**طريقه صنع كريم البروتين للشعر | التغذية، الفرد، ومعالجة مشاكل الهيشان وتساقط الشعر — Transcript & Summary | SozAI**
Source: https://sozai.app/transcript/protein-hair-cream-nutrition-smoothing-hair-loss/

طريقة صنع كريم البروتين الطبيعي لفرد الشعر ومعالجة مشاكل التقصف، التساقط، والهيشان بمواد آمنة وفعالة.

## Key Takeaways

- الكريم مصنوع من بروتين طبيعي زيرو فورمالين آمن على الشعر.
- الترطيب الجيد ضروري ويعتمد على شمع البي تي إم إس وزيوت طبيعية.
- الخلط الصحيح مع التحكم في درجة الحرارة ضروري للحصول على قوام مناسب.
- استخدام البيبي ليس يعزز امتصاص البروتين داخل الشعر.
- يجب تطبيق الكريم على شعر نظيف وخالي من الزيوت وتركه لمدة ساعة لتحقيق أفضل النتائج.

## What the video covers

- شرح مفصل لطريقة تحضير كريم فرد الشعر بالبروتين الطبيعي بدون فورمالين.
- استخدام مكونات طبيعية ومرطبة مثل شمع البي تي إم إس، زيت اللوز الحلو، وزيت جوز الهند.
- توضيح خطوات إذابة الشموع وخلط المكونات بطريقة صحيحة مع التحكم بدرجة الحرارة.
- أهمية إضافة مكونات مثل المونو بروبلين جليكول والإيزوبروفيل مريستات لزيادة امتصاص البروتين.
- كيفية استخدام الكريم على شعر نظيف وخالي من الزيوت والكريمات مع تركه لمدة ساعة.
- شرح استخدام البيبي ليس لتحسين امتصاص البروتين داخل الشعيرات.
- تحديد قيمة الرقم الهيدروجيني المثالية للكريم بين 4.7 و5.
- إضافة مواد حافظة وعطرية اختيارية لضمان جودة الكريم وثباته.
- نتائج فعالة في معالجة مشاكل الشعر مثل الهيشان، التساقط، والتقصف مع فرد الشعر.
- نصائح للصالونات والمحترفين لاستخدام الكريم بطريقة البيبي ليس لفرد الشعر.

## Chapters

1. 00:00 مقدمة وتعريف كريم البروتين الطبيعي
2. 00:39 مكونات الكريم الأساسية وطرق التحضير
3. 01:25 خلط المكونات وإذابة الشموع
4. 02:05 تشكيل قوام الكريم وأهمية التبريد
5. 02:44 إضافة المرطبات والزيوت لتحسين الفاعلية
6. 03:32 كيفية استخدام الكريم على الشعر
7. 04:36 استخدام البيبي ليس لامتصاص البروتين
8. 05:27 ضبط الرقم الهيدروجيني وقوام الكريم النهائي
9. 06:10 إضافة المواد الحافظة والعطرية
10. 07:54 نصائح ختامية وطريقة الاستخدام المثلى

Answers

## Questions about this video

هل يحتوي كريم البروتين على الفورمالين؟

الكريم يحتوي على بروتين طبيعي زيرو فورمالين، مما يجعله آمناً تماماً على الشعر ولا يسبب أضراراً.

كيف يمكن استخدام البيبي ليس مع كريم البروتين؟

يستخدم البيبي ليس فقط لتحفيز امتصاص البروتين داخل الشعيرات، مما يساعد على تغذية الشعر وفرده بشكل أفضل.

ما هي مدة ترك الكريم على الشعر قبل غسله؟

يتم وضع الكريم على شعر نظيف وخالي من الزيوت والكريمات، ويترك لمدة ساعة كاملة قبل غسله للحصول على أفضل النتائج.

## Full Transcript — Download SRT & Markdown

00:00

Speaker A

وهنعمل مع بعض كريم فرد الشعر بالبروتين الطبيعي، بروتين زيرو فورمالين بيفرد الشعر تمامًا وينعمه ويعالج جميع مشاكل الشعر من تقصف وسقوط وهيشان. كريم رائع بقوامه، زي ما أنتم شايفين كده، وإضافاته روعة روعة. ويلا نشوف هنعمل الكريم ده مع بعض إزاي.

00:22

Speaker A

السلام عليكم ورحمة الله وبركاته، اللهم صل وسلم وبارك على سيدنا محمد، والحمد لله حمداً كثيراً مباركاً فيه. معي من الماء المقطر الساخن 839 جرام، نزلت عليه واحد جرام من الإيديتا. والإيديتا هنا وظيفتها تنقي الشوائب والأملاح من الماء.

00:39

Speaker A

وبتحسن من فاعلية الخامات اللي هنضيفها بعد كده. هنزل وراها على طول بـ 60 جرام من شمع البي تي إم إس 80، شمع عائلة ترطيب جداً. أنا بحبه لأنه شمع عالي الترطيب جداً، ممتاز. نزلت وراه بـ 40 جرام من لانت 16، وكمان معاه 20 جرام من إيمانجين بي تو، و20 جرام من شمع النحل، وعشرة جرام من زيت اللوز الحلو أو زيت دوار الشمس، أي زيت خفيف موجود عندك متاح. أخدهم على حمام مائي تذوب الشموع، ونرجع تاني.

01:06

Speaker A

دابت الشموع معي تمامًا، وزي ما أنتم شايفين كده الخليط سخن جداً. بعد ما دابت الشموع تمام، نزلته من على النار وأضفت عشرة جرام من ماء البلسم بعد ما نزلته من على النار وخلاص. تمام، نزلت بعشرة جرام من ماء البلسم، بيحسن قوي بينعم الشعر وكمان بيفك تشابك الشعر.

01:25

Speaker A

وبيساعد معانا قوي في الكريم ده. هضرب بقى بالهاند بلندر وأضرب شوية وأريح شوية. خدوا بالكم يا بنات، شمع البي تي إم إس روعة في الترطيب وحلو جداً في الكريم ده، بس هياخد معك وقت. هيبان قوامه إمتى؟ هيبان قوامه لما يبرد تماماً تماماً يبرد تماماً.

01:45

Speaker A

هيبان معك القوام. هضرب شوية وبرضو أريح شوية. ما أضربش ورا بعض، أضرب شوية وأريح شوية. ونقلته هنا في البايركس عشان تنزل درجة الحرارة بسرعة، وهضرب برده شوية ونرجع تاني هنا. خد وقت معايا لحد ما بان ق لما برد تماماً تماماً.

02:05

Speaker A

برد تماماً ويبان معك القوام. ما تقلقيش لو خد معك وقت. أنت هتضربي شوية وتريحي شوية وتسيبيه يهدى شوية وترجعي تضربي تاني. ما تضربيش ورا بعض ورا بعضه، يعني تضربي شوية وتريحي شوية. هيبان معك القوام لما يبرد، يعني ما تقلقيش لو فضل.

02:24

Speaker A

همم شبه سائل معاكي، تضربي وتسيبيه يبرد تماماً. هيبان معك القوام. هنا بقى هنحط الإضافات بتاعتنا. معي أو ضفت 10 جم من المونو بروبلين جليكول، وهو مرطب هايل للشعر وخفيف كمان على الشعر. يعني أضفت حاجات خفيفة جداً على الشعر زي

02:44

Speaker A

المونو عشان يبان معي البروتين أكثر. كمان أضفت 10 جرام من زيت جوز الهند، 10 جرام فقط. جوز الهند برضو مرطب هايل ومغزل الشعر وبقلب كويس جداً. كمان هاضيف من الإي بي إم أو الإيزو بروفيل مريستات 10 جرام. ليه؟ أنا حبيت أضيف

03:05

Speaker A

الإيزوبروبيرمستات عشان يزيد من امتصاص الشعيرات للبروتين وتستفيد منه أكبر استفادة. وبقلب كويس جداً الإي بي إم. كمان هضيف 100 جرام من البروتين، 100 جرام من البروتين. وزي ما قلنا، البروتين ده زيرو فورمالين تماماً، تماماً على الشعر مغذي

03:32

Speaker A

وبيفرد الشعر وبيعالج جميع مشاكل الشعر. حلو جداً جداً، بروتين طبيعي. عايزة أقول لكم ده يستخدم ككريم عادي جداً، بيتحط ساعة على الشعر. طبعا هتغسلي شعرك بالشامبو ويكون خالي تماماً من أي زيوت، من أي كريمات الشعر، يتغسل تماماً وينضف تماماً. وبعد كده بتسيبيه

04:12

Speaker A

شوية، الشعر يعني ينشف شوية بس يبقى مندي برضو، وتدهني من الكريم وتبتدي بقى تسرحيه وتسيبيه ساعة على شعرك ساعة. وبعد كده بتشطفيه. بيديكي بقى المفعول الرائع اللي ما لهوش حل. كمان في بيستخدموه كفرد للشعر، فرد بقى اللي هو الفرد. الفرد بيستخدموه

04:36

Speaker A

البيبي ليس. البيبي ليس تستخدموه فقط؟ يعني في ناس بتتخض من البيبي ليس. البيبي ليس بتستخدم فقط عشان البروتين عايزينه يمتص أو ينطقط الشعيرات تمتص البروتين، فبيستخدموا البيبي ليس على الشعر لامتصاص الشعيرات للبروتين ويخش جواها ويتغلغل فيها ويمتصها تماماً. هنا بنقيس البي إتش معنا

05:01

Speaker A

على يعني أربعة زيرو فاصلة سبعة لحد خمسة. حلو جداً، يعني من أربعة زيرو فاصلة سبعة لحد خمسة حلو جداً. أنا هنا جاي معايا خمسة بالظبط، يعني جاي معي خمسة أو خمسة بالظبط، مضبوط جداً جداً ورائع. خدوا بالكم عشان الكاميرا بتغمق هي هنا

05:27

Speaker A

مغمقة عشان بس أوضح لكم الصورة أو الفيديو يبقى واضح معكم، لأن لما بفتح الفيديو، إييي ملامح الكريم ما بتبانش. هنا بقى الكريم بعد الإضافات الرائعة للكريم. شوفوا قوام الكريم ممتاز يا بنات، قوام الكريم رائع رائع رائع، ناعم ناعم. يعني لما ده شكله

05:50

Speaker A

مفعوله بقى هيبقى إيه؟ أكتر من رائع، أكتر من رائع. بروتين طبيعي لمعالجة مشاكل الشعر منها هيشان، السقوط، التقصف، فرد الشعر حرفياً. حلو جداً جداً. هنا بقى هضيف المادة الحافظة، خمسة جرام فينوكسي وبقلب كويس جداً. تقلبي الكريم كويس جداً

06:10

Speaker A

الدمج الكويس جداً عشان كل المكونات تندمج مع بعضها. بنات، أنا جربت الكريم ده بطريقة، أنا جربته بطريقة البيبي ليس، روعة روعة روعة بجد. نتيجة هايلة جداً، ممتاز ممتاز. ده للناس اللي بتشتغل في الصالونات وعايزين يستخدموه حاجة لفرد الشعر. والبروتين قلنا إنه بروتين طبيعي

06:38

Speaker A

ما يضرش الشعر أبداً لأنه زيرو فورمالين، ممتاز وآمن. ضفت خمسة جرام فينوكس واتنين جرام من البيكرول وقلبت كويس جداً. وهنا بقى ضفت من العطر، الخمسة جرام حسب الرغبة، يعني حسب الرغبة بس بما إنه كريم معالج، مش عارفة أنا ضفت 5 جرام من العطر.

07:07

Speaker A

حلو جداً، عطر تركيزه عالي. أنت لو حبيتي تضيفي ما فيش مشكلة، ما حبيتيش تضيفي برده ما فيش مشكلة. هو كريم معالج، معالج، لذلك بقول لك ده اختياري في العطر. بضرب ضربة أخيرة كده عشان أدمج المكونات كلها ببعضها. وكده بقى هعبي الكريم. وزي ما قلنا يستخدم

07:28

Speaker A

على شعر مغسول ونظيف تماماً تماماً، خالي من أي كريم، أي زيت، وتدهنيه ساعة على شعرك. وبعد الدهان، يعني تقعدي به ساعة واحدة. وبعد الدهان تغسليه وتشطفيه وتدعي لي دعوة حلوة. والسلام عليكم ورحمة الله وبركاته.

07:54

Speaker A

على شعر مغسول ونضيف تماما تماما خالي من اي كريم اي زيت وتدهنيه ساعه على شعرك وبعد الدهان يعني تقعدي به ساعه واحده وبعد الدهان تغسليه وتشطفيه وتدعي لي دعوه حلوه والسلام عليكم ورحمه الله وبركاته

Topics: كريم البروتين فرد الشعر بروتين طبيعي علاج تساقط الشعر علاج تقصف الشعر علاج هيشان الشعر شمع البي تي إم إس زيت جوز الهند البي إتش البيبي ليس


---
This is the markdown twin of https://sozai.app/transcript/protein-hair-cream-nutrition-smoothing-hair-loss/ — the same content, without the markup.
Published by SozAI (https://sozai.app). Reuse and quotation are allowed with attribution and a link back.
Machine-readable index: https://sozai.app/llms.txt · data API: https://sozai.app/api/