريته التصاور ديالك. 11:40 Speaker None وشوف هذا هو الحل الوحيد اللي غادي ندير معك. 11:44 Speaker None حاجة وحده هي أنك غتكتبي لي باللي ما عمرك ما دوري بينا. 11:49 Speaker None وما عمرك ما تديري وما تديري وما تديري وما تديري. 11:52 Speaker None جبد لها شي وراق وبدأ كيسني على ذوك الوراق. 11:55 Speaker None وهي غير كتبكي. 11:57 Speaker None قالت له أنا قابله أنا قابله نتزوج بالسيد. 12:00 Speaker None جاب لها السيد وقفه هو وياها وقال لهم شوف هذه السيدة هذه دابا راه حامله في مدة ديال شهر ونص. 12:05 Speaker None وأنت غتزوج بها وأنت راك عارف هذا الشيء. 12:10 Speaker None ونعطيكم 15 مليون تعيشوا بها ونعطيكم 5 مليون العرس ديالكم. 12:16 Speaker None أنا ما نبغيكش تقلب عليها وأنت غتكاتب معايا. 12:20 Speaker None لأنني غادي ندير معك وغادي ندير معك وغادي ندير معك. 12:25 Speaker None وأنا راه بغيت لكم غير مصلحتكم وهذه السيدة راه من أطيب خلق الله. 12:30 Speaker None وبدأ الحاج عباس تيخلق في المواضيع. 12:32 Speaker None باللي أنه يحن. 12:34 Speaker None ذاك السيد من شاف خديجة عجباته. 12:37 Speaker None لأنها عينيها زراق وشعرها صفر. 12:41 Speaker None والسيدة وسيمة. 12:43 Speaker None وهو في نفس الوقت ما حكرش على الحمل ديالها. 12:47 Speaker None وقال لها شوفي يا بنت الناس حنا غنتزوجوا ونعيشوا حياتنا وما يكون غير الخير. 12:52 Speaker None قالت له صافي. 12:53 Speaker None وخديجة بدأت تتكالما. 12:55 Speaker None ضربت مدة ديال شهرين وهما يديروا العرس ديالهم قبل ما تبان الكرش. 13:00 Speaker None شد ديك 15 مليون خشها في جيبه. 13:03 Speaker None وشد ديك 5 مليون ديال العرس خشها في جيبه. 13:07 Speaker None وقال لها شوفي غنمشيو نتكاتب أنا وياك. 13:10 Speaker None جيبي خوالاتك ناكلوا واحد البركة ونمشيو نقادوا أمورنا نكريو شي دويره. 13:14 Speaker None وحنا خصنا هذه 15 مليون هذه نعيشوا بها وناكلوا بها. 13:20 Speaker None واخا السيد راه خدمني خصني ندير دوير الزمان. 13:23 Speaker None شد ديك 20 مليون رماها في البنكه وبدأ مرة مرة كيجي. 13:28 Speaker None ومرة مرة كيحشي لها الهضره. 13:30 Speaker None وأنا داير فيك غير الخير. 13:32 Speaker None شوفي ذاك الولد من جايباه. 13:34 Speaker None وشوفي أنت شنو المشكل ديالك. 13:36 Speaker None وأنت أصلا تقدري تكوني كنت كديري وكتديري وكتديري وكتديري. 13:40 Speaker None السيدة كتصبر. 13:42 Speaker None لأنها كتقول مع راسها أنا غلطت. 13:46 Speaker None أنا نتحمل المسؤولية. 13:48 Speaker None ومرة مرة كتهز الأمور ديالها وكتمشي عند الطبيب وكتبكي عليه. 13:53 Speaker None كتقول له شنو واقع لي وشنو واقع لي وشنو واقع لي. 13:57 Speaker None كيقول لها شوفي يا بنت الناس لحد الآن أنت دابا حاولي أنك تولدي الولد ديالك. 14:02 Speaker None وتهلاي فيه وما يكون غير الخير. 14:04 Speaker None تولد الولد وسماته سمير. 14:07 Speaker None سمير غير غيتولد أوتوماتيكيا ذاك صاحبنا اللي مزوج بها غيتكالما شويه. 14:13 Speaker None بدأ يقنع راسه باللي أنه راه الولد دياله هذاك. 14:18 Speaker None وعلاش ما نربيش؟ 14:20 Speaker None والسيدة ربي عليه الكبده راه تولد قدامي دونك الولد ديالي. 14:25 Speaker None كتبوا بسميته عطاه الكنية دياله وبدأ يربيه. 14:29 Speaker None ضرب العام الأول بدأ كيحس براسه ذاك السيد كيتقولب. 14:33 Speaker None ضرب العام الثاني هو يدير فرت وهرب. 14:36 Speaker None بقات عليه الطلاق ما الطلاق الطلاق ما الطلاق. 14:41 Speaker None وصلوا قدام القاضي قال له ولدك هذا؟ 14:44 Speaker None قال لهم هذه السيدة هذا ماشي ولدي. 14:46 Speaker None أنا هذا السيد ها شنو وقع لي وها شنو وقع لي وها شنو وقع لي. 14:52 Speaker None وبدأ كيقول للقاضي. 14:54 Speaker None القاضي حكم باللي أن هذاك الولد راه ولدك لأنك أنت كتبتيه بسميتك. 15:00 Speaker None والطلاق إلا بغيتيه خصك تعطيه التعويض. 15:03 Speaker None السيد من نهار طلقها درهم ما خداتهاش. 15:07 Speaker None وصل سمير ثلاث سنين وبدأت خديجة مسكينه كتقاتل. 15:12 Speaker None مشات عند واحد المرأة ساكنه معها في الفوقي وقالت لها شوفي غنعطيك 50 درهم للشهر. 15:18 Speaker None وعافاك خلي لي عندك الولد خليه على ما نجي من الخدمة بالليل. 15:23 Speaker None وإن شاء الله نربيه ونتلا فيه والله يرحم لك الوالدين. 15:26 Speaker None ذاك الشيء اللي كان مسكينه خديجة كتمشي كتقاتل. 15:30 Speaker None كتخدم عند مول الحلابه تخدم في الميناج أي خدمه كاينه كتمشي ديرها. 15:36 Speaker None لأنها عندها الولد ديالها خصها تكبره. 15:40 Speaker None بدأ يكبر بشويه بشويه وبدأت كتسمع باللي أن الأب دياله الأصلي راه مشى لكندا. 15:45 Speaker None وبلي أن الحاج عباس راه تشلل وكيقولوا باللي أن خوه اللي هو يوسف هو اللي شاد الشركة هو اللي شاد الأمور دياله. 15:53 Speaker None وفي نفس الوقت الولد دياله أسامة راه عايش في كندا راه تيقرأ. 15:58 Speaker None بدأت كتقاتل ومرة مرة كتسمع القصة ديال صاحبنا. 16:03 Speaker None اللي هو حامله معه فين مشى وشنو دار حتى غتعرفوا باللي أنه تزوج وراه عايش في كندا. 16:08 Speaker None بدأ يكبر سمير وبدأ كيشوف أمه في واحد الظروف اللي يرثى لها. 16:12 Speaker None أنها مسكينه ما قاد دير والو. 16:14 Speaker None مشى كيدبر باللي أنه خصو يمشي يشري كروسه ويعمرها بالنعناع ويشد بلاصته حتى هو ويتقاتل. 16:20 Speaker None وذاك الشيء اللي كان. 16:21 Speaker None بدأ كيشد بلاصته وكيتقاتل كيبيع ويشري كيمشي كيجي بالفلوس. 16:26 Speaker None المهم سمير اللي في عمره 17 العام كيتقاتل وكيحاول أنه يقنع راسه باللي أنه هو الراجل ديال الدار. 16:32 Speaker None سمير رغم أنه كيتقاتل مع أمه وكييعاونها وكيمشي يدابز. 16:38 Speaker None وكيدير المستحيل باش يجيب الفلوس لكن السؤال الوحيد شكون هو باه؟ 16:43 Speaker None فين هو باه؟ 16:44 Speaker None كتجبد له واحد التصويره ديال العرس اللي داروا وكتقول له هذا هو باك. 16:50 Speaker None راه سمح فيك في عامين وطلقني في عامين. 16:53 Speaker None بغيتي تلقاه سير لواحد الدوار في النواحي ديال المذاكرة. 16:57 Speaker None راه ما بقاش خدام في اللوزين وها فين كاين وها فين كاين. 17:00 Speaker None إلا بغيتيه سير وقف عليه. 17:02 Speaker None كيهز شكارته وتيقصد واحد الدوار تما في الضواحي ديال المذاكرة في الخرجه ديال كازا. 17:07 Speaker None وكيسول على صاحبنا. 17:09 Speaker None أي واحد كيمشي عنده تيقول له سير هك سير هك سير هك. 17:13 Speaker None حتى مشى لواحد الدوار عطاوهم الكنية دياله وقالوا له هذا السيد هذا راه ولد الحاج بوشعيب راه فين ساكن. 17:19 Speaker None دق ويخرج باه. 17:22 Speaker None قال له السلام عليكم واش كاين رشيد؟ 17:24 Speaker None قال له أنا هو رشيد. 17:25 Speaker None قال له واش ما عرفتينيش؟ 17:26 Speaker None قال له أنا راه ولدك. 17:28 Speaker None قال له شكون ولدي؟ 17:29 Speaker None قال له أنا سمير. 17:30 Speaker None قال له أنت ماشي ولدي. 17:32 Speaker None أنا بغيت ندير فيك أجر لوجه الله. 17:36 Speaker None أمك كانت تزوجت بشي واحد ولا غلطت مع شي واحد الله أعلم. 17:41 Speaker None أنا اللي عليا ولدي عطيتك الكنية وهذه السيدة هذيك راه كتكذب عليك. 17:45 Speaker None راه أنا ماشي باك. 17:47 Speaker None بدأ يشوف فيه. 17:48 Speaker None سمير بغى يشنق عليه يضربه واحد الساعة تيقول با ما عندي ما ندير. 17:53 Speaker None سمح فيا يمكن ما عندوش الفلوس. 17:55 Speaker None وبقى غادي. 17:56 Speaker None الطريق كامله هو كيبكي وكيقول خصني نوصل عند أمي. 18:00 Speaker None ونطرح لها هذه الأسئلة هذو. 18:02 Speaker None مشى عند أمه أمه كتبكي. 18:04 Speaker None وكتقول له لا هذاك باك ولدي. 18:07 Speaker None راه مغدار وماشي راجل. 18:10 Speaker None وسمح فينا. 18:11 Speaker None وهذه وهذه وهذه وهذه. 18:13 Speaker None سمير تقنع ونسى الموضوع. 18:16 Speaker None عرف باللي أن باه ماشي راجل. 18:18 Speaker None مشى تيخدم على راسه. 18:20 Speaker None حتى لواحد النهار خديجة غتجي عنده غتقول له شوف راه واحد السمسار لقى لنا واحد البراكه. 18:26 Speaker None كاريان الحي المحمدي وراه فيها بزاف ديال الناس باغيين يشريوها. 18:31 Speaker None راه البراكه دايره مليون. 18:33 Speaker None قال لها الوالده أنا راه عندي 2000 درهم. 18:35 Speaker None قالت له أنا جامعه 3000 درهم. 18:37 Speaker None خصنا ضروري نقلبوا على 5000 درهم وحده أخرى باش نلقاو مليون باش نزربوا على ديك البراكه. 18:42 Speaker None مشات تقلب حتى يبان لها واحد هو الحاج عباس الحلو. 18:46 Speaker None قالت غنمشي عنده قدام اللوزين ونوقف عليه ونبكي عليه. 18:50 Speaker None المهم ذاك الشيء اللي كان. 18:52 Speaker None شافته داخل اللوزين بالطوموبيل وهي تعرفوا باللي أن الشيفور اللي جايبه. 18:57 Speaker None وهو مولف باللي أنه هو اللي كيسوق. 19:01 Speaker None طلعت عليه من الشرجم لقات الشيب عنده بزاف. 19:05 Speaker None وصحته تدهورت وهي تدق عليه في الزاج. 19:08 Speaker None حل الزاج دار النظاظر. 19:10 Speaker None قالت له ما عرفتينيش الحاج؟ 19:12 Speaker None قال لها ما عرفتكش يا بنتي. 19:13 Speaker None قالت له أنا خديجة. 19:14 Speaker None قال لها شكون هذه خديجة؟ 19:15 Speaker None قال لها خديجة اللي كنت خدامه عندكم وأنا الولد. 19:20 Speaker None قال لها أه. 19:21 Speaker None قال لها مالك؟ 19:22 Speaker None شنو بغيتي؟ 19:23 Speaker None قالت له راه خاصني واحد 5000 درهم راني بغيت نشري واحد الدويره براكه وراه دايره ب 5000 درهم. 19:29 Speaker None وأنا خاصني 5000 درهم. 19:31 Speaker None المهم شرحت له لا سيتواسيون ديال شنو بغات. 19:34 Speaker None جبد لها واحد الشيك كتب لها 5000 درهم وعطاها لها. 19:37 Speaker None خديجة مشات فرحانه كتقول يا ربي فوقاش نوصل عند خالد. 19:41 Speaker None باش نقول له نمشيو نعطيو السيد العربون باش غدا نتكاتبوا. 19:46 Speaker None ذاك الشيء اللي كان مشات عند خالد فرحوا ومشاو شروا ديك البراكه. 19:50 Speaker None وبدأ رشيد كذلك كيخدم. 19:52 Speaker None حتى لواحد النهار خالد كيهضر مع واحد السيد. 19:55 Speaker None تمايا مفرش وقال له فين هو خوك؟ 19:57 Speaker None قال له خوك مولف كيبيع البصله. 20:00 Speaker None قال له خويا راه حراك راه في الطاليان دابا خدام على راسه. 20:04 Speaker None قال له دابا شي شهر ما شفتهم. 20:06 Speaker None قال له كي دار له؟ 20:07 Speaker None قال له كاين واحد السيد حراك سميته باسيطو عبد الواحد. 20:12 Speaker None وهذا باسيطو عبد الواحد معروف كيحرك الناس غير ب 5000 درهم. 20:17 Speaker None وفي ديك الوقيته البداية ديال 2000 99 98 2000 راه كان هذاك هو الثمن ديال الحراك. 20:23 Speaker None لأنه راه بحال ريسكي. 20:25 Speaker None وزيد عليها 5000 درهم البداية ديال 2000 راه ماشي هي 5000 درهم ديال دابا. 20:30 Speaker None المهم قال له شوف واش تعطيني العنوان؟ 20:32 Speaker None قال له خصني نتصل بالخوادري ونقول لك فين كاين. 20:35 Speaker None قال له المهم أعطيني واحد السيمانه نتصل بالأخ ديالي ويكون خير. 20:39 Speaker None قال له صافي. 20:40 Speaker None جا ذاك عبد الواحد وجلس في القهوه وبدأ كيشير له السرباي. 20:45 Speaker None كيقول لسمير أجي أجي. 20:47 Speaker None وقفوا قدامه. 20:49 Speaker None قال له عبد الواحد هذا راه بغاك. 20:50 Speaker None جلس قال له السلام عليكم أخويا أنا جيت نحرك. 20:52 Speaker None راه عطاني واحد السيد من العائله الأمور باللي أنك كتحرك ب 5000 درهم وهي اللي عندي. 20:58 Speaker None عطاه 5000 درهم. 21:00 Speaker None قال له من هنا أربع أيام ها فين نلقاك ها فين نلقاك. 21:03 Speaker None قال له راه 30 واحد تيمشيو في الباطيره. 21:05 Speaker None قال له صافي. 21:06 Speaker None المهم دازت ديك ثلاث أيام وصل لديك النقطة فين غادي يمشي. 21:10 Speaker None ركب معاهم في الباطيره والسيد عبد الواحد بدأ تيتخلص من ذوك الناس اللي مازال ما خلصوه. 21:16 Speaker None عطى الأمانه للشيفور وبداو شادين الطريق. 21:18 Speaker None بط بط بط بط بط بط ثلاث السوايع في وسط البحر. 21:24 Speaker None حتى لواحد الساعة غادي يبان الضو ديال إسبانيا على أساس أنهم راه وصلوا. 21:29 Speaker None وفرح. 21:30 Speaker None قال سمير باللي صافي الحمد لله وصلت لإسبانيا. 21:33 Speaker None لكن الأمور غتدهور لأن الباطو غيبقى يلعب بهم. 21:36 Speaker None غتبقى تلعب بهم الفلوكه غتلعب غتلعب غتلعب حتى لواحد الوقيته الضو ما غيبقاش يبان. 21:42 Speaker None غيسولوا الشيفور غيقول لهم هذا الشيء راه عادي. 21:46 Speaker None المهم راه غندوزوا من واحد الطريق وحده أخرى. 21:49 Speaker None وبدأ تيكذب عليهم. 21:51 Speaker None ضربت أربع السوايع خمس السوايع سبع السوايع حتى غادي يوصلوا لإسبانيا مع 10 الصباح. 21:57 Speaker None من 8 ديال الليل حتى ل 10 الصباح عاد وصلوا لإسبانيا. 22:03 Speaker None حطوهم بواحد بواحد حل الشكاره دياله. 22:07 Speaker None جبد الميكه طرطق السباديلا جديده تقاشر جداد الجين جاكيطه. 22:12 Speaker None وبقى غادي سمير جهة الطريق. 22:15 Speaker None ضرب ساعة ونص ديال الطريق تابع واحد الطريق الناسيونال حتى غتبان له واحد البلده صغيره. 22:20 Speaker None غيجلس فيها وغيحاول أنه يقلب على شي بلاصه اللي يصرف فيها ديك البركه اللي جايب. 22:26 Speaker None اللي مشى عنده كيعطيه 2000 درهم تيقول له لا. 22:30 Speaker None تيقول له هذا الشيء ما كيتصرفش هنا. 22:33 Speaker None كون صرفتيه في الجنوب أما هنا راه حتى شي واحد ما يصرف لك. 22:37 Speaker None بدأ تيقلب تيقلب تيقلب حتى طاح على واحد السيد في القهوه. 22:42 Speaker None مغربي بدأ تيهضر معه قال له أنا راه جاي حراك وبغيت شي واحد يصرف لي هذه الفلوس هذو. 22:48 Speaker None وبالضبط في ديك المرحله ديال 2002 كان الأورو عاد بدأ في إسبانيا. 22:52 Speaker None قال له باللي راه هاك الفلوس اللي هما أورو وأرى ديك 2000 درهم. 22:57 Speaker None قال له أنا غنحاول هذا الصيف هذا إن شاء الله غنمشي للمغرب. 23:01 Speaker None ونخسرها تما ماشي مشكل. 23:02 Speaker None عطاه البركه دياله وقال له راه كاينين شي أوتيلات هنا. 23:06 Speaker None ما غيزيروش معك ولكن كاين شي أوتيلات غيبغيو الباسبور وغيبغيو بزاف ديال الحاجات. 23:11 Speaker None بدأ تيقلب في ديك ليز أوتيل أوتيل كيديه لأوتيل حتى لواحد الوقيته. 23:16 Speaker None غادي يخلص واحد الأوتيل تمايا ويجلس واحد ثلاث أيام. 23:20 Speaker None وغيبدأ يفكر. 23:22 Speaker None واش نمشي نزيد نتقف في أوروبا فرنسا الطاليان ولا نبقى هنا؟ 23:27 Speaker None عاد تفكر باللي أن السيد اللي صرف له الفلوس كان قال له واحد المدينة راه فيها الموسم ديال الفلاحه. 23:33 Speaker None هز صاكك وسير تخدم مع راسك. 23:35 Speaker None خالد هز صاكو وقصد ديك الطريق ديال ديك المدينة اللي فيها الموسم ديال الفلاحه. 23:42 Speaker None فيها الفريز خيزو أي حاجة عندها علاقه بالفلاحه تمايا محركه. 23:46 Speaker None غير وصل تمايا لقى بزاف ديال المغاربه. 23:50 Speaker None ها اللي داير كيطون ها اللي ساكن في ذوك البير البير اللي تيكونوا فيهم البومبات باش يجبدوا الماء. 23:56 Speaker None كتلقى بنادم تمايا ساكن وداير براد داتاي تمايا وداير الميكه دياله ونااعس. 24:01 Speaker None تلاقى واحد جوج مغاربه واقترحوا عليه واحد الحاجه. 24:05 Speaker None اقترحوا عليه باللي أنه يسكن معاهم وفي نفس الوقت غيقلبوا له على خدمه. 24:10 Speaker None لكن في هذه المرحله اللي غيسكن معاهم أنت اللي غتصرف هذا الشهر هذا. 24:15 Speaker None بدأ تيصرف هو اللي كيمشي يجيب الخضره هو اللي كيمشي يجيب اللحم. 24:20 Speaker None وفي نفس الوقت خدام في واحد الفيرمه كيقطع الفريز. 24:25 Speaker None ضرب الشهر الأول الشهر الثاني هو يتكلم مع ذاك السيد المغربي. 24:29 Speaker None قال له الله يرحم لك الوالدين إلا تعرف شي واحد كيصيفط الفلوس للمغرب. 24:34 Speaker None قال له كاين واحد السيد كتعطيه الفلوس هنا والأم ديالك ولا باك تيتعرض له في كازا كياخذ الفلوس. 24:40 Speaker None قال له صافي. 24:41 Speaker None مشاو معه عطى للسيد 150 أورو وقال له بغيتها توصل لكازا لواحد السيدة اللي هي الأم دياله. 24:46 Speaker None اتصل بالأم دياله قال لها راه غتوصل لك واحد الأمانه. 24:50 Speaker None ها فين وها فوقاش. 24:52 Speaker None وذاك الشيء اللي كان. 24:53 Speaker None وصلت الأمانه فرحات. 24:55 Speaker None و حتى هو فرح. 24:56 Speaker None لأن الهدف الرئيسي من هذا الشيء هو أنه يصوفي الوالده دياله. 25:01 Speaker None رغم أنه كيصيفط الفلوس للوالده دياله بدأ كيجمع البركه دياله ديال الفلوس. 25:06 Speaker None لأنه الهدف دياله الرئيسي هو أنه يقاد الوراق في إسبانيا. 25:10 Speaker None رغم أنه ساكن في ديك العشه فين كاينه البومبه ديال البير فين كيتجبد الماء. 25:15 Speaker None وفي نفس الوقت الدراري حاكرين عليه كيقول مع راسه خصني نصبر. 25:20 Speaker None لأن الهدف ديالي هو أنني نقاد الوراق. 25:23 Speaker None وديك الموسم ديال الفلاحه راه معروف عنده واحد ست شهور وكل غادي يمشي بحالاته. 25:28 Speaker None خصني شنو غادي ندير مور ديك ست شهور؟ 25:31 Speaker None كيصيفط الفلوس كييجلس مع الدراري. 25:35 Speaker None كيمشي مره مره للفيلاج يتقهوى مع راسه يدوش يقاد الأمور دياله ويعاود يرجع. 25:40 Speaker None تناقش مع ذوك جوج دراري مغاربه وهو يدير واحد الكيطون دياله. 25:44 Speaker None حاط فيه الماكله دياله والأمور دياله كيخرج كيسده والفلوس كيمشي تحت واحد الشجره. 25:49 Speaker None كيدفنهم كيديرهم في ميكه وكيدفنهم. 25:51 Speaker None حتى جمع تقريبا واحد 2000 أورو. 25:55 Speaker None والموسم ديال الفلاحه سال الحل الوحيد اللي غادي يدير هو أنه غادي يمشي لمايوركا. 26:00 Speaker None مايوركا بالضبط عنده واحد السيد مغربي كان تلاقى معه وقال له راه كاين واحد البولوني. 26:08 Speaker None عنده واحد المشروع كبير ديال الطوموبيلات. 26:13 Speaker None بحال اللي قلتي بغيتي شي بياسه روضه باربريز روتروفيزور أي حاجه عندها علاقه بالطوموبيل. 26:22 Speaker None عنده تبارك الله هكتارات ديال الطوموبيلات كلهم مفرشخين. 26:26 Speaker None هذا بغى باب هذا بغى كلاكسون. 26:29 Speaker None المهم إلا مشيتي عنده وقلت له أنا من طرفي راه يخدمك. 26:34 Speaker None وذاك الشيء اللي كان. 26:36 Speaker None شد الطريق نيشان لمايوركا شد واحد الطوبيس حطه في واحد الخلى وبدأ غادي على رجليه. 26:41 Speaker None غادي غادي غادي غادي واحد الوقيته تبعوه الكلاب. 26:45 Speaker None سول واحد السيد قال له باللي راه كاين واحد البلاصه فين كاينين الطوموبيلات راه كاينه تقريبا واحد 2 كيلومتر توصل لها. 26:51 Speaker None وبقى شاد الطريق. 26:52 Speaker None وصل عند ذاك السيد حلوا الكاراج مشاو هزوه بالطوموبيل. 26:56 Speaker None وهو يداوه للبيرو. 26:58 Speaker None دخل عند ذاك البولوني سلم عليه عطاه البادج دياله سنا الوراق دياله وقال له عندك 50 أورو في النهار. 27:04 Speaker None ولكن التمارة اللي غادي تضرب ديال بصح. 27:08 Speaker None أولا بدأ تيتعلم كيفاش يحيد البياس. 27:12 Speaker None كيمشي مع الدراري بالموطور لأنه الطريق كبيره. 27:16 Speaker None تيبقاو غاديين غاديين غاديين وتيقصدوا شي طوموبيل إلا بغاها شي كليان كيحيدوا لها شي حاجه وهو كيشوف بعينيه. 27:22 Speaker None بدأ تيتعلم. 27:23 Speaker None كيتعلم كيتعلم كيتعلم وفي نفس الوقت السيد البولوني عطاه واحد الدويره تمايا يسكن هو وواحد أربعة ديال الدراري. 27:30 Speaker None جوج برتغاليين جوج مغاربه وهو الخامس. 27:34 Speaker None بدأ ساكن معاهم كيضرب تماره كيجمع فليساته تيخبي. 27:39 Speaker None البركه اللي كيصيفطها للوالده راه كيصيفطها. 27:43 Speaker None والبركه اللي كيخليها للوراق راه كيخليها للوراق. 27:46 Speaker None حتى لواحد النهار سمير شد الصنعه. 27:50 Speaker None ولى كيمشي بوحده كيدير شكارته فيها الماكله دياله. 27:54 Speaker None وبعض المرات راه خصو ديمونطي موطور كبير وراه باش ديمونطي موطور كبير خصك تقريبا نص نهار. 28:00 Speaker None وإلا مشيتي في ذاك الخلى في البلاصه بوحدك باش تجي عاوتاني بالموطور خصك واحد ربع ساعه ولا ثلث ساعه ديال الطريق. 28:07 Speaker None شنو تيديروا الدراري؟ 28:09 Speaker None كيدوا الموطور ديالهم كيعمروا فيه الماكله وكيجلسوا يبقاو يتقاتلوا مع ديك الطوموبيل ويرجعوا. 28:13 Speaker None ذاك النهار في الصباح الشاف دياله كان قال له خصك تخرج لي واحد الباربريزات. 28:18 Speaker None واحد السيد راه بغاهم. 28:20 Speaker None وذاك الشيء اللي كان. 28:21 Speaker None بدأ تيخلق فيهم تييقادهم. 28:24 Speaker None جابهم له وعطاه واحد البروجي واحد آخر. 28:27 Speaker None قال له شوف ديمونطي لي واحد البيبان وفي نفس الوقت ما تقيسهمش. 28:31 Speaker None نوض الموطور هز الماكله دياله وبقى قاصد ديك الطريق. 28:35 Speaker None وقف قدام ديك الطوموبيل اللي غادي يمطي وبقى كيمطيها بشويه بشويه بشويه بشويه. 28:39 Speaker None حتى لواحد الوقيته عيا. 28:41 Speaker None قال شنو غادي ندير ندخل لشي طوموبيل لأن الشمس. 28:45 Speaker None ناكل فيها ونكمل الخدمه ديالي. 28:48 Speaker None ذاك الشيء اللي دار. 28:49 Speaker None دخل حيد الكاسكيطه دياله هو يرميها من اللور. 28:52 Speaker None وبدأ كياكل كياكل كياكل. 28:55 Speaker None حتى سال الماكله دياله مسح يديه. 28:58 Speaker None بغى يقلب على الكاسكيطه دياله من اللور ديال الطوموبيل باش يجبدها ما لقاهاش. 29:02 Speaker None هبط يديه ما لقاهاش هو يدور. 29:04 Speaker None مشى حل الباب خش يديه باش يجبد الكاسكيطه وهو يقيس شي حاجه. 29:09 Speaker None هبط راسه وخشى راسه وهو يلقى سامسونات مخشيه تحت الكراسه. 29:13 Speaker None جبد الكاسكيطه دياله دارها في راسه. 29:16 Speaker None جبد ديك السامسونات ويدير ديك الطق حلها. 29:19 Speaker None وما يبانوا له الأورويات. 29:21 Speaker None سدها وعاود خشها بلاصتها. 29:23 Speaker None بدأ خدام وكيقول ياك ما فلوس الباطرون هذو؟ 29:26 Speaker None ولكن الباطرون ما عمره ما جا لهنايا. 29:30 Speaker None ياك ما فلوس الدراري؟ 29:32 Speaker None الدراري. 29:33 Speaker None بحالي بحالهم. 29:35 Speaker None ذاك البرتغالي ما لاباس عليه. 29:38 Speaker None الآخر خوه حتى هو ما عندوش الفلوس. 29:40 Speaker None المغاربه حتى هما ما عندوش الفلوس. 29:42 Speaker None كيفاش الفلوس تخباو من هنايا؟ 29:43 Speaker None كيعاود يحل ذاك الباب ويجبد ديك السامسونات ويعاود يطرطقها ويحلها ويلقى الأورويات ويزدحها. 29:48 Speaker None ويبقى تيشوف مع راسه. 29:50 Speaker None تيقول كيفاش هذه الفلوس وديال من؟ 29:52 Speaker None قال شنو غادي ندير غادي نخلي الفلوس حتى لغدا ونرجع لهم. 29:56 Speaker None وغادي نجيب معايا صاك كبير على أساس أنني ندير فيه الماكله. 30:00 Speaker None ونعمر فيه ذاك الشيء ومن تما ما غنبانش. 30:02 Speaker None ذاك الشيء اللي كان. 30:03 Speaker None الليل كامل هو كيتقلب على الفلوس. 30:06 Speaker None ومره مره كيخرج راسه من الشرجم وكايشوف من ديك الجهه فين كاينه الطوموبيل. 30:11 Speaker None على أساس أنه تقدر تكون شي عصابه. 30:15 Speaker None تقدر تكون ديال الباطرون بصح. 30:17 Speaker None المهم كيطل كيعاود يرجع ينعس. 30:20 Speaker None يطل مدة ديال ربع ساعه هو كيطل عاوتاني ينعس ربع ساعه ويطل حتى ل 6 الصباح. 30:25 Speaker None ضربت 7 ونص قاد الفطور هبط هو الأولاني. 30:29 Speaker None هبط معه الشكاره فيها خبزه عامره بمطيشه والطون على أساس أنه غادي ياكلها من غيديبلاصه. 30:34 Speaker None قال له الباطرون راه عندك واحد أربعة الرويض والديريكسيون ديالهم خصك تمونطيهم. 30:37 Speaker None وقال له راه ها فين كاينه فين كاينه. 30:39 Speaker None نوض الموطور أول حاجه غادي يدير. 30:42 Speaker None غيقصد ديك الطوموبيل. 30:44 Speaker None غايحلها غيطرطق السامسونات. 30:47 Speaker None غايحل ديك السامسونات اللي هي كبيره ويبقى يكمش في الفلوس ويرميهم في الصاك. 30:52 Speaker None يكمش ويرمي يكمش ويرمي يكمش ويرمي. 30:56 Speaker None تقريبا عرف باللي أن المعدل ديال ذاك الفلوس واحد مليون ديال الدولار. 31:00 Speaker None قادها في الصاك دياله زيرها مزيان. 31:04 Speaker None وقال مع راسه غادي ندير واحد الحاجه. 31:07 Speaker None غنحاول أنني نقول للباطرون باللي راه نسيت الدوا في البيت فين كنعس. 31:13 Speaker None وغايخليني نمشي نحط الصاك ونعاود نرجع. 31:15 Speaker None ذاك الشيء اللي كان. 31:16 Speaker None حط الموطور دياله قال له الباطرون ما تمشيش ذاك الشيء. 31:20 Speaker None قال له لا راه نسيت الدوا ديالي ما شربتوش أنا غنطلع نشرب ونرجع. 31:24 Speaker None ذاك الشيء اللي كان. 31:25 Speaker None طلع لذاك البيت دياله حله. 31:28 Speaker None شاف فيه واحد السيد قال له مالك؟ 31:30 Speaker None قال له لا والو والو. 31:31 Speaker None راه نسيت الدوا. 31:33 Speaker None دخل ذاك الصاك دياله سد ذاك البيت دياله وبقى جالس. 31:37 Speaker None كيشوف ذاك البرتغالي واش ناض ولا ما ناضش. 31:41 Speaker None لقاه باللي حتى هو كييقاد الفطور. 31:43 Speaker None هبطوا بثلاثه بهم وهو هبط معاهم. 31:46 Speaker None حتى لواحد الوقيته بقى خدام وكييفكر شنو غادي يدير بذاك الفلوس. 31:50 Speaker None كيفاش غادي يهرب بهم؟ 31:53 Speaker None واش ذوك الفلوس فيهم المشاكل؟ 31:54 Speaker None وبدأ خدام مع راسه. 31:56 Speaker None مدة ديال سيمانه وهو خدام. 32:00 Speaker None وكيقول مع راسه غنقول للباطرون. 32:03 Speaker None باللي بغيت نشد واحد أربع أيام لأنني بغيت نمشي نزور المحكمه. 32:07 Speaker None وراه غادي ندفع للوراق. 32:09 Speaker None قال له الباطرون صافي ماشي مشكل سير. 32:11 Speaker None هبط للجنوب ديال إسبانيا وبدأ تيقلب على الحراكه اللي عاودوا يردوه للمغرب. 32:16 Speaker None ولقى واحد الدراري خلصهم بواحد الثمن اللي هو خيالي اللي هو 10 مليون. 32:21 Speaker None لأنه لقى في الصاك 900 ألف أورو اللي ما يعادل واحد 900 مليون مغربيه. 32:27 Speaker None دار الصويك دياله بدأ تيركل أموره. 32:30 Speaker None عطى لذوك الناس 10 مليون جا السيد وقف عليه باليخت. 32:34 Speaker None هزه حطه في الناضور ومن الناضور شد كار. 32:38 Speaker None ومن الكار مشى نيشان عند أمه. 32:42 Speaker None أمه شافته تصدمت. 32:43 Speaker None بدأت كتقمش في راسها. 32:45 Speaker None كتقول لها ولدي مالك؟ 32:47 Speaker None أش داك ربي يسهل عليك؟ 32:49 Speaker None قال لها الوالده الله يرحم لك الوالدين. 32:51 Speaker None قالت له أش راه يرحم لي الوالدين واش جيتي للفقر عاوتاني؟ 32:55 Speaker None أش داك ترجع لإسبانيا بلا وراق وهذه؟ 32:58 Speaker None بدأ تيقول لها راني رجعت وأنا وأنا وأنا وأنا. 33:02 Speaker None تيقول لها خليني نشرح لك. 33:04 Speaker None كتقول له ما تشرح لي ما والو. 33:06 Speaker None ها هو الفقر. 33:07 Speaker None ها أنا وليت كنبيع المعدنوس. 33:09 Speaker None ومره مره كندير وأنت كتصيفط لي ديك 1200 كناكل بها وكندير الصبر بها. 33:13 Speaker None أولدي أش داك لهذا الشيء؟ 33:15 Speaker None تيقول لها الوالده غا صبري. 33:18 Speaker None إن شاء الله راه الأمور غتيسر غا صبري. 33:20 Speaker None المهم كالماها ذاك الليله. 33:22 Speaker None فاق قال لراسه الحل الوحيد هي أنني نصرف شي بركه الفلوس. 33:26 Speaker None هز واحد 10 آلاف أورو مشى صرفها وعطى للوالده دياله واحد البركه. 33:31 Speaker None قال لها شوفي صرفي من هذا الشيء وهذيك البراكه إن شاء الله غادي نخرجوا منها. 33:35 Speaker None وغادي نمشيو نكريو شي دار وحده أخرى. 33:37 Speaker None ذاك الشيء اللي كان. 33:38 Speaker None ضربت سيمانه هز الكرا في واحد الدويره لاباس بها. 33:41 Speaker None وفي نفس الوقت شنو تيقول مع راسه؟ 33:43 Speaker None تيقول أن هذه الفلوس هذو عطاوهم لي ربي باش نستثمرهم ماشي نقولهم لأمي. 33:48 Speaker None وأمي تقدر تقولها لشي واحد ونولي داخل في الصداع. 33:51 Speaker None اللهم الحل الوحيد هو أنفيستي في هذه الفلوس. 33:55 Speaker None بدأ تيفكر في الدومين دياله. 33:58 Speaker None اللي هو الخضره. 34:00 Speaker None وذاك الشيء اللي كان. 34:01 Speaker None بدأ تيمشي كيقلب على كيفاش يدير واحد الفريكو كبير. 34:06 Speaker None وحتى هو يدخل لهذا العالم ديال البيع والشراء ديال الخضره. 34:09 Speaker None مشى سول لقى ذاك الشيء غالي بزاف. 34:11 Speaker None هو مسلكوش. 34:12 Speaker None شنو ولا تيدير؟ 34:15 Speaker None كيدير الوساطه في الخضره. 34:17 Speaker None كياخذ من عندك مثلا الأرض ديالك فيها واحد القطار ديال البطاطا كيدخل عليها في التيران. 34:23 Speaker None هو اللي كينقيها هو اللي كييقادها. 34:26 Speaker None وفي نفس الوقت كيهزها وكيمشي يبيعها. 34:29 Speaker None ذاك الشيء اللي كان. 34:30 Speaker None بدأ تيشري القطارات ديال البطاطا مثلا العنب الخوخ التفاح. 34:36 Speaker None كيدخل عليه وكيدخله للسوق. 34:38 Speaker None قال الحل الوحيد باش نوصل لهذا النيفو خصني ضروري نقلب على شي واحد اللي يعاوني. 34:42 Speaker None في الأول شرى كاميو عادي. 34:45 Speaker None جاب واحد الشيفور وبداو كيديبلاصاو. 34:48 Speaker None والفلوس دياله تقريبا مازال هي هي. 34:51 Speaker None كيانفيستي شويه عاوتاني كيرجع. 34:53 Speaker None شرى كاميو كبير وبدأ كيمشي عند الفيرمات الكبار. 34:57 Speaker None كياخذ مطيشه كياخذ البصله كيمشي كيهز ولا كيتعامل مع شركات كبار. 35:03 Speaker None ولا كيتعامل مع شركات ديال التصدير. 35:06 Speaker None المهم ولا كيحس براسه باللي أنه هذه هي البداية باش يقلع في المشروع دياله والحلم دياله. 35:12 Speaker None مشى شرى 10 ديال القطارات في واحد النواحي في واحد المدينة. 35:16 Speaker None وبدأ الفلاحه دياله. 35:18 Speaker None أول بروجي دياله هو مطيشه. 35:23 Speaker None قلب على واحد السيد هو اللي كيدير لي كونفونسيون مع الشركات في أوروبا. 35:30 Speaker None وعطاه واحد الباي دياله ولا 50% كيصيفطها لأوروبا. 35:35 Speaker None و 40% كيبيع في البلاد و 10% كيهبطها لأفريقيا موريتانيا. 35:39 Speaker None بدأ على هذا الحال سمير وبداو الفلوس دياله تبارك الله كيدخلوا. 35:43 Speaker None هز الوالده دياله ومشى هو وياها للحج. 35:47 Speaker None وقال لها شوفي الوالده إن فوا غادي نجيو من الحج راه ضروري خصني نتزوج. 35:52 Speaker None بدأت أمه كتقلب له. 35:55 Speaker None لقى واحد البنيه ومن جلس معها قال لها شوفي يا بنت الناس أنا راه ما عندي والو. 36:00 Speaker None عندي دويره كاريه و غتسكنني معنا وإن شاء الله ما يكون غير الخير. 36:04 Speaker None أنا راه كنبيع ونشري في الخضره. 36:07 Speaker None ما قال لهاش باللي راه عندي الفلوس وأنا لاباس عليا. 36:10 Speaker None وعندي رموك كبير وكنصدر وكندير لا. 36:13 Speaker None بغى يعرف العقليه ديالها كيفاش كتفكر. 36:16 Speaker None قالت له شوف يا ولد الناس أنا ناكل معك الخبز وأتاي. 36:20 Speaker None وأي حاجه درتيها أنا معك فيها. 36:23 Speaker None سكنت معاهم في الدار. 36:26 Speaker None العيالات ملهيين الأم دياله ومرته ملهيين مع الدار. 36:32 Speaker None وبشويه بشويه المراه بدأت كتعرفه. 36:36 Speaker None كتعرفوا باللي أنه الكاميو عنده كبير وعنده رموك والسيد عنده قطارات ديال الخدمه. 36:42 Speaker None وعنده دار وعنده وعنده وعنده وعنده. 36:46 Speaker None هزهم وداهم للفيرمه دياله. 36:50 Speaker None وسكنهم في ديك الدار. 36:53 Speaker None ولاو عايشين بحال الملوك كيغرسوا وكياكلوا. 36:57 Speaker None وفي نفس الوقت عندهم الخدامه وعندهم بزاف ديال الناس خدامين عليهم. 37:02 Speaker None بدأ سمير تيتقاتل مع الفيرمات. 37:06 Speaker None يشري فيرمه يبيع فيرمه والتخصص دياله هي مطيشه. 37:09 Speaker None حتى لواحد النهار أمه مع الجوج الليل جالسه في البيت. 37:13 Speaker None وكتقول له أويلي بغيت نهضر معك. 37:15 Speaker None جا عندها سمير دخل عندها للبيت. 37:17 Speaker None قالت له شوفي ولدي. 37:18 Speaker None أنا هذه الحقيقه بغيت نقولها. 37:21 Speaker None قالت له أولدي راني درت واحد الذنب اللي هو خايب. 37:25 Speaker None وصراحه ولدي كتوقف عليا بالليل وكتقول لي فين هو با؟ 37:30 Speaker None وصراحه أنا خصني نقول لك الحقيقه. 37:33 Speaker None واللي بغى يوقع يوقع. 37:35 Speaker None اللي عليا كبرتك. 37:37 Speaker None أنا ولدي ها شنو وقع لي وها شنو وقع لي وها شنو وقع لي. 37:42 Speaker None كنت صغيره وجابوني لواحد الفيلا. 37:44 Speaker None ديال واحد السيد اللي كان لاباس عليه. 37:47 Speaker None وهذاك السيد اللي هو الحلو كان عنده واحد الولد سميته أسامة. 37:52 Speaker None وأنا كنت طامعه فيه لأنه كان لاباس عليه. 37:56 Speaker None وكنت صغيره وكنت كنقول مع راسي غادي ندير الفلوس. 38:00 Speaker None وغادي نتزوج به. 38:02 Speaker None وغلطت معه. 38:04 Speaker None وراه ذاك هو باك. 38:05 Speaker None ماشي ذاك السيد اللي صيفط لك ليه. 38:07 Speaker None لأنه هذاك السيد بالضبط الحلو الحاج هو اللي كان واقف على الزواج ديالنا. 38:12 Speaker None هو اللي كان ساتر الأمور كيف هي. 38:16 Speaker None قال لها دابا الوالده شنو غادي ندير؟ 38:18 Speaker None قالت له شوف سير قلب على باك. 38:21 Speaker None سير قولها له. 38:22 Speaker None المهم أنا اللي عليا راني قلتها لك. 38:24 Speaker None بدأ شاد في راسه وكيبكي. 38:26 Speaker None قال لها شوفي الوالده ما عندي ما ندير ببا. 38:28 Speaker None كون كان با فيه الخير كون جا عندي وأنا صغير. 38:31 Speaker None والفلوس اللي كتقولي لي عنده وعنده وعنده وأنا عندي حتى أنا مال الدنيا. 38:36 Speaker None والحمد لله عايش مالك. 38:38 Speaker None وعندي فيرمه وعندي فيلا في وسط الفيرمه. 38:42 Speaker None والخدمه ديالي خدامه. 38:45 Speaker None علاش أنا غنمشي نحاشيها له؟ 38:47 Speaker None كون كان باغي يكون جا هو يقلب عليا. 38:50 Speaker None دازت الأمور وتكالما النفوس. 38:52 Speaker None وبدأ خدام. 38:53 Speaker None كيبيع ويشري كيبيع ويشري وكيتصل بالسمساره واش كاين شي فيرمه؟ 38:58 Speaker None واش كاين شي حاجه؟ 39:02 Speaker None واش كاين شي حاجه؟ 39:04 Speaker None والأمور خدامه الحمد لله. 39:06 Speaker None حتى لواحد النهار غيصوني عليه واحد السمسار. 39:09 Speaker None صديق دياله. 39:10 Speaker None غايقول له كاينه واحد الفيرمه في بوزنيقة فيها الماندارين. 39:15 Speaker None اللي هو ذاك الليمون الصغير. 39:18 Speaker None وتبارك الله يمكن لك دير فيها العنب ويمكن لك دير فيها حتى مطيشه. 39:22 Speaker None قال له المهم أنا الحاجه الوحيده اللي كتهمني هي مطيشه. 39:25 Speaker None مشى شاف الأرض عجباته. 39:28 Speaker None وقال له باللي السيد غنتصل به راه ساكن في كازا وغادي يجي. 39:32 Speaker None المهم جالس هو وذاك السمسار في بوزنيقة كيسينوا ذاك السيد. 39:36 Speaker None وهي توقف واحد المرسيدس كبيره وقفت قدام القهوه. 39:40 Speaker None وهو يدخل. 39:41 Speaker None السلام عليكم السي أسامة الحلو لاباس عليك؟ 39:44 Speaker None كيسمع أسامة الحلو. 39:46 Speaker None سمير تيقول مع راسه ياك ما هذا هو با؟ 39:50 Speaker None ماشي سوقي. 39:51 Speaker None محال واش يكون با. 39:53 Speaker None وأصلا با ما عرفتش ما عرفتش المهم الدنيا راه فيها بزاف ديال الحلو. 39:58 Speaker None وفيها بزاف ديال أسامة. 40:00 Speaker None بدأ كيضحك معه لاباس بخير كي داير؟ 40:03 Speaker None وبدأ كيعاود له ليستوار. 40:05 Speaker None قال له باللي أنا الفيرمه ما بقيتش كنجي لها بزاف. 40:09 Speaker None أنا بغيت نبيعها. 40:11 Speaker None قال له شحال؟ 40:13 Speaker None قال له غنبيعها ب 150 مليون. 40:15 Speaker None قال له المهم طيح شويه. 40:18 Speaker None بداو كيتفاوضوا حتى طيح الثمن وتوكلوا على الله. 40:21 Speaker None هذه القضيه ديال الحلو أسامة بقات له في عقله. 40:25 Speaker None الحلو أسامة كيبان راجل كبير قده قد الوالده. 40:30 Speaker None ونفس الأوصاف اللي قالت لي الوالده هي اللي فيه. 40:35 Speaker None ونفس المقوله اللي قال لي باللي راه ساكن في واحد المنطقه في كازا. 40:40 Speaker None كيطرح واحد الأسئله وكيحرقوا في راسه. 40:42 Speaker None مشى عند أمه وقال لها. 40:44 Speaker None قال لها شوفي ذاك السيد اللي قلتي لي عليه راه يمكن هو اللي باع لي الأرض. 40:48 Speaker None قالت له أصلا عندهم واحد الأرض في بوزنيقة كبيره فيرمه. 40:53 Speaker None كانت كتمشي فيها الحاجه الله يرحمها وكان تيمشي فيها الحاج. 40:57 Speaker None وكان مره مره كيديونا لها. 41:00 Speaker None هو يهزها بالطوموبيل وداها. 41:02 Speaker None قالت له هي هذه الفيرمه. 41:04 Speaker None هذا اللي باع لك هو باك. 41:06 Speaker None مشى هشام غوت للسمسار قال له أعطيني النمره ديال ذاك السيد. 41:10 Speaker None اتصل به قال له شوف راه بغيت ندير معك واحد القهوه باش نهضروا أنا وياك. 41:14 Speaker None قال له صافي. 41:15 Speaker None تلاقى هو وياها في كازا جلسوا في واحد القهوه. 41:19 Speaker None قال له واش تعقل على خديجة؟ 41:21 Speaker None قال له خديجة؟ 41:22 Speaker None شكون هذه خديجة؟ 41:23 Speaker None قال له خديجة واحد خديجة كانت خدامه في الثمانينات كانت عندكم خدامه. 41:28 Speaker None غير سمع ديك الثمانينات. 41:30 Speaker None جات عندكم خدامه ويرجع للور. 41:32 Speaker None قال له أه كنعرفها. 41:34 Speaker None كانت خدامه عندنا. 41:36 Speaker None قال له تعديتي عليها. 41:37 Speaker None قال له لاش تعديتي عليها؟ 41:38 Speaker None قال له تعديتي عليها حكرتيها و ديتي لها الشرف ديالها واستغليتي الضعف الفقر ديالها. 41:44 Speaker None قال له دابا أش دانا لهذا الشيء؟ 41:45 Speaker None قال له أنا اللي كنهضر معك ولدها. 41:47 Speaker None إن فوا قال له ولدها بدأ تيشوف فيه وهي تهبط واحد الدمعه لأسامة. 41:52 Speaker None بدأ تيشوف فيه. 41:54 Speaker None تيقول له ولدها واش ولدها زعما مني؟ 41:57 Speaker None قال له أه. 41:58 Speaker None أنت اللي حملتيها وما قدرتيش تكون راجل. 42:02 Speaker None قال له شوف راه با ذاك النهار ربطني. 42:05 Speaker None وبغى يقتلني وقال لي وقال لي وقال لي وقال لي. 42:10 Speaker None وأنا ديك الوقيته بغيت نقلب عليها ولكن كنت صغير. 42:14 Speaker None وأصلا كان الوالد داني لكندا نمشي نقرا. 42:17 Speaker None وفي نفس العام رجعت وقلبت عليها وما لقيتهاش. 42:21 Speaker None وفي نفس الوقت سولت لالة ماما ومشيت معها حتى لتازه. 42:25 Speaker None وقالوا لي خوالها باللي أنها راه تزوجت. 42:28 Speaker None وأنا نرجع للور. 42:29 Speaker None ما بغيتش نجيب لها الصداع. 42:32 Speaker None بغيت نتحمل المسؤوليه ديالي. 42:35 Speaker None لكن أولدي راه أنا أصلا كنت ديك الوقيته الحاج هو اللي كيصرف عليا هو اللي كيوكلني. 42:40 Speaker None بدأ تيشوف فيه. 42:42 Speaker None قال له شوف إلا بغيتي نديروا لا دي إن نمشيو نديروها. 42:46 Speaker None وإلا ثبتي أولدي باللي أنك راه الولد ديالي أقسم بالله العلي العظيم حتى نديرك أنت هو الرابع من ولادي. 42:53 Speaker None عندك ثلاثه ديال خوتك وأنت هو الرابع. 42:56 Speaker None ولكن خصنا نديروا لا دي إن. 42:58 Speaker None قال له سمير شوف ما نديروا لا دي إن. 43:00 Speaker None ما نديروا والو المهم أنا درت معك صلة الرحم. 43:04 Speaker None سير الله يسخر لك أنت وولادك والله يسهل عليك. 43:07 Speaker None قال له لا. 43:08 Speaker None قال له ضروري. 43:09 Speaker None لأنني أنا غلطت وضروري أن الوالده ديالك نجلس معها ونهضر معها. 43:13 Speaker None وهذا الشيء في خبار المدام ديالي. 43:15 Speaker None أنا نهار تزوجت بالمدام ديالي من تلاقينا في كندا عاودت لها على الخطأ اللي درت في حياتي. 43:20 Speaker None بمعنى أنا راني صافي مع سيدي ربي. 43:22 Speaker None المهم. 43:23 Speaker None مشى جاب الأم دياله سمير تلاقاو وجلسوا. 43:27 Speaker None وبدأت كتبكي وقالت له درتي ودرتي ودرتي. 43:30 Speaker None ولكن أنا السبب. 43:32 Speaker None أنا اللي دخلت عندك وأنا اللي نتحمل المسؤوليه. 43:36 Speaker None بدأ قال لها لا حنا بجوج. 43:39 Speaker None وربي راه كيسمح وحنا راه غلطنا والله غفور رحيم. 43:43 Speaker None وبداو المشاعر كيتخلطوا. 43:46 Speaker None جات المرحله ديال لا دي إن ودفعوا لواحد المختبر في فرنسا. 43:50 Speaker None جاتهم باللي أن 99% باللي أنه الأب ديال سمير. 43:56 Speaker None سمير في ديك المرحله. 43:58 Speaker None تيدير صلة الرحم مع باه وما طامعش فيه. 44:02 Speaker None وإلا كانت شي حاجه كيتعاونوا هو وياه. 44:05 Speaker None رغم أن سمير ما طامعش فيهم بفلوسه وبعزه وبالمراه دياله وبولاده والأمور الحمد لله ميسر له. 44:12 Speaker None الحلقه ديال اليوم تقادت. 44:15 Speaker None وكيف كتشوفوا سمير كان عانا. 44:19 Speaker None وربي رزقه بواحد الرزق اللي غير هو وربي اللي شافه. 44:24 Speaker None لكن السؤال لكم أنتم أولا واش عجبتكم الحلقه؟ 44:28 Speaker None إلا عجبتكم الحلقه كتبوها في لي كومونتير. 44:31 Speaker None ثاني حاجه واش أنتم كتحسوا براسكم باللي أنكم مرزاقين؟ 44:35 Speaker None وربي كيعاونكم. 44:37 Speaker None وما تنساوش بعدا أولا نسيت ما قلتها لكمش. 44:40 Speaker None الرزق راه ما كينطابقش غير على الفلوس. 44:44 Speaker None راه كينطابق على الوليدات. 44:47 Speaker None على الصحه. 44:48 Speaker None على النفسيه ديالك. 44:51 Speaker None أنت إلا كانت غير النفسيه ديالك مرتاحه راه ذاك رزق. 44:54 Speaker None إلا كان غير عندك ولدك كيضحك معك وكتجلس معه في القهوه وكتتمشي أنت وياه للجامع. 45:00 Speaker None وكتضحكوا وكتنشطوا وفرحانين ولا الزوجه صالحه. 45:04 Speaker None كدخل للدار كتلقاها ناشطه وكتضحك معك وكتتهضروا كتلقى الماكله. 45:09 Speaker None الدار نقيه. 45:11 Speaker None وليدك نقي. 45:13 Speaker None هذاك راه رزق. 45:14 Speaker None دونك ما تحاولوش أنكم تسمعوا أن الرزق عنده علاقه بالفلوس. 45:20 Speaker None لا. 45:21 Speaker None بيان سور عنده علاقه بالفلوس ولكن راه عنده علاقه بالوليدات. 45:25 Speaker None بالصحه. 45:26 Speaker None بالنفسيه. 45:27 Speaker None وبزاف ديال الحاجات. 45:29 Speaker None نتمنى إلا عجبتكم الحلقه ديروا لايك. 45:32 Speaker None وإلا ما عجبتكمش ديروا لايك. 45:35 Speaker None تهلاو في راسكم. Topics: سمير مليون دولار حكاية مغربية الطموح الفقر الحياة في المغرب العائلة العمل التحديات الاجتماعية قصص واقعية ذاكر هذا الفيديو - [بطاقات تعليمية من هذا الفيديو](https://sozai.app/ar/tools/ai-flashcard-generator/?from=transcript&id=11505) - [اختبار عن هذا الفيديو](https://sozai.app/ar/tools/quiz-generator/?from=transcript&id=11505) مجاني، يصنعه الذكاء الاصطناعي من هذا النص المفرَّغ. دون تسجيل. --- This is the markdown twin of https://sozai.app/transcript/samir-moroccan-hustle-1000000-dollars-story/ — the same content, without the markup. Published by SozAI (https://sozai.app). Reuse and quotation are allowed with attribution and a link back. Machine-readable index: https://sozai.app/llms.txt · data API: https://sozai.app/api/